Tweet
أوعي تكوني بتنسيها؟؟!! .. طب ليه تحرمي نفسك الثواب ؟؟ ومش بس كدة الرزق والبركة كمان...أه والله
الحمد لله والصلاة والسلام على رسول الله,,,,,
فـــــيه حاجة يابنات مهمة أأوي
بس ساعات بننساها ... فبتضيع مننا خير كبير
وحسنات أكتر ... طب لــــيه ننساها ؟؟
طب ماإحنا ممكن ياحبايبي نخليها في بالنا علطووول
لأن بالحاجة دي حياتنا هتبقى أحلى إن شاء الله
ومش بس كدة
لأ كمااان هتبقى مليانة
:) بالرزق والبركة غير إحساس السعادة :)
الحاجة دي يابنات هي
:
:
:
:
:
النيــــــــــــــــة
أيوة النية ...
بننساها ساعات كتير فبتخلينا نضيع الثواب والأجر
يلا كلنا نجدد نيـــــــتنا ونخليها لمن؟؟
شاطرين
.. لله ..
عايزين كلنا نعلق شعارنا ...
لا مش نعلقه في مخـنــــــا وبس ... ولا في قلبنا وبـــس
لأ ... عايزين نجيب ورقة كبيرة ..
فاكرين زمان لما كانت عنينا بتتطلع في اللوح؟؟
اللي بتتعلق في الفصل ومش بنعمل بيها حاجة دي ^_*
هتعملي كدة ياحبيبتي
هاتي ورقة فرخ كبيرة اللون اللي تحبيه وإبعتي أخوكِ الصغير عند الخطاط
يكتب لك عليها بخط جميل كدة وواضح
{قُلْ إِنَّ صَلاتِي وَنُسُكِي وَمَحْيَايَ وَمَمَاتِي لِلَّهِ رَبِّ الْعَالَمِينَ}
(الأنعام:162)
وبروزيها وعليقها في غرفتك ...
ولو عندك إمكانيات تكتبيها على لوح زجاج
أي شئ اللي تحبيه ...
طب ليه نعلقها لازم يعني؟؟
أيوة لااااازم ياحبيبتي... عارفة ليه ...
علشان كل لما عينك تقع عليها تفتكري إن حياتك كلها دي لله
حياتك كلها بكل تفاصيلها الصغيرة وأحداثها الكبيرة ...
صــــلاتي لله
بصــوم لله
بتصدق لله
بحفظ كلام ربي لله
بعمل خير أي خير لله
بتجوز وأخلف وأربي جيل مسلم تقي يعلي راية الإسلام لله
بكتب كل كلمة ونيتي لله
حتى نصيحتي لصديقتي أو كلامي مع أهلي لله
واقفة في المطبخ أعد الطعام لله
بعيش كل يوم لله ..
بتمنى كل حرف بكتبه وكل كلمة تطلع مني تقع بالخير على من سمعها وتكون
لله
ياااااه أحلى حياة لما نعيشها
لله رب العالمين
مش منتظرة كلمة شكر من حد ...
أنا عايزة أنفع الناس وأسعدهم ومش عايزة شكر منهم أنا عايزة
آخد الثوااب
تعاآآآآآآلوا نجدد النيــــــة ...
ونرفع شعار
حياتنا كلها لله
يارب إجعل كل حرف وكلمة ونظرة وفعل وخطوة ...
خالية من الرياء ولوجهك خــــالصة
قولوا آآآمين
مش سامعة ... بصوت عااااالي
آآآآآآآآآآآمين يــــــــــارب
بحبكم في الله ...
تعليق