[عاجل] ممكن تضيفوني علي الفيس بوك الخاص بكم

[om Maaz]

السلام عليكم ورحمة الله وبركاته ::~

قصة من وحى الخيال تبدأ من هذه الغرفة التى تجلس فيها صاحبة حكايتنا

طلب صداقة ياترى من مين

ايه ده من ولد يووه طيب اضيفه ولا لأ

النفس الطيبة : بلاش تضيفه ولا متخذات اخدان

النفس الشريرة : اخص عليكى وتحرجيه

اضيفه وخلاص يعنى هيعمل ايه انا مش هكلمه اصلاً

انا مش بحب احرج حد

وبعد الإضافة : مرة كانت فاتحة صاحبتنا الشات وهو كان قاعد اكيد استغل الفرصة وهوبا :D نط بالبرشوت عليها

هاى

هى : ايه هاى دى ارد وخلاص

هى: أهلاً

هو : انا مش هقولك الحوارات بتاعت منكن اتعرف والكلام ده بس انتى واضح انك انسانه محترمة اووى وغير بقية البنات فى الفيس بوك

كل الحاجات اللى بتحطيها دينيه وحقيقى انتى بتأثرى فيا كتير بس محتاج منك طلب

هى: ياه انا عملت كل ده ده شكله انسان محترم اوى وبعدين انا بعمل خير لازم ارد عليه عشان يكمل الخير

: اتفضل اطلب

هو : انا محتاج منك تتابعينى فى الالتزام وتشجعيني منكن

هى : ممممم ازاى اتابعه يعنى

النفس الشريرة: تابعيه انتى ايه مش عايزة تخدى اى نوع من الثوابات احفظوا مع بعض قراءن وذكروا بعض بالصلاة والاذكار

يسلام على الصحبة الصالحة والله اعلم يمكن الموضوع يقلب ويبقى الزوج الصالح وتعيشى حياة دينية سعيدة

وتعيشي فى تبات ونبات وتخلفى صبيان وبنات

هى : بعد معاركة كبيرة مع نفسها الطيبة والشريرة

اخيراً وافقت وقالتله ماشي

ومرت الايام وفكرت نفسها بكده بتخد ثواب واجر وفى نفس الوقت زوج صالح مد ايده ليها عشان تساعده

وللأسف اكيد الشيطان كان فرحان وكل يوم بقى يدخل بينهم حوارات جانبيه وهى مكملة بحجة انها بتساعده على الإلتزام والايام تمر والكلام يتحول والحوارات تزيد

وبقى الكلام كله كل واحدعن حياته وانه معجب بيها وعمره ماشاف لا فى ادبها ولا طيبتها والحوارات دى و البنت معدتش تقدر يعدى يوم من غير ماتطمن عليه وتكلمه وللأسف شمعة الايمان اللى فى قلبها اطفيت والنور اللى كان يملىء قلبها بقى يضلم

وبقت على طول ذهنها شارد وتفكر فيه وبدأ قلبها يدق ليه لحد ما جيه يوم مالقتهوش على النت

كانت هتتجنن مش ممكن طيب ازااى ده اكيد فيه حاجة

منمتش اليوم ده ولا اللى بعده ظهر لحد ما مر 10 ايام وهى مبتنمش من كتر قلقها

ولقيته فى اليوم ال 11 اون لاين وهوباا نطيت على الشات بالبرشوت ماهو خلاص الشمعه انطفت والنور ضلم

وسألته بكل شغف انت كنت فين كل ده

رد عليها حد تانى

ايوا انا صاحبه بس هو مسافر برا البلد وكان مبلغنى ادخل على حسابه وادنى الباس وررد عشان الغيله حسابه لانه هيستقر هناك ومش ناوى يرجع دلوقتى خالص فقالى اقفله عشان محدش يقلق عليه

طيب حضرتك عايزانى اوصل له حاجة

هى : لا ابداً خلاص

قالها طيب عن إذنك

واتقفلت المحادثة على كده واتقفل الاكونت واتقفل قلب البنت معاه

مبقتش مصدقة ايه اللى بيحصل ده طيب ليه يعنى طلع بعد كل ده بيتسلى وبمجرد انه انشغل مفكرش يقولى حتى مع السلامة .. يااااه انا غلطت اووى فى حق نفسي يوم لما سمعت كلام شيطانى

وغلطت فى حق ربنا اكتر

طيب ليه كده وانفجرت البنت من البكاء وبقى ايامها كلها كئابة وحزن وندم

وفى مرة بعد فترة كبيرة اوووى دخلت الفيس بوك لاقيت الاكونت مفتوح ولاقيت صورته عليه دخلت جوا الصور لاقيت صوره مع فتيات صديقاته وصور مع الشله ومكتوب تعليق عليها

احلى ايام قضيتها فى حياتى الصيف ده

والتعلقيات ايوا يابرنس انت كده موقع قلوب البنات كلها

التعليق اللى بعده : ياجاااااااااامد وهكذا .....

نزلت دمعه ندم وتأكدت فعلاً انها انضحك عليها وانه لا كان عايز يلتزم ولا حاجة

بس كان حابب يتسلى مع نوع جديد من الفتيات

وقررت انها تلغيه من عندها وعاهدت ربها انها لا يمكن ابداً تضيف عندها او تكلم شاب تانى إلا لو كان زوجها

يعني من الآخر يا بنات
فيه شباب كتير نسأل الله العفو العافية بيكون
داخلين الفيس بوك
او الشات والنت بصفة عامه
بحجة التعارف والصحوبية
وبيتأقلم مع كل بنت حسبها
يعنى الملتزمة يبقى ملتزم
المتبرجة يبقى متبرج وهكذا
عشان كده اوعى تدى ودانك لشيطانك
واوعى تفكرى إنك تكلمى ولد على النت
او فى الجامعة او فى اى مكان
وياريت ميكونش هدفك انك بتتكلمى
بحجة الدعوة او انك تلاقى نصك التانى
.. حكاية صاحبتنا خلصت على كده بس فيه قصص وحكايات
للأسف بتخلص على حاجات يدمى لها القلب :(
حافظى على الجوهرة اللى ربنا عطهالك ( قلبك )
صدقونى عمر ماولد بيخطب بنت كلمته
لانه عمره ماهيثق فيها
أسأل الله ان يهدينا جميعاً ويرزقنا
العفاف والتقى
الدال على الخير كفاعله
انشروا الموضوع فى كل مكان كي يعم الفائدة
بارك الله فيكم
ولا تنسونا من صالح دعائكم

[om Maaz]

رد: ممكن تضيفوني علي الفيس بوك الخاص بكم

http://www.youtube.com/watch?v=pUYb0ceMfMk
حكم الصداقات بالفيس بوك - الشيخ محمد العريفي

[الزهراء فاطمة]

رد: ممكن تضيفوني علي الفيس بوك الخاص بكم

وعليكم السلام ورحمة الله وبركاته
باركـ الله فيكـِ اختى العزيزة
ومن الافضل للفتيات عدم الدخول للفيس بوكـ
لانه باب من ابواب الشيطان
الا من رحم ربى
فياليت الفتيات يستمعن لهذا الموضوع
.
جزاكى الله خيرا

[بذور الزهور]

رد: ممكن تضيفوني علي الفيس بوك الخاص بكم

السلام عليكم ورحمة الله وبركاتة

الموضوع ده بجد مهم

وياريت تنشريه فى منتديات أخرى وخاصة الغير إسلاميه لعل أحد يستفيد منه

وجزاكى الله خيرا

[om Maaz]

رد: ممكن تضيفوني علي الفيس بوك الخاص بكم

وعليكم السلام ورحمة الله وبركاته
باركـ الله فيكـِ اختى العزيزة
ومن الافضل للفتيات عدم الدخول للفيس بوكـ
لانه باب من ابواب الشيطان
الا من رحم ربى
فياليت الفتيات يستمعن لهذا الموضوع
.
جزاكى الله خيرا

وجزاك الله مثله ويزيد غاليتي
بارك الله في مرورك الذي شرفني

السلام عليكم ورحمة الله وبركاتة

الموضوع ده بجد مهم

وياريت تنشريه فى منتديات أخرى وخاصة الغير إسلاميه لعل أحد يستفيد منه

وجزاكى الله خيرا

وجزاك الله مثله ويزيد غاليتي
بارك الله في مرورك الذي شرفني
بإذن الله افعل بوركتي

[* أم مريـم *]

رد: ممكن تضيفوني علي الفيس بوك الخاص بكم

وعليكم السلام ورحمة الله وبركاته
ربنا يحفظنا
أنا الحمد لله صفحتى مخصصاها للأصدقاء ولا يوجد عندى رجال
سوى أخى وحذفته علشان الأخوات كفاية عليه الياهو والإسكاى بى
جزاكِ الله خيرًا

[رسولى أندى العالمين]

رد: ممكن تضيفوني علي الفيس بوك الخاص بكم

وعليكم السلام ورحمة الله وبركاته
جزااااااااااااك الله خيرا يا أم معاذ
ربنا ينجينا من الفتن ويرزقنا الثبات

[fatma22]

رد: ممكن تضيفوني علي الفيس بوك الخاص بكم

جزاكى الله كل الخير أختى الغاليه أم معاذ
حفظكى الله وإيانا من الفتن
سبحان الله حبيبتى
أقرأ قصتك وفى نفس الوقت سمعت أيه أعلم أن لنها لم تنزل فى هذا ولكنها تقول
قوله تعالى : (وَمَا يُعَلِّمَانِ مِنْ أَحَدٍ حَتَّى يَقُولا إِنَّمَا نَحْنُ فِتْنَةٌ فَلا تَكْفُرْ فَيَتَعَلَّمُونَ مِنْهُمَا مَا يُفَرِّقُونَ بِهِ بَيْنَ الْمَرْءِ وَزَوْجِهِ)
كل وحده تدخل وتقول أعلمه أكسب فيه ثواب وأبعد عنى عقاب
فوالله هذا هو العقاب بعينه
فإنه إذا أراد الدين والالتزام لسعى حتى يجده من أهل الخيل من جنسه
والفتاه العاقله هى التى تعلم ذلك ولا تجرى ولاء أحلام ضائعه بل مضيعه لعفتها فى بعض الاوقات
وألادهى أن تكون متزوجه فيختبرها الله فتقع وترسب فى الامتحان
فماذا يحدث لها
قبل أنى تخطى خطوه أدركى إلى أين تذهبين
حفظنا الله وإياكم من الفتن ما ظهر منها وما بطن
اللهم أمين
أحبكم فى الله
:

[مخلصة لرب العالمين]

رد: ممكن تضيفوني علي الفيس بوك الخاص بكم

جزاكِ الرحمن خيرااااا
تنبيه مهم جدا
قال تعالى :"يَا أَيُّهَا الَّذِينَ آمَنُوا لَا تَتَّبِعُوا خُطُوَاتِ الشَّيْطَانِ وَمَن يَتَّبِعْ خُطُوَاتِ الشَّيْطَانِ فَإِنَّهُ يَأْمُرُ بِالْفَحْشَاء وَالْمُنكَرِ"
ربنا يحفظنا وإياكم من الفتن وينجينا برحمته من كل شر
ويرزقنا حق تقاته ويثبتنا على طاعته ويجنبنا خطوات الشيطان
بوركتِ غاليتى

[**أمة الودود**]

رد: ممكن تضيفوني علي الفيس بوك الخاص بكم

جزاكى الله خيرا وجعله الله فى ميزان حسناتك اللهم امين

[قلب يتمنى الجنة]

رد: ممكن تضيفوني علي الفيس بوك الخاص بكم

وعليكم السلام ورحمة الله وبركاته

والله كل ما أفكر أعمل فيس تيجيلي قصة قدام عيني كدة كأنها بتقولي لأ

سبحان الله

جزاكم الله خيرًا وجعلها في ميزان حسناتك

[محبة القدس]

رد: ممكن تضيفوني علي الفيس بوك الخاص بكم

جزاكي الله خيرا
انا رأيي زي رأي الأخت ( محبة مصر62 ) بالضبط
الأفضل للبنات عدم الدخول على الفيس بوك لأي سبب من الأسباب إلا للضرورة الشديدة ويكون في رقيب عليها وهي قاعدة
وبوركـ فيكـ أختي