سلوكى طريقى الى الجنه

[الخاضعة إلى الله]

أخواتي الحبيبات

اهلا بيكن

يارب تكونن بخير وباحسن حال

ويسعدنى تواجدى معاكم
فى


♥ سلوكى طريقى إلى الجنة ♥

وحملتنا جزء من ثورة كبيرة

هى

سلوكى طريقى الى الجنه




ميين فيينا ميحبش يعيش حياة سعيدة من غير هم ونكد ومشاكل


أكيد كلنا بنحب نعيش حياة سعيدة بلا مشاكل ولا هم ولا نكد


وأكيد كلنا نفسنا تكون حياتنا سعيدة

طيب هنعيش الحياة ده ازاى؟

الحل بسيط جدا

اكيدكلنا عايزين نعرف ايه هو الحل السحرى ده


♥
♥
♥

تعالوا اقولكم ايه هو الحل

الحل البسيط والوحيد

هو

( أننا نعيش زى حياة الصحابة)

لن يصلح آخر هذه الأمة الا بما صلح به أولها


طيب وأولها صلح إزاي؟

بالتمسك بتعاليم الاسلام


ايه ده هو ده الحل ده بسيط جدا

ما احنا كلنا بنصلى ونصوم وبنزكى و نتصدق








بس استوب استني هنا شويه


هو تعاليم الاسلام بس صلاة وصوم وزكاة وحج بس؟

كانت العمليه بقت بسيطة خالص والكل دخل الجنة بسهولة

لاء يا حبيباتى الاسلام مش بس كده

ولكن

( الدين المعاملة )

تخيلوا لو الرسول صلى الله عليه وسلم شاف إحنا بنعمل إيه دلوقتي والمسلمين اللي تعب علشان يبقوا مسلمين عملوا إيه من بعده
تخيلوا لو الرسول جاه واعد فى بيت حد فينا او شافنا و احنا بنتعامل مع بعض او بنمشى ازاى فى الشارع وغيره وغيره

هل هو هيكون مبسوط مننا



إحنا لو جبنا تعاملات المسلمين مع بعض وصفيناها بمصفاة الشرع مفيش حاجة هتنزل منها خالص إلا من رحم ربي











تعالوا نشوف الحديث ده مع بعضنا

عن أبي هريرة قال: قال رجل يا رسول الله ان فلانة فذكر من كثرة صلاتها وصدقتها وصيامها غير أنها تؤذي جيرانها بلسانها قال هي في النار قال يا رسول الله فان فلانة فذكر من قلة صيامها وصلاتها وأنها تصدق بالاثوار من الاقط ولا تؤذي بلسانها جيرانها قال هي في الجنة..


ياالله بتصلى وبتصوم وبتتصدق وتقيم الليل كمان لكنها فى النار

متخيليين حبيباتى فى الله بتعمل كل العبادات ده ولكنها فى النار

وده ليه

علشان تعاملتها


يارب نجينا وعافينا واهدينا الى أحسن الاخلاق





تعالوا نشوف الحديث ده كمان

قال رسول الله صلى الله عليه وسلم: أتدرون من المفلس ؟ قالوا:المفلس فينا من لا درهم له ولا متاع , قال صلى الله عليه وسلم : إن المفلس من أمتي من يأتي يوم القيامة بصلاة وصيام وزكاة , ويأتي وقد شتم هذا ,وقذف هذا , وأكل مال هذا , وسفك دم هذا , وضرب هذا , فيعطي هذا من حسناته وهذا من حسناته فإن فنيت حسناته من قبل أن يقضي ما عليه أخذ من خطاياهم فطرحت عليه ثم طرح في النار ) ..




شوفتو يبقى العبرة مش بكثرة الصيام والقيام وتلاوة القرآن و بس

فيه حاجة كمان مهمة جدا مع الصلاة والصيام و الزكاة والصدقه والقيام وتلاوة القراءن

وهيه التعامل مع الناس

هو اللي بنشوفه كل يوم ده بين الناس فيه شيئ من أخلاق المسلمين

شوفوا تعامل الواحدة وحماتها والعكس
شوفوا تعامل الأبناء مع الآباء
وتعامل الأخوة مع بعض
وتعامل الناس في العمل
وتعامل الأزواج
شوفوا تعامل الجيران مع بعض
تعامل الناس فى الشوارع
شوفتوا احنا حتى تعاملنا مع نفسنا

وكتير وكتير

شعار الناس دلوقتي

نفسي نفسي

أو أنا ومن ورائي الطوفان

وغيرها من الشعارات الكتيره

مش هينصلح حالنا إلا لو طبقنا حديث

" لا يؤمن أحدكم حتى يحب لأخيه مايحب لنفسه"



مش هينصلح حالنا إلا لو طبقنا

من يتق الله يجعل له مخرجا

بس فى أسئلة لا زم نسألهم لنفسنا قبل مانعمل أي حاجة

لو كان الرسول صلى الله عليه وسلم أو أي زوجة من زوجاته في هذا الموقف كانوا هيعملوا ايه؟







هل أنا أحب لنفسي أنه يحصل معاها كده ولا لأه ؟






هو أنا براقب ربنا فى الله بعمله ده واللى بقوله ولا لاء
عارفه ان ربنا شايفنى وسمعنى ومطلع عليه






عارفه ان ما يلفظ من قول إلا لديه رقيب عتيد







عارفه أن لا يكب الناس في النار على وجوههم إلا حصائد ألسنتهم

ومع بعض هنا هنبدأ إن شاء الله

فى


♥♥ سلوكى طريقى إلى الجنة ♥♥

هنحاول مع بعض إننا نكون كما كان الرسول صلى الله عليه وسلم

كان قرءانا يمشي على الأرض

اكيد كلنا عايزين نكون قريبين من الرسول صلى الله عليه وسلم يوم القيامة ؟

يقول صلى الله عليه وسلم

:"إن أقربكم مني منزلا يوم القيامة أحاسنكم أخلاقا"

ونشوف إزاي هتكون سلوكياتنا

♥ سلوكى طريقى إلى الجنة ♥

يالا نشدوا الهمة ونخلى شعارنا إلى رضى ربي وصحبة نبي صلى الله عليه وسلم لن يسبقني أحد


لكن مننساش حاجة مهمة

إن كل ده عبادة برضه

بس بشرط نحتسب الأجر عند الله سبحانه وتعالى

يعني بالنية نجعل العادة عبادة؟

طبعا


وأنا ببتسم وافتكر حديث " تبسمك في وجه أخيك صدقة "

بقت الابتسامة عبادة

أنا بنظف البيت وأفتكر حديث" كلكم راع وكلكم مسئول عن رعيته "

بقى التنظيف عباده


وأنا بطبق الكلام اللي هيجي إن شاء الله عن السلوكيات وابتغي بها رضى الله سبحانه وتعالى


وتطبيق أوامر نبيه والسير على خطاه

وإني أحاول أبين الصورة الحقيقية للإسلام وأدعو إلى الاسلام بسلوكي

ده عبادة

وكده فى كل حاجة بنعملها

ومننساش إن فضل الله واسع


يعني ممكن نعدد النوايا للعمل الواحد

إيه رأيكم

نبتدى مع بعضنا

بس اهم حاجة اننا نطبق السلوك فى حياتنا

و أن تتفاعلو معنا




و ان كانت لكى قصة مريتي بيها مع سلوك كل أسبوع .. أكتبيها حبيبتي وشاركينا بيها

و أسأل الله العظيم أن يجعل عمالنا صالحا لوجهه خالصا
وان ينفعنا بما علمنا ويعلمنا ما جعلنا
وأن يكون عملنا حجة لنا لا علينا

أحبكن فى الله

[om Maaz]

رد: سلوكى طريقى الى الجنه

اللهم بارك
موضوع مميز
جزاك الله كل خير اختي الكريمة
بارك الله فيك غاليتي
رزقنا الله وإياك حسن الخلق

إيه رأيكم

نبتدى مع بعضنا

بس اهم حاجة اننا نطبق السلوك فى حياتنا

و أن تتفاعلو معنا

منتظرين بإذن الله ومتفاعلين معك

بإذن الله بوركتي

[الخاضعة إلى الله]

رد: سلوكى طريقى الى الجنه




{إِنَّ اللَّهَ لَا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ} [الرعد: 11].


ثورتنا اليوم ثورة على كل ما يخالف عقيدتنا على كل ما يخالف ااخلاق الاسلام

ودعوة للاخلاق دعوة للحب دعوة للتصالح مع النفس

عودة للانسانية فلا يكون الانسان انسان الا باخلاقه فاذا غابت عنه الاخلاق تحول لشئ آخر

وبقدر ما تعلو أخلاق الأمة تعلو حضارتها

احنا لو عايزين بلدنا حلوة بجد وخايفين عليها لازم نرجع لاخلاقنا

الاخلاق التى كانت من اهم اسباب بعثة النبى المصطفى صلى الله عليه وسلم

حيث قال النبى صلى الله عليه وسلم "انما بعثت لاتمم مكارم الاخلاق"



يقول - صلى الله عليه وسلم :((أربع إذا كُنَّ فيك، فلا عليك ما فاتك من الدنيا: صدقُ الحديث، وحفظُ الأمانة، وحسنُ الخلق، وعفَّةُ مطعم))؛ "ص. الجامع".

وقال الشاعر

وإنما الأمم الأخلاق ما بقيت فإن همُ ذهبت أخلاقهم ذهبوا

اهداف ثورتنا اللى لازم تتحقق بينا


1 - اخلاص النية لله عز وجل فى كل عمل


2- الرجوع الى القرآن والسنة فى كافة مجالات الحياة


3- الامر بالمعروف والنهى عنى المنكر


4-الد عاء والتضرع لله عز وجل

ياللا مينا معانا فى ثورتنا عايزين جموع الشعب يشاركنا

انتظرونا كل خميس مع خلق جديد مع مؤسسين الحملة ((بأٍسلامى أحيا و .....))


وده توقيع حملتنا

**مشتركة فى حملة سلوكى طريقى إلى الجنه **

[الخاضعة إلى الله]

رد: سلوكى طريقى الى الجنه

حبيباتى وأخواتى فى الله
حياكن الله

واتمنى من الله العلى العظيم تكونن باحسن حال والى الله اقرب
وعلى طاعة الله ادوم

النهارده بمشئة الرحمن هنبتدى اول دروسنا يوم الأحد وباقى الدروس ستكون بإذن الله يوم الخميس

فى

أسأل الله أن يجعل هذا العمل خالصاً لوجهه الكريم


وأن يكون حُجَّةً لنا لا علينا




وأن يجزي كل من قام عليه خير الجزاء

وفى أول دروسنا هنكلم عن سلوكى مع الله
مع رب العالمين







الله .. أجلّ اسم وهو سبحانه أجمل مُسمّى لهذا الاسم ..



الله ..أصدق كلمه .. و أقوى عبارة
مسكنها الأرواح وتقر بها العقول وتنطق بها الألسنة ..



الله .. معنا وحولنا .. يسمع الهمسات ويلبي الدعوات ويستجيب للنداءات على اختلاف اللغات ..



الله .. يعاملنا بالحسنى .. مع تقصيرنَّا يعاملنا بإحسان على اختلاف ديانات بني الإنسان ..







فازاى نتعامل مع الله جلاَّ جلاله ..

أهم سؤال نسمعه ونسأله في حياتنا كلها

مفيش ألطف و لا أفضل من الله تعالى إذا تعامل معانا ..

والغريب أننا مش حاسين بكده

مع أنه سبحانه في كل يومٍ يعاملنا بأنواع كتيرة من التعامل الحسن

.. مرة يسترنا ,
مرة يُفرِحنا , مرة يرحمنا , مرة يعطينا , مرة يسقينا ,

ولا ينتظر منّا سبحانه جزاء ولا مُقابل ؛

لأننا أصلاً لن نستطيع
أن ننفعهُ سبحانه بشيء .

يَا أَيُّهَا النَّاسُ أَنْتُمُ الْفُقَرَاءُ إِلَى اللَّهِ وَاللَّهُ هُوَ الْغَنِيُّ الْحَمِيدُ

ليه بيعمل الله لنا كل ده ؟؟


لأنه الودود سبحانه , الذي لا حدود لمودّتهِ , الكريم الذي لا مُنتهى لكرمهِ ولا مثيل لحسُن تعامله مع خلقهِ ,
مع أنه هوالغنيّ عنا ونحن الفقراء إليه .


فإذا كان ربنا سبحانه يُعاملنا وفي كل يوم بهذهِ العَظَمة وهذه الرحمة
وهذا الكرم , فوالله لازم أننا نعرف ازاى نتعامل معه ؟

..

مش هنكلم عن التعامل العام فكلنا بيعامل الله في كل يوم بالعبادة والذكر ,
لكن فى تعاملات دقيقة علينا أننا نُحسن فيها



أزاى نتعامل مع الله إذا سترنا ؟؟

إذا سترنا الله علينا أننا نقبل هديته ,ايه هي هديته ؟ وأزاى أقبلها

أزاى نتعامل مع الله إذا سترنا ؟ وحتى لو سترنا الله يمكن ينزع الستر عنا بعد مدة معينة , ولكن فى حاجات

لو عملناها هنخلى الستر لا يُنزع عنا حتى في القيامة طب ازاى ؟

أحنا بنتكلم مع الناس في كل يوم , لكن ازاى نتعامل
مع الله إذا كلّمناه ؟

فى طريقة معينة للكلام مع الملك سبحانه , إذا اتقناها هيستجيب الله لنا كل طلباتنا , وممكن يدينا أكتر
و أحسن منها لأن الله لا يستجيب لأي حد , وأغلب الناس مييعرفش الطريقة ولا يطبقها ,

تحبوا نكون من النادرين اللى يطبقوها ؟ ازاى نتعامل مع الله إذا كلّمناه ؟

مسألناش نفسنا مرة ازاى نتعامل مع الله إذا غَضِبْ ؟



غضب الله شديد ولو ا وقع على شيء دمّرهُ , وأحنا نخاف أن ربنا يغضب علينا , وأحنا اصلا مش عرفين
هو غاضب علينا أم لا ؟


فإذا كان غاضب مني فأزاى أتعامل معه سبحانه ؟



ربنا جلّ جلاله إذا غضب فإنه يحب منا أننا نعمل حاجات
معينة إذا عملناها سينطفئ غضبه سبحانه ,مش التوبة بس !!

فى تعامل تانى يحبه الله تعالى , التعامل ده هو بالضبط اللى علينا أننا نعمله وبسرعة قبل ما يحصل أي
حاجة و عندها سينطفئ غضبه سبحانه .


فربنا سبحانه يرضى بسرعة , حاجات بسيطة ترضيه سبحانه وتعالى

لكن السؤال :ازاى نتعامل مع الله إذا غضب ؟

إذا رضيَ سبحانه فكتير منا بيفتكر أن المهمة انتهت , لاء .

لازم نهتم ازاى نتعامل مع الله إذا
رضي زى ما نهتم بالتعامل مع الله إذا غضب ,

لأن الوصول إلى رضا الله مرحلة , والاستمرار على
الرضا مرحلة تانيه .



طيب ازاى أعرف أن الله تعالى راضي عني دلوقتى ولا لا ؟



وازاى نتعامل مع الله إذا رضي ؟


وفى مرحلة أعلى من مرحلة الرضا , فى مرحلة راقية لا يعطيها ربي إلا للقليل من عباده بس ,

مرحلة الحب , أن الله يحبنا , فنكون أحباب الله

و محبتك تبقى منتشرة في السماء و توصل لكل
من يعيش هناك من ملائكة و تنتقل إلى الأرض فيحبك الناس . ليه ؟؟ لأن الله يحبك .


لكن المشكلة أن بعضنا ميعرفش ازاى يتعامل مع الله إذا أحبّه ؟



ايوا

طيب ازاى نتعامل مع الله إذا أحبّنا ؟



دايماً الإنسان يحب أن يزور حبيبه , و الله جعل لنفسه بيت في الأرض سماه المسجد يذهب إليه أحباب الله ليقفوا
بين يديهِ سبحانه في البيت ده .ولكل ملكٍ أصول ومراسم يجب أن يعلمها من أراد أن يدخل عليه .



فازاى نتعامل مع الله إذا دخلنا بيته ؟

من ساعة ما ولِدَ الإنسان وليومنا فى شعور معين يمرّ علينا بين فترة وتانيه اسمه ( الحياء )

الحياء ممكن تجاه الوالدين , ممكن يحس به مع مديرهِ , ممكن مع شخص
لا تعرفيه .

كل ده مفهوش حاجة غريبة , ولكن العجيب
هو أن الله تعالى
أحياناً يستحي منّا !! إيوا والله , ربنا يستحي منّا ؟!

تعالوا نسمع الحديث
إن الله حيي كريم يستحي إذا رفع العبد يديه أن يردهما صفرا حتى يضع فيهما خيرا »

طيب و ازاى نتصرّف إذا استحى الله منا ؟
....

يبقى حبيباتى واخواتى فى الله ازاى نتعامل مع الله ؟

وايه هي إجابة السؤال ؟


علشان نعرف ازاى نجاوب على السؤال






تعالو نعرف فى الاول من هو الله

اذا سألنا نفسنا من هو الله

أكيد كلنا هنقول

هنقول هو الخالق هو الرزاق

لكن هو ده بس اللى احنا نعرفه عن الله

فالإنسان كلما زاد علمه بالله كلما زادت خشيته وزاد في تحسنه في تعامله مع ربه


قال تعالى : { إِنَّمَا يَخْشَى اللَّـهَ مِنْ عِبَادِهِ الْعُلَمَاءُ }

فالله تعالى في السماء لا يعرف حقيقة ذاته إلا هو سبحانه ..

فربنا عظيم .. يكفي أن محدش يستطيع أن يراه الآن ..

ولو رآه أي شيء في الدنيا فسينهار .

فأقوى الأجساد المخلوقة الآن لا تقوى أن تنظر إليه ..

فإذا كانت ذاته سبحانه بالعظمة والقوة لدرجة أن اللى يراه يتلف وينعدم لمجرد الرؤية

.. فإزاى تكون حقيقة هذه الذات .. و الصفات اللى اتصفت بها ذات الله !!

و ربنا يعلم أن أحبابه متشوقون جداً لرؤيته .. لأنهم يسمعون عنه ويتعلمون عنه وعن عظمته وعن جماله وعايزين يروا هذا الجمال ..

وعلشان كده فربنا سبحانه سيقوي أجسامنا يوم القيامة ويعطينا القدرة اللى تمكنا من رؤيته سبحانه .







وذات الله تعالى لها صفات اتصف بها سبحانه وهي كاملة ليس لها مثيل في أي شيء آخر ولا في أي مكان آخر .

والمخلوق ممكن يكون له صفة تشابه الخالق بالاسم بس ..


مثلا : ربنا سبحانه حـيّ , وله الحياة الكاملة , والمخلوق له حياة .لكنها حياة خاصة به مش زى حياة الله سبحانه

ومفيش أي نوع من أنواع الشبه بين الحياتين أبداً . ولا حتى تقارب بسيط

.

فالله سبحانه إلـه جميع المخلوقات ولن يجدوا إله غيره . هو المتكفل بالمخلوقات وحده , يدبِّر شؤون مملكته الواسعة
كل ما فى السماوات والأرض . ولا يساعده أحد


ومن أن خلق الله أول مخلوق وإلى أن ينتهي العالم فالله هو الوحيد اللي يرزق , هو الوحيد اللي يملُك , هو الوحيد اللي يأخذ ..


وصفاته علمنا الله منها وأخبرنا عنها . لكن فى صفات لله لم يخبرنا بها ولا نعلمها ولا يعلمها احد .
ولكن استأثرها الله في علم الغيب عنده .


من شدة عظمة الله أنه لم يستطع أحدٌ أن يحيط علماً بكل عظمته أبداً ..ولا واحد

فلا يعلم حقيقة الله كاملة إلا الله ..

فزى ما العين يمكنها الرؤيه لمسافه معينه والسمع كمان العقل مش كل حاجه يقدر يستوعبها

ففى حاجات كتيرة أكبر من العقل ميقدرش يتخيلها ولا يتصورها








أولها : الخالق .. فلا يمكن لأى حد أن يتصوره قبل أن يراه يوم القيامة .. ولله المثل الأعلى ..


ربنا سبحانه : { لَيْسَ كَمِثْلِهِ شَيْءٌ ۖ وَهُوَ السَّمِيعُ الْبَصِيرُ } الشورى : 11


فما حدش يقدر يتصوره أو يتخيله . ومفيش حد قدر يحمد الله ويثنى على الله بما يستحقه الله الا الله هو الوحيد اللي أثنى على نفسه بما يكافئ عظمته
..
فمن الملائكة من هو راكع لا يرفع رأسه إلى يوم القيامة ,
و من الملائكة من هو ساجد لا يرفع رأسه إلى يوم القيامة .
يسبِّحون ويتعبّدون ,و إذا قامت القيامة قالوا : سبحانك ما عبدناك حق عبادتك .


قال تعالى :

{ وَمَا قَدَرُوا اللَّـهَ حَقَّ قَدْرِهِ وَالْأَرْضُ جَمِيعًا قَبْضَتُهُ يَوْمَ الْقِيَامَةِ وَالسَّمَاوَاتُ مَطْوِيَّاتٌ بِيَمِينِهِۚ سُبْحَانَهُ وَتَعَالَىٰ عَمَّا يُشْرِكُونَ } الزمر : 67





يبقى االفضل لله سبحانه إذا تقبل عباداتناو ما فيها من نقص وسرحان في الصلاة وبعض الرياء . وسبقنا العبادة بذنوب و ذنوب , و مع كل ده يتفضّل علينا سبحانه ويقبل العبادة إذا كانت خالصة لوجهه الكريم


مع أن عباداتنا لا تنفعه بشيء ولا يحتاج منها بشيء ؛ بالعكس احنا اللى بنحتاج إننا نرتاح في العبادة إذا أدّيناها .. واحنا اللى سنستمتع فيها إذا طبّقناها ..واحنا اللى هندخل الجنة ونحس بالسعادة الخالدة فيها .

و أماالله سبحانه فلن يستفيد منّا بشيء .
فهو الغني ونحن الفقراء إليه ؟


و مع كل ده فإنه سبحانه يُغنينا ويسقينا ويكرمنا ويهدينا , وإذا احتجنا فإنه يعطينا . وكمان يحب أننا نطلب منه , وكل ما طلبنا أكتر فيحبنا أكتر . لأن محبته للكرم والجود فوق ما تتصوره العقول .


فالله أجمل ما فى الكون وهو سبحانه جميل يحب الجمال

وعلشان كده فإن أعظم نعمة لأهل الجنة أن يكشف لهم عن جماله في الجنة


قال تعالى : { وُجُوهٌ يَوْمَئِذٍ نَّاضِرَةٌ* إِلَىٰ رَبِّهَا نَاظِرَةٌ } القيامة : 22 / 23

فكل من رآه سيسعد وسيفرح فرحاً لم يمر عليه في حياته من قبل أبداً ؛ لأن الله سبحانه هو اللي خلق السعادة ..


و سيعطيها لمن جاء إليه وتقرب بين يديه ولن يعطيها لمن ابتعد عنه .
و كلما اقتربنا من الله أكتر كل ما زادت السعادة أكتر .
وعلشان كده ا جعل الله الجنة قريبة منه في السماء السابعة لأنها مستقر السعادة . وكلما ارتفعت في درجات الجنة أكتر , اقتربت من الذات الإلهية أكتر .

لحد ما توصل إلى أعلى مرحلة في الجنة وهي الفردوس الأعلى .
و هي أسعد منطقة في الجنة .. وسقفها عرش الرحمن

فالسعادة فى القرب من الله سبحانه وتعالى

قال تعالى: { عِندَ سِدْرَةِ الْمُنتَهَىٰ ﴿١٤﴾ عِندَهَا جَنَّةُ الْمَأْوَىٰ ﴿١٥﴾
إِذْ يَغْشَى السِّدْرَةَ مَا يَغْشَىٰ ﴿١٦﴾ } النجم




ومع كل العظمة والجلال ده
فكتير منا بيُعصى و كتير منا بيُخالف و كتير منا بيُعرض عن الله .
مع كل ده ربنا سبحانه يعطينا ويسقينا وإذا مرضنا يعافينالأنه حليمٌ علينا صبورٌ على من يعصيه من خلقه .

فسمّى نفسه سبحانه الصبور .

ومش بس كده فلو تاب أي عاصي إلى الله ورجع إلى الله فإن الله يفرح به فرح شديدأكتر من فرحة العبد برجوعه إلى الله .


سبحان الله فالعبد هواللى يحتاج إلى الله والرب مُستغنٍ عنه كامل الاستغناءومع كل ده فإن الله يفرح برجوع عبده إليه ويكرمه غاية الإكرام .

فالعجب مش فى العبد المملوك إذا تقرب إلى السيد وتتودد إليه ويريد رضاه !!
ده هو الأصل ..

لكن العجب إذا كان السيد هو اللي يتودد إلى عبده ويتحبب إليه بأنواع من العطايا والهدايا والعبد بيُعرض وبيُصِّر على الابتعاد وعدم التوبة .

مع أن العبد لو رفع ايده إلى الله تعالى لاستحى الله منه .

سبحان الله ما اعظمه

ربنا يستحي أن يردنا إذا طلبناه .واحنا لا نستحى أن نعصيه

فالله هو إلهنا .. هو الذي لا نريد إلهاً غيره .. هو ربنا اللي بنُتعَلِّق برحمته ومغفرته يوم القيامة .

فإذا كان إلهنا بكل الصفات ده..
فازاى نتعامل مع هذه العظمة





نكمل فى درسنا الاسبوع الجاى إن شاء الرحمن

انتظرونا
نحبكم فى الله