Tweet
جرعة أمل .. أدرك ما فاتك
انت محتاج جرعة أمل مكثفة .
صدقني كلنا النهاردة محتاجين الجرعه دى
طيب ناخدها ازاى ؟؟؟
" أدرك ما فاتك "
يعنى ايه ؟؟
وعشان تدرك ما فاتك تعمل ايه ؟؟
تعمل أعمال مضاعفة الأجر
بحيث إنها تكون استدركت ما فات
إزااااااااااااى ؟؟
عارفين قصة هداية الشيخ محمود المصرى
أصلاً الشيخ محمود كان ماشى فى قصة الأغانى و كان هينزله شريط والدنيا كانت مفرقعه معاه
مين بقى كان معاه فى السكه دى وكان فى شركة هاى كوالتى
ايهاب توفيق
يعنى كان زميل ايهاب توفيق قبل كده
المهم كان هينزلهم لكل واحد شريط والدنيا هتفرقع بقى وبعدين ربنا تاب على الشيخ وربنا من عليه بالهدايه
فقعد من سن 28إلى 32 سنه يعنى اربع سنين يطلب فيهم العلم ..
ومن سن 32 بدأ يبتدى ينزل كتب ليه
قال الشيخ محمود : والى كان عاصر قلبى انى كل ما كنت اروح اعد فى وسط جامع من الجوامع الى فيها المشايخ دى ابص الاقى الأخوه الى فيه الى ملتزم بقاله 15سنه والى ملتزم من 10 سنوات
فاقول يااااااااااااه مين انا جنب الناس دى
انا عندى 32 سنه ولسه هااااا بقول بسم الله فى الطريق فبدأت اصنف وبدأت أجتهد كطالب علم
فبيقول الشيخ ما كنش أسعد فى حياتى من اللحظه دى
فلما جه ناشر من الى بينشروا له كتبه
فالشيخ حط كتبه قدامه
فقال : ايه ده يا شيخ محمود دى الكتب دى تتعمل فى 10، 15 سنه
قال الشيخ :بالله عليك
قال الناشر : انا راجل ناشر وعارف عشان الناس تألف كتاب زى الكتب دى بتقعد أد ايه ..
قال الشيخ محمود : فى اللحظه دى حسيت بالسعاده ان ربنا
" إستدرك لى ما فات "
هى دى ..
فانت ليه لا؟؟
هود ده ..
فانت من النهارده من اللحظه دى ممكن تكون شخص تــــانى
تبقى حاجه محدش متخيلها خاااااااالص
يصلحك الله فى ليلة بس عايزين
" همه "
علــو همه
عايزين نركز على " ان الله يحب معالى الأمور ويكره سفافها "
وعلى " لو كان الايمان فى الثريا لناله رجال من فارس "
عايزين حاجه كده
اسخن بقى كده ،، اسخن بحيث إنك تعمل حاجه تبقى الفتره الى جايه دى
سنة انطلاااااااااااقه فى حياتك
تبقى شئ جديد مختلف
تعمل فيها مشروع فذ جديد
السنه دى تبقى سنة ختم القرآن فى حياتك
والله
والله تقدر
والله تقدر
والله تقدر بحول الله تعالى وقدرته تقدر
بصحبه صالحه ومقرأه ثابته فى حياتك وشيخ ملزم ليك يقدر يظبطك يكتفك
صح ويظبطك صح وتعمل لها الغالى والنفيث والله تقدر..
تقدر تبقى السنه الجاية سنة حفظ القرآن فى حياتك ..
وتبقى الطفره فى علمك اتعلمت حاجه فى عبادتك وحياتك المشاريع الى فعلاً
تعدها عشان لما أجى أسألك ايه أرجى عمل عملته فى الاسلام يبقى العمل ده ..
إنك فعلاً ركزت على حاجه ووصلتلها ..
تقدروااااااا يا شباب
مش عارف كل ما امشى فى الشارع احس الناس مكتئبه من الوضع الذاتى
خلاص بقى سيها
ما كل ما تفكر فيها مش بتتحل
بلاش الاكتئاب الى نازل على الناس
خدها بقى كده لإن شاء الله بكره أحلى
وإن شاء الله ربنا لن يخيب ظننا فيه وهنمشيها بحسن الظن فى الله ..
وهنمشيها بالابتسامه الحلوه :) مع شدة الضنك الموجود
لكن إن شاء الله ربنا سبحانه وتعالى سيجزينا خيراً وستكون عاقبة امورنا خير
يا عم تفاااااااائل
من تفائل بالشئ وجده
هتلاااااااااقيه ان شاء الله
انا عند ظن عبدى بي ان خيرا فخير
الله
لن يضيعك
خلاص ياعم احسبها كده
ومشيها مع ربنا كده هتلاقى الدنيا اختلفت تماااااااااماً
واكسر الحاجز بتاع مش نافع ، مش عارف ، مش قادر ، مش ، مش ...
احذف مش من القاموس خالص
وابتدى بشكل تفاؤلى
اتفقنا
من وسط صحراء اليأس ابذر بذورالأمل
وان شاء الله هتبقى الامور أحسن أفضل مما يكون .
اقراؤا فى المعانى دى حسن الظن حسن الرجاء
كتاب لا تحزن للشيخ عائض كتاب للشيخ العريفى
محتاحين لجرعات التفاؤل ..
وان شاء الله سنكون أفضل .
م,ن
تعليق