Tweet
بسم الله الرحمــــــــــــن الرحيـــــــم
أخت من أخواتي كانت في عمره رمضان الماضيه بتقولي أول أيام لي في صلاه القيام هناك كنت تعبانه اوي وحاسه بمشقه وبجد مش بقدر اكمل واقفه فكنت بقعد في الآخر
بتقولي لقيت ست كبيره والله داخله على الميت عام أو في التسعينات ظهرها منحني لا توجد لها أسنان
والعجيب انها واقفه على رجليها طول القيام وتفضل في الحرم قاعده تقريبا ما بشوفهاش تروح بتقولي أنا نفسي كنت بعد القيام اروح ارتاح شويه علشان التهجد لكن هي تفضل قاعده تقرأ قرآن لحد التهجد ما بتنامش بالليل ليلها كله طاعه
بتقولي فضلت أراقبها مستغربه حالها وازاي على سنها قادره تقف ده كله وماسكه المصحف ورا الإمام دايما في الصلاه
بتقول تيجي وقت الفطار تلاقي معاها اكل كتيييير توزع علينا كلنا لحد ما شنطتها تفضى ومش تاخد حاجه خالص إلا يادوب لو علبه لبن
بتقولي لحد ما جيت مره قربت منها وسلمت عليها وقلت لها حضرتك منين ؟
قالت لها من اليمن
قالت لها انتي ساكنه فين هنا وإيه حكايتك ؟؟
قالت لها بصي يا بنتي أنا زمان وأنا صغيره من سنك كده رأيت رؤيه فيها جمــــــــل أســــــــود رحت سألت مفتي اليمن قاللي انتي هتسكني بيت الله الحرام بتقول ومرت الأيام ونسيت الرؤيه وتزوجت وأنجبت ولد واحد وكبر وبقى شاب
وفي مره كان مع والده وعملوا حادثه وماتوا هما الاتنين وبقيت وحيده ........
قلت أطلع عمره رمضان طلعت العمره قلت مش هروح اقعد لحد الحج وحجيت ومن ساعتها ما روحتش بيتي من أربعين سنه !!
بتقولها أنا أميه يا بنتي لا بعرف أقرأ ولا أكتب من أربعين سنه وأنا بمسك المصحف ورا الإمام لحد ما حفظت القرآن من رسم المصحف بس بعرف أقرأه من المصحف بس بره المصحف ما بعرفش أقرأ ..............
صاحبتي قالت لها طيب انتي دايما كده مش بتاكلي كل أكلك بتوزعيه
قالت لها ده مش بتاعي ده رزقهم ربنا باعته معايا وبس
قالت لها طيب مين بياكلك بيشربك ساعتها بصت الست المسنه لصاحبتي بتعجب وضيق وكأنها تستنكر سؤالها
قالت لها "والذي هو يطعمني ويسقين"
قالت لها مش بتخافي انتي في بلد لوحدك
قالت لها "ومن دخله كان آمنا"
وتعجبت الست المسنه من كلام صاحبتي وبتلومها وبتقولها ازاي تتكلمي كده ربنا موجود ربنا هو الرزاق
أنا مش عارفه أقف على معاني إيه ولا ايه في قصتنا :
أقف على حد من أربعين سنه واقف بيطيعك يارب في أحب البلاد إليك وأنا بعصاك ..........
أقف على حد واثق فيك تمام الثقه دي وانا بسيء الظن بيك
أٌقف على حد كرمته بكرمك وأنعمت عليه بنعمه انه يسكن الحرم من اربعين سنه كام عمره عملتها كام حجه عملتها كام صلاه صلتها هناك وأنا حتى نفسي بس اشتاق من قلبي لمكه الكعبه حتى دي مش قادره أوصلها
لا تعليــــــــــــــــــــــــــــــــق أساسا :(
منقول
أخت من أخواتي كانت في عمره رمضان الماضيه بتقولي أول أيام لي في صلاه القيام هناك كنت تعبانه اوي وحاسه بمشقه وبجد مش بقدر اكمل واقفه فكنت بقعد في الآخر
بتقولي لقيت ست كبيره والله داخله على الميت عام أو في التسعينات ظهرها منحني لا توجد لها أسنان
والعجيب انها واقفه على رجليها طول القيام وتفضل في الحرم قاعده تقريبا ما بشوفهاش تروح بتقولي أنا نفسي كنت بعد القيام اروح ارتاح شويه علشان التهجد لكن هي تفضل قاعده تقرأ قرآن لحد التهجد ما بتنامش بالليل ليلها كله طاعه
بتقولي فضلت أراقبها مستغربه حالها وازاي على سنها قادره تقف ده كله وماسكه المصحف ورا الإمام دايما في الصلاه
بتقول تيجي وقت الفطار تلاقي معاها اكل كتيييير توزع علينا كلنا لحد ما شنطتها تفضى ومش تاخد حاجه خالص إلا يادوب لو علبه لبن
بتقولي لحد ما جيت مره قربت منها وسلمت عليها وقلت لها حضرتك منين ؟
قالت لها من اليمن
قالت لها انتي ساكنه فين هنا وإيه حكايتك ؟؟
قالت لها بصي يا بنتي أنا زمان وأنا صغيره من سنك كده رأيت رؤيه فيها جمــــــــل أســــــــود رحت سألت مفتي اليمن قاللي انتي هتسكني بيت الله الحرام بتقول ومرت الأيام ونسيت الرؤيه وتزوجت وأنجبت ولد واحد وكبر وبقى شاب
وفي مره كان مع والده وعملوا حادثه وماتوا هما الاتنين وبقيت وحيده ........
قلت أطلع عمره رمضان طلعت العمره قلت مش هروح اقعد لحد الحج وحجيت ومن ساعتها ما روحتش بيتي من أربعين سنه !!
بتقولها أنا أميه يا بنتي لا بعرف أقرأ ولا أكتب من أربعين سنه وأنا بمسك المصحف ورا الإمام لحد ما حفظت القرآن من رسم المصحف بس بعرف أقرأه من المصحف بس بره المصحف ما بعرفش أقرأ ..............
صاحبتي قالت لها طيب انتي دايما كده مش بتاكلي كل أكلك بتوزعيه
قالت لها ده مش بتاعي ده رزقهم ربنا باعته معايا وبس
قالت لها طيب مين بياكلك بيشربك ساعتها بصت الست المسنه لصاحبتي بتعجب وضيق وكأنها تستنكر سؤالها
قالت لها "والذي هو يطعمني ويسقين"
قالت لها مش بتخافي انتي في بلد لوحدك
قالت لها "ومن دخله كان آمنا"
وتعجبت الست المسنه من كلام صاحبتي وبتلومها وبتقولها ازاي تتكلمي كده ربنا موجود ربنا هو الرزاق
أنا مش عارفه أقف على معاني إيه ولا ايه في قصتنا :
أقف على حد من أربعين سنه واقف بيطيعك يارب في أحب البلاد إليك وأنا بعصاك ..........
أقف على حد واثق فيك تمام الثقه دي وانا بسيء الظن بيك
أٌقف على حد كرمته بكرمك وأنعمت عليه بنعمه انه يسكن الحرم من اربعين سنه كام عمره عملتها كام حجه عملتها كام صلاه صلتها هناك وأنا حتى نفسي بس اشتاق من قلبي لمكه الكعبه حتى دي مش قادره أوصلها
لا تعليــــــــــــــــــــــــــــــــق أساسا :(
منقول
تعليق