عــآوز ابقــى كويـــس بس مش عـآآرف :(

[om Maaz]

نفسى المشاكل اللى بينى وبين ربنا تتحل ..

المعاصى اللى كنت بعملها نفسى رواسبها تطلع من قلبى ..

نفسى اتغلب على نفسى الأمَّــارة بالسوء . .

عمرى ما حسيت بحلاوة الايمان ..

مش عارف ليه ساعات بحس ان الصلاة تقيلة على قلبى ..

نفسى اخشع فى الصلاة ..

نفسى احب القرآن .. بس للأسف مليش ورد ثابت من القرآن ..

أما اسمعه او أقرأه ساعات كتير ويمكن ده الاصل مش بتأثر بيه ..

انا بعمل حاجات وحشة كتير بس نفسى والله اتخلص منها :( ...

بعمل ذنوب من كتر ما بقيت اعملها .. خلاص نسيت ان دى حاجة بتغضب ربنا عليا ..

نفسى والله ابكــى من خشية الله .. لكن قلبى زى الحجــر ..

الذنوب ودتنى فى دآهيـــ :(ـــة ..

دى شكــــوى مجموعة من الشبــآب .. ويمكن دى شكوآنــا كلنــا ..

* كـآن لى قلــ♥ــب ففقدته *

مش لا قى قلبى .. مش حاسس .. نفسى الحاجات دى كلها .. اعرف

اتحصل عليها ..

موضوعنــــآ ::

لــ اللى فى اول الطريق .. ونفسه بقى يعرف ازااااى يمشى لربنــآ ؟

لــ اللى مشى حبتين وعرف فى السكة دى شوية حاجات .. وظبط صلاة

وبطل شوية معاصى من اللى كان بيعملهم ..

وبعد شوية رجع تانى وانتكس..

هنقول للكل واحد ..

" طهــــــر قلبـ♥ـك "

اللى انتكس وضاع وباع وبعد ماكان عرف وداق شوية أنا بقله النهارده

أنت عارف إيه المشكلة؟

المشكلة أن أنت بنيت من غير أساس

زرعت في أرض للأسف مليانه شوائب ومليانه مشاكل

عشان كده لما النبت طلع ,طلع مش جامد طلع فاسد

فبسرعة مع أول فتنه وقعت عشان كده

عشان كده لازم .. تطهر قلبك ..

قلبك ده أثمن ما تملك عشان فيه حاجتين:

[ 1 ] قلبك محل نظر الرحمن

" إن الله تعالى لا ينظر إلى صوركم وأموالكم ولكن إنما ينظر إلى قلوبكم وأعمالكم ."

يبقى ربنا بينظر لأيه؟

♥ لقلبك..♥

إيه إلى في قلبك؟

شكلك حلو وقلبك تعبان ماتنفعش..

[ 2 ] قلبك أثمن ما تملك لأنه مستودع الإيمان قلبك ده إناء..

النبي – صلى الله عليه وسلم - قال ::

"إن لله تعالى آنية من أهل الأرض وآنية ربكم قلوب عباده الصالحين وأحبها

إليه ألينها وأرقها ."

فأنت بالظبط كده عارف الكوبايه؟

هو ده قلبك..

قاعد بتنزل عليه ماء فبيتملى مية

لأ أنت بتحط خمر..لأ دا أنت بتحط سم..

هو ده إلى بيحصل بالظبط.. في ناس بقى قلوبها بتنتكس

بيتقلب بدل ما تبقى فتحة الكوبايه دي لفوق تبقى لتحت ينتكس قلبه..

قسي قلبه يقول النبي صلى الله عليه وسلم ::

عن حذيفة رضي الله عنه قال سمعت رسول الله صلى الله عليه وسلم يقول ::

"تعرض الفتن على القلوب كالحصير عودا عودا فأي قلب أشربها نكتت فيه

نكتة سوداء وأي قلب أنكرها نكتت فيه نكتة بيضاء حتى تصير على قلبين

على أبيض مثل الصفا فلا تضره فتنة ما دامت السموات والأرض والآخر

أسود مربادا كالكوز مجخيا لا يعرف معروفا ولا ينكر منكرا إلا ما أشرب من

هواه"

واخذين بالكم القلب بيحصل له ايه؟

بيشرب فأيما قلب اشربها أنت قاعد بتحط فتن

أنت تبص على المناظردى والمناظر دي ..ومقضيها..

إيه إلى بيحصل؟

بتسكب في قلبك فتن ممكن فى اللحظة دى تقولى أنا نظرتي نظرة بريئة..

انا مش بتاع كلام فاضي والكلام ده لا لأ خالص..

النظرة سهم مسموم من سهام إبليس يسم قلبك وأنت مش دارى

فالسم دخل فى القلب. .

. تيجى تخش تصلى مفيش..!!

قاعده تعيط وأنت مش لاقى تجيبه شمال تجيبه يمين تعمل أى حاجه عشان

يتحرك مفيش أى حاجه..

تجيبلك بقى بصلتين ولا أى حاجة عشان تشتغل مفيش برضه..

القلب مش شغال خالص تعبان على الآخر..ليه ؟

دخلت السم ومادرتش..

السم دخل بنظره لم تعطِ لها بالا وربنا غيور أوى على قلبك

ده قلبك ده بيحط فيه ربنا سبحانه وتعالى محبته ومعرفته

تيجى أنت تحط فيه محبة واحد تانى تحب واحده أد ربنا

أو أكتر من ربنا تبقى هي مواعداك وميعادها جاى على معاد

صلاة ولا حاجه فيعنى الصلاة ممدودة مش حتفرق تبقى المسألة كده؟

يعنى بتضحى بربنا عشان ايه؟

طيب اشبع بيها ورينى هتعملك ايه؟

خدوا بالكم من الدعاء ادعو بالدعاء ده..

((ياحى يا قيوم برحمتك استغيث..))

أشمعنى ياحى ؟

لأن الحي هو الذي يُحيى القلب

به حياة كل شئ ولأنه القيوم فبه قيام كل شئ ..

خدت بالك....!!

القلب ده مش هيحي مش هيفوق كده مش هيحس إلا إذا أحياه الحي

ومش هيقوم ويشتغل وتحس بقى بمعانى حلاوة الإيمان وطعم الإيمان وتمشي

بقى فى السكه كده

ويشدك الشوق الى الله جل وعلا وتأنس به ..

مش هيحصل الكلام ده كله إلا إذا قومه..

فياحى يا قيوم برحمتك استغيث لازم تنزل الرحمة..

هي دى المايه الى هتحطها فى الكوب..الرحمة حتنزل على القلب..

أصلح لي شأني كله ولاتكلنى الى نفسي طرفة عين..

يصلح أحوالك ..يصلح قلبك..

يطهر قلبك فتقدر تشتغل هتحس بمعاني الإيمان وإلا يكلك الى نفسك

لسه الموضوع مخلص وليه بقيه تاني

فتابعونا

[om Maaz]

رد: عــآوز ابقــى كويـــس بس مش عـآآرف :(

•.• (( 2 )) •.•








لما سيدنا حذيفه سأل النبي-صلى الله عليه وسلم كان بيقول ايه؟



بيقول الناس كلها كانت بتروح تسأل النبي _ صلى الله عليه وسلم _



عن الخير وأنا كنت بسأله عن الشر مخافة أن يدركنى



فقلت له يارسول الله هل بعد هذا الخير من شر؟




بصوا بقى الجواب النبوى النبي يقول له ايه

( ياحذيفه تعلم كتاب الله واتبع مافيه)

هو بيسأله عن حاجة بيقول له هو بعد الخير ده حيحصل شر؟



فيقول له ( ياحذيفه تعلم كتاب الله واتبع مافيه)



فيقول يارسول الله هل بعد ذلك الخير من شر فيعيدها عليه النبى ثلاث مرات



ثم يقول له النبى صلى الله عليه وسلم



(نعم فتنة وشر)



فقلت يارسول الله هل بعد ذلك الشر من خير ؟


فالنبى يقول له تانى ياحذيفه تعلم كتاب الله واتبع مافيه يعيد حذيفه


السؤال تانى ثلاث مرات برضه إلى اأن يقول له النبى –صلى الله عليه وسلم-

وهنا محل الشاهد

(نعم هدنة على دخن وجماعة على أقذاء فيها )







ايه يعنى ايه الكلام ده هو حتى سيدنا حذيفه قال له ماهدنة على دخن ؟

يعنى ايه؟

قال :: اسمع بقى الكلمة دى

(لاترجع قلوب أقوام على الذى كانت عليه)

فهمتوا الحته دى ولا مافهمتوش؟

قلبه كان فهم شويه كان عرف شويه كان مشى شويه

وبعدين يعمل ذنب وينتكس ويضيع

ولما يحب يرجع مايلقيش قلبه ده خالص
شفتوا !خطر! إزاى ذنب يضيع كل اللى بتبنيه يفسد عليك حالك..

قلوب أقوام لاترجع على الذى كانت عليه

إن الناس تفقد قلوبها لاتهتم بموضوع القلب ده

والنبى_ صلى الله عليه وسلم_ قال::

" إن في الجسد مضغة إذا صلحت صلح لها سائر الجسد وإذا فسدت فسد لها سائر الجسد ألا وهي القلب

• بتعمل ذنوب ؟ كلنا بنعمل ذنوب..

ايه الاصل..قلبك فيه مشكله..

جوه قلبك حاجه لازم تطهر قلبك منها لأنك لو لم تطهر قلبك فى الدنيا

طهره الله بأهوال الموت ومابعده..

أنت دلوقتى بصيت بصه قلت كلمة فارغة اكلت مال حرام


عملت كذا عملت كذا

نكت سودا قاعده بتتحط وبعدين اشتغلت شويه استغفرت شويه

شلت شويه صليت شويه شلت شويه

وبعدين رجعت عملت ذنوب تانى والعمليه رايحه جايه كده..صح؟

• مش دى أحوالنا ؟





لو مت بقى وفيه رصيد من السيئات لسه موجود على القلب

ماينفعش تدخل الجنه كده .. لازم يتطهر يطهر بايه ؟

يشد عليك العذاب يبتليه بمرض شديد يبتليه

بسكرة الموت تُنزع الروح منه كأنها أشد من الضرب بالسيوف

فإن لم يخفف هذا من رصيد السيئات اللى مطبوع على القلب

يبتدى يخش فى اهوال القبر

ويُشد عليه ويُضغط عليه فى القبر ضغطه شديده ويبتدى يُفتن بفتن القبر ..

لسه فى رصيد من السيئات يبتدى أهوال الحشر..

تدنو الشمس منه حتى يسيح لحمه ويتساقط لحم وجهه-والعياذ بالله-

فإن لم يكن كل ذلك كتب عليه نصيبه من النار

كل ده عشان رصيد السيئات ماخلصش عشان ايه؟

الجنة عنوان دخولها { إِلَّا مَنْ أَتَى اللَّهَ بِقَلْبٍ سَلِيمٍ }

يعنى طاهر عشان كده النهارده

موضوعنا فى غاية الأهمية



• طهر قلبــك قبل أن يُطهر بالعذاب •

[om Maaz]

رد: عــآوز ابقــى كويـــس بس مش عـآآرف :(

•.• (( 3 )) •.•

كان أبو هريرة يقول

( الملك هو القلب والأعضاء جنوده فإذا طاب الملك طابت جنوده وإذا خبث القلب خبثت جنوده )

فالعبرة بقلبك ..الناس فاهمة الكلام ده لكن للأسف بيستخدموه فى غير موضعه

يقول لك ايوه العبرة بالقلب مدام ده ميه ميه وزى البفته البيضة :)

يبقى كله تمام..

وطبعا هذا كلام غير صحيح لأنه لوهو قلبه طاهر

هيبقى مقبل على العمل لأن دى علامة صحة القلب.

حسألكم سبع أو تمن أسئلة نعرف بيها قلبنا حي ولا قلبنا ميت

وإحنا مش داريين ..

العبرة باللى فى القلب الله عز وجل قال ::

{ وَلَكِن يُؤَاخِذُكُم بِمَا كَسَبَتْ قُلُوبُكُمْ }

ممكن الواحد يقول بلسانه كلام كفر وربنا يعفو عنه

الراجل من شدة الفرح قال ايه؟ اللهم أنت عبدي وأنا ربك اخطأ من شدة الفرح

فنطق بكلام كفر لكن هو قلبه عايز إيه قلبه يريد أن أنت يارب أعظم حاجه

عندي وعايز يقول قلبه كده فوقع لسانه فممكن تنطق كلمة كفر

ولايحاسبك الله وممكن تنطق كلام الإيمان المعسول الى مافيش أحسن من كده

وقلبك خراب فلا يوضع فى ميزان حسناتك..

الله يقول::{ إِن يَعْلَمِ اللّهُ فِي قُلُوبِكُمْ خَيْراً يُؤْتِكُمْ خَيْراً }

والله لو قلبك مليان بحبه ..قلبك مشتاق له..

قلبك متطلب رضاه..

كان اداك لكن ابحث عن المشكله جوا قلبك لازم يُطهر

ولو قلبك طهر هو ده مفتاح المغفرة إنه لو طهر هيتمكن منه الايمان

النبى- صلى الله عليه وسلم – قال::

[ ما من نفس تموت وهي تشهد أن لا إله إلا الله وأني رسول الله- خدوا

بالكم بقى - يرجع ذلك إلى قلب موقن إلا غفر الله لها ]

هو القلب هيبقى امتى موقن؟

لما يبقى طاهر مافهوش حاجه إلا ربنا

فيتيقن يترسخ يقوى فى قلبه معرفة الله وحبه

لو قلبك طهر هو ده مفتاح دخول الجنه

عن عياض بن حمار رضي الله عنه قال

سمعت رسول الله صلى الله عليه وسلم يقول::

* • *

" أهل الجنة ثلاثة ذو سلطان - سلطان هنا معناه واحد عنده فلوس وجاه

ومنصب - مقسط - راجل عادل متصدق- موفق ورجل رحيم رقيق القلب

لكل ذي قربى ومسلم - قلبك رقيق احنا لسه بنقول إن النبى قال إن أحب

القلوب لربنا مين؟

القلب الرقيق والقلب المتوكل عليه اللين (الينها وارقها)-

وعفيف متعفف ذو عيال "- مابيمدش ايده على الحرام عفيف ماشى وراضى

باللى ربنا قسمه له- "

* • *

قلبك لو طهر فهذا مفتاح شفاعة الحبيب - صلى الله عليه وسلم- فالنبى قال

" أسعد الناس بشفاعتي يوم القيامة من قال لا إله إلا الله خالصا مخلصا من قلبه."

ماتطلعش الا من قلب طاهر

دى ماتطلعش لاإله إلا الله إلا من قلب طاهر

الاسبوع الى فات احنا حكينا عن قصة الشاب الى كان عنده أربعة وعشرين

سنة وربنا سبحانه وتعالى أكرمه بحسن خاتمة وقعد يقول لاإله إلا الله بعد

ماكان بيقول فين مراتى فين مراتى فين مراتى وبعد كده راح قال لا إله إلا الله

عشر مرات وبعد كده قال يارب اغفر لى وتب على واقبلنى ومات

قلتلكم كانوا بيقولوا ايه ؟

اخ طيب خالص وعادى يعنى بس الأخوة كلهم اتفقوا على معنى واحد

إن فى حاجه فى قلبه مختلفه بيقول لك تقعد معاه مش زى أى حد

لما ينطق ويتكلم فى حاجه فى قلبه مختلفه عشان كده

طلع لاإله إلا الله فى الموقف ده فيه لا إله إلا الله فى القلب

فطلعت فين فى قلبك؟

لو حطيت إيدك كده على قلبك تلاقيها بتنبض بــلا إله إلا الله ولا بالدنيا ؟

بتفكر فى ايه دلوقتى؟

أى واحد فيكم دلوقتى أول حاجه بتخطر على باله إيه؟

ايه الهم اللى راكب دماغه اللى لما يجى ينام يفكر فيه

وهو ماشى بيفكر فيه وهو بيصلى بيفكر فيه دنيا ولا آخره ؟ ..

قاعد وانت بتصلى بتقول له ارضى عنى يارب حبنى يارب خد بايدى يارب

ماتكلنيش لنفسى يارب

ولا قاعد بتصلى وبتفكر هتخلص إزاى وهتعمل ايه بعد شوية وهم الدنيا

اللى انت مشغول بيه قلبك فيه ايه؟

القلب ده خطر أوى أوى ياشباب

النبى صلى الله عليه وسلم قال:

" إنما سمي القلب من تقلبه إنما مثل القلب مثل ريشة بالفلاة (فى الصحراء)

تعلقت في أصل شجرة يقلبها الريح ظهرا لبطن ."

ريشه ومحطوطة فى الصحراء فتيجى الريح تقلبها كده مره ومره تجيبها كده

هى كده بالظبط أنت مره بتيجى على الحته البيضه تلاقى نفسك شغال وفايق

تقلب على الحته السودا ولاجايبه أى حاجه خالص صح كده؟

إنما سُمى القلب قلبا لتقلبه ودايما يجى الشباب يجى يقلى اهلى مشددين عليه

فى موضوع الدين والالتزام لبست الحجاب ومش موافقين

مش عايزانى البسالنقاب مش عايزنى التحى مش عايز كذا دايما اقله فى

الجواب الكلمه دى

" إن القلوب بين أصبعين من أصابع الله يقلبها كيف يشاء."

لو شاء فى ثانية تلاقى قلبك وقلب الناس حوليك اتقلب

على الحته الكويسه وخلاص لكن هى كلها

مش عايزة تقلب ليه على الحتة الكويسة؟

كل شويه جيالك فى الحته المسدوده ليه؟..

القلوب بين اصبعين من أصابع الرحمن يقلبها كيف شاء

وقال صلى الله عليه وسلم ::

" لقلب ابن آدم أشد انقلابا من القدر إذا استجمعت غليانا."

حط كده براد الشاى وشوف المايه لما بتغلى بتبقى عامله إزاى؟

اهو قلبك بيعمل كده بالظبط بيتقلب زى المايه مابتتقلب ساعة الغليان

بالظبط هو ده قلبك عشان كده النبى صلى الله عليه وسلم

كان أكثر دعائه أن يقول

يامقلب القــلوب ثبت قلبى على دينك

برضوا لسه الموضوع مخلص اصل الموضوع كبير
وعمليت نطهير القلب مش سهلة تابعونا غدا بإذن الله

[فقيرة إلى الله]

رد: عــآوز ابقــى كويـــس بس مش عـآآرف :(

وعليكم السلام ورحمة الله وبركاته
بوركِ فيكِ أختى الغالية
موضوع مهم يحتاج إلى وقفات لتأمل ما فيه من عظات وعبر

[om Maaz]

رد: عــآوز ابقــى كويـــس بس مش عـآآرف :(

وعليكم السلام ورحمة الله وبركاته

بوركِ فيكِ أختى الغالية
موضوع مهم يحتاج إلى وقفات لتأمل ما فيه من عظات وعبر

وفيك بارك الله اختي الكريمة
شرفني مرورك