Tweet
عايز التزم ..اعمل اييييييه؟؟
عايز التزم .. خلاص انا فعلا حاسس اني تعبااااان وخلاص بقى عايز ارجع لربنا
عايز ابقى ملتزم
اعمل ايه؟؟
تعالى اقولك تعمل ايه
اولا كده
الالتزام يعني ايه؟
يعني طاعة ربنا والالتزام بأوامره واوامر رسوله
طيب ازاي انقل من واحد عادي لواحد ملتزم
اول حاجة لازم تعملها
هي التوبة
لازم تتوب عن كل الذنوب اللي عملتها
كلنا عملنا ذنوب ووقعنا في اخطاء
ومش التوبة دي لناس معينة دون غيرهم
لا..كلنا لازم نتوب
الرسول صلى الله عليه وسلم كان بيتوب كل يوم اكتر من سبعين مرة
وسيدنا ابراهيم كان بيتوب لربنا كتير
ورسل كتير
كلنا لازم نتوب لربنا على طول
يبقى اول حاجة التوبة
والتوبة دي يعني ايه؟؟
يعني انك تندم على اللي عملته في حياتك من معاصي وذنوب
تندم انك كنت بتسمع اغاني
تندم انك كنت ما بتصليش
تندم على الافلام والمسلسلات اللي كنت بتشوفها
تندم على السجاير اللي كنت بتشربها
تندم على البنات اللي كنت مصاحبهم
تندم على البنات اللي كنت بتعاكسهم
تندم على عقوقك لوالدك ووالدتك
تندم على كل معصية كنت بتعملها
وايه تاني عشان ابقى تبت؟
انك بقى تاخد القرار انك مش هترجع للحاجات دي تاني
يارب خلاص انا راجعلك ومش هعمل اي حاجة من المعاصي اللي كنت بعملها دي
تاني حاجة بعد ما تتوب
طبعا التوكل على الله في كل اللي احنا هنعمله
تتوكل عليه انه مش هيسيبك
تتوكل عليه عشان تبقى ملتزم بجد
والدعاء الدعاء الدعاء
ده في الاول والاخر وفي كل وقت تدعي ربنا على طول انه يرشدك للطريق الصح
طيب ايه بعد كده؟؟
لازم لازم لازم النية الصادقة
لازم تكون فعلا من جواك عايز تلتزم
اي حاجة هتنوي تعملها هتعملها
انت انوي بس
طيب نوينا نية صادقة
ايه بعد كده؟؟
صحبة صالحة
ودي مهمة جداااااا
لازم تبقى في وسط ناس ياخدو بايدك ويودوك ناحية الخير
اي حد تقوله انك مقصر مع ربنا بيقولك ايه؟؟
سيب اصدقاء السوء
يبقى لازم نسيب اصدقاء السوء
وندور على صحبة صالحة وتوكل على الله وهتلاقي
طيب الصحبة الصالحة لازم يعني؟
طب ماانا ممكن انا اعمل لوحدي
بس ممكن تضعف..
وممكن اصحابك يودوك اماكن انت ماكنتش هتروحها لو انت لوحدك
يعني مثلا هم يبقو عارفين ان في درس ديني في المسجد الفلاني بعد العصر
فهياخدك معاه
مهمة جدا جدا الصحبة الصالحة
طيب ايه بعد كده
احنا كده قطعنا شوط كبير جدا
تبنا
توكلنا على الله
نوينا نية صادقة
ولقينا صحبة صالحة
بعد كده الاجتهادات بقى
تجيب كتب وتقرأها عن الدين عشان تعرف الحلال من الحرام
الدروس اللي تحضرها تكون كتيرة وتركز فيها وتستفيد من اي درس تروحه
تقول لا
لاي حاجة تعرف ان ربنا مش بيحبها
تشوف اي عمل قبل ماتعمله
ياترى ده يرضي ربنا ولا لا؟
لا مايرضيهوش ..يبقى خلاص مش هعمله
وبعد كده بقى الحاجات اللي هي الاعمال الخيرية بقى اللي تزود بيها حسناتك
زي الصدقة
الامر بالمعروف
النهي عن المنكر
المشاركة في الاعمال الخيرية
صيام التطوع والسنن
صلاةالتطوع و السنن
قيام الليل بقى وكل الحاجات دي
على اد ماتقدر تجتهد فيها اجتهد
وحط في دماغك حاجة واحدة
ازاي اموت وربناراضي عني
وانت ماتعرفش هتموت امتى يبقى تحاول انك ما تعملش ذنب لحسن تموت عليه
ولو عملت تتوب على طول وترجع لربنا
مش تصر على الذنب
لان كلنا بنذنب
لكن مانصرش على الذنب ونتوب ونرجع لربنا بسرعة
اللهم انا نستغفرك من كل الذنوب والخطايا ونتوب اليك
اللهم توفنا وانت راض عنا وارزقنا حسن الخاتمة يارب العالمين
تشوف اي عمل قبل ماتعمله
ياترى ده يرضي ربنا ولا لا؟
لا مايرضيهوش ..يبقى خلاص مش هعمله
وبعد كده بقى الحاجات اللي هي الاعمال الخيرية بقى اللي تزود بيها حسناتك
زي الصدقة
الامر بالمعروف
النهي عن المنكر
المشاركة في الاعمال الخيرية
صيام التطوع والسنن
صلاةالتطوع و السنن
قيام الليل بقى وكل الحاجات دي
على اد ماتقدر تجتهد فيها اجتهد
وحط في دماغك حاجة واحدة
ازاي اموت وربناراضي عني
وانت ماتعرفش هتموت امتى يبقى تحاول انك ما تعملش ذنب لحسن تموت عليه
ولو عملت تتوب على طول وترجع لربنا
مش تصر على الذنب
لان كلنا بنذنب
لكن مانصرش على الذنب ونتوب ونرجع لربنا بسرعة
اللهم انا نستغفرك من كل الذنوب والخطايا ونتوب اليك
اللهم توفنا وانت راض عنا وارزقنا حسن الخاتمة يارب العالمين
تعليق