(( أنــا و النت )) !! .. إزاى استغل وقتى صح على النت ؟؟

[om Maaz]

تفتكر ممكن النت يجننك؟؟

تفتكر ممكن يحصل لك نوع من انواع الإدمان؟؟

وتبقى دي حالتك :

هاتولى نت ..انا عايز نت .. طب اشرب بق واحد بس

طب سندوتش نت واحد بس ..

تبقي نايم ويصحوا فيك : zzzz

نـــــــــــــــــــــــــــــــــــــت

نـــــــــــــت .. نـــــــت .. نـــت ... نـت .. نت zzzz

هل ممكن من كثرة جلوسك على المنتدى ..

يكون ده موقفك :

صاحي بدري .. قمت عملت كوباية شاي + سندوتش جبنة

وفتحت الكمبيوتر .. واندمجت جااامد جدا .. ونسيت الشاي خالص .. اول ما افتكرته (طبعا كان برد) ..

روحت تجري وتقوله ((( اعتذر للتأخير )))!!! وممكن تقوله كمان (جزاكم الله خيرا .. منتظرين مشاركتك)؟!!

هل ممكن الواحد يتحول لشبح نت؟!!!

قضية مهمة جدااا .. عايزين نعيشها .. نواجهها ..

نستفيد من الصح والغلط اللى فيها ..

نوازن حياتنا صح .. فنعيشها صح لله باذن الله

سنتناول القضية: بحكم تجاربنا الحياتية وكمان الناحية العلمية

..

انتظرونااااااا

نـــــــــــــت

نـــــــــت

نــــــت

نــــت

نـت

[om Maaz]

رد: (( أنــا و النت )) !! .. إزاى استغل وقتى صح على النت ؟؟

انت قاعد ع النت لييييييييه ؟؟

اهم حاجة واول حاجة .. انت قاعد ليه ؟؟ .. بتعمل ايه؟؟

بتقرأ معلومات جديده

شغال في موقع اسلامي ؟؟؟

تعمل في الدعوة؟؟

بتكوّن صداقات جديدة ؟؟
طب صحبة صالحة ولا؟!!!

ليك صدقة جارية على النت ؟؟؟


نسأل الله لك صلاح الحال ...




طب ممكن سؤال
:

ماما طفت النور ...... اخواتى ناموا ...... والدى نام من زمااان علشان رايح الشغل
وانا قاعد \ قاعدة ع النت (( كالعادة))


هل هتفرق كتير لما تقعد في وسط أهلك
؟؟ او تقعد لوحدك ؟؟


همممممم ...


هل ممكن تفتح موقع اباحي .. ؟

انا ......... لا طبعاااااااااا

انت متأكد؟؟

ايوة طبعا انتى بتتكلمى في ايييييييه؟!!

طب بلاش انت تفتحه بإرادتك ... هو اتفتح غصب عنك ..
هل هتشوف فيه ايه ؟؟ .. حب استطلاع؟؟

لا طبعااااا هقفل على طول

بس ده لو اهلك قاعدين .. طب لو
نايمين وانت \ انتى لوحدك ؟؟

........
(قُلْ لِلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ *وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ)


مين اللى بيقول كدة؟؟؟
ربنا جل وعلاااااااااا

بيكلم مين ؟؟
انتتتت و انتييي

اوع تستهون
... ده كلام خطييييير .. ممكن اوى الشيطان يوقعك ..

بس
انا ملتزم .. وانا ملتزمة ..

للاسف الفتن لا تعرف كبير ولا صغير .. ملتزم
او غير ملتزم

* اوعى تقول انا داخل موقع كذا
علشان ابعت تقرير سئ عنه علشان يتقفل وتتفتن .

* اوعى حد يبعت لك فيديو اسلامي
جمييييل من موقع زي يو تيوب تتفرج عليه واعلان يشدك تفتحه
سواء اغنية .. فيلم ... مناظر وحشة .. كفاية كدة ....


* لا تقل للدهر خلوت يوما ولكن قل عليا رقيييييييييييييييييييب

* خلى الكلمة دي
ادام عينيك \ عينيكي اووووى





* واتقي الله





* واعرف كويس اوى ان اى اغنية تشوف اعلانها فيلم كذا او كذا.. شوفت الاعلان ومافتحتهوش ليك اجر عظييييم باذن الله
ولو فتحته ... معاذ الله ... العكس .!!

من الآن ...... اى معصية في السر كنت بعملها .. او عملتها في مرة .. بارادتى او بغير ارادتى





اتوب الآاااان وفوراااا .. لعلى لن اكمل الموضوع اصلا ..

[om Maaz]

رد: (( أنــا و النت )) !! .. إزاى استغل وقتى صح على النت ؟؟

الحلقة الثانية ::أسأل مجررررب

إزاااااى اوفق بين دراستى والنت ؟؟











بعد ما اتكلمنا عن .. انا بقضي اصلا وقتى في ايه علي
النت ؟
وتبنا من اى ذنب كنا بنعمله ع النت ..
وعزمنا على عدم العودة واننا نستخدمه صــــح...

>>نيجى لنقطه >>


انا عندي دراسة
بكرة امتحان الميد تيرم


في شيت لازم يتقدم بكرة
تخيلي انهاردة امتحان العملى !!

الاسبوع الجاي آخر معاد لتسليم البحث
!!!!!




كفااااايه

بس تفتكروا هيهمني ؟؟




بردو هقعد ع النت ..
ماهو ده شغل وده شغل .. بس ده جاى على هوايا





نقف هنا ونقولكsto0Op


في 3 حاجات مهمين جدااا ::
تحديد الهدف / ترتيب الأولويات / تنظيم الوقت صح





الحلقة دي هنتكلم عن أول نقطة ..




ايه هي؟؟؟؟




تحديد الهدف والجزء الأول من ترتيب الأولويات ..




لازم ارتب أولوياتي .


مين اولويات دي .. ؟!!!


أولوياتى يعنى .. الأهم فالمهم فالأقل أهمية

زي ما عرفت انا بقعد ع النت ليه .. لازم اعرف انا بدرس ليه؟؟




بدرس علشان اخدم ديني .. علشان اتفوق .. واكون مسلم ملتزم .. متفوق قدوة لغيري .. احبب الناس في الالتزام .. وآخد ثوابهم.. احسسهم ان مفيش حاجة اسمها ملتزم فاشل بل العكس تماماااا .. علشان اقرب من ربنا اكتر ؛ لأن اكتر ناس بتخشى الله العلماء فكل ما اتعلم اكتر احقق معنى التقوى


.. زي الغرب اللى بيتعلموا مثلا الفلك ويدعوهم هذا العلم للتفكر ويدخلوا الاسلام .. ادعو اصدقائي والناس كلها للهبسلووكي .. انفع الناس بعلمى.. ارضي والديا عنى.. ابرهم اشد البر فهم طريقي للجنة .. ادخل السرورعلى قلوبهم.. انفع ديني بتفوقى .. لو طبيب لو مهندس لو مدرس لو محاسب .. في اىمكان وفي كل وقت بكون..مثال صح في المكان الصح






من الآخــــــــر ::عايز أوصل للمثالية والتميز فى كل حياتى

من كل اللي سبق هنكتب شوية معادلات حلوةاوى ..

الدراسة والعلم والتفوق = مهمين جدا في حياتى

النت والدعوة إلى الله والعلم اللى على النت = من أهم الحاجات في حياتى

الدراسة+النت=جزء كبيييير من حياتى

بس عايزين نعرف مين الجزء الأكبر؟



مين الاهم دراستى ولا النت؟؟.. طب هم الـ2 بيشكلوا ادايه من حياتى؟؟

هو ده ترتيب الأولويات

:

اعرف حجم الحاجة دي ايه؟ .. ايه اهميتها بالنسبة لى؟
مين الأهم فيهم؟

وارتب اولوياتى

هنخلى بالنا من نقطة مهمة جدااا

ان في الدراسة تحقيق بر الوالدين ورضاهم وقبلهم رضا ربنا عني و ..
اذن بشتى المقاييس دراستى والعلم اللى بتعلمه تكتسح المرتبة الأولى

واحد يقول .. طب والدعوة ع النت .. والجروبات الاسلاميه .. والمشاركه فى المنتديات (ومش اى منتديات لازم تكون اسلاميه .. مش عاوزين لغبطه وذنوووب ) ؟؟

نقولك انت بتدعو على النت الاجازة كلها .. والدراسة ادامك فرصة اكبرررر تدعو فيها لله زي ما قلنا بسلوكك وبالدعوة المتعارف عليه .. انك تاخد بيد واحد مش ملتزم تجذبه ليك.. تساعد اصحابك ف الدراسة .. توزع على احب اصدقائك كتيبات صغيرة.. (مش تجري في الكلية توزع على كل الناس بدون اذن ادارة الكلية ؟!! .. اوعي )

انت وانتى مطالبين بالدعوة .. ومطالبين تحافظوا على نفسكم وترضوا والديكم

تمام كدة قربنا نوصل ..

يبقى المرتبة الاولى:: دراستى
المرتبة الثانية :: جلوسي ع النت

طيب هل معنى كدة مقعدش ع النت ؟؟؟

لاطبعااااا

ده انت وانتى شبه مدمنين .. بس مش هو ده السبب اللى هتقعد علشانه ..

وانما علشان الحياة مش هينفع تكون كلها .. دراسة .. مذاكرة .. اكيد في قسط من الراحة .. وانت اللى هتحدد تقضيه ازاى



يعني لو عندك مذاكرة .. ابدأ بيها ثم تجلس على النت
لأن لو بدأت بالنت هتتشتت ومش هتركز في ولا كلمة من اللى هتتذاكر





وحدد هدفك كويس اوى اوى و ده هيعينك كتير بس بعد الاستعانة بالله طبعا





إذن لازم انظم وقتى .. وارتب اولوياتي

.. نكمل الحلقة الجاية مع تنظيم الوقت وعلاقته بترتيب الأولويات .. والخطة المثلى للتفوق

...

انتظرووووووووووووووونا

[om Maaz]

رد: (( أنــا و النت )) !! .. إزاى استغل وقتى صح على النت ؟؟

الحلـقــــــة الثالـثــة

ماما بتناااااااادي ....

موقف من الواقع :

يا محممممممد ...يا محمممممممد
ايوة يا ماما
تعالى عايزاك
ثواني بس يا ماما
بسرعة
طيب هخلص اهوه
......
....
ويمضي الوقت
...
..
يا محممممممد ... انت يا ابني
والله اهوه قربت اخلص
تعالى يا ابني عايزاك
طيب حاضر
..........
.......
روح يا محمد قلبي وربي غضبانين عليك ..
او
روح يا محمد اللاهي ما تكسب !!

ده حال كام واحد أو واحدة فينا ؟؟؟
عقوق ... عصيان وانتى مش حاسة !! ...
قبل ماتكمل عايز تعدي هنا ثواني من فضلك #1امي ماتت وانا مشغول بالنت
والعواقب معروفة : عدم رضا والديكي وقبلهم ربنا جل وعلا .. ضياع الأوقات وعدم البركة فيها ومن ثم ضياع الأعمار و..و.. وتتوالى المصائب !!!!!

طب تعالوا نشوف الموقف ده كمان :

همم .... هاها .. تا لالالالا
داخل مزاجه رايق من الكلية
ااااااه .. مش قادر عايز أنام 3 سنين عشان أفوووق
وفعلا .....
ززززززز
قام من النوم اول حاجة عملها
فتح الكمبيوتر ...

وراك مذاكرة ؟؟؟
اه .. بس هعمل كام حاجة كدة وادخل على كام سايت وبعد كدة اذاكر
وبعدين فكك مني هو انا هبدأ مذاكرة من أول يوم ..

يا ابني انت مش عايز ترضي امك وابوك وعايز تتميز في حياتك وتبدع ..
ايوة بس اصل الهمة بقة وانت فاهم الباقي ..

طيب يبقى زي ما قلت لك رتب أولوياتك وانطللللللق
ذاكر ع الأقل نص الكمية وبعد كدة اقعد ع النت ...

المواقف اللى فاتت دي معظمنا الا من رحم ربي بتكرر معاه وكتيير جدا للأسف ... يمكن يفوق يومين من الغيبوبة دي لكن بيرجع لها تاني !!

لو عرف حق ربنا وحق أمه وابوه واد ايه البر ده مهم في حياته .. كانت حياته اتغيرت من الألف إلى الياء وأنا بكلم نفسي قبل ما بكلمكم ..
لعلي لما بكتب بتشجع على التنفيذ والله المستعان ..

اظن بكدة احنا فهمنا كويس أوى معنى أرتب أولوياتي ...

ونيجي بقة للنقطة رقم 3 وهي (((إزاي أوفق بين النت وبين دراستي؟؟؟؟)))

[om Maaz]

رد: (( أنــا و النت )) !! .. إزاى استغل وقتى صح على النت ؟؟

الحلقـــة الرابـعـــة



ازاى اوفق بين النت ودراستى ؟؟


زي ما عرفنا الحل الوحيد هو ::: ترتيب الأولويات اللى اتكلمنا عنه من قبل


ومن هنا هنحط خطة عملية
1/ وضع الخطة ::::
** حط لنفسك عدد ساعات معين للنت في اليوم الواحد
ساعة او 2 او اقل ((لكن مش اكتر من ساعتين))

** اكتب مطلوب منك مذاكرة ايه النهاردة

2/ اول ما ترجع من الكلية او المدرسة اللى متعود ينام .. هينام حوالى ساعتين
مع مراعاة الصلوات على اوقاتها


3/ اول لما تصحي هتاكل وكل حاجة تمام ... وندخل في الجد

اول حاجة بعد كدة واهم حاجة قراءة ولو صفحة واااااااحدة فقط من القرآن الكريم
صفحة واحدة مش هتاخد من وقتك حاجة ... او ممكن نتفق كلنا نقرأ ربع واحد قبل المذاكرة
ربع واحد يعني حوالى صفحتين او صفحتين ونص ..
ونتابع مع بعض


4/ ابدأ بتبييض المحاضرات واللى تتبيض تتذاكر في ساعتها
او في ناس مش بتبيض اصلا فـ ده يلقي نظرة على المحاضرة .. يفتكر كل حاجة اتقالت

سواء كنت في كلية او في مدرسة
تذاكر درسين او 3 مع حل الواجب أو تحل عليهم عامة ...
وانت محاضرتين في الاول مذاكرة
بعدها ممكن تقوم تشرب حاجة


5/ وطبعا اى وقت سواء بتذاكر او بتعمل اى حاجة فور الآذان تجري للصلاة على طول
سيب كل اللى في ايدك وانزل على المسجد علطووول

والبنت كمان .. لازم تتعودى على كدة .. تسمعى الآذان وتقولى وراه وتدعي 3 دقايق وتروحي تتوضي وتصلي فورااااا

هتلاقي بركة رهيييييييييبة في الوقت
واسأل مجرب ...


6/ بص نظرة سريعة على اللى ذاكرته .. العناوين وكدة وحبذا لو عملت ملخص صغير اوى بخط ايدك
حاجة زي خريطة كدة فيها العناوين
( عن تجربه بتنفع جدااااا ليله الامتحان )


حاجة مهمة اوووووى ::
لازم تكون بكدة خلصت اكبر جزء من مذاكرة اليوم ((يعني تسيب حاجة بسيطة اوى)) او تخلصها كلها يبقى حاجة رائعة جدااا وتكون فعلا .. متميز \ متميزة


7/ ممكن دلوقتى تروح تفتح النت
بس الساعة ادامك ..
محدد هدفك .. هعمل كذا وكذا وكذا
الاهم فالمهم فالاقل اهمية .. حتى في النت رتب اولوياتك


8/ والدتك \ والدك نادتك او عايزة منك حاجة سيب\سيبي النت واعملها وارجعوا تانى


9/ بعد قضاء نص ساعة او ساعة او 2 بالكتييييير

10/ ارجع قفل ملفاتك فاضل مثلا مذاكرة كذا وكذا ..
عايز اراجع كذا ..


11/ ركعتين بالليل (في جوف الليل) ادعي فيهم بكل ما تتمني .. وربنا يستجيب
ادعى ربنا يوفقك وان ربنا يبارك لك في وقت ولا ننسى بعض من الدعاء
وادعي ربنا يوفقك ويكرمك ويجعلك ملتزم \ملتزمة متميز ويرزقك بر والديك


12/ اذكار النوم .. وتوكل على الله
حاولى قدر الامكان يكون طبيعي نومك مثلا الساعة 12 لو زودت ممكن تبقى 1


وفقكم الله وبارك في اوقاتكم
كل اللى فات نصائح ليا وليكو
وانا معاكم في التنفيذ

بس نجدد نيتنا من المذاكرة ونجدد نيتنا اننا نوينا نصلح احوالنا مع الله ومع الوالدين والدراسة

اصدق النية وربنا هيوفقك ..

[شفيعي قرآني]

رد: (( أنــا و النت )) !! .. إزاى استغل وقتى صح على النت ؟؟

ماشاء الله اللهم بارك
موضوع رااائع جدا ومهم أوي
ربنا يبارك فيكِ وينفع بيكِ
جزاكِ الله خيرا

[omabdullah]

رد: (( أنــا و النت )) !! .. إزاى استغل وقتى صح على النت ؟؟

[om Maaz]

رد: (( أنــا و النت )) !! .. إزاى استغل وقتى صح على النت ؟؟

ماشاء الله اللهم بارك

موضوع رااائع جدا ومهم أوي
ربنا يبارك فيكِ وينفع بيكِ
جزاكِ الله خيرا

و فيك اللهم بارك اختي الكريمة
جزاك الله خيرا علي مرورك الراقي

بارك الله فيك اختي الكريمة

[sittanaalgasim]

رد: (( أنــا و النت )) !! .. إزاى استغل وقتى صح على النت ؟؟

الله بالجد كلام حلوووووووووو...ويدخل القلب...ربنا اقدرنا يارب ونرضيه ونسعد ب قربه جزيييييييتم خيرا..

[om Maaz]

رد: (( أنــا و النت )) !! .. إزاى استغل وقتى صح على النت ؟؟

الله بالجد كلام حلوووووووووو...ويدخل القلب...ربنا اقدرنا يارب ونرضيه ونسعد ب قربه جزيييييييتم خيرا..

جزاك الله مثله ويزيد
بارك الله في مرورك الذي شرفني

[* أم مريـم *]

رد: (( أنــا و النت )) !! .. إزاى استغل وقتى صح على النت ؟؟

وعليكم السلام ورحمة الله وبركاته
بصدق مش عارفة أقولك إيه لكن
أسأل الله أن يبارك لكِ فى أهلكِ ومالكِ ووقتكِ وصحتكِ
وطاعتكِ وكل شئ

[fatma22]

رد: (( أنــا و النت )) !! .. إزاى استغل وقتى صح على النت ؟؟

بسم الله ماشاء الله
حفظكى الله حبيبتى من كل سوء
جزاكى الله عنا خير الجزاء
أحبك فى الله

['أم حمزة']

رد: (( أنــا و النت )) !! .. إزاى استغل وقتى صح على النت ؟؟

جزاكم الله خيرا

موضوع هام

[ساعية لرضا الله]

رد: (( أنــا و النت )) !! .. إزاى استغل وقتى صح على النت ؟؟

ماشاء الله اللهم بارك
موضوع رااائع جدا ومهم أوي
ربنا يبارك فيكِ وينفع بيكِ
جزاكِ الله خيرا