♥ هّنِ ... وّأِلُمُلًتِزِمّ .. تابعونا مع أقوي الحلقات ♥

[om Maaz]

رد: ♥ هّنِ ... وّأِلُمُلًتِزِمّ .. تابعونا مع أقوي الحلقات ♥

لالالالالالالالالالالالالالالا

كده كتير بجد التشويق ده

يلا بقى بسرررررررررررعه

حاضر غاليتي
يشرفني متابعتك

[om Maaz]

رد: ♥ هّنِ ... وّأِلُمُلًتِزِمّ .. تابعونا مع أقوي الحلقات ♥

الحلقة الثانية عشر
بعد ما أيمن قعد يشتكي لربنا
كره الناس للملتزمين
قام اتوضي وصلي ركعتين عشان يهدي
وقعد يدعي فيهم كتير ان ربنا يهدي محمد وإبراهيم وإيهاب
للطريق الحق وقعد يدعي ويدعي
لجد ما سمع آذا ن الفجر نزل صلي ورجع
وهو في طريقه للبيت لقي باسل بيرن عليه
كان متردد يرد عشان نفسيته تعبانه ومضايق
وبعدين قرر يرد
أيمن: السلام عليكم ورحمة الله وبركاته
باسل : وعليكم السلام ورحمة الله وبركاته
إيه يا أيمن مبتردش بسرعة ليه يابني قلقتني عليك
أيمن : أنا كويس يا باسل الحمد الله متقلقش ياعم الحج
انا زي الجن اهو
باسل : الحمد الله إنك بخير يا حبيبي
ومتزعلش يا أيمن من كلام محمد امبارح والله محمد طيب بس هو بيدب
كلام كده من غير ما ياخد باله
ايمن : ربنا يهديه يا باسل ويشرح صدره
بس انا مش عارف هو ليه طلع فيها الطلعة دي
وكأني من كوكب وهو من كوكب تاني
باسل :معلش يا أيمن متزعلش
بس عارف إحنا لازم نحتوي محمد اكتر من كده
ونحسسه إن احنا قريبيين منه اوي وخايفين عليه
محمد طيب والله يا أيمن
أيمن : عندك حق يا باسل احنا لازم نقرب من محمد اكثر
ونحسسه ان احنا زينا زيه وان احنا كمان كنا أسوأ منه بكثير
واللي احنا فييه ده فضل من ربنا علينا مش بشطرتنا احنا
باسل : صح يا إيمو عندك حق
إلا قولي ياض يا أيمن انت روحت ازاي امبارح
أيمن : ركبت عربيه نص نقل يا خفيف
باسل : يعني عليك يا ضانيه عربيه نص نقل معلش معلش
الحمد الله إنك وصلت بالسلامه ياغالي
إلا قولي ياواد يا أيمن هنفرح بيك امتي بقه
أيمن : إنت شكلك فايق النهارده وعايز تتطلعهم عليا
باسل : لا والله بس عايز افرح بيك ياضنايا قبل ماموت ( ابتسامه)
مفيش حاجة كده ولا كده قولي قولي دنا صحبك وحبيبك
أيمن : لا ياحبي مفيش ولو فيه مش هخبي عليك يا غالي
باسل : ماشي ياحبيب أسيبك انا دلوقتي , السلام عليكم ورحمة الله وبركاته
أيمن : وعليكم السلام ورحمة الله وبركاته

نيجي بقه لمي ياتري شافت إيه في المنام
بعد لما مي سرحت في النوم
شافت في المنام
رجل علي وجهه الصلاح
ولابس ابيض في أبيض وبيقولها
شايفه يامي الطريق ده
وشايفه الولد إللي ماشي في الطريق ده
قالته آه شايفه
قالها أمش في الطريق ده يامي هيوصلك للجنة
قالته للجنة !!
قالها آه
قالتله : ياااااااااااااااااااااااااااااااااه
بس انا بعيده اوي عن الطريق ده
قالها : لاتيأسي يامي من رحمة الله
إن الله يغفر الذنوب جميعا
قربي وانتي هتوصلي
طيب اقرب ازاي
ومين الشخص
إللي ماشي ف طريق الجنه
ده
قبل ما الشخ يجاوبها
دخلت عليها امها وصحتها
يامي يامي قومي يلا عشان تروحي الكليه
صحيت مي وهي فرحانه وفي نفس الوقت
متعجبه يقصد إيه الشيخ بالكلمة إللي قالهالي
(قربي وانتي هتوصلي )
بدأت مي تحاور نفسها
قربي طيب اقرب إزاااي
دنا شفت نفسي بعيده اوي عن طريق الجنة
ومين الشخص إللي كان ماشي في طريق الجنه ده
ياااه كان نفسي اعرف ياريتك ياماما ما صحتيني
أنا احترت خلاص
يارب قربني منك يارب
يارب نفسي اوصل للجنة يارب
وبعدين
لبست مي ونزلت الكليه
وقابلت صحبها هنااااااااك

نيجي بقه لمحمد
محمد كان طهقان من نفسه
بعد لما روح حس إنه زودها شويه
مع أيمن وصحابه
وقال انا ازي طلعت الكلام السم ده
وحس من داخل نفسه إنه لازم يعتذرلهم
وخصوصا أيمن عشان ضايقه اووووي
بس مكنش عايز يجي علي كرمته
وقال يولعوا بجاز ان مش محتاج لهم في حاجة
ونزل محمد عشان يجيب الهباب إللي بيشربه
جت عربية من وراه بسرعة كبيييييييرة
وخبطته
وقع محمد مغم عليه علي الأرض وبدأ ينزف
دم كتييييييييير اوي
بالصدقة إبراهيم خرج البلكونة علي صوت الدوشه
إللي في الشارع
لقي محمد علي الأرض خبطته عربية وبينزف دم
راح ماصررررررررررررررخ
محمد
ونزل جري عشان يلحقه
جري عليه وحضنه محمد محمد انت سمعني يا حبيبي
طيب اتكلم قول حاجة
قعد ابراهيم يحرك فيه
ومحمد مش حاسس بأي حاجة
ولا سامع اي حاجة ومش عايز يفوق
صررررررخ براهيم
اطلبوا الإسعاف
اطلبوا الإسعاف
جت الإسعاف
وخدت محمد إلي المستشفي هو وإبراهيم
ودخل محمد العناية المركزة
وبعد ساعتين
خرج الدكتور وقال لإبراهيم
محمد حالته صعبه اوي
ربنا يسلمها وتعدي علي خير
ابراهيم : حالته صعبه يعني إيه يادكتووووووور
يعني هيموووووووووووت
الدكتور قال لإبراهيم : ادعي ربنا ينجيه يابني
إبراهيم : قعد يعيييييييييييييييييييييط بطريقة هستيرية
كل إللي في المستشفي قعدوا يبصوا عليه
نكمل الحلفة الجايه بإذن الله
إلي اللقاء

[منآيا أوصلك يارب]

رد: ♥ هّنِ ... وّأِلُمُلًتِزِمّ .. تابعونا مع أقوي الحلقات ♥

جزاكى الله كل الخير يا غالية
والله مش قادرة استنى وعايزة اعرف ايه اللى هيحصل
بعد اذنك انا نشرت القصة فى منتدى تانى لعل احد يقراها ويستفاد
احبكِ فى الله

[om Maaz]

رد: ♥ هّنِ ... وّأِلُمُلًتِزِمّ .. تابعونا مع أقوي الحلقات ♥

جزاكى الله كل الخير يا غالية
والله مش قادرة استنى وعايزة اعرف ايه اللى هيحصل
بعد اذنك انا نشرت القصة فى منتدى تانى لعل احد يقراها ويستفاد
احبكِ فى الله

وجزاك الله مثله ويزيد غاليتي
تابعي معي للنهاية وهنعرف بقية القصة
هيحصل فيها إيه
تفضلي بدون استئذان غاليتي انشريها
احبك الله الذي احببتيني من اجله

[قدوتي أمهات المؤمنين]

رد: ♥ هّنِ ... وّأِلُمُلًتِزِمّ .. تابعونا مع أقوي الحلقات ♥

يعني ايه اللي بيحصل دا
الحلقة ينفع تخلص في الوقت الحرج دا
ممكن تفهميني
بصي علشان في ناس غريبة بتدخل مش هأقول اللي كنت عايزة أقوله

[& انا مسلمة &]

رد: ♥ هّنِ ... وّأِلُمُلًتِزِمّ .. تابعونا مع أقوي الحلقات ♥

والله انا خلاص قلبى وقع فى رجليا
بالله عليكى متتأخريش يا ام معاذ
ربنا يبارك فيكى

[om Maaz]

رد: ♥ هّنِ ... وّأِلُمُلًتِزِمّ .. تابعونا مع أقوي الحلقات ♥

يعني ايه اللي بيحصل دا

الحلقة ينفع تخلص في الوقت الحرج دا
ممكن تفهميني
بصي علشان في ناس غريبة بتدخل مش هأقول اللي كنت عايزة أقوله

ليه الزعل ده غاليتي
ده عشان التشويق وعشان تتابعوا الحلقة الجاية
احبك ف الله
ويشرفني متابعتك

والله انا خلاص قلبى وقع فى رجليا

بالله عليكى متتأخريش يا ام معاذ

ربنا يبارك فيكى

ويبارك فيك غاليتي
لاتخافي غاليتي لن أتأخر
بإذن الله
يشرفني متابعتك

[& انا مسلمة &]

رد: ♥ هّنِ ... وّأِلُمُلًتِزِمّ .. تابعونا مع أقوي الحلقات ♥

الحلقيه الجايه امتى ؟؟؟؟
متقليش بكرة عشان عندى كليه ومش هقدر افتح

[om Maaz]

رد: ♥ هّنِ ... وّأِلُمُلًتِزِمّ .. تابعونا مع أقوي الحلقات ♥

الحلقيه الجايه امتى ؟؟؟؟


متقليش بكرة عشان عندى كليه ومش هقدر افتح

لما الحزن غاليتي
انا كنت هقول بكره فعلا
عشان المفروض بنزل كل يوم حلقة
وبسيطة غاليتي
لما ترجعي من الكلية بألف سلامة
اقرئي الحلقة الجديدة
ربنا يبارك فيك ويرضي عنك

[& انا مسلمة &]

رد: ♥ هّنِ ... وّأِلُمُلًتِزِمّ .. تابعونا مع أقوي الحلقات ♥

وفيكى الله بارك
خلاص ربنا يصبرنى لغايه بكره

[om Maaz]

رد: ♥ هّنِ ... وّأِلُمُلًتِزِمّ .. تابعونا مع أقوي الحلقات ♥

وفيكى الله بارك


خلاص ربنا يصبرنى لغايه بكره

ربنا يبارك لك غاليتي
بإذن الله اول ماترجعي
هتلاقي الحلقة الجديدة نزلت
احبك في الله

[الزهراء فاطمة]

رد: ♥ هّنِ ... وّأِلُمُلًتِزِمّ .. تابعونا مع أقوي الحلقات ♥

ماشاء الله حلقة رائعة
نريد المزيد من ابداعكـ
جزاكـ الله خيرا

[غراس الجنة]

رد: ♥ هّنِ ... وّأِلُمُلًتِزِمّ .. تابعونا مع أقوي الحلقات ♥

وجزاك الله مثله ويزيد غاليتي
يشرفني متابعتك
حاضر غاليتي سيتم التعامل
مع الألوان الواضحة فقط
نعتذر لك[/quote]

ءامين وإياكم اختي ربنا يحفظك ويبارك فيك ويزيدك خلقا وأشكر لكِ سعة صدرك

[*نداء الجنة*]

رد: ♥ هّنِ ... وّأِلُمُلًتِزِمّ .. تابعونا مع أقوي الحلقات ♥

يا الله لازم الحلقة تخلص هنا
انا عايزة اعرف ايه اللى هيحصل
متتاخريش علينا ربنا يباركلك
وجزاكى الله خيراً يا غالية

[& انا مسلمة &]

رد: ♥ هّنِ ... وّأِلُمُلًتِزِمّ .. تابعونا مع أقوي الحلقات ♥

ادينى رجعت يا ام معااااذ
واول ما جيت جيت على المنتدى على طووول وملقيتش الحلقه
ادينى مستنيه
بحبــــــ ــــــــك فى الله