♥ هّنِ ... وّأِلُمُلًتِزِمّ .. تابعونا مع أقوي الحلقات ♥

[om Maaz]

رد: ♥ هّنِ ... وّأِلُمُلًتِزِمّ .. تابعونا مع أقوي الحلقات ♥

بجد انتى فعلا مبدعة جدااااااااااااا
وحتبقى مبدعة اكتر بكتير لو نزلتى حلقة دلوقتى
جزاك الله خيرا

حاضر هنزل حلقة دلوقتي غاليتي
يشرفني متابعتك
وجزاك الله مثله ويزيد

[om Maaz]

رد: ♥ هّنِ ... وّأِلُمُلًتِزِمّ .. تابعونا مع أقوي الحلقات ♥

الحلقة السادسة
باسل قفل باب أوضته بالمفتاح وفضل يكسر في أوضته وبعدين بعد ما خلص تكسير


بكي باسل وقال : يارب أنا تعبت بقي مش عارف أرضيهم إزاي ليه يا رب الناس


بيهاجموا اللي ماشين في الطريق الصح ليه عاوزين يهدونا يارب ليه أنا تعبت أوي بقي


اتصل باسل بصديق ليه إسمهأيمن فضل يرن مردش عليه رن تاني رد ودار الحوار


أيمن : السلام عليكم ورحمة الله وبركاته


باسل : وعليكم السلام ورحمة الله وبركاته إزيك يا أيمن


أيمن : الحمد لله بس مين معايا


باسل : أنا باسل يا أيمن إنت نسيتني ولا إيه


أيمن : إزيك يا حبيب قلبي عامل إيه أصل صوتك متغير معرفتكش مالك يا باسل


باسل : قرفان يا أيمن أهلي تعبوني مش عارف أراضيهم إزاي طب قولي أعمل إيه


لأني تعبت خلاص يارب اموت عشان يرتاحوا مني خالص


أيمن : استغفر الله العظيم متقولش كده يا باسل كل حاجة وليها حل يا غالي بص يا باسل


مشكلتك دي أنا كمان وقعت فيها في بداية إلتزامي مكنتش عاجب حد ههههههه لدرجة


إنهم كانوا بيدعوا عليا وكمان بينادوني بالإرهابي شفت وصلت لدرجة إيه يا حبيبي


لازم تقابل الصعوبات دي اومال هتدخل الجنة كده لازم تتعب عشان توصل كل دي


اختبارات من ربنا يا باسل عشان ربنا يعرف اللي صادق واللي كاذب أوعي يهزك كلامهم


وإعرف إنك كدا ماشي صح طول ما الناس كلها بيعارضوك يبقي إنت كده في الطريق


الصح خليك ماشي متبصش وراك او تحت رجليك متسمعش لكلام الناس دول هيضلوك


تاني أهدأ يا بيبو كدا واستعيذ بالله من الشيطان الرجيم كل دا شيطان يا باسل ما بيصدق


يلاقي الملتزم إتهز عشان يغويه تاني أوي تديه فرصة قوله لأ أنا محمدي أنا مسلم


وبعدين إنت هتقابل صعوبات في الشارع وفي البيت وفي الجامعة في كل حتة يعني لازم



تستعد للحرب مع الشيطان وتجهز دفاعك وهو الكتاب والسنة آه فيه ناس مش هيقتنعوا


بكلامك بس إنت كده بتحارب نفسك الأمارة بالسوء والشيطان قوم صلي ركعتين كدا


واستهدي بالله وإن شاء الله الجاي أحسن ولو عاوز أي حاجة اخوك موجود



باسل : ياااااااااه يا أيمن كلامك ريحني أوي ربنا يحبك ويرضي عنك يارب



حاضر هقوم أصلي يا حبيب عاوز حاجة ؟؟



أيمن : عاوز سلامتك يارب غالي يالا عشان مأخركش السلام عليكم ورحمة الله وبركاته



باسل : وعليكم السلام ورحمة الله وبركاته
قفل باسل مع أيمن وراح عشان يتوضي



ويصلي صلي باسل وبقي يستغفر ربنا ويرجوه إنه يرضي عنه ويسامحه وخلص باسل



صلاة وطلع لأمه عشان يصالحها باس إيديها ورجليها وقال لها : سامحيني يا أمي حقك



عليا آخر مرة هرفع صوتي عليكي ومش هعصيلك أمر تاني أنا آسف سامحيني يا أمي



بكت أم باسل من اللي عمله وقالتله مسامحاك يا ضنايا دا انت ابني دا انت حبيبي


انت روحي ربنا يهديك ويصلح حالك كمان وكمان يارب يا حبيبي



قالها أمي مش زعلانة مني بجد
قالتله بجد يا نور عيني
قلها كده انام وأنا مطمن تصبحي
علي طاعة ربنا يا غالية عليا


قالتله : وإنت من أهله يا حبت عيني
حس باسل بالراحة لما نجا ربنا وصالح امه ونام أحلي نومة وبعد ساعات من النوم قام
باسل عشان يصلي قيام الليل وبعد كده ينزل يصلي الفجر ويلحق الصف الأول



بعد ما إبراهيم خلص صلاة نزل عشان يصلي الفجر وأول مرة إبراهيم يصلي الفجر في


الجامع دخل المسجد ولقي مفاجأة رهيبة جداً لقي صاحبه محمد قاله :


مين محمد طب إزاي لالا أكيد مش إنت إيه دا يا محمد إنت في المسجد


مش واخد بالك إنت دخلت جامع


محمد: أنا كنت جايلك عشان نسهر مع بعض زي ما بنتعود بس أول مرة أسمع الآذان


واتكسف من ربنا أوي كدا حسيت إن حاجة بتقولي خش يا محمد ربنا بيناديك ربنا بيحبك


عشان كدا الآذان أذن وإنت موجود جنب الجامع اترددت أوي عشان ادخل لقيت راجل


كبير قاللي مالك يا إبني إيه مش عاوز تدخل ؟ تعالي يا حبيبي مش هتندم والله هتحب


الصلاة اوي استغربت جداً لما عرفت أنه عارف إني مبصليش وبعدين قلتله :هو إنت


تعرفني قاللي آه يا حبيبي بس معرفش اسمك مش إنت اللي بتيجي لإبراهيم هنا علشان


تخرجوا في معاد الصلاة قاللي أنا إمام الجامع بس نسيت حاجة وطلعت أجيبها من البيت


محمد : آه أهلاً وسهلاً


الشيخ : أهلاً بيك يا حبيبي ربنا يهديك ويهدي شباب المسلمين جميعاً


محمد أول مرة حد غريب يدعيله جسمه قشعر وكتم دموعه عشان الشيخ ميشفهاش



إبراهيم :ياااااااااااااااااااااه كل دا حصل وأنا فوق سبحان الله بس تصدق إني مش


مصدق إنك هنا دلوقتي عاوز ميا تلج عشان حد يفوقني


محمد : متفرحش أوي كدا يا خويا هتبقي آخر مرة إن شاء الله


إبراهيم : لأ يا محمد مش هتبقي آخر مرة بالعكس ده أول الطريق يا صحبي أنا فرحان
الآذان اذن وأقاموا الصلاة ومحمد وإبراهيم وقفوا في الصف الأول لأنهم جايين بدري


جداً وقرأ الشيخ بصوت عذب جداً خلي محمد وإبراهيم يبكوا من الآية الكريمة دي


قال تعالي :(( قل يا عبادي الذين أسرفوا علي أنفسهم لا تقنطوا من رحمة الله إن الله


يغفر الذنوب جميعاً إنه هو الغفور الرحيم )) لا حول ولا قوة إلا بالله بعد ما الصلاة


خلصت الشيخ لقي إبراهيم ومحمد خارجين نده الشيخ وقال : يا إبراهيم إزيك يا إبني


قاله الحمد لله كويس قاله والله النهاردة فرحتي مش سايعاني يا ولاد الحمد لله يارب


أيوة كده يا شباب النبي أيوة كده يا حبايب علوا الهمة كدا وخلوا قلبكم جامد


ومتستسلموش للشيطان يا سلام علي فرحتي بيكم يا ولاد ها قولولي رايحين فين ؟؟


محمد قاله : مشوار صغير كده وراجعين


الشيخ عارف هما رايحين فين وقال برضه يا ولاد هتروحوا تشربوا بانجو وحشيش


بلاش يا ولاد السم الهاري دا متفتكروش إنه الهباب دا بيبسطكوا لا دا بيموتكم وانتوا


عاوزين تموتوا اللهم احفظكم من ختمة السوء تموتوا علي معصية عاوز تموت وفي


إيدك سجارة ولا إبرة ولا حباية الهباب دا فوقوا يا ولاد وخلوا الخطوة دي أول خطوة



في حياتكم كأنكم أول مرة تتولدوا كأنكم راجعين من الحج كما ولدتكم أمهاتكم من غير



ذنوب يالا يا إبراهيم اطلع يا حبيبي نام فوق وإنت يا ميدو تعالي معايا



محمد وإبراهيم بصوا جنبهم وقالوا في صوت واحد : ميدو مين يا شيخ ؟؟؟؟؟؟



الشيخ قال : ميدو إنت يا حبيبي هات إيدك نروح سوا يا محمد وضحكوا هما التلاتة



وفعلاً كلام الشيخ دخل قلوبهم بطريقة جمييلة جداً وإبراهيم طلع ومحمد والشيخ روحوا


في الجامعة بقي




مي قابلت بسمة وده كان الحوار : ازيك يا بسمة اخبارك إيه يا قمر



بسمة : يا بكاشة ما احنا لسه مقابلبن بعض وامبارح واتكلمنا كمان



مي: وإيه يعني وحشتيني برضه يا بت إلا قوليلي يا بسمة هو باسل شالنا من الفيس ليه




بسمة : باسل دا اتجنن خلاص كل حاجة حرام حرام وقلتله كدا قالي عشان حرام اكلمهم




مي : هو إيه خلاه كده احنا كنا صحاب جامدين أوي معرفش إيه اللي جرا ؟؟؟؟؟؟؟؟؟؟؟؟؟



بسمة : بيقول إنه ربنا هداه ومش عاوز يرجع تاني للطريق اللي كان ماشي فيه



قلتله الدين يسر وليس عسر قاللي إفهمي الآية الأول وبعدين قوليها بس فضل يتكلم



معايا في الدين وقاللي مش نفسك تقربي من ربنا قلتله آه طبعاً بس إن شاء الله لما اتجوز



هلبس النقاب كمان مش إسدال بس باخده علي قد عقله يعني &مي سرحانه وبسمة بتنده علها & (مي يا مي ) ؟؟؟؟؟؟؟؟؟؟



مي : مفيش بس تصدقي كلام أخوكي صح نفسي أقرب من ربنا بجد نفسي ......



بسمة : بت بت إيه إيه حيلك حيلك مش كده إن شاء الله هنقرب من ربنا بس مش



دلوقتي لما نكبر



مي : هو حد ضامن عمره يا بسمة اللي قدنا واللي أصغر بيموتوا انتي مش هنا ولا إيه ؟



بسمة : أوووووووووف عليكي يا مي لما بتبقي كئيبة أوف بجد يالا يا ختي عشان نلحق



المحاضرة وخدي بالك متفكريش في الموضوع دا عشان مش هتوصلي لحاجة يالا بقي


نكمل الحلقة الجاية بإذن الله
إلي اللقاء
وقبل ما انسي عايزين رأيكم في الحلقة دي

[فقيرة إلى الله]

رد: ♥ هّنِ ... وّأِلُمُلًتِزِمّ .. تابعونا مع أقوي الحلقات ♥

تحفه
روعه
جميله بكل المقايس
مستنيه علي شوووووق
من زمان ما قرأتش قصص جميلة كدا
بجد راااائع ربنا يحفظك يارب

[غراس الجنة]

رد: ♥ هّنِ ... وّأِلُمُلًتِزِمّ .. تابعونا مع أقوي الحلقات ♥

وعليكم السلام ورحمة الله وبركاته

الحلقة طيبة جدا يا أختي ربنا يحفظك وتعلمت منها خير كبير وهو الرفق في التعامل مع العصاة لإنه مهما كان الإنسان عاصي فهو محتاج قلب رحيم يأخذه برحمة وشفقه ورفق لإن الناس ليسوا ملائكة بررة وليسوا شياطين مردة

وتعلمت أيضا وأخذت بالي إنه مش معنى إننا ملتزمين هذا يعطينا الحق إننا نرفع صوتنا على الوالدين وإن الإنسان لو ربنا هداه ومنّ عليه بالهداية يزود من جرعة البر بأهله حتى يشعروا بالفارق بين الحال قبل الهداية وبعدها فبالتالي يحبوا الإلتزام وممكن أيضا يشجعهم عليه

جزاكم الله خيرا يا أختي وربنا ما يحرمك الأجر وياريت يا جماعة لا نكتفي بالشكر على الحلقات فقط وهذا لا يعني أن الشكر غير مهم بل هم مهم جدا فمن لا يشكر الناس لا يشكر الله

ولكن مقصدي أنه بالإضافة لذلك نذكر الدروس المستفادة من الحلقات حتى نخرج بالفوائد فنحن نتابع كي نستفيد ونطبق في حياتنا وليس لمجرد التسلية فقط

جزاكم الله خيرا يارب وأشهد الله أن كل من يكتب تعليق أستفيد من تعليقاته ومن توقيعاته فجزاكم الله عني خيرا

[om Maaz]

رد: ♥ هّنِ ... وّأِلُمُلًتِزِمّ .. تابعونا مع أقوي الحلقات ♥

تحفه
روعه
جميله بكل المقايس
مستنيه علي شوووووق
من زمان ما قرأتش قصص جميلة كدا
بجد راااائع ربنا يحفظك يارب

يشرفني متابعتك غاليتي
بارك الله فيك واسعدك
اللهم آمين وإياك غاليتي
شرفني مرورك

[om Maaz]

رد: ♥ هّنِ ... وّأِلُمُلًتِزِمّ .. تابعونا مع أقوي الحلقات ♥

وعليكم السلام ورحمة الله وبركاته

الحلقة طيبة جدا يا أختي ربنا يحفظك وتعلمت منها خير كبير وهو الرفق في التعامل مع العصاة لإنه مهما كان الإنسان عاصي فهو محتاج قلب رحيم يأخذه برحمة وشفقه ورفق لإن الناس ليسوا ملائكة بررة وليسوا شياطين مردة

وتعلمت أيضا وأخذت بالي إنه مش معنى إننا ملتزمين هذا يعطينا الحق إننا نرفع صوتنا على الوالدين وإن الإنسان لو ربنا هداه ومنّ عليه بالهداية يزود من جرعة البر بأهله حتى يشعروا بالفارق بين الحال قبل الهداية وبعدها فبالتالي يحبوا الإلتزام وممكن أيضا يشجعهم عليه

جزاكم الله خيرا يا أختي وربنا ما يحرمك الأجر وياريت يا جماعة لا نكتفي بالشكر على الحلقات فقط وهذا لا يعني أن الشكر غير مهم بل هم مهم جدا فمن لا يشكر الناس لا يشكر الله

ولكن مقصدي أنه بالإضافة لذلك نذكر الدروس المستفادة من الحلقات حتى نخرج بالفوائد فنحن نتابع كي نستفيد ونطبق في حياتنا وليس لمجرد التسلية فقط

جزاكم الله خيرا يارب وأشهد الله أن كل من يكتب تعليق أستفيد من تعليقاته ومن توقيعاته فجزاكم الله عني خيرا

ماشاء الله اللهم بارك
تعليق رائع جداا علي الحلقة
جعله الله في ميزان حسناتك غاليتي
لا حرمك الله الأجر
وجزاك الله مثله ويزيد
شرفني مرورك ومتابعتك

[حفيدةالصحابه]

رد: ♥ هّنِ ... وّأِلُمُلًتِزِمّ .. تابعونا مع أقوي الحلقات ♥

:والله أنا مش عرفه أقول أيه

جزاكى الله خيراً

بجد حلقات جمده جداً

والله أنا مشتاقه لسماع باقى الحلقات

أرجوكى ماتتأخريش علينا

ربنا يكرمك:

[om Maaz]

رد: ♥ هّنِ ... وّأِلُمُلًتِزِمّ .. تابعونا مع أقوي الحلقات ♥

:والله أنا مش عرفه أقول أيه

جزاكى الله خيراً

بجد حلقات جمده جداً

والله أنا مشتاقه لسماع باقى الحلقات

أرجوكى ماتتأخريش علينا

ربنا يكرمك:

وجزاك الله مثله ويزيد
اختي الكريمة
بارك الله في مرورك
الذي شرفني
ويكرمك اختي
بوركتي
ومش هتاخر بإذن الله
بنزل حلقة كل يوم

[حفيدةالصحابه]

رد: ♥ هّنِ ... وّأِلُمُلًتِزِمّ .. تابعونا مع أقوي الحلقات ♥

إن شاء الله
ربنا يعينك
ويكرمك

[العائدة لربها]

رد: ♥ هّنِ ... وّأِلُمُلًتِزِمّ .. تابعونا مع أقوي الحلقات ♥

رااااااااااااااااائع جدا ماشاء الله بس ياليت يابنات تاخدو بالكم من السمايلات لان القسم يطلع عليه الاخوة

[الموحده]

رد: ♥ هّنِ ... وّأِلُمُلًتِزِمّ .. تابعونا مع أقوي الحلقات ♥

السلام عليكم
جزاكِ الله خيرا اختى
ولكن لى تعليق على الحلقة 6
كان المفروض أيمن يبين لصديقه حديث الإلتزام
إن بر والديه من الفروض صحيح لا يطيعهم فى منكر لكن برهم طريق الجنة ودا مهم جدا لأن فى شباب كتير أول ما بيلتزم بيصطدم مع اهله بشكل صعب ومنفر بيخليهم يكرهوا الإلتزام وكذلك بعض الأخوات إنما الأمر لازم يكون بالحسنى واللين
ولن انسى كلمات الأخت حلا شيحة لما التزمت ولبست النقاب ووالدها كان رافض بشده كان بتبوس رجله وتأكده حبها ليه وإنه لو طلب إيه هتعمله لإلا دينها
فعلا باسل اتصرف صح لكن صاحبه كان بيتكلم على الأهل كأنهم أعداء ليه وهيوقعوه ولكن كل ما فى الأمر إن الالتزام بيكون جديد عليهم وبيحسوا ان ابنهم اللى كان عيل وبيشيلوه جاى بعد ما كبروا يفهمهم الصح من الغلط فكل شئ بالتدريج بيتظبط وبالدعاء وحسن المعاملة
جزاكم الله خيرا ومتابعين

[أول شهيده فى الاسلام]

رد: ♥ هّنِ ... وّأِلُمُلًتِزِمّ .. تابعونا مع أقوي الحلقات ♥

ماشاء الله الحلقات كلها جميله
بارك الله فيكى

[مخلصة لرب العالمين]

رد: ♥ هّنِ ... وّأِلُمُلًتِزِمّ .. تابعونا مع أقوي الحلقات ♥

وحشتني اوي يارب غيابي طول أنا عارف

------------------------------

وبعدين إنت هتقابل صعوبات في الشارع وفي البيت وفي الجامعة في كل حتة يعني لازم
تستعد للحرب مع الشيطان وتجهز دفاعك وهو الكتاب والسنة آه فيه ناس مش هيقتنعوا
بكلامك بس إنت كده بتحارب نفسك الأمارة بالسوء

------------------------------

قلتله الدين يسر وليس عسر

يتبعون الشهوات ويقولوا " الدين يسر "
ينتهكون الحرمات بحجة " الدين يسر "
يستحلون ما حرم الله !! " الدين يسر "
يبتدعون ويحرفون الكلم عن مواضعه ويجادلون فى آيات الله بغير سلطان آتاهم
متخذين إلاههم هواهم وما كان قولهو إلا " الدين يسر "
!!!!!!!!!!!
العيب مش فى الجملة العيب فى العقول إلا من رحم ربى
الله المستعان
اللهم يا مقلب القلوب ثبت قلوبنا على طاعتك
----------------------------------
جزاكِ الرحمن خيرااااا .. مسلسل مهم جداااااا .. ربنا يبارك فيكِ ويزيدك من فضله
والحلقتين الخامسة والسادسة فى غاية الأهمية وبتناقش الكثير من المشاكل التى يوجهها شبابنا
متابعين بإذن الله

[الخاضعة إلى الله]

رد: ♥ هّنِ ... وّأِلُمُلًتِزِمّ .. تابعونا مع أقوي الحلقات ♥

الحلقة روووووووووعه

منتظرين باقى الحلقات

[مروة فرح]

رد: ♥ هّنِ ... وّأِلُمُلًتِزِمّ .. تابعونا مع أقوي الحلقات ♥

حلقة رووووووووووووووووعة حبيتها وكل يوم بتزيد الحبكة بارك الله فيك على هذه المتعة المقروءة أرجو أن تكون الحلقات القادمة أجمل