Tweet
بسم الله والحمدلله والصلاة والسلام على رسول الله ، صلى الله عليه وسلم .. وبعد
لا تفتحه فانك ان تفتحه تلجه
دي محاضرة لواحده من الاخوات استفدت منها جدا وحبيت انقلها لكم
نفعنا الله واياكم بها .. حاولت اكتبها باسلوبها قد ما اقدر
بتصادفنا في الدنيا دي ابواب كتيـــر يا نفتحها يا منفتحهاش ..
شايفة الباب الوردي ده ياترى وراه ايه اكيد وراه حياه ورديه جميله وسعيده اكيد وراه احلام طفوليه هادية ...
ولا الباب الشيك اوي ده ياترى وراه ايه؟؟! وكمان الباب اللي في وسط الصخر ده في ايه ؟؟!
ولا الباب اللي عليه ستاره ده وراه ايه ؟؟! دا شكله من برا كدا يفتح النفس امال بقى من جوا في ايه ؟؟!
يلا نخش مع بعض ونشوف ورا كل باب في ايه انا محتاره ليه مافتح واشوف نظرة واحده مش هتاثر
هاه لقيتي ايه ؟؟! ايه رايك??!
في ابواب جواها مش زي ظاهرها .. كان الظاهر احسن، بتتمني انك مفتحتهاش صح؟؟
فتحنا ابواب كتير لقينا حاجات حلوه وحاجات مقرفه وحاجات بايخه
طيب استفدتي ايه ؟؟
ولا حاجة ضيعتي وقتك وفتحتي على نفسك باب ملوش داعي وممكن كمان تتحسري على نفسك وعلى عيشتك وعلى شكلك وعلى حواجبك
وبيتك وزوجك وووو.. دي في ابسط الاحوال واسهل الابواب .
ياشيخة دا مجرد باتفرج هوا حصل ايه يعني انا قويه وبتاثرش عادي مش انا بس الي بعمل كدا دا كل الناس كدا ...
خدي بالك قلبك حتة مضغة لو انشرخت هتعملي ايه ؟؟
شفتي قصة اللي قتل 99 نفس كان بيقتل ليه؟! دي شهوة في قلبه عنده شهوة القتل لو قلتيله تسرق مثلا هيقول لا!! ده شهوته القتل بس
ولما اراد التوبه و راح للراهب عايز يتوب وقاله ملكش توبه عمل ايه ؟
الشرخ الي في قلبه وااااسع وضعيف في لحظة ضعف قتله
زي الي بيعمله فينا الشيطان كل ما تيجي ترجعي يقولك هترجعي؟؟طيب ازاي؟؟!
هترجعي بعد كل البلاوي الي عملتيها مكان من الاول جايه دلوقتي وتقولي هتوب..
كل واحدة فينا عندها شرخ في قلبها في حاجة معينة ، مين تجرؤ تقلي انها معندهاش شرخ في قلبها ؟؟ ولا واحده
من اول ما تفتحي النت مثلا عينك بتروح عالشرخ الي في قلبك
خدي بـــــــــــاااالك ده حقل الغام وانت مستهدفه وفي حتت ممكن تنفجر فيك .. انت عايزة معلومة معينه اكتبيها عشان متنسيش انت بتضوري على ايه
لان لو قعدتي كدا بتلاقي نفسك قعدتي فترة طويييله وضاع الوقت ونسيتي انت عايزة ايه .
انا بفضل الله مدمنة سماع اذاعة القرآن قالولي يا وفاء هتفضلي كدا طول عمرك متحجرة جربي اسمعي عالتلفزيون والله يا وفاء دا خيال
مش هتسدقي ، فجبته وجيت اسمع انشغلت الشيخ عمال بيعدل نفسه وشويه بيصلح غترته ...
بعدها طلع النت يووه يا وفاء تكتبي المعلومه هتظهرلك في ثواني ،
- طيب في عندي الكتب -
لالا ياوفاء دي اسرع
- كانه يعني المعلومه دي هتظهر هي بس مش هيظهر معاها حاجة تانيه مفيش صورة تظهر جنبها كدا ولا حاجة
- ياوفاء مش لك في الصورة انت لك في اللي قدامك بس
- ياسلام اكنه يعني عينك مبتروحش عليها كدا ولا حاجة صح؟ يعني اعداءنا واعداء ديننا بيحبونا بالشكل ده!!
بيسهلو علينا الوصول للمعلومات الصحيحه ومعلومات ديننا بالسرعه دي؟؟
طيب المعلومه دي مين كاتبها عشان تاخدوها كدا على طول بقو الناس كلهم مشايخ وكلامهم صح!! ، المعلومة لما اخدها من كتاب اعرف مين الكاتب ...
"انا يابنات سمية ناقلة الموضوع لكم كنت مش مقتنعة بالكلام الي في الاول ده اوي لان النت عاد مصدر رئيسي في معرفة المعلومة بالنسبة لنا وغفلنا عن الكتب
بس اليوم وانا بشغل اناشيد لاختي الصغيرة جا في الاقتراحات الي في الجنب فيديو قد ما اقولكم صورته حقيرة ازاي مش هتسدقو دي وهي والله اناشيد اطفال "
اسمعي الايه دي يقول الله عز وجل : " فتزل قدم بعد ثبوتها" يعني كانت ثابته وزلت يارب نسالك الثبات
واحدة حافظة لكتاب الله حبت تعرف هما الشيعة دول ايه عقيدتهم وكدا يعني وقالت انا حافظة للقرآن ومتمكنة فيه وهما اصلا الي عندهم غير القرآن
ومش ممكن اثاثر من كلامهم .. فضلت تسمع وتسمع لحد ما اعجبت بكلامهم وحفلاتهم واعيادهم وعادت بتتابعها لدرجة وصل بيها الحال انتها تقول طيب ايه الي عرفنا اننا صح؟؟!
وتقول لصاحبتها اقنعيني انا متشككة صاحبتها سالت الشيخ هتتصرف وتقولها ايه قالها انه من شارك الكفار في معتقداتهم وتابعها بشغف فهو منهم
انت متخيله؟!! وصل بيها الحال للكفر!!
الشيطان حريص انه يطبع في قلبك كل صوره هتاثر في عقيدتك وشخصيتك
صوره امراة متبرجه شفتيها من عشر سنين لسا فكراها؟ آه لسا
انت عارفه الصورة دي عملت في قلبك ايه؟!
وانت عارفه انو العين بتزني !!! ايوة بتزني وزناها النظر كما ورد عن رسول الله
كل ده هنختصره في حديث للرسول صلى الله عليه وسلم بس اسمعيه بقلبك
عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ ، قَالَ : " ضَرَبَ اللَّهُ مَثَلًا صِرَاطًا مُسْتَقِيمًا ، وَعَلَى جَنَبَتَيْ الصِّرَاطِ سُورَانِ ، فِيهِمَا أَبْوَابٌ مُفَتَّحَةٌ ،
وَعَلَى الْأَبْوَابِ سُتُورٌ مُرْخَاةٌ ، وَعَلَى بَابِ الصِّرَاطِ دَاعٍ يَقُولُ : يَا أَيُّهَا النَّاسُ ، ادْخُلُوا الصِّرَاطَ جَمِيعًا ، وَلَا تَتَعَرَّجُوا ، وَدَاعٍ يَدْعُو مِنْ فَوْقِ الصِّرَاطِ ،
فَإِذَا أَرَادَ يَفْتَحُ شَيْئًا مِنْ تِلْكَ الْأَبْوَابِ ، قَالَ : وَيْحَكَ لَا تَفْتَحْهُ ، فَإِنَّكَ إِنْ تَفْتَحْهُ تَلِجْهُ ، وَالصِّرَاطُ الْإِسْلَامُ ، وَالسُّورَانِ حُدُودُ اللَّهِ ، وَالْأَبْوَابُ الْمُفَتَّحَةُ
مَحَارِمُ اللَّهِ ، وَذَلِكَ الدَّاعِي عَلَى رَأْسِ الصِّرَاطِ كِتَابُ اللَّهِ عَزَّ وَجَلَّ ، وَالدَّاعِي من فَوْقَ الصِّرَاطِ وَاعِظُ اللَّهِ فِي قَلْبِ كُلِّ مُسْلِمٍ " .
الستر المرخاة على الابواب دي لا يحركها الهواء بل يحركها الهوى.. فإذا ما طرق العبد أبواب الفتن وسبل الشهوة وتهاون في رد الشبهات والمغريات،
فتح على نفسه ابواب قل ان تغلق فكم من قدم زلت بعد ثبوتها، وكم ممن ظن نفسه يحسن السباحة قد جرفه التيار فأغرقه في بحرها بعد أن كان زمانا على شاطئ السلامة.
دخل رجل على ابن سيرين فقال له يا امام اقرا عليك آيه ، قال له لا قال آيه قال له لا استغرب الحضور من الحاح الرجل ورفض الامام
قال له الامام تخرج او اخرج انا ، وكان الامام في بيته ورفض الرجل انه يخرج فرفع الامام ملابسه في يده وتهيأ للمشي ، تضايقو الحضور وقالو
له يارجل ازعجت الامام اخرج ، فخرج لكن بقي في نفوسهم شيء وقالو له يا امام دي مجرد آيه كان سمعتها وريحته
قال لا انه مبتدع وخفت انه يلبس علي الايه ولو دخلت قلبي من يخرجها؟!!
الكلام يطول ويطول والموضوع ماخدش حقه ابدا
وباقي فنفسي كلام كتييييير نفسي اقولكم عليه
بس هذا ما سمح به الوقت اسال الله ان ينفعنا جميعا به
وباذن الله لنا عوده مع العلاج لمن فتحت هذه الابواب
والسلام عليكم ورحمة الله وبركاته
الموضوع ده قعدت يومين انسق فيه
تعليق