Tweet
ياااااااااه لو عرفتى قد ايه انتى غالية ..!
انتى غالية لدرجة ان ربنا يقول (يَهَبُ لِمَنْ يَشَاء إِنَاثًا وَيَهَبُ لِمَن يَشَاء الذُّكُورَ).
انتى غالية عند النبي عليه الصلاة والسلام لدرجة انه بيوصي بيكى في حجة الوداع قبل ما يموت وبيقول
(استوصو بالنساء خيرا).و غير كدة كتييير
ليه بقي بترخصي نفسك؟؟
هو ده شكر ربنا علي نعمة الاسلام
دلوقتى البنات والولا في الشوارع عمالين يحبو علي نفسيهم
وتلاقي البنات في المدرسة بيتفاخرو بده والبنت عاوزة توري حبيبها للبنات علشان تغيظهم
وكذلك في الجامعات
والبنات المحترمة تبقي معقدة ومتخلفة ومكبوتة وفيها عيب ومدش راضي يبصلها
نيجى بقي للبنات اللي بتصاحب هو ايه الحب في نظرك
مين اللي وصلك المعنى ده الافلام والمسلسلات والاغانى؟!
هو كلام المسلسلات والاغانى بقي كلام مقدس بناخد منه احكامنا اليومية
فووووقو بقي
هتقولى ده بيخاف عليا من النسمة الطايرة
هقولك ده ايه
تمثيل في تمثل وكذب في كذب
لو بيخاف عليكى بجد كان خاف عليكم من نار جهنم
اللي بيحطك فيها بايده مع كل مكالمة بيكلمهالك
كان علي الاقل خاف عليكى زى ما بيخاف علي اخته
لو سالتى اى شاب ترضي لاختك كدة هيقول طبعا لا
يااااه تخيلى نفسك في الموقف ده
احساس فظيع ان البنت لا تساوى شئ عند اقرب الناس ليها احساس بانها رخيصة اووووووووى
والله العظيم الشاب اللي انتى بتحبيه ده وفاكراة بيحبك هيتبرأ منك وهيهرب منك يوم القيامة ومش هيرضي يديكى ولا حسنة واحدة
طيب راح فين الحب اللي بينكم؟
ياتري لو النبي دخل عليكى وشافك وانتى معاه هتجرى عليه وتقوليله يا رسول الله تعالي اعرفك علي الشاب اللي بحبه؟؟
يا تري لو ملك الموت قبض روحكوانتى معاه او بتكلميه هتبقي دى حسن الخاتمة؟؟
يعنى ايه كلمة صحوبية
يعنى بنوتة رقية تروح ضحية
شاب طايش مش بيحمل مسؤلية
يعنى ايه كلمة صحوبية
يعنى كدب وزيف وخداع
يعنى وهم الرومانسية
يعنى ايه كلمة صحوبية
يعنى لمسة فيها حنان.بس طبعا مش شرعية
يعنى ايه كلمة صحوبية
يعنى وردة من حبيبي.بس شوكها كله اذية
يعنى ايه كلمة صحوبية
يعنى اه كان جنبي امبارح بس بكرة هيغدر بيا
يعنى ايه كلمة صحوبية
يعنى فترة وبيقضيها .لعبةحلوة اتسلى بيها
ولما ييجي يفكر يخطب..مستحيل هيفكر فيا!
يعنى ايه كلمة صحوبية
يعنى اضيع عمرى ودينى
ومفيش حد هيبكى عليا
يعنى ايه كلمة صحوبية
يعنى اعيش اللحظة الجاية ..
وابيع جنتي باديا
يعنى ايه كلمة صحوبية
يعنى ربي هيغضب منى.
يعنى اهلي هانو عليا!
للاسف هو ده معنى الصحوبية
قومى يلا يا اختى لنفسك
قبل ما تكونى الضحية
قومى يلا وقولى للعالم
انا اسلامى غالى عليا
عمر ما كان دينى بيخنقنى
ولا كان قصده يظلم فيا
ربي حبيبي وهبنى كتيييييير
والرسول ياما وصي بيا
اوعى تفكر انى رخيصة
او لحبك مستنية
ده حب ربي منور قلبي
وانا عنه مش مستغنية
هحفظ قلبي ملك لربي
وهصون نفسي حرة ابية
وحيائي هيزين اخلاقي
وحجابي رمز الحرية
ايوة هقولها باعلي صوتى وهرددها لحد موتى
انا علي دينى بجد حريصة
انا غالية ومش رخيصة
انا غالية ومش رخيصة
تعليق