Tweet
النهاردة عايزة افكركم بحاجة جميلة اوي :)
إحساس كلنا عشناه و ذقناه تقريبا
و لكن للاسف مع الوقت الاحساس ده راح :(
و اللذة دي اختفت :(
فاكرين من كام شهر كنا في شهر ايه؟
ايوة.... كنا في رمضان :)
شايفين ضحكت اول ما قلت اسم الشهر :)
ها بقى مين فاكر رمضان عدى عليه ازاي؟
فاكرين احساسنا و احنا مجتهدين عالآخر
عشان نرضي ربنا و نكتب من العتقاء من النار؟
فاكرين قيام الليل في رمضان؟
اعملوا مقارنة بينه و بين قيام الليل دلوقتي...ده اصلا اذا كنت لسه بتصليه!!
فاكرين عدد الختمات اللي عملنا؟
اللي عمل 3 ، 6 ، 10 او حتى اكثر :)
طيب دلوقتي ايه اخبارك مع القرآن؟
يا ترى ختمت مرة و الا خلاص رجعت المصحف مكانه المعتاد عشان تطلعه السنة الجايه؟!!!
فاكرين عدد التسبيحات ؟
فاكرين عدد الاستغفار؟
فاكرين مواظبتكم على المساجد للصلاة؟
دلوقتي بقالك كام مروحتش المسجد؟ و الا رجعنا نروح من الجمعة للجمعة؟
بس اوعى تقولي انك قطعت خالص!!! و الا مضيع وقتها؟!!
فاكرين تسارع الشباب للخير و توصيل شنط رمضان؟
خلاص نسيتو الناس الغلبانة دي؟ مفيش حتى صدقة؟
فاكر لما قررت تسيب التدخين، و فعلا ربنا وفقك، بس ليه رجعتله دلوقتي؟
فاكرة العباية اللي كنتي لبساها؟ والحجاب الساتر اللي مكانش بيفارقك في رمضان؟
خلاص رجعتي للكلية!!! رجعتي للبسك القديم؟
فاكر لما سبت سماع الاغاني، و مكنتش بتسمع غير القرآن......ليييييييييييييه رجعتلها؟!
هــــــــــــــــــان عليـــــــــــــكم كل ده!!!!!!!!!!
هان عليكم بعد محسيتم بطعم الطاعة
تسيبوها بالسرعة ديييييي
و ترجعوا تاني لظلام المعصية؟؟؟!!!
حاسبوا نفسكم تاني
و انا كمان هحاسب نفسي
مينفعش نعيش بشخصيتين
و مفيش راحة و لا سعادة
الا في تذوق لذة الطاعة
لِنَعُد الى الله
و نأخذ عهداً جديدا مع انفسنا و مع الله
ليكن إذا شعارنا:
لا للعودة للخلف.....إلى الأمام دائما
بارك الله لكم
و جزاكم الله خيرا
نسألكم الدعاء
تعليق