إنـت مكانك مش هنـا ... لازم تروّح بيتـك

[مسلمة وفخورة]

إنــت مهــمـوم ..!! ،، مضـايق ..!! ،،

كــرهت الدنيا كلها !!! ،،

الدنيا مش مريحــاك !!

عنـدك حق !!

خـــلاص هــانت وهتــروح لبيــتك .

أحــد السلف لما قابل واحد ولقــاه بيشتكــى من ديــون وأمـراض ومشــاكل وو...

قالــه : تلك الــدّار لا تُلائمُك فابحــث عن دار أخــرى ،

فقال الرجــل : أين ؟

قــال : في الجــــــنّــة .

هيا دي الدّار اللي متقليش فيها مشــاكل ولا همـــوم ..،،

لأن النبي صلي الله عليه وسلم بيقــول كما عند مســلم

ينــادي منادي يوم القيامه لأهل الجنه يا أهل الجنه : -

" إن لكم أن تحيوا فلا تموتوا أبداً ، وإن لكم أن تصحوا فلا تسقموا أبداً ،

وأن تشبّوا فلا تهرموا أبدًا ، وإن لكم أن تنعموا فلا تبأسوا أبداً "


يعني أجمل شئ ممكن تتخيله في حياتك ..... !!!

مشاكلك كلها تنتهي ... تخيّل !

وإنت داخل من باب الجنّــة وبينادي عليــك بالأربع نداءات ديه !!

يااااااااااااااااه ايه دا !!!
أنا هيحصل لي كدا !
أيـــوووه هيحصل..


أنت هتعيييييش للابد " ستُخلد " !!!

هتفضل مُعافي تماماً من الأمــراض
مش هيجيلك حتي ولا شويــة صداع !!

وهتفضل شباب وبقـــوتك
مفيش تجاعيد في الوش بقي ولا الكــلام دا !!!

وهتفضل في نعييييم وسعـــاده للأبد
وهتبقي فــرحان وعمـــرك ما هتزعل ولو لثانيه !!!

في حديث رواه البخاري والترمذي ... ركز جامد في الحديث دا

أن النبي صلي الله عليه وسلم قال

" إنـى رأيت في المنام كأن جبريل عند رأسي , وميكائيل

عند رجلي , يقول أحدهما لصاحبه : اضرب له مثلا ، فقال : اسمع سمعت

أذنك ، واعقل عقل قلبك ، إنما مثلك ومثل أمتك كمثل ملك اتخذ داراً

ثم بنى فيها بيتا ، ثم جعل فيها مائدة ، ثم بعث رسولا يدعو الناس إلى طعامه

فمنهم من أجاب الرسول , ومنهم من تركه

فالله هو الملك ، والدار الإسلام ، والبيت الجنة ، وأنت يا مُحَمَّد رسول فمن

أجابك دخل الإسلام ، ومن دخل الإسلام دخل الجنة

ومن دخل الجنة أكل ما فيها "

علشان كدا بقول إن الجنه هيا الوطن الاول .... ،،

ممكن نكون اتقبلنا في الجنه على فكرا !!

فــاكر ....؟؟!

هقولك ازاي ؟!

لما كــان آدم عليه الســلام في الجنــة ،،

إحنا كنا في ظهر أدم عليه السلام فكنا معه في الجنه...،

فلما أُخرج خَرجنا معه....

ومن يوم ما خرجنا من الجنة... ،،

وإحنا قلوبنا موجوعــه ونفسنا نرجع للجنــة ...

علشان كدا تلاقي الدنيا دايــــماً مُكدّره

"لقد خلقنا الانسان في كبد"

في تعب ومشقه

متلقيش إنسان في الدنيا سعادته كامله


لان الســعادة لا تكتمــل إلا في الجنة .

قيل للإمام أحمــد رحمه الله :
متي الراحه يا إمــام ؟!!

قال : والله لا راحة إلا مـع أول قدم نضعها في جـــنة الرحمــن .



يبقي الجنــة هيا الوطـن الأول
اللي لما خرجنا منه بقينا مشتاقين إننا نرجعله

إحنا دلوقتي أصبحنا مسافــرين

والمسافر عمره في حياته ما ينشغل بتفاصيــل البلد اللي مســافر فيها

غيره الحاجات الضروريـة .....،،

أكل منين ! أشرب منين !! أروح الشغل منيين
أزور أصحابي ازاي ؟

لكن مش مهتم اووي بتفاصيل المدينة اللي عايش فيها ....

ولا مثلاً يهتم بتزويق البيت اللي عايش فيه .

لأنه هيعيش فيها فتره مؤفته وبعدين مــسافر ... فلازم تستعد للسفر

لكــن لما يرجع بلده هيكون مهتم بكل التفاصيل
هيـكون عايز يعمل بيــت من أجمل ما يكــون

هوا دا البيــت " هيا دي الجنّــة "

عايزه اقولكم علي حاجه إحنا لما خرجنا من الجنة خرجنا لسببين
وبنفس السببين لازم نرجع الجنــة

إبليس قال لآدم عليه الســلام : ألا أدلك علي شجرة الخد وملك لا يبلـى

* إنك لو كلت من الشجرة دي هتعيش مخـلداً في الجنة

<b> * الحاجه التانيه " وملك لا يبلي "

طيب خرجنا من الجنة بحيله من إبليس ثـــــم تقدير من المولي عز وجل

</b>

<b>علشان نجتهــــد ونطيع ربنا ونرجع للجنة مره تانيه</b>

طيب هنرجع الجنة ازاي بقي ؟

فيه عـــقد .... ،،

من رحمة ربنا إنه عمل عقد بينه وبين المؤمنين

إذا نفذّت بنوده ..... ترجع تاااني

والعقد دا في الحاجتين اللي عملهم سيدنا آدم فخرجنا من الجنة

إن الله اشتري من المؤمنين انفسهم

* الخلـــد تقابل " أنفســهم "

* ملك لا يبلي تقابل " وأموالهم "

إذن بنفس الخروج بالنفس والمال " الملك والخلد "

نرجع مره تانيه "بالنفس والمال "

إننا نقدمهم لله

الحاجه العجيبة إن ابن العباس بيقول ايه :

سبحان الله ...أنُفسٌ هو خلقها سبحانه وتعالي وأموال هو رزقها
ثم يأخذها منا ويعطينا الجنـة
ربــح البيع والله


ولله المثل الاعلي ...، شوف بقي كـرم ربنا

بقولك دلوقتي ... ،، خد مني القلم دا هديه ليك ،
وبعد ما اديتهولك
قولت لك ايه رأيك تديني القلم ده واديك عربيـــة مرسيدس

طيب ما هو القلم انا مديهولك أصلاً.
ورغم كدا هاخد القلم واديك العربية اللي بتحلم بيها


ربـح البيــع ..... ، هيا دي المسأله

علشان كدا النبي صلي الله عليه وسلم قال :
" الدنيا سجن المؤمن وجنة الكافر "

فعـلاً سجن ،،
من ساعة ما خرجنا الجنة واحنا ...
مهمــومين وزعلانين والدنيا مليانه إبتلاءات
ومليانه أمـراض وآهـات ومليانه ومليانه
ففي ناس مخنوقـه ..... نفسها تخرج من الدنيا بقي وتروح للجنــه

يعني ..... متي الراحه :)

ولكــن لا راحه إلا مع أول قدم في الجنة

النبي صلي الله عليه وسلم كــان يكثر من ذكر الجنة ،
علشان كان عارف إننا أجورين "يعني بنحب الاجر"

إمرأة كما في الصحيح رفعت إبنها للنبي صلي الله عليه وسلم

وقالت : ألهذا حج ؟! " ينفع أخده يحج معايا "
قال : أجل ولكِ الأجر.


مع إنـــها لم تسأل عن الأجر !!

ولكن النبي صلي الله عليه وسلم ... ، كان يذكر الجنه كتيير علشان نشتقلها


والدليل إن سيدنا حنظله لما قابل سيدنا أبو بكر
قال له : نافق حنظله
فقال أبو بكر : وما ذاك ؟
قاله :نكون عند رسول الله صلي الله عليه وسلم
فيكلمنا عن الجنة والنار فكأنا رأي العين

يعني من كتر ما صلي الله عليه وسلم ما بيردد لهم الحديث عن الجنة
الصحابة ببقوا كأنهم شايفين الجنـة قدام عنيهم

في خــطأ كبييييير جداً ،،

إن بعض الناس لما يدعوا ربنا عز وجل بيقولوا

اللهــم إنـى أعبدك لا طمعاً في جنتك ولا خوفاً من نارك ولكني أعبدك لاني أحبك

الكــلام ده غلط ..

لانه يناقض سنة النبي صلي الله عليه وسلم

لأن أعبد الخلق لله عز وجل كان النبي صلي الله عليه وسلم

ومع ذلك سأل الله الجنة وإستعاذ به من النـار
<b> فقال :

اللهم إنى أسألك بك من الجنة وما قرب إليها من قول أو عمل

</b>

<b></b>

<b>

وأعوذ بك من النار وما قرب إليها من قول أو عمل

</b>

<b></b>

وده سيــد ولد آدم صلي الله عليه وسلم

لازم نشتــاق لوطننا الأصلــى ... ، على فكــرا الجنـــة مش بعـيده
ديه قرييييبه جداً

قال صلي الله عليه وسلم
" الجنة أقرب إلى أحدكم من شراك نعله ، والنار مثل ذلك "

إنــت بس إجتهــــد علشان ترتـاح

إجتهد علشان تشفي من الأمــراض

إجتهد علشان يكون لك حوريه من حويات الجنان

إجتهد علشان تتمتع

إنت متشــاق للجنــة ؟!

ولا الجنــة اللي مشتاقه لك ؟؟!!

آه ممكن الجنة تكون مشتاقه لك .. متستغربش ..

قال صلي الله عليه وسلم :
"إِنَّ الْجَنَّةَ لَتَشْتَاقُ إِلَى ثَلَاثَةٍ: عَلِيٍّ ، وَعَمَّارٍ ، وَسَلْمَانَ "


دول الجنـة مشتاقه لهم !!

الجنه هيا اللي مشتاقه لهم ....تخيّل !

اللي أجمل من كدا بقي ،، إن في ناس من الصحابه

قالوا مش كفاية الجنة !!

ممكن ربنا يدخلنا الجنـة برحمــته أصلي إحنا مش هندخلها بعملنا ،،

إنما إحنا محتاجين نكـون في صحبـة النبي في الجنة.

عايـزه أقــول لاخواننا في مصــر وفي كل الدول

وإقــول لإخوننا في ســوريا

بيتكــم ووطنكم مش هنــا

مكانكم مش هنــا !!!

هنــاك والله في الجنــة

فالشهيــد اللي بيمــوت منكم ربنا ياارب يرزقه الشهـاده ومرتبة الشهــداء

النبي قال عنه :" للشهيد عند الله سبــع خصال
يغفر له في أول دفعة من دمه ، مع أول نقـطه دم تنزل منه ...
خلاص بقت صحيفته بيضــا مفيش ولا ذنب
ويرى مقعده من الجنة ، الوطن الأصلي شافــه
ويحلي حـلة الإيمــان، ويزوج اثنتين وسبعين زوجة من الحور العين

ممكن يكون شاب توفي وأمــه تقول

الله يرحمك يا حبيبي ملحقتش تتجــوز

لأ ... هيتجوز إن شاء الله ومن 72 حوراء

ويُجار من عذاب القبر ، ويأمن من الفزع الأكبر،
ويوضع على رأسه تاج الوقار الياقوتة منه خير من الدنيا وما فيها
ويُشفَّعُ في سبعينَ إنْسانًا من أهلِ بيتِهِ"

الواحد اللي إستشهد من عندكم يا أهل سوريا
بيشفع لأقاربه وأصحابه وأحبابة ويدخلهم معاه الجنة .

فأي حد مهـموم ، مبتلي في نفسه في أمواله
في أولاده فى اي حد زعـلان ومضايق

ربنــا عز وجل ما ابتلاك ليعذبك ولكن ابتلاك ليطهــرك ويقربك

وأنه عز وجل قال : { ما يفعل الله بعذابكم إن شكرتم وآمنتم }

هوا ربنا هيستفيـد إيه من عذابنا ؟؟
ولا حــاجه

لكـن الدنيا دار بلاء
ولازم نفتكــر إنها مش دي دارنا مش بيتنـــا !!


ومفيش في الدنيا دي بيت يخــلو من الإبتلاءات

دا حتي النبي صلي الله عليه وسلم كان مُبتلي
لأن الـــراحه أكيــده فيــن ....... في الجنــة .

يبقي لازم نعيش في الدنيا دي بقـواعد ...
لازمـ نفضل نطلب من ربنا إنه يرزقنا الجنـة
ونحســن الظن به سبحانه ونثني عليه
،،،
زي مثـلاً لما بتبقي في الشارع ويجي واحد عايز منك فــلوس

وهو مش بيقـولك لو سمحت إديني فلوس .. لأ !!

بيقـول : ربنا يبارك لك ربنا يرزقك ربنا يعلي مراتبك ربنا يوسع عليك ...
هوا دلوقتي لسه مطلبش منك فلوس ولا اي حاجه

هو أثنــى عليك ودعالك.. صح كدا

تقوم إنت حاط ايدك في جيبك ومطلع فلوس وتديله .
ولله المثل الأعـلى


فقال سفيان بن عيينة : هذا فعــل عبد مع عبد
مجرد ما أثني عليه إديتله اللي هو عاوزه من غير ما يتلفظ به
فما ظنــك بفعــل ربّ العباد مع عباده

لذلك في حديث صحيح عند البخـاري
"من شغله ذكرى عن مسألتي أعطيــته أفضل ما أعطي السائلين "

يا ســـلام .... لو تعرف رحمـة ربنا وكــرمه عليـــــك
أوعــى تيأس ابدأ

لازم تحسن الظن بالله قال صلي الله عليه وسلم :
لا يموتن أحدكم إلا وهو يحسن الظن بالله



يقول الإمام أحمد لإبنه عبد الله وهو علي فراش الموت :
يا بني حدثي بأحاديث الرجاء ، فإني أحب أن ألق الله وأنا أحسن الظن بالله.

في الختــام بفكــرك بحاجه قولناها :
مش هترجــــع وطنك " الجنـة "
إلا بثمن.....
اللي هوا نفســـك وأموالك
فلااااااازم ....
تغض بصرك
تقبل يد والديك وتبّرهم
لازم تعيش من الحــلال
بطل غيبـــــه ونميمه وإشعال الفتن في المجتمع
حــول تكــرم يتيم أو أرمله أو إعما أي أفعال الخير

قال ابن القيــم :
" إذَا أرادَ الله بعبدِه خيراً فجّر في قلبه عينين
عيناً يرى بِها الجنّة، وعيناً يرى بها النّـار"
فما من كــلمه أو فعل تكلم به أو فعله إلا ويعرضها علي الجنــة والنار

فإن كان يدخل الجنة أمضاه وإن كان يدخل النار توقف عنه .

هيا دي العيــون اللي محتاجينها ....
علشان نـروح لوطننا الأصلـــى " الجنـه "
منقوووول
الدال على الخير كفاعله

[*أمة الرحيم*]

رد: إنـت مكانك مش هنـا ... لازم تروّح بيتـك

جزاكم الله خيرًا ،،،

[مسلمة وفخورة]

رد: إنـت مكانك مش هنـا ... لازم تروّح بيتـك

جزانا الله واياكِ