Tweet
انزع علشان تلاقى مكان تزرع
يا اللى هتربط دينك بحياتك هتلاقى انك لازم تبنى اساس وتحط القواعد وتظبط العمدان وتظبط الخشب وتظبط امورك علشان البنيان يكون ميه ميه وتمام التمام....
لازم نرسخ قواعد بجد لحد امته هنفضل نتكلم باساليب تحفزيه وبس ..
لحد امته هنفضل ننادى يا شباب انتوا لازم تتحركوا ولازم يبقى ليكو هدف ده الانسان اللى ليه هدف انسان ناجح ومميز ونفضل نتكلم فى اساليب التحفيز لحد ما الواحد يطلع من الندوه او المحاضره التحفزيه دى يحس انه هيكسر الدنيا ...بعدها بشويه يا عينى تلاقى انه نفسيته نزلت تانى واتدمرت...؟؟!!؟؟!! ليه سبحان الله متعرفش
انا عمرى ما هنكر انه الاساليب التحفزيه ليها تأثير بجد اكثر من رائع وكمان مجهود رائع..ومأثر جدا كمان ....
بس تحفيز من غير اساس ميبقاش تحفيز ..
عمرك شفت عماره من غير اساس ولا بنيان قواعد
لو شفت عماره زى دى صدقنى كلها شويه ومش هتكمل وهتلاقيها وقعت وادمرت..وولا كأنك بنيت حاجه..
ياه طب وانا اتعب ليه وامشى من غير اساس
هو ده موضوعنا اللى هنحكى عليه
بص يا سيدى وبصى يا ستى
علشان نربط دينا بجد بحياتنا
لازم نبنى قواعد ونرسخ مبادئ بجد جوانا
وعلشان كده طلع المبدأ
انزع علشان تلاقى مكان تزرع
انزع الشر ........هتلاقى مكان تزرع الخير
انزع الكره.......هتلاقى مكان تزرع الحب
انزع البخل.....هتلاقى مكان تزرع الكرم
انزع الكسوف من الناس.....هتلاقى مكان تزرع الخوف من الله
انزع الجبن ......هتلاقى مكان تزرع الشجاعه
انزع الانانيه ....هتلاقى مكان تزرع حب الغير
انزع الشح......هتلاقى مكان تزرع الايثار وحب التضحيه
انزع الكسل......هتلاقى مكان تزرع فيه حب العمل والنشاط والجديه والبذل والعطاء
انزع الجفاء.....وهتلاقى مكان تزرع الحنين والشوف
انزع الخيانه.......هتلاقى مكان تزرع الامانه
انزع الكذب.........هتلاقى مكان تزرع الصدق
انزع البعد والغربه.....هتلاقى مكان تزرع الانتماء والمحبه
انزع الغدر......هتلاقى مكان تزرع الوفاء
انزع ........انزع.........انزع...........انزع
هتلاقى حاجات كتير انتا كنت ناسيها وكنت غافل عنها ومش لاقى مكان تحطها
انزع هتلاقى مكان تزرع وتغرس وكمان ترعى وهتلاقى الحصاد
انزع كل شئ مش حلو فى حياتك انزع كل نقطه سوده ................وهتلاقى مكان تزرع فيه كل نقطه بيضه وكل شئ جميل وحلو ومثير وليه تأثير
وفى الختام
انزع بجد وبكل قوه ....علشان....هتلاقى مكان تزرع فيه بجد
ومن جد وجد ومن زرع حصد
مما كتبه قلمى ..والسلام عليكم ورحمة الله وبركاته
اللهم إنى أعوذ بك من كلمة ينجو بها غيرى وألقى بها فى النار
:: الموضوع حق لأى مسلمـ \\ ـــة ::
تعليق