Tweet
في حب فلسطين
<<<<<سألت قلبي>>>>>
سألت قلبي مالك زعلان
قالي اخي في الله تعبان
بدعي الهي وحبيبي
ينصر بيه أمة القرآن
قلتله ي قلبي زعلان ليه
ادعيله ربنا يشفيه
ومن كل بلاء يعافيه
ينشر نور ربه في كل مكان
قالي انا عارفه من سنين
عايش في قلوب الصادقين
هو عنوان لدعوته
انصره يارب يا رحمن
احنا جنودها كلنا
نديها اغلى ما عندنا
نديها روحنا ودمنا بس انت ترضى يا رحمن
مالنا يا روحنا يا عمرنا
على العهد باقيين كلنا
ابنك محمد قالنا
احنا عايشين لربنا
ابنك محمد واحنا معاه
في الصف الاول كلنا
بكرة تتحقق الاحلام
بكرة ينتصر الاسلام
نفرح من جوه قلبنا
...........................
<<<<<يا جريح>>>>>
يا جريح يا صامد يا بطل
يا اللي رسولك لك مثل
جرحك هيعلم الاجيال
ايه معنى العزة والنضال
بيقولنا ايه التضحية
وازاي هنرجع امة قوية
ازاي نعيش معنى الحرية
وازاي نرجع نصرنا
يا جريحنا انت شرف لنا
انت وسام على صدرنا
بيك وبإخوانك يا بطل والله هيرجع عزنا
بيك وبإخوانك يا بطل والله هنفرح كلنا
ثابت متعرفش المحال
راجل ومش كل الرجال
عندك عزيمة تهد جبال
عندك ايمان بربنا
يا مسلمين اتوحدوا
شعب فلسطين ضحى اشهدوا
وكفاية الشاهد ربنا
نعم النصير يا شعبنا
يارب انت عالم بيهم
ارحم من الدنيا عليهم
اخواني ابناء القسام
إتئمروا الاشرار عليهم
يارب بقوتك احفظهم
انت معانا ومعاهم
.........................
<<<<<فلسطيني>>>>>
بحبك يا فلسطيني
يا عايشة جوا شراييني
بقولك اني مشتاقة
خديني يا غالية ضميني
بيني وبينك احلى كلام
والله يا روحي وحشتيني
بحبك يا فلسطيني
مشتاقة لاخواني في حماس
اغلى اعز احب الناس
ابطال ولبلادهم حراس
وديلهم شوقي وحنيني
بحبك يا فلسطيني
انا نفسي اعد وياهم
واقولهم روحي فداهم
قلبي يسيبني يروح ليهم
يرجع يطمني عليهم
اقوله خدني ووديني
واحبك يا فلسطيني
مشتاقة وحنيني انهار
بيصافح اخواني الاطهار
ويقول هكسر الاسوار
بإيماني وبيقيني
واجيلك يا فلسطيني
نفسي بإيدي المس ارضك
واكون كده جزء من مجدك
وتحضنك كل جوارحي
واعلي فيكي راية ديني
واحبك يا فلسطيني
......................
<<<<<<قلب كبير>>>>>>
نفسي اقول حاجات كتير
انك قلب كله خير
قلب ارق من النسيم
واطهر من قلوب الطير
قلب عامر بالايمان
اخ ومش كل الاخوان
عاشق لمولاه حبيبه
هيحققلي حلم كبير
عشت احلم بيه من سنين
جوايا انهار حنين
عشت كل جوارحي تنادي
لتراب ارضك يا فلسطين
حس ياارب جدا بيا
دخل السرور عليا
يارب املا حياته عبادة
ومحبة وافراح وسعادة
يارب افتحله ابوابك
واجعله من اسعد احبابك
واحشره ويا رسول الله
واحميه ربي من عذابك
.........................
اختكم شيماء
تعليق