Tweet
على فكرة قلبك ده ملكك انتِ بس !!
السلام عليكم ورحمة الله وبركاته
على فكرة .. قلبك ده♥ ملكك انتِ بس!
وانتي اللي في ايدك انك تحافظي عليه
او تسلميه زي اللعبة لأي شخص وتضيعيه!
محدش له سلطان عليه الا ربك اللي خلقك وخلق قلبك
وهو سبحانه وتعالى عارف احتياجاته اكثر منك
عشان كده عمل ليكِ طريق لو مشيتي فيه
هتلاقي سعادتك وسعادة قلبك ..
بس لو مشيتي ورا هواكي والشيطان ..
انتي اللي هتخرجي خسرانة من اللعبة!
لا مش انتِ .. قصدي قلبك الغلبان!
قلبك اللي عمرك ما حسيتي بيه وبمعاناته..
قلبك اللي قرب يصرخ ويطلع منك ..
قلبك اللي انتِ مشيلاه كل الآلام دي
وكله بإرادتك ..
متقوليش هو اللي عشمني،
ولا هو اللي قالي هنتزوج،
أصلك انتِ اللي اختارتي الطريق الخطأ من الأول
فكان لازم تتعبي وتتعبي معاك قلبك ..
امتى هترجعي الحياة لقلبك من جديد
امتى هتذوقيه الحب اللي بجد!!
قلبك حياته في حب الله عز وجل القرب منه
لما ده يسكن جواه ويتمكن فيه،
هتلاقي اي حب تاني بيطلع منه تلقائيا :)
ابدأي صفحة جديدة وامسحي اي حاجة جرحت قلبك
وادعي ربنا انه يزيل منه اي حب الا حبه ..
هو سبحانه وتعالى أحن على قلبك منك :)
عشان كده حافظي على قلبك واقفلي عليه وخليه لله بس
لحد ما يأذن الله عز وجل ان يفتحه الشخص اللي يستاهله بس :)
هنا بس هتحسي بجد بمعنى الحب الحقيقي :)
اختك
om maaz
لا تنسونا بدعوة بظهر الغيب
تعليق