Tweet
♥ ♥ عارفيييييين ♥ ♥
عارف صاحبك اللي عملك بلوك على الاكونت بتاعه وانت زعلت منه
ده مكنش بلوك ده بس الاكونت بتاعه اتقفل وهو عمل واحد تاني وكان هيضيفك
وصاحبك اللي اخدت منه ميعاد انك تقابله واتأخر اوي وقعدت ترن عليه مش بيرد عليك
روحت مشيت وانت مضايق وبتقول انه مش معبرك
لاء على فكرة هو منسيش بس والدته تعبت اوي واضطر يوديها المستشفى ومن اللبخه معرفش يتصل بيك يقولك
عارفه صاحبتك لما طلبتي منها تساعدك فـ المذاكره وقالتلك مش هقدر معلش وانتي قلتي عليها انانية
مش أنانية ولا حاجه بس هى كانت نفسيتها وحشه اوي ومش عايزة تعمل حاجه النهارده
عارفه جارتك لما قولتيلها خلي ابني الصغير عندك لغايت ما ارجع من برا واتأسفتلك
وانتي اضايقتي وقولتي فـ نفسك والله ما انا مساعداها تاني هى كان عندها عزومة
وكانت مشغوله ومش هتقدر تاخد بالها منه
عارفه لما طلبتي طلب من باباكي ومرضيش يجبهولك وزعقلك
وانتي قولتي طب بيزعق ليه اصلا وانا عملت ايه غلط
هو مش زعلان منك بس زعلان عشان ميقدرش يجبلك الحاجه دي دلوقت اصل الفلوس مقصره معاه
وعارف لما جيت تحكي لأخوك على حاجه مضيقاك
مردش عليك ولا اهتم بكلامك
وانت قولت فـ نفسك مفيش حد بيحس بـ حد حتى الاخوات
هو على فكرة كان مهموم جدا عشان مطحون فـ المذاكره وكان محتاج هو كمان حد يحس بيه
عارف صاحبك الي مش بيسأل عليك بقاله فترة
وانت قولت بتاع مصلحته ومش بيفتكرك غير لما يحتاجلك
هو اضطر يسافر على فكرة ومكنش عايز يقول لـ حد ولما رجع كان جايبلك معاه هديه وجاي يصالحك
عارفه .. عارف
محدش يعرف ظروف الناس ايــــــه
حتى لو اللي قدمك غلــط ومرضيش يحكيلك على ظرفه
يمكن محرج يتكلم يمكن مش قادر يقول يمكن مش عايز يقلقك
انت متعرفش ايه اللي جوا الناس
معلــش اديهم اعذار حتى لو ملقتش اعذار اخترع عذر
عشان ترتـــاح انــــــــــــــــــت
بجد خلونا نسامح بعض ونقدر بعض
بلاش نزعل من كل حاجه وأي حاجه
بلاش نبقى أنانيين ومنفكرش غير في نفسنا وبس
اللي ميسألش عليــك اسأل انت عليه شوفه ماله يمكن محتاجلك جنبه
واللي يغلط فيك متمشيش وتسيبه قوله انا زعلت من كذا اسمع عذره .. حتى لو مقدرش يتكلم حس بيه اكيد مكنش قصده وانت فهمت غلط
سامح عشان تتسامح وقدر وحس قبل ما تظن ..ظن وحش فـ غيرك
افتكر كل حاجه حلوة كانت بينك وبين حبايبك
بلاش عشان حاجه بسيطه تخسر ناس انت بتحبهم او حتى ناس تعرفهم بس
محدش كامل ومحدش مش بيغلط انت نفسك بتغلط
سامح .. قدر .. حس .. قبل ما تقرر تزعل :)
م.ن
من القلب فعلا
تعليق