Tweet
أيتها العانس ............فكيها شوية :)
حاطة إيديها على خدها
وشاية طاحن "العيلة" كلها
وشها بقى أصفر من حزنها
وقاعدة في البيت قافلة على نفسها
وده كله ليه
أنها بقت عااااااااانس
ويعني ايه عانس بقى ؟؟؟؟
يعني إتأخرت "طبعا من وجهة نظرها" عن الزواج
لكن برضوا يعني إية إتأخرت يعني؟؟
يعني"فرضا" جه قدرها وقالتله فوت علينا بكرة
ولا جالها العريس المناسب الصالح اللي يرضاه لها الله ومرضتش بيه؟؟؟
لألألأ طبعا ولا واحدة من دول
امال في ايه بقى عشان قالولها انتي لسه متجوزتيش
ولا عشان قالوا ياه العرسان مبتشوفش
ولا قالوا ولا عااااااااااااااادو
يا أختي هي الناس كده
مورهاش غير تقول وتعيد
ولكن المسلمة المؤمنة بقدر الله
مبتقولش ولا بتعيد
بتقول كلام حبيبها سبحانه وتعالى (وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ)
الجميلة بتتزوج والوحشة كمان
السمينة بتتزوج والنحيفة كمان
الغنية بتتزوج والفقيرة كمان
هو القدر "أخيتي"
نصيبك في وقته هيجيلك
لكن يجي واحنا راضيين بقدر الله وقضاؤه
واحنا بنشغل نفسنا بطاعة الله
واحنا ماليين حياتنا عبادة واعمال خير وعلم وعمل
وخليكي على يقين بإن وجود على الارض عشان تكوني أولا أمة لله
( وَمَا خَلَقْتُ الْجِنَّ وَالْإِنْسَ إِلَّا لِيَعْبُدُونِ)
مش عشان تكوني زوجة بس
الزواج سبب وسبيل من سبل الطاعة مش كلها
ربنا يقدر لنا ولك الخير واحنا راضيين
وكمان فرحانيين بقضاء الله وقدره
همسة من قلبي بقولها لنفسي قبل أي واحدة هتقراها
اه نسيت
فكيها شوية بقى 
تعليق