'~*-,._.,-*~> اشحــــــــــــــــــن وانطلــــــــــق فى رمضان اليوم 25<~*-,._.,-*~'

[dr_karmen]

بسم الله والصلاة والسلام على رسول الله ثم أما بعد:

ياجماعة معدش وقت

فعلا معدش وقت

رمضان خلاص بدأ عده التنازلى

وكل لحظة فيه والله العظيم لا تقدر بثمن

ياجماعة باقى اربع او خمسة أيام بالكتير من رمضان

بالله عليكم مين ضامن انه اتعتق الشهر ده في الأيام اللى فاتت دى؟؟

دى والله فرصة العمر .. لسة أمامك وقت لتنقذ نفسك من النار

يااخوانى انت متخيل انك لو قمت ليلة القدر إيمانا واحتسابا لله هتغقر لك ماتقدم من ذنبك ؟؟

كل ذنوبك ... كلهــــــا

قال صلى الله عليه وسلم : (( من قام ليلة القدر إيمانا واحتسابا غفر له ما تقدم من ذنبه ))

انت عارف ان لله كل يوم عتقاء من النار؟؟

قال رسول الله صلى الله عليه وسلم: (( إذا كانت أول ليلة من رمضان صفدت الشياطين ومردة الجن وغلقت أبواب النار فلم يفتح منها باب وفتحت أبواب الجنة فلم يغلق منها باب ونادى مناد يا باغي الخير أقبل ويا باغي الشر أقصر ولله عتقاء من النار وذلك في كل ليلة ))

لعبنا كتير حتى فى الشهر الوحيد اللى مليان كنوز وفتوحات على قلوبنا واللى بيشحننا إيمانيا للسنة كلها

جه الوقت نشد فيه على أنفسنا

ليه مصمم على انك تعمل العبادات دى كلها فى الليالى الفردية؟؟

على فكرة فى بلاد تانية الليلة دى مش فيها فردية
وعلى فكرة هى ليلة قدر واحدة فى السنة يعنى ممكن تكون اليوم
وتذكر أن حديث رسولنا الكريم صلوات الله عليه انها فى العشر الأواخر يعنى ممكن تكون زوجية!!

مش عارف ان الإستهتار (( ونظام التنشنين )) ده ممكن يضيع منك ليلة من أعظم ليالى العمر وهى ليلة خير من ألف شهر؟؟

اللى معتكفش معتكفش ليه؟ مش قادر تسيب دنيتك 10 أيام لربنا؟

طيب على الأقل اعتكف كام يوم منهم؟؟

حتى لو مش قادر تعتكف اليوم كله ونهارك مشغول بدراسة وعمل ومطالب دنيا ادخل المسجد ليلا وأنوى الإعتكاف فيه الليل كله واجعل ليلك كله عبادة مابين صلاة وقرآن وقيام ودعاء فسأذكرك أن رسول الله صلى الله عليه وسلم كان يعتكف العشر الآواخر من رمضان حتى توفاه الله

ولن اطيبل اكثر

بلغنا الله وإياكم ليلة القدر