Tweet
رسالة من أخت الشهيد
بسم الله الرحمن الرحيم
رسالة من أخت الشهيد لأخيها البطل المجاهد الشاب الصغير مصور كتيبة أسود الله (سليمان ماجد النائب) الذي استشهد بقذيفة هاون أثناء تصويره عملية الاستيلاء على البرج الطبي بتاريخ 1/1/2012..انتشرت وقرأناها في صفحات الثورة فسكبنا عليها المدامع وكفى ...
نكررها هنا وسنظل نكررها لتظل روح الثورة مشتعلة في نفوسنا لا تخبو لتأخر النصر، كي نتألم لخبر المائة شهيد فلا تمر في شريط الأخبار ونحن نحتسي فنجان القهوة أو نشعر بالرضا إن كانت الحصيلة أقل من ذلك، يكفينا أن نقرأ من كلماتها (أخي وحيدي .. لا يحـزنني أنك شهيدنا غير أني فقدت إلى مدى الحياة أن ألفظ كلمة (أخي ) ) ما يشعرنا بالمسؤولية تجاه من قدم للثورة فلذة كبده وأنيسه وماله وأهله.
رسالة تخاطبنا و تسألنا أن نستعلي على أهواء النفس فلا تشغلنا المناصب والكراسي عن سمو غايتنا، و أن نستصغر أنفسنا حين نختلف ونتلاسن في صفحات التواصل الاجتماعي، أن نحترم الرأي الآخر ولا نسفهه، أن ننصر ثورتنا عملا ببذل النفس و المال لا قولا فحسب ...رسالة في كل كلمة منها مائة رسالة لكم أيها الأحرار
(
يــا نـور عيونـي
عم تتقطـع عيوني مية شئفة كـل ما شوف صورك متناقلة على صفحات الفيس بوك كل ساعة ودقيقة و يالاسم يـلي بتحبو أنت يا بطلنا .. وما حدا عم بيقول عنك صغير وطفل متل ما نـحن كنا نقلك وكنت تتدايئ .. الكل عم بيقول الشـهيد الشاب البـطل
المـجاهد
(( سليمان ماجد النائب )) ... متل ما أنت بدك ..... والله وصرت بطل يا عمري وما حدا قدك ...@@
بتتزكر يا قلبي قديش تعب لسـاني وأنا عم بقلك أنك وحيد وغير مكلف للجهاد .. وأنو جهادك فينا يا سليمان ؟
قديش قلتلك أنو نحنن ما فيـنا نكمل بلاك ارحم دنيانا .. وأنت ما ترد ولا تخلي مظاهرة من شرك ولا تشييع وكـل هاد حسيتت حالك ما قدمت شي وقلتلي بدي أطوع مصور بالجيش الحر ... ومـا كان منا نمنعك يا قلبي يمكن كان لازم نمنعك أكتـر بس ما كان منـي أنا وأختك إلا نقلك متل العادة ..(( صلي استخارة ... وشوف شو الله بيهديك لأن يلي الله مكتوب عليه هيموت بدو يموت بينص بيتو بس دير بالك علينا يا أخي إنت وحيدنا ما فينا نكمل بلاك .. ))
ودائماً تنهي الحـديث بها الجملة (( أنا بدي أستشهد .. أنتو أخوات رجـال أنا ما بخاف عليكون .. ... أنا اشتئت لرفقاتي يا أخـتي خايف تخلص هالثورة وما أستشهد .. صرلي سـنة ونص عم ودع رفقاتي .. أزا كل واحد بدو يقول أنا وحيد ما حدا بيضحي الوحيدين ما أحسن مني هي عبادة وهي عزت .. ))
ما عم نعرف أنا وأخواتك البنات لا ناكـول ولا نشرب .. حتى بسكـوتة التويست يلي تركتاا آخر يوم بالبراد كل يوم عم نفتحو ونبـكي لأن قلتلنا لا تاكلوها أنا عم برجـع من التصـوير والمظاهرات نازل سـكـري ..وعم يوجعني راسي ... ولهلئ ما عم نقدر ناكلا ...إي والله لهلق ...
منين نجيب صبـر يا عمري ما عم نحسنن نكفي بنشـاطنا يلي بتعرفو بس عم نصبر حالـنا ونكفي كرمالك يمكن لو سقط النظام ما عد فينا نفرح لأنك مالك معنا ما نحن كنا عم نشتغل قبل الثورة وبعد الثورة منشانك أنت كنت أملنا أنا وأخواتك كنا عم نشتغل ونفيئ من الصبح بكـير منشان نرفع عن أبوك كتف وما تهكل هم وأنت صغير ... وبالثورة عم نقدم كنا يا عمري من أول يوم ونوينا الشهادة منشان نـأمنلك حياة كريمة بعد حياتنا لأن كنا مفكرين الحـياة إلك ولأجيالك
تركتلنا كل شي يا روح أختك ورحـت طلـعت ما بدك شي وتركت الشئا على مين بقا .. حبيبي أنت كـان بدك تشيـييع وحلمك كان تعزاية عند الجامع الكبير ومظاهرة بيوم عرسك .. واستشهادك بس أنت شفت الوضع بالفترة الأخيرة .. يا دوب قدرنـا نوصل عالتربة وأنت شفت كيف كان الوضع آخر شي شعنا معك أربعة نزلـو قريبين منك بـس أنت الوحيـد فيـون يـلي أمـو وأخواتو البنات كـانو موجوديـن .. وأنت الوحيد يـلي زلغطـنالك مع أنو كان حيلنا رايح .. بس تـزكرناك أديش بتحب مقطع (( شهيدنا لا ما مات زغردنلو يا البنات ))
حبـيبي .... يا عمري ... نحن ضلينا بدوما رغم أنو نص الناس هاجرت ضلينا كرمـال نحس بوجود بالبيـت بس ما أجا حدا هنـانا باستشهادك لأن الناس برا البـلد بكرة ان شالله بس يرجعو أحلى تشييع وأحلى عرس يا عريس ... وأنا وصيت رفقاتك بس تتحسن الأوضاع ويطلعو مظاهرة .. يغنولك (( خافوا الله يا عرب ..)) أنت وصيتني يغنولك يـاها يوم تشييعك ..
حبيبي أمـك القوية المجاهدة صابرة .. متل ما بتعرفها وباشرت شغلا بقلب حي وقالت كل هالشباب يلي عم يستشهدو ولادي الي بسعر هالأمهات ... بس أبوك تعبان شوي خبرتك أنو أبوك مو قدران لهيك خبر بس أنت بدك الشهادة الله يهنيك ماحدا غيرك كان يسليه عميت عيونو لشافك بلشت تكبر وبلشنا نعتمد عليك ونرمي شوية حمل .... معك حئ والله أريحلك من هالحياة صعبة عليك هالحمل يا قلبي ...
سليمان والله هلكت وأنا عم كابر على حالي وكابر وأتجبر منشان ما هز صبر أمك وأبوك تقول فش القلب حرام علينا ولك أخي ... نحن عم نكسر عالعالم بدل ما العالم تكسر علينا ...
آآآآآآآآآآآآه قديش كنت تقلي بكرة بتنبسطي وبتنسي همك بس يقولوا أخت الشهيد سليمان بكرة بتنعزي ... ولك يضرب هالعز ولك أخي ..يضرب هالعز يلي كسر ضهري يا مسند ضهري .. عرفت هلئ ليش أخواتك كانوا رجـال ؟ ... من هالدنيا القاسية يا أخي ..... يمكن هلئ صار لازم نغير لازم نصـير بمية رجـال !!
يا عمري وأخي وابني وضنايي ... فقدت ابني قبل ما أتتزوج وقبل ما يصير عندي ولد هالدنيا كبرتني خمسين سنة يا سليـمان ...
كنت عم شوفك وأنت عم تكبر يوم بيوم وشهر بشهر هلئ خلــــــــــــــص ... رحت ... شواربك لسه ما شفتون .. ما ضللي من ريحتك غير هالكم غرض يلي جبنالك ياهم آخر صورة صورتنا ياها بحياتك أنا وأخواتك البنات وشديناك للتتصور معنا ما رضيت ... ما رضيت ... تركتنا بالصورة لحالنا كانت أختك عـم بتقلي ولك معئولة كان عرفان أنو رح يتركنا لحالنا طول العمر ....
أخي وحيدي .. لا يحـزنني أنك شهيدنا غير أني فقدت إلى مدى الحياة أن ألفظ كلمة (( أخي )) ...
عرفت هلئ ليش من أول الثورة ما بكيت ... يمكن كنت مخبية دموعي إلك أنت أغلى حدا عندي والله عايشة منشانك أنا ولك أخي والله العظيم ...
أنا غيرت مساري مـن اليوم يا عمري ...لأن ما عد فيني كمل بلاك لازم أنا كمان استشهد حجزلـي مكان بالجنة ياا عمري متل ما وشوشتك وقت تشييعك ... حجزلي مكان يا عمري أنا جاية ... لأن الحمل كتير تقيل وما عد فيني أحمل والله ما عد فيني ...النصر مو إلنا خلي الناس تفرح فيه ... أنا بلاك ما عد في شي يفرحني .. هالدنيا بعدك صارت تقيلة ..
ادعيلي بالصبر يا عمري والشهادة والمغفرة أنا ذنوبي كتير مو متلك ملاك أبيض وبـدر بنص الشهر ..
بس الحمد لله رب العالمين بيببلي وبيعين نحن صابرين وما توقعنا حالنا نصبر بهالشكل بالعكس زاد إيماننا الحمد لله ... حتى دمعاتنا مسكناها وما حسسنا حدا أنو عنا مصيبة ... أو بكينا قدام حدا .. لأنك عريس .. والله عريس والناس عم بتلومنا مفكرتنا مو مهتمين .. الله أعلم بحرقة القلوب ولك أخي
عم نكفي شغلنا على أعصابنا بس حتى ننسى همنا شوي وكرمال عيونك يا عمري قسما! بربي ... يا االنصر يا الشهادة ... وأنا بدي استشهد لأن اشتقتلك كتير يا عمري .... سلملي على عمك وقلو أجتو بنت حلوة كتير كنا بدنا نجوزك ياها بس يلا الله كرمك بحورية ....
وآخــــــــــــر دعواهم أن الحمد لله رب العالــــــــــمين ... **
الحمد لله على نعمة الصبر والثبات وكفى بها من نعمة .... )
......
من ايميلي
انا بكيت لما قرأتا ما بعرف
انتو حتبكو متلي؟؟؟
رسالة من أخت الشهيد لأخيها البطل المجاهد الشاب الصغير مصور كتيبة أسود الله (سليمان ماجد النائب) الذي استشهد بقذيفة هاون أثناء تصويره عملية الاستيلاء على البرج الطبي بتاريخ 1/1/2012..انتشرت وقرأناها في صفحات الثورة فسكبنا عليها المدامع وكفى ...
نكررها هنا وسنظل نكررها لتظل روح الثورة مشتعلة في نفوسنا لا تخبو لتأخر النصر، كي نتألم لخبر المائة شهيد فلا تمر في شريط الأخبار ونحن نحتسي فنجان القهوة أو نشعر بالرضا إن كانت الحصيلة أقل من ذلك، يكفينا أن نقرأ من كلماتها (أخي وحيدي .. لا يحـزنني أنك شهيدنا غير أني فقدت إلى مدى الحياة أن ألفظ كلمة (أخي ) ) ما يشعرنا بالمسؤولية تجاه من قدم للثورة فلذة كبده وأنيسه وماله وأهله.
رسالة تخاطبنا و تسألنا أن نستعلي على أهواء النفس فلا تشغلنا المناصب والكراسي عن سمو غايتنا، و أن نستصغر أنفسنا حين نختلف ونتلاسن في صفحات التواصل الاجتماعي، أن نحترم الرأي الآخر ولا نسفهه، أن ننصر ثورتنا عملا ببذل النفس و المال لا قولا فحسب ...رسالة في كل كلمة منها مائة رسالة لكم أيها الأحرار
(
يــا نـور عيونـي
عم تتقطـع عيوني مية شئفة كـل ما شوف صورك متناقلة على صفحات الفيس بوك كل ساعة ودقيقة و يالاسم يـلي بتحبو أنت يا بطلنا .. وما حدا عم بيقول عنك صغير وطفل متل ما نـحن كنا نقلك وكنت تتدايئ .. الكل عم بيقول الشـهيد الشاب البـطل
المـجاهد
(( سليمان ماجد النائب )) ... متل ما أنت بدك ..... والله وصرت بطل يا عمري وما حدا قدك ...@@
بتتزكر يا قلبي قديش تعب لسـاني وأنا عم بقلك أنك وحيد وغير مكلف للجهاد .. وأنو جهادك فينا يا سليمان ؟
قديش قلتلك أنو نحنن ما فيـنا نكمل بلاك ارحم دنيانا .. وأنت ما ترد ولا تخلي مظاهرة من شرك ولا تشييع وكـل هاد حسيتت حالك ما قدمت شي وقلتلي بدي أطوع مصور بالجيش الحر ... ومـا كان منا نمنعك يا قلبي يمكن كان لازم نمنعك أكتـر بس ما كان منـي أنا وأختك إلا نقلك متل العادة ..(( صلي استخارة ... وشوف شو الله بيهديك لأن يلي الله مكتوب عليه هيموت بدو يموت بينص بيتو بس دير بالك علينا يا أخي إنت وحيدنا ما فينا نكمل بلاك .. ))
ودائماً تنهي الحـديث بها الجملة (( أنا بدي أستشهد .. أنتو أخوات رجـال أنا ما بخاف عليكون .. ... أنا اشتئت لرفقاتي يا أخـتي خايف تخلص هالثورة وما أستشهد .. صرلي سـنة ونص عم ودع رفقاتي .. أزا كل واحد بدو يقول أنا وحيد ما حدا بيضحي الوحيدين ما أحسن مني هي عبادة وهي عزت .. ))
ما عم نعرف أنا وأخواتك البنات لا ناكـول ولا نشرب .. حتى بسكـوتة التويست يلي تركتاا آخر يوم بالبراد كل يوم عم نفتحو ونبـكي لأن قلتلنا لا تاكلوها أنا عم برجـع من التصـوير والمظاهرات نازل سـكـري ..وعم يوجعني راسي ... ولهلئ ما عم نقدر ناكلا ...إي والله لهلق ...
منين نجيب صبـر يا عمري ما عم نحسنن نكفي بنشـاطنا يلي بتعرفو بس عم نصبر حالـنا ونكفي كرمالك يمكن لو سقط النظام ما عد فينا نفرح لأنك مالك معنا ما نحن كنا عم نشتغل قبل الثورة وبعد الثورة منشانك أنت كنت أملنا أنا وأخواتك كنا عم نشتغل ونفيئ من الصبح بكـير منشان نرفع عن أبوك كتف وما تهكل هم وأنت صغير ... وبالثورة عم نقدم كنا يا عمري من أول يوم ونوينا الشهادة منشان نـأمنلك حياة كريمة بعد حياتنا لأن كنا مفكرين الحـياة إلك ولأجيالك
تركتلنا كل شي يا روح أختك ورحـت طلـعت ما بدك شي وتركت الشئا على مين بقا .. حبيبي أنت كـان بدك تشيـييع وحلمك كان تعزاية عند الجامع الكبير ومظاهرة بيوم عرسك .. واستشهادك بس أنت شفت الوضع بالفترة الأخيرة .. يا دوب قدرنـا نوصل عالتربة وأنت شفت كيف كان الوضع آخر شي شعنا معك أربعة نزلـو قريبين منك بـس أنت الوحيـد فيـون يـلي أمـو وأخواتو البنات كـانو موجوديـن .. وأنت الوحيد يـلي زلغطـنالك مع أنو كان حيلنا رايح .. بس تـزكرناك أديش بتحب مقطع (( شهيدنا لا ما مات زغردنلو يا البنات ))
حبـيبي .... يا عمري ... نحن ضلينا بدوما رغم أنو نص الناس هاجرت ضلينا كرمـال نحس بوجود بالبيـت بس ما أجا حدا هنـانا باستشهادك لأن الناس برا البـلد بكرة ان شالله بس يرجعو أحلى تشييع وأحلى عرس يا عريس ... وأنا وصيت رفقاتك بس تتحسن الأوضاع ويطلعو مظاهرة .. يغنولك (( خافوا الله يا عرب ..)) أنت وصيتني يغنولك يـاها يوم تشييعك ..
حبيبي أمـك القوية المجاهدة صابرة .. متل ما بتعرفها وباشرت شغلا بقلب حي وقالت كل هالشباب يلي عم يستشهدو ولادي الي بسعر هالأمهات ... بس أبوك تعبان شوي خبرتك أنو أبوك مو قدران لهيك خبر بس أنت بدك الشهادة الله يهنيك ماحدا غيرك كان يسليه عميت عيونو لشافك بلشت تكبر وبلشنا نعتمد عليك ونرمي شوية حمل .... معك حئ والله أريحلك من هالحياة صعبة عليك هالحمل يا قلبي ...
سليمان والله هلكت وأنا عم كابر على حالي وكابر وأتجبر منشان ما هز صبر أمك وأبوك تقول فش القلب حرام علينا ولك أخي ... نحن عم نكسر عالعالم بدل ما العالم تكسر علينا ...
آآآآآآآآآآآآه قديش كنت تقلي بكرة بتنبسطي وبتنسي همك بس يقولوا أخت الشهيد سليمان بكرة بتنعزي ... ولك يضرب هالعز ولك أخي ..يضرب هالعز يلي كسر ضهري يا مسند ضهري .. عرفت هلئ ليش أخواتك كانوا رجـال ؟ ... من هالدنيا القاسية يا أخي ..... يمكن هلئ صار لازم نغير لازم نصـير بمية رجـال !!
يا عمري وأخي وابني وضنايي ... فقدت ابني قبل ما أتتزوج وقبل ما يصير عندي ولد هالدنيا كبرتني خمسين سنة يا سليـمان ...
كنت عم شوفك وأنت عم تكبر يوم بيوم وشهر بشهر هلئ خلــــــــــــــص ... رحت ... شواربك لسه ما شفتون .. ما ضللي من ريحتك غير هالكم غرض يلي جبنالك ياهم آخر صورة صورتنا ياها بحياتك أنا وأخواتك البنات وشديناك للتتصور معنا ما رضيت ... ما رضيت ... تركتنا بالصورة لحالنا كانت أختك عـم بتقلي ولك معئولة كان عرفان أنو رح يتركنا لحالنا طول العمر ....
أخي وحيدي .. لا يحـزنني أنك شهيدنا غير أني فقدت إلى مدى الحياة أن ألفظ كلمة (( أخي )) ...
عرفت هلئ ليش من أول الثورة ما بكيت ... يمكن كنت مخبية دموعي إلك أنت أغلى حدا عندي والله عايشة منشانك أنا ولك أخي والله العظيم ...
أنا غيرت مساري مـن اليوم يا عمري ...لأن ما عد فيني كمل بلاك لازم أنا كمان استشهد حجزلـي مكان بالجنة ياا عمري متل ما وشوشتك وقت تشييعك ... حجزلي مكان يا عمري أنا جاية ... لأن الحمل كتير تقيل وما عد فيني أحمل والله ما عد فيني ...النصر مو إلنا خلي الناس تفرح فيه ... أنا بلاك ما عد في شي يفرحني .. هالدنيا بعدك صارت تقيلة ..
ادعيلي بالصبر يا عمري والشهادة والمغفرة أنا ذنوبي كتير مو متلك ملاك أبيض وبـدر بنص الشهر ..
بس الحمد لله رب العالمين بيببلي وبيعين نحن صابرين وما توقعنا حالنا نصبر بهالشكل بالعكس زاد إيماننا الحمد لله ... حتى دمعاتنا مسكناها وما حسسنا حدا أنو عنا مصيبة ... أو بكينا قدام حدا .. لأنك عريس .. والله عريس والناس عم بتلومنا مفكرتنا مو مهتمين .. الله أعلم بحرقة القلوب ولك أخي
عم نكفي شغلنا على أعصابنا بس حتى ننسى همنا شوي وكرمال عيونك يا عمري قسما! بربي ... يا االنصر يا الشهادة ... وأنا بدي استشهد لأن اشتقتلك كتير يا عمري .... سلملي على عمك وقلو أجتو بنت حلوة كتير كنا بدنا نجوزك ياها بس يلا الله كرمك بحورية ....
وآخــــــــــــر دعواهم أن الحمد لله رب العالــــــــــمين ... **
الحمد لله على نعمة الصبر والثبات وكفى بها من نعمة .... )
......
من ايميلي
انا بكيت لما قرأتا ما بعرف
انتو حتبكو متلي؟؟؟
تعليق