هل هذه المقولة صحيحة فى نظرك؟

[الاسلام دارى]

المادة لا تفنى ولا تستحدث من عدم
مقولة علمية تبتها فى جوجل وبحثت عنها ثم فتحت اول عنوان كان امامى وكان لموقع تناقش فيه هذه المقولة وكل من يتناقش فى الموضوع مصدق بها وللاسف كلهم من مصر لانه موقع مصرى
سجلت فيه وكتبت ردى ولم يرد علي احد لانى سجلت وكتبت الرد منذ قليل
وهذا كان ردى:

بسم الله الرحمن الرحيم

صراحة انا سجلت هنا مخصوص علشان يكون لى رد

الحمد لله لما جيت اسجل لقيت ان من شروط التسجيل :

اقتباس:
وتذكر قول الله تعالى ((ما يلفظ من قول إلا لديه رقيب عتيد))
بصراحة انا احترت اكتب ايه بس كان لازم يكون لى رد حتى لو فى ناس هتعارضنى لان دى اسمها واحة الحوار
انا درست المقولة دى فى بداية دراستى مادة العلوم فى المدرسة
هى المقولة الوحيدة اللى انا خليتنى فاكراها من مادة العلوم
(المادة لا تفنى ولا تستحدث من العدم)
انا فاكراها من صغرى لانى كنت بفكر فيها كتير لما اسمعها
ماكنتش قادرة استوعب معناها
يعنى ايه لا تفنى ؟
يعنى مالهاش نهاية؟
يعنى ايه لا تستحدث من عدم؟
يعنى مالهاش بداية؟
يعنى ماينفعش تكون موجودة الا لو كان فى حاجة قبلها اتخلقت منها؟
امال ليه بيدرسوا لنا فى نفس السنة فى مادة الدين ان ربنا خلق كل حاجة من العدم؟
حيرتنى المقولة دى علشان كده فضلت حافظاها
بس لما حفظت سورة (الانسان) لقيت فى بدايتها آية (هل أتى على الإنسان حين من الدهر لم يكن شيئا مذكورا)
طيب ازاى ربنا بيقول كده فى سورة الانسان اللى حفظتها فى مادة الدين فى سنة 5 ابتدائى
وفى نفس السنة او فى السنة اللى كانت قبلها بيحفظونا فى مادة العلوم(المادة لا تفنى ولا تستحدث من العدم) وسورة الانسان بتقول ان المادة تستحدث من العدم؟
طيب كلمة (المادة لا تفنى)طيب انا حفظت فى سورة (الرحمن)آية (كل من عليها فان ويبقى وجه ربك ذو الجلال والإكرام)
دى آمش بتتكلم عن مادة الانسان وبس
لانها بتعمم
بتقول (كل من عليها فان)
يعنى كل المواد هتفنى
طيب ازاى بيدرسوا لنا فى العلوم(المادة لا تفنى)
بيقولوا فى الدين حاجة وفى العلوم عكسها؟
وليه لما يجوا يدرسوا لنا كتير من النظريات فى الاعدادى او الثانوى يقولوا لنا (النظرية دى كلام نظرى لكن لا يمكن فعلها عمليا فى الواقع)
امال صاحبها عرف ازاى انها صحيحة من غير ما يجربها عمليا فى الواقع ويثبت انها صحيحة؟
وليه بندرسها ما دامت مش هنستفيد منها عمليا؟
بس كده خلاص خلص ردى وارجو انى اكون عملت فى ردى فعلا بالآية اللى كانت مكتوبة عند تسجيلى
وتذكر قول الله تعالى ((ما يلفظ من قول إلا لديه رقيب عتيد))
جزاكم الله خيرا

وردى هذا هو نفسه الموضوع الذى اردت ان اكتبه

[nashwa24]

رد: هل هذه المقولة صحيحة فى نظرك؟

بصراحه موضوع جميل وفقق الله اخيتى اليه
وانا شايفه ان فى كلامك العقل والاتذان وانه كلامك منطقى
واستنتاج مقبول وانا عن نفسى لم اكن ادركه من قبل ولكن لاننى ليست متخصصه فلا استطيع ان افتى فى موضوع ليس لى به علم كافى
ولذالك ادعوكى ان ترسلى الى احد الشيوخ فى هذا الموضوع لانى ارى فيه خطوره كبيره وان صدق قولك لابد من واقفه وتغير هذا المنهج لانه لا يصح الا الصحيح
ارجوكى اخيتى اسرعى فى هذا الامر واعلمينا تفسير والجواب على موضوعك
لعل الله يجعلك سببا فى تغير امر من امورنا دنياناه تكون خيرا لنا وتكون فى ميزان حسناتك
تقبلى مرورى حبيبتى الغاليه بارك الله فيكى وفى علمك وذادك الله من فضله

[aldaeia ela allah]

رد: هل هذه المقولة صحيحة فى نظرك؟

( ماينفعش تكون موجودة الا لو كان فى حاجة قبلها اتخلقت منها؟)
الكلمه دى ا نتى التيها ولفتت نظرى ازاى يعنى هو سيدنا ادم وحواء كان فى حد ابلهم والزرع مثلا اللى ربنا خلقهلنا جبنا بزره منين هيقولك طبعا جبناه من الثمره هقلك وقبل ما الثمره تتزرع جبت البزره منين من ربنا الا اذا كان صاحب هذه المقوله كافر او غير مؤمن بالله فلذالك لا يؤمن بان الله هو خالق كل شىء من عدم وعلى فكره انا كنت فى 5 ابتدائى ومورتش عليا المقوله دى

[dr_karmen]

رد: هل هذه المقولة صحيحة فى نظرك؟

بصى أخيتى
طبعا انا مع رى اختنا نشوى جزاها الله خيرا
انه يتم عرضها على أحد المشايخ
لكن فى أمر
وهو اننا لا يمكن أن نثبت الدين بالعلم
أو بمعنى أدق
اننا لا نصدق الدين بما يثبته العلم
بل احنا بنصدق الدين بالكلية سواء نجح العلم أوفشل فى اثبات ده
لغاية الآن متفقين؟
طيب
احنا هنقول ان المقولة دى لم تقال إلا بعد البحث العلمى
وده عمره ما هيكون تم قبل الخلق ولا هيتم بعد الخلق
يعنى اللى أثبت المقولة دى علميا بيثبتها فى خلال المرحلة مابين قبل الخلق وحتى نهاية الخلق
وده اللى ممكن نفصل بيه المقولة دى
ان المادة مش بتفنى ولكنها بتتغير الى صورة اخرى وكيفية اخرى مثلا الحيوانات المنقرضة والأشجار والمواد العضوية مع الحرارة والضغط أصبحت بترول وكدة
لكن الكلام ده فى حالة ان المادة اتوجدت اصلا اى ان الله عز وجل خلقها ثم تحولت الى ... وبرده التطور ده مش هيظل للأبد لكن عند امر الله ان يفنى فسيفنى
ده كدة كما يجب أن نفهمها على أساس عقيدتنا

لكن أخيتى خلى بالك
فى مذاهب تانية زى الفلاسفة وغيرهم بيقولوا ان الطبيعة خلقت نفسها وأكيد انتوا عارفين نظريات التطور وأن الإنسان كان أصله قرد والامور دى وكلها أقوال كفرية لأن أصل الإنسان كان سيدنا آدم أبو البشر أجمعين فكيف يشبهونه بذلك صلى الله عليه وعلى سائر الأنبياء أجمعين

وللأسف ناس كتير بتعتقد فى الامور دى بجهل منها والله أعلم


وجزاك الله خيرا اخيتى ممكن تضعى سؤالك للشبخ هشام البيلى فى القسم ده


ويجيبك عنه بإذن الله

[حسبى من الدنيا رضاك]

رد: هل هذه المقولة صحيحة فى نظرك؟

بصراحه كلام د.كارمن منطقى هما فعلا الأبحاث كلها فى الفترة ما بين بدء الخلق ونهايته
الحاجه التانيه المقوله بالنص كانت " الطاقه لا تفنى ولا تستحدث من عدم ولكنها تتحول من صوره إلى أخرى" يعنى الكلام على الطاقة وليس المادة وبكده المعنى يختلف لأن كده المقصود بالمقولة إن أى صوره من صور الطاقة لابد أن تاتى من صوره أخرى من الطاقة وهكذا كل صور الطاقة المختلفة طب فى الأصل الطاقة بتيجى منين؟ الطاقة مش حاجه ماديه الطاقة ده شئ ناتج عن وجود مصدر مادى أفسرلك أكتر يعنى مثلا الضوء "طاقة" ناتجه من إيه؟ من الشمس هم بأى كلامهم عن الضوء نفسه وليس الشمس يعنى عن صور الطاقة وليس مصادر الطاقه والدليل إن علماء الطاقه نفسهم أكدوا إن مصادر الطاقه سوف تنفد لا محاله وعملوا حاجه اسمها مصادر متجدده وغير متجددة وإلا ماكانتش عدت على علماؤنا وأولهم الدكتور زغلول النجار وعموما يا أختى جزاك الله خيرا على حرصك على المدافعة عن دين الله

[الاسلام دارى]

رد: هل هذه المقولة صحيحة فى نظرك؟

لا اختى
الكلام على المادة
اما كلمة الطاقة دى احنا ماحفظناهاش كده فى المدرسة
وانا سمعت شريط للشيخ وجدى غنيم افتكر كان اسمه امل الامه بيقول انهم بيعلموا اولاد المسلمين فى المدارس(المادة لا تفنى ولا تستحدث من العدم)
لا المادة بتفنى وبتستحدث من العدم
اختى وحتى لو كانت الطاقة
برده الطاقة فى اصلها مخلوقة من عند الله تعالى
خلقها من العدم
وكل مخلوق فانى ان شاء الله
وقرات فتوى لشيخ ابن عثيمين قبل بعث الموضوع على طول بيفتى فيها بحرمانية المقولة الا اذاقيلت على الجنة مثلا فهلا لاتفنى باذن الله تعالى لكنها برده مخلوقة من العدم

[الاسلام دارى]

رد: هل هذه المقولة صحيحة فى نظرك؟

شوفوا اخواتى دا رابط الفتوى
http://dubaiwebcity.net/moodle/mod/f...scuss.php?d=24