امسك اعصابك ||بناديلك تعالى||لا يفوتك

[أمة عزيزة بالله]

أولا : إمسك أعصابك


لو كنت داخل الموضوع من موقع بحث مثلا وبتدور على الشريط فبالله عليك ما تضايقش ...واعرف ان ربنا أراد بيك الخير انك تدخل هنا ... ومتقفلش الصفحة واصبر واستنى واقرأ يا عم منتاش خسران حاجة ... والحكاية كلها كام سطر لله يا أخى



لو كنت عضو فى المنتدى وهتقول ايه ياعم المشرف اللى كاتبه ده ... هو الراجل ده حصله ايه ... متخافش احنا مش حاطيين الشريط ولا حاجة





ثانيا : هأجلها لآخر الموضوع ... يلا بقى ندخل فى الموضوع ... يلا أقرأ يا عمونا


شوف يا باشا ... الحكاية ان الآن عدد غفير من شبابنا بيقلب فى النت بيدور على الشريط أو اغنية مسروقة ... وبينتظر اللحظة اللى يدخل يحمل فيها الشريط mp3 high quality... والأمر ده بيتكرر كل سنة أو سنتين ... واللى فيهم الشريط ده بيتقطع تشغيل لدرجة ان سماعات جهازك نفسها زهقت منه ... مش ده اللى بيحصل ولا أنا غلطان ؟؟؟


طيب بص ... انا مش هقلك تخيل لو انت سمعت فى الوقت ده سور من القرآن مش يمكن تكون حفظتها زي ما حفظت الأغاني دي ... ده غير الحسنات الكتير اللى كنت اخدتها ...


ولا هقولك الأغاني حرام ( ومش معنى كده انها مش حرام وانت عارف من جواك ) لإن انا لما بطلت اسمع اغاني ( ايوا ياعم هو انت فاكرني مولود بلحية ولا إيه ... ربنا يثبتنا )مبطلتهاش لما عرفت انها حرام ... لا بطلتها لما عرفت أد ايه كلام ربنا حلو .. واد ايه الفايدة اللى بستفادها لما اسمع شريط في الدين او حتى اسمع كلام علمي عن اى موضوع مفيد... وحسيت ان حياتي ليها طعم جديد وليها قيمة وفايدة ...





أنا هقولك بعد إذن سيادتك بس ... لو ممكن أخد من وقت حضرتك أد وقت مرة تشغيل للشريط ده ... هاخد من وقتك نص ساعة بس أو ساعة ... تدخل هنا وتشوف المواد الموجودة على الرابط ده ... ( وكلها روابط مباشرة ) ... وافتح قلبك ليها ... وزي ما بقلك لو عرفت ربنا وقلبك قرب منه هتعرف لوحدك انت محتاج الشريط ده او غيره ...وهتعرف لوحدك الاغاني حرام ولا لأ .. وصدقني ودي أهم نقطة ... هتعرف أد ايه حياتك ليها قيمة كبيرة جدا جدا جدا ... وإن كل ثانية فيها ليها قيمة كبيرة جدا ... ولازم من الآن تاخد قرارك وتقول راجعلك يارب


ادخل على الرابط التالى



>>>>>> اضغط هنا <<<<<<<






قبل ما ننهي ... انا قلت هقول النقطة التانية فى الآخر وهي انى مكذبتش فى العنوان لان حصريا ( الكلام حصري مش هتلاقيه في مكان تاني ) الألبوم ( اننا هنتكلم عنه هنا يعنى ) تحميل بروابط مباشرة ( وده من خلال الرابط اللى وضعته )
أنا جاي انهارده أمدلك ايدي واقولك هات إيدك ..


مش نفسك تفضفض لحد وتحكيله همومك ..؟؟؟

احنا هنا كلنا إخوانك يا حبيب قلبي ..

والبنات هنا كلهم أخواتك يا أختي ..

ونفسنا تسجلوا معانا في الطريق الى الله وتمدولنا ايديكم علشان ناخد بإيد بعض للجنة بإذن الله ..


هتسأل وتقول:
هي الناس دي تاعبة نفسها معايا ومع غيري لييييه ؟

هقولك علشان إنتوا أخواننا وأخواتنا.. أيوه أخواننا وأخواتنا..

وخايفين عليكم وبنحب ليكم الخير زي ما بنحبه لنفسنا بالظبط ..

ده حتى إيمان العبد مش بيكتمل غير لما يحب أخوه ويخاف عليه زي نفسه ..

قال رسول الله :
(لا يؤمن أحدكم حتى يحب لأخيه ما يحب لنفسه)

وكلنا في مركب واحدة .. ولازم ناخد بإيد بعض..
ناخد بإيد بعض في الدنيا ، علشان في الآخرة نتقابل مع حبيبنا ونشرب من إيديه ونبقى معاه في الجنة ..

هتقول :
بس أنا ماستحقش إني اكون عضو في المنتدى ده !!
او اكون وسطكم أو اكون أخ لناس زيكم !!!
انتو ناس طاهرة وعالم محترمة وبلاش توجعوا قلبكم مع العالم اللي زيي !!!

هقولك : مين قال كده يا حبيب قلبي ؟؟
كلنا اصحاب ذنوب ومعاصي ومفيش حد فينا معصوم .. كلنا بنغلط وبنتوب ..
وإنت بإذن الله بعد التوبة سيئاتك كلها بإذن الله هتتبدل حسنات وممكن تكون اطهر وأحسن مننا 100 مرة..
وملكش دعوة بالدوشة ووجع القلب ..
احنا يا سيدي عالم غاويين وجع قلب .. بس انت سجل وادوشنا واوجع قلبنا براحتك ..
وإن شاء الله هتتغير وتبقى احسن واحد في الدنيا ..
بس خلي عندك أمل ويقين في الله عز وجل ..





الصحابة كانوا بيقولوا إن سيدنا عمر بن الخطاب مستحيل هيدخل الاسلام ..

مستحييييييييييييييييل ده يحصل !!

لدرجة إنهم كانوا بيقولوا :

(لو أسلم حمار الخطاب ، ما أسلم عمر !!!)

يعني فيه امل ان الحمار ممكن يسلم إنما عمر لأ !!!

تخيل فقدان الامل وصل لمرحلة ايه ؟؟؟

ولكن زي ما قولتلك الأمل في الله موجود ولا ينقطع ..

وعُمر أسلم .. وبقى سيدنا عمر بن الخطاب .. الفاروق ..

أمير المؤمنين وثاني الخلفاء الراشدين ..

علشان كده بقولك اوعى تيأس ابداااااااااااااااااا..


ومهما غلطت أو عملت ذنوب ومعاصي قوم واتوضا وصلي ركعتين توبة وتاكد إن ربنا هيقبل توبتك ..

هات قلبك .... هات ايدك .. وهتلاقينا معاك ..

هنكون جنبك.. ومش هنسيبك أبداً بإذن الله ..


مستنيينكم بإذن الله تسجلوا وتتواصلوا معانا


نحبكم في الله ..

وفى الختام ... دعاء


اللهم يا تواب يارحيم .. يا ذا العرش المجيد ... يا حي يا قيوم ... اللهم صلى على سيدنا محمد وعلى آله وصحبه وسلم ... اللهم تب علينا توبة ترضيك عنها ... اللهم اعنا على أنفسنا ... اللهم طهر قلوبنا واجعلها خالصة لك ... اللهم اعفو عنا واغفر لنا وارحمنا ... اللهم اختم لنا بحسن خاتمه واجعل قبرنا روضة من رياض الجنة ... وارزقنا رفقة حبيبك محمد صلى الله عليه وسلم فى أعالي جنان الخلد ...


اللهم آمين


((((((((( الرجاء النشر في كل المنتديات والجروبات ... )))))))))))

[راجية حب الرحمن]

رد: حصريا تحميل ألبوم عمر دياب بناديلك تعالى ...لايفوتك

جزاكم الله خيرا اختاه
لكن اسمحي لي بنقله لفضفضة الاخوات

[راجية رضى الله سبحانه]

رد: حصريا تحميل ألبوم عمر دياب بناديلك تعالى ...لايفوتك

السلام عليكم
جميل اخيتي , عندما رأيت العنوان قلت بنفسي ماذا يفعل هذا الموضوع بمنتدى محترم
لكن فهمت الموضوع , موضوع جميل, بارك الله فيك

[راجيه جوار الحبيب محمد]

رد: حصريا تحميل ألبوم عمر دياب بناديلك تعالى ...لايفوتك

جزاكِ الله أختِ وأثابك الجنه
بإنتظار الجديد منك غاليتى

[هبة محمود]

رد: حصريا تحميل ألبوم عمر دياب بناديلك تعالى ...لايفوتك

بارك الله لكى أختاه
ربنا يجعله فى ميزان حسناتك

[أمة عزيزة بالله]

رد: حصريا تحميل ألبوم عمر دياب بناديلك تعالى ...لايفوتك

قول الشيخ علي الطنطاوي رحمَه الله :
"ودَاهمني مرّة همٌّ مقيمٌ مُقعد،وجعلتُ أفكّر في طريق الخلاص ،وأضربُ الأخماس بالأسداس!ولا أزال مع ذلك مُشفقاً مما يأتي به الغد ؛
ثم قلت ما أجهلني إذ أحسب إنّي أنا المدبّر لأمري واحمل همّ غدي على ظهري !
ومن كان يدبّر امري لما كنت طفلا رضيعاً ملقى على الأرض كالوسادة لا أعي ولا انطق ولا أستطيع أن أحمي نفسي !!من العقرب إن دبّت إليّ ، والنار إن شبّت الى جنبي ، أو البعوضة إن طنّت حولي؟
ومن رعاني قبل ذلك جنيناً؟ وبعد ذلك صبياً؟
أفيتخلّى الله عنّي ؟!!
سبحانه وتعالى خفي اللطف!!

[اقرأ القرآن وأذكر ربك]

رد: حصريا تحميل ألبوم عمر دياب بناديلك تعالى ...لايفوتك

وعليكم السلام ورحمة الله وبركاته
ماااشاء الله تبارك الخلاااق
زادكِ الله من فضله ||ننتظر جديدك
جزيتِ الجنة ونفع الله بك رفيقتى
لا تنسى ذكر الله

[أمة عزيزة بالله]

رد: امسك اعصابك ||بناديلك تعالى||لا يفوتك

السلام عليكم ورحمة الله وبركاته
جزاكم الله خيراا ونفع الله بكم رفيقتى
||رزقنا الله وإياكم الإخلاص والقبول||
لا تنسوا ذكر الله||لا إله إلا الله
~~ تذكروا أن الكلمة الطيبة صدقة ~~

[محبة لقاء الله]

رد: امسك اعصابك ||بناديلك تعالى||لا يفوتك

ما شاء الله
جزاكِ الله خير الجزااااااء يا غالية
------------------------------------
اللهم صل على سيدنا محمد
اللهم صل على سيدنا محمد
اللهم صل على سيدنا محمد

[مخلصة لرب العالمين]

رد: امسك اعصابك ||بناديلك تعالى||لا يفوتك

اللهم طهر قلوبنا من كل ما لا يرضيك عنا

جزاكِ الرحمن خيرااا أخيتى

[أمة عزيزة بالله]

رد: امسك اعصابك ||بناديلك تعالى||لا يفوتك

السلام عليكم ورحمة الله وبركاته

إلى متى هذا الإعراض ؟
وإلى متى الحياء بلا حدود ولا ضوابط شرعية ؟
أختي في الله .... إلى متى الاستمرار في الغفلة ؟
ألم تسمعي قول الله تعالى : ( أَلَمْ يَأْنِ لِلَّذِينَ آمَنُوا أَنْ تَخْشَعَ قُلُوبُهُمْ لِذِكْرِ اللَّهِ وَمَا نَزَلَ مِنَ الْحَقِّ )(الحديد: من الآية16)
ألم تعلمي ........... أنك تأكلين من نعم الله وتعصينه .
ألم تنتبهي ............. أنك تعملين السيئات وتعلمين أنه يراك فلا تستغفرينه.
ألم تشعري ............. أنك تعيشين على أرض الله وتحت سمائه وتغفلين عنه .
ألم تقرئي قول الله جل وعلا : ( وَإِنْ تَعُدُّوا نِعْمَةَ اللَّهِ لا تُحْصُوهَا إِنَّ اللَّهَ لَغَفُورٌ رَحِيمٌ) (النحل:18)
فهل أحصيت نعم الله عليك؟
ألست تبصرين !! ألست تسمعين ما حولك وبه تتمتعين ...
فما الذي استفدتيه من نعمة السمع والبصر والله سبحانه وتعالى يقول : ( إِنَّ السَّمْعَ وَالْبَصَرَ وَالْفُؤَادَ كُلُّ أُولَئِكَ كَانَ عَنْهُ مَسْؤُولاً)(الإسراء: من الآية36) ، ويقول تعالى: ( وَقِفُوهُمْ إِنَّهُمْ مَسْؤُولُونَ) (الصافات:24) فهل استشعرت عظم تلك النعم وعظم ذلك السؤال ، فهل أعددت جوابا لتلك الأسئلة .

[أمة عزيزة بالله]

رد: امسك اعصابك ||بناديلك تعالى||لا يفوتك

السلام عليكم ورحمة الله وبركاته
جزاكم الله خيرا ونفع الله بكم
||رزقنا الله وإياكم الإخلاص والقبول||
لا تنسوا ذكر الله||لا إله إلا الله
~~ تذكروا أن الكلمة الطيبة صدقة ~~

[أمة عزيزة بالله]

رد: امسك اعصابك ||بناديلك تعالى||لا يفوتك

لا حول ولا قوة إلا بالله

[يارب رضاك عني]

رد: امسك اعصابك ||بناديلك تعالى||لا يفوتك

وعليكم السلام ورحمه الله وبركاته

ما شاء الله أسلوب جميل جدا ومقال أكثر من رائع

بارك الله فيكِ وجزيتي الجنة

جاري النشر إن شاء الله

[أمة عزيزة بالله]

رد: امسك اعصابك ||بناديلك تعالى||لا يفوتك

السلام عليكم ورحمة الله وبركاته
جزاكم الله خيراا ونفع بنا وبكم
ورزقنا الله واياكـــــــ,,,,,ــــــم الاخلاص والقبــــــــــ,,,,,ــــــــول
لا تنسوا ذكر الله || سبحان الله
تعلمنا أنه من يذكر الله كثيرا فإنه يدخل الجنة وهو يضحك