بسم الله الرحمن الرحيم
الحمد لله رب العالمين والصلاة والسلام على اشرف المرسلين
قصة ارتدائى النقاب
الحمد لله رب العالمين والصلاة والسلام على اشرف المرسلين
قصة ارتدائى النقاب
من اول ماربنا من عليا بالالتزام فى اولى ثانوى لبست الخمار وبعدين بقيت اقرا عن الحجاب كتير وبدات كل شوية اصلح فى حجابى ليكون افضل
وكان دة من على المنتدى طبعا واللى كانت متبعانى فى موضوع الحجاب اخت اسمها رحاب توفيق وبدات بعدها البس عبايات وبطلت الكعب العالى
بعدها بدات الرسائل لمدة سنتين لغاية ما لبست النقاب السنة دى فى اول يوم العيد
كانت اجمل حاجة فى السنتين هى الرسائل الجميلة الحنونة التى كانت تاتى من عند ربى
لو حكيت على رسائل ربنا بس هكتب مجلد كامل
كنت زى الاخت مورى كل شوية الاقى حاجة قدامى عن النقاب بطريقة غررررررررررررريبة جدا
مرة كنت قاعدة على الكمبيوتر وقلت هسمع درس فتحتة لقيتة حكم النقاب لمحمد حسان بس مكنش ليا نفس اسمعة قعدت ادور على اسماء دروس فتحت درس تانى لقيتة برضو هوة هوة حكم النقاب لمحمد حسان اتكسفت من نفسى بقى وقلت خلاص اسمعة وامرى لله واقتنعت بية
وبعدها كل شوية على المنتدى الاقى موضوع عن النقاب وفى اسرار المحبين اقرا قصص كتير عنة
اول مواجه تقريبا كانت بعد درس لانك غالية لحازم شومان طبعا بابا رفض وماما اللى كانت معايا بس بابا كان بيزعق كل ما افتح معاه الموضوع كل شوية تجيلى رسالة من ربنا واقول لبابا يزعق ويقولى لا يعنى لا مش هتلبسية طول ما انا عايش وكنت بعيط كتير
مرة بقى سمعت درس لهانى حلمى كان فية رسالة للنقاب ايضا وبكيت شوية وبعدين انشغلت فى تحضير الغداء مع ماما بعدها قعدت على النت اول ما فتحت لقيت قدامى اول كلمة النقااااااااااااااب كانت قصة جميلة لاخت لبستة قعدت اعيط انا بقى لانهم كانوا رسالتىن ورا بعض كأن ربنا بياكد عليا الموضوع ويفكرنى بية
ورسالة تانية برضو لما سمعت قصة حلا شيحة لما لبست النقاب ووصفت احساسها بية وقالت حاسة انى ملكة بنقابى انا كنت هموت من العياط بقى وطبعا رد بابا كالعادة لا يعنى لا
وكانت الرسائل الكتير بقى بتيجى فى موضوع دعوة عامة للجميع كانت احلى رسائل مرة كنا قاعدين بنتناقش عن النقاب فية كنت انا و 5 منقبات تقريبا بيكلمونى فاطمة ورحماك وام نوح وزادى ونسائم الرحمة
ربنا مجمعهم كلهم كدا مرة واحدة علشان يشجعونى
والرسائل من دا كتير
خلاص بقى الموضوع واضح اوى ربنا بيقولى البسى نقاب ملهاش تفسير تانى
وقرات كتير عن حكم النقاب وعرفت انة فــــــــــــــــرض
وحتى فى ايام المدرسة طبعا ببقى مشغولة من الدروس وكانت تيجى عليا فترات ناسية النقاب ومش بدعى انى البسة اصلة والله ربنا مكنش بيسبنى كل شوية يفكرنى بية برسالة او رؤية انى لبستة
مرة كان عندى فتور جامد فى الطاعة وذنوب جديدة طلعتلى وكانت حالتى زبالة ومخنوقة من كل حاجة وكنت نسيت النقاب شوية قلت بقى اقعد علىالنت شوية بدال الخنقة اللى انا فيها دى
فجاءة النت مش شغال معى ان الوقت دة بيبقى شغال فية كويس جدا خلاص قلت اتصفح الفديوهات اللى على الكمبيوتر اول ما فتحت بقى لقيت اية حلقة لبرنامج كانوا ملتقين بشمس البارودى وزوجها حسن يوسف وكانت بتتكلم عن قصة توبتها وارتدائها النقاب كانت صاعقة بالنسبة ليا بقى انا يارب بعصيك وفى حالة فتور وداخلة اضيع وقت وخلاص
ربنا الرحيم بقى بيعاتبنى ويقولى افتكرى النقاب واخرجى من فتورك دة وبعديها سمعت درسين صغيرين فتحتهم بالصدفة والله كل كلمة كانها ليا انا بالظيط
جت بقى اللحظات الحاسمة
قبل رمضان كنت بسمع دروس كتير عن الاستعداد لرمضان وكان فيهم حازم شومان بيقول ان رمضان فرصتك وممكم تطلع بية بجوائز ربانية كتيييييييير .......ومنهم كان
انتى ممكن تطلعى من رمضان بالنقاب
لما سمعت الكلمة دى بقى قلبى طااااااااار
جه رمضان بقى كانت الايام الاولى عادية اخر اسيوع بالظبط دخلت على النت وصدفة زى كل مرة
لقيت 20 دليلل لوجوب النقاب
قلت لنفسى طيب النقاب فرض يبقى انا حرام اى حد مش من محارمى يشوف وجهى
و قلت لازم افتح الموضوع كنت مترددة لانى عارفة الرد بس ربنا قوانى وكان الرد المعتاد لا لا لا
قلت لبابا خلاص يبقى متقدمليش فى الجامعة بقى لانى مش هدخل الجامعة من غير نقاب
عيطت جامد ساعتها وطلعت فى دماغى انى مش هطلع تانى من غير نقاب ولا هورى وجهى لاى انسان تانى وحتى كان فية شيخ بيحفظنا فى البيت مرضتش اطلعلة والحمد لله ربنا ثبتنى
بدات بقى ادعى بجد وبحرقة اول مرة فى حياتى ادعى كدا وكل ما ادعى يزداد تمسكى بوعدى انى مش هطلع من غير نقاب تانى
وكنت بتصل بامة الرحمن فاطمة وكانت بتشجعنى وتقولى انتى صح اثبتى وربنا كريم وكانت بتشجعنى جدا وربنا فتح عليا بقوة الدعاء والمناجاة ودى كانت اجمل حاجة فى الموضوع اكتشفت ان الدعاء والانكسار لله جميل اوى
وكنت ساعات ادعى ربنا وانا لابسة النقاب
كنت اشتريتة من فترة وخبيتة
ربنا حط فى قلبى يقين جميل اول مرة احس بية
كل يوم كنت بحس انى خلاص هلبسة انهردة وكل شوية كنت بفتح الموضوع مع بابا بس الحكاية كانت بتعدى بهدوء من غير زعيق وماما قالتلى ان بابا بدا يلين شوية ففرحت خالص وبقى عندى امل ويقين كبيررررررررر وكنت بقول يارب البسة المرة دى ومتبقاش زى كل مرة حماس ثم انسى الموضوع بعديها وكنت بقولة يارب انا نفسى البسة قبل الجامعة وقبل ما الحماس اللى عندى يروح
اللحظات الاخيرة
اخر يوم فى رمضان بقى مكنتش عارفة افتح الموضوع تانى ازاى
قلت خلاص انا هكتب لبابا جواب وابعتهولة
![](http://goodwayinlife.com/forum/images/smilies/SnipeR%20%2854%29.gif)
اكتبلة فية انى عايزة البس النقاب وكتبتلة رد على الشبهات اللى فى الموضوع
وفعلا كتبت بس مجتش فرصة اديهولوا
يوم العيد الصبح صاحية وكل تفكيرى اجرى بسرعة ادى لبابا الجواب نزلت واستجمعت قواى وقلتلة خد يابابا اقرا الجواب دة مسكة وقلبة فى ايدة وقالى مش هقراء ورماة على الارض وقفت معرفتش اتكلم وقلتلة لية اقراءة وخلاص مردش عليا
مشيت ورحت لماما قلتلها انا عايزة اقول لبابا البس النقاب مردتش عليا
سبتهم وطلعت فوق وقفلت على نفسى الباب وقعدت اعيط
زعلت جداا حسيت ان خلاص الفرص كلها خلصت
وقلت يارب انت شرعت العيد علشان الفرحة بعد رمضان وانا مستحيل هفرح وانا من غير النقاب
عيطت شوية
وربنا رزقنى يقين جميل وقلت هلبسة ان شاء الله ومسحت دموعى وقلت هقوم اقول الاذكار انا مقلتهاش بعد الفجر قعدت اذكر الله شوية وانا متاكدة انى هلبس النقاب ازاى معرفش بس احساسى كان كدا!!!!
كرم ربنا بقى
وعلى راى الشيخ حازم شومان مفيش مع ربنا ازاى
عدت دقائق قليلة ثم
اختى طالعة تجرى وتخبط
افتحى بابا وافق انك تلبسى نقاب
اجمل لحظة فى حياتى
كأن ربنا مرضيش انة يزعلنى او اعيط فى يوم العيد
بجد مفيش حد فى الكون احن علينا من ربنا
معى انى والله مستهلش الكرم دى واعمالى فى رمضان لم تكن كبيرة بل كانت قليلة جدا جدا
بس لو هحط لقصتى عنوان تانى اسمة هيبقى
الدعاء يصنع المعجزاااااااااااااات ومفيش مع ربنا ازاى
دى كانت قصتى
طولت عليكم معلش
يارب حد يستفيد منها
واقول لكل اللى نفسها تلبس النقاب الدعاء اجمل حاجة فى الدنيا
اجمل لحظات حياتى وانا بناجى ربنا وبعيط بين ايدية
قمة الحنان والرحمة
بالله عليكم ادعولى فى صلاتكم ربنا يثبتنى
ويهدينى ويهدى بابا لانة مازال كاره النقاب جدا
تعليق