قلب مشتاق

[راجية جنة الرحمن]

قلب مشتاق




عمرك حسيت إنك مشتاق لحد أوي لدرجة إنه شاغل قلبك وتفكيرك وكيانك كله؟؟؟

عمرك حبيت حد لدرجة إنك بتتمنى له الرضا يرضى تبقى مش عارف تسعده إزاي وتعمله إيه؟؟؟


عمرك فرحت لما سمعت اسم حد لدرجة إنك لو شايل هموم الدنيا كلها بتروح أول ما تسمع الاسم ده

طيب يا ترى... مين هو؟؟؟

مين اللي يستاهل انك تحس بكل ده لمجرد ذكر اسمه وكمان مالي كل حياتك؟؟؟

مين اللي عطاءه وكرمه ونعمه عليك لا حد لها .. لاء وإيه كمان عمره ما هيطلب منك مقابل أبدا .. عرفت أنا أقصد مين؟؟ أيه طبعا هو ومين غيره ينفع يكون مكانه!!!

ربـــــــك وحبيبــــــــك ومولاك (((الرحمــــــــــــــــــــن))) جل وعلا

أكيد بتقول في نفسك إيه ده إنت جاي تكلمني عن حب ربنا .. طيب مين في الدنيا دي كلها مش بيحب ربنا !!!

أنا معاك بس قولي إيه دليل حبك ؟؟؟آه كلنا بنحب ربنا الحب الفطري اللي اتزرع جوانا مع ولادتنا ..

بس أنا هسألك وانت رد على نفسك وساعتها هتعرفإذا كنت بتحب ربنا بجد ولا بتضحك على نفسك؟

قولي .. مش اللي بيحب حد بيحب يكلمه يسمعه.. يقرأه.. ويشوفه كمان.. صح ولا إيه؟؟؟

أكيد بتقول آه طبعا.. طيب تمام.. كيــــــــــف حالـــــــــــك مع القــــــــــــــرآن؟؟؟

مش هو برده كلام حبيبك.. على كده بقى انت بتقرأه كل يوم .. لالالا..أكيد أكتر من مرة في اليوم..

أوعى يكون الرد لا.. أمال ازاي بتحبه؟؟طب ده أنا أسمع عن ناس من كتر حبهم في بعض بيقرأوا رسايل اللي بيحبوهم كل شوية ..


طيب ما هو القرآن رسايل حبيبك ليك وكمان بتاخد على كل حرف حسنة شوفت بقى عظم الأجر..


طيب خلينا في الصلاة بتوقف تجهز نفسك وتحضر قلبك قبلها بأد إيه؟؟بتتهيأ للوقوف بين يدي حبيبك قبلها بأد إيه ؟؟ ساعة مثلا.. طيب نص ساعة..طيب حتى خمس دقايق

اوعى يكن الرد لأ.. هو أنا ببقى فاضي .. أمـــــــــــــــال إزاي بتحبــــــــــه؟؟

ماسمعتوش عن الشباب والبنات اللي بيقفوا قدام المرايه يجهزوا نفسهم بالساعات عشان المقابلات الغرامية .. طيب وقتها الفضى جه منيــــــــــــــن؟؟؟

ليه لما ييجي معدنا مع الله بنبقى مشغولين ومستعجلين؟؟؟

طيب خلينا في القيام!!

لو انت عارف إن في حد هيجلكم زيارة الساعة 2 الفجر ومعاه هيبقى حل لكل مشكلاتك,هيحقق كل اللي بتتمناه ويكن سعادتك مفتحها في إيديه هتعمل إيه علشان تستقبله مع إنه ميعاد نومك؟؟

اقلك أنا هتعمل إيه؟؟.. مش بعيد تعلن حالة طواريء في البيت كله علشان البيت يجهز لاستقباله وهتجيب أفخم المقبلات عشانه ماه يعني مش مهم كام مائة جنيه يتصرفوا في سبيل إن كل اللي بتتمناه يتحقق .. مش صح برده؟؟

طيب ماهو لله المثل الأعلى حبيبك كل يوم يتنزل نزول يليق بجلاله للسماء الدنيا من الثلث الأخير من الليل ويقول كما أخبرنا سيدنا محمد صلى الله عليه وسلم : هل من داعي أستجيب له "أطلب كل اللي بتتمناه".. هل من مستغفر لأغفر له.. فلا يجد منك إلا النوم والسُبات العميـــــــــق

على الرغم انه مش هيغرمك جنيه واحد!!بالعكس هيديلك كل اللي بتتمناه بدعوة صادقة تسبقها كلمة يـــــــــــــارب

طيب معلش ممكن سؤال ليكي يا أختنا بس استحمليني

هو اللي بيحب حد مش بيسمع كلامه؟؟؟ أكيد آه..طيب مش ربنا عز وجل فرض عليكي الحجاب الشرعي .. يـــــــــــــوووه تاني الحجاب؟طيب هقولك حاجة لو احد بيحب واحده أوي..وقالها أنا بغير عليكي جدااا..ومش عايز حد يشوفك غيري انتي بالنسبة ليا جوهرة.. هتعمل إيه لو قالها إلبسي الحجاب الشرعي؟؟

أكيد هتنفذ كلامه وهتبقى فرحانة لحبه ليها وتقول : أصلـــــــــه بيغيــــــــــر عليـــــــــا

طيب ماهو لله المثل الأعلى ربنا بيحبك وبيغير عليكي..فأيهما أحق بالطاعة؟؟؟

سبحان الملك تخيلي معايا ما أجمله من إحساس الذي تشعرين به حين تمشي في الشارع لا يعرفك لأحد ولا يراك أحد كأنك ملـــكــــة..أصل ربك حبيبك حماكي من شر عيون الذئاب!!

بقى بعد كل ده انتوا بتحبوه ولا هتيجوا يوم القيامة ويقولكم : أنتم كاذبون في حبكم لي فلو صدقتم لأطعتموني فيما فرضت عليكم ,,, فإن المُحــــــــب لمـــــن أحـــــب مُطيــــــــــع.

إخوتي في الله : لا تنسوا رسالة الله لكم:

(أَلَمْ يَأْنِ لِلَّذِينَ آمَنُوا أَن تَخْشَعَ قُلُوبُهُمْ لِذِكْرِ اللَّهِ وَمَا نَزَلَ مِنَ الْحَقِّ وَلَا يَكُونُوا كَالَّذِينَ أُوتُوا الْكِتَابَ مِن قَبْلُ فَطَالَ عَلَيْهِمُ الْأَمَدُ فَقَسَتْ قُلُوبُهُمْ وَكَثِيرٌ مِّنْهُمْ فَاسِقُونَ) (16-سورة الحديد)

[راجية جنة الرحمن]

رد: قلب مشتاق

هقولكم قصة قلب من شدة حبه اشتاق فعمل:

ذُكر أن أحد السلف الصالح كان يُقيم الليل كله من بعد العشاء إلى الفجر فتبعه رجل حتى يعرف لما يجلس كل هذا القت في المسجد فقام الرجل فصلى فأطال الوقوف ثم ركع فأطال الركوع ثم سجد فأطال السجود واستمر هكذا حتى نام من كان يتتبعه فلما أفاق وجد الرجل على حالته قائم يصلى بعد قليل استراح الرجل الصالح فأسند ظهره إلى الجدار وأغمض عينيه فجأة هب فزعا وجلس جلسة التشهد ثم بكى قام فصلى حتى الفجر وبعد صلاة الفجر قال له من تتبعه عن أمره وسأله لما فزع قال: تذكرت أن الله يراني فما أحببت أن يراني نائما غافلا عنه.

ياا ا ا الله مثل هذا الرجل ممن صدقوا الله في حبهم له وأنتم كم مرة يراكم الله غافلون عنه إخوتي؟؟؟

سبحانك ياربنا ما أحلمك علينا.. عايزين تعرفا تثبتوا لله حبكم إزاي؟؟؟

الله عز وجل سهل علينا الوصول إلى محبته لنا

فقد أخبرنا في الحديث القدسي :عن أبي هريرة -رضي الله عنه- قال : قال رسول الله صلى الله عليه وسلم : إن الله تعالى قال: من عادى لي وليا فقد آذنته بالحرب , وما تقرب إليّ عبدي بشيء أحب إليّ مما افترضت عليه , ولا يزال عبدي يتقرب إليّ بالنوافل حتى أحبه , فإذا أحببته كنت سمعه الذي يسمع به وبصره الذي يُبصر به ويده التي يبطش بها ورجله التي يمشي بها ولئن سألني لأعطينه ولئن استعاذني لأعيذنه. (رواه البخاري)


أختم حديثي معكم إخوتي في الله : أختمه بكلام ابن القيم رحمه الله:

إذا أصبح العبد وأمسى وليس همه إلا الله وحده تحمل الله سبحانه حوائجه كلها وحمل عنه كل ما أهمه وفرَّغ قلبه لمحبته ولسانه لذكره وجوارحه لطاعته وإن أصبح وأمسى والدنيا همه حمله الله همومها وغمومها وأفكارها ووكله إلى نفسه فشغل قلبه عن محبته بمحبة الخلق ولسانه عن ذكره بذكرهم وجوارحه عن طاعته بخدمتهم وأشغالهم فهو يكدح كدح الوحش في خدمة غيره.


الباب لسه مفتوح كي تُثبتوا لله عز وجل حبكم الصادق له أيوه والله لسه مفتوح فبادروا إخوتي ولا تيأسوا مهما كانت قدر معصيتكم فهو سبحانه سيغفر لكم لأنه سبحانه يقول لكم:


(قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعاً إِنَّهُ هُوَ الْغَفُورُ الرَّحِيمُ)


وأخيرا..هذه ورقة قلب مشتاق.. إحدى إصدارات مشروع نشر الهداية


ومن إصدارات المشروع:الورق الدعوي : (كوني عائشة-كارينا-الامتحان اتسرب-حلم جميل- انت عايش ليه؟- ماذا لو تأخر قليلا), واسطوانات وكتيبات
ولمن يريد الحصول على اصدارات المشروع يتصل ب01111323838

فلنحرص على اقتنائها بكميات ونشرها هي وباقي الاصدارات فالدال على الخير كفاعله ولئن يهدي الله بك رجلا واحدا خير لك من الدنيا ومافيها كما قال حبيبنا صلى الله عليه وسلم ومن لم يستطع فلينشر الموضوع هذا في كل مكان سواء في المنتديات او الجروبات أو الايميلات ..وأدعو الله أن يرزق كل من ينشر هذا الموضوع الفردوس الأعلى بلا حساب ولا سابقة عذاب.

وفقكم الله

[محبة لقاء الله]

رد: قلب مشتاق

بسم الله ما شاء الله
موضوع جمييييييل
ولكم نحتاج مثل هذه المواضيع فى حياتنا
ولكم نحتاج لمن يذكرنا بالملك وحبه
اللهم ارزقنا حبك
جزاكِ الله خير الجزاااااااء اختى الكريمة
-----------------------------------
استغفرك ربى واتوب اليك
استغفرك ربى واتوب اليك
استغفرك ربى واتوب اليك

[sara_alfahdy]

رد: قلب مشتاق

جزاك الله خيرا

[راجية جنة الرحمن]

رد: قلب مشتاق

جزاكن الله خيرا أخواتي الغاليات