Tweet
الحمد لله مكياجى مش ساح.... احمدى ربنا أنا أحسن من غيرى.....
متخافوش الموضوع اسلامى مجرد توعية وعظة منى لكن
هتكلم معاكم النهاردة فى حاجتين مهمين جدااا وهما :-
( الحمد على المعصية & المنًّ على الله )
هنمسك حاجة حاجة نتكلم عنها ونحاول ناخد زتونة ( خلاصة يعنى ) الموضوع
اولا :- حمد الله على المعصية :-
معقولة فيه حد بيحمد ربنا على المعصية , اقلك ايوه للاسف الشديد فيه كتير مننا بيعملها وهضربلك امثلة كتيرة:..
1- لما نروح فرح ونعمل ميكب و الجو يتغير ويبقى حر ( الواحدة بتبقى خايفة ) ولما الميكاج مش يحصله حاجه اول جملة نسمعها منها ( الحمد لله المكياج مش باظ كنت خايفة اوووى ليسيح )
2- ودى الشائع اوووى وبتحصل كتير فى الامتحانات بناخد ( براشيم ) او بنحاول نقعد فى مكان نعرف نغش منه ولما نفلت من اى حد يمسكنا اول جملة نسمعها ( الحمد لله المراقب مش شافنى وانا بغش & الحمد لله انى مش مسكنى ولا مسك الورقة اللى معاياكنت هنتفخ لو كان مسكنى وبنبقى قشطة ان احنا عدينا يلا ربنا ستر )
ودى بعض الامثلة وطبعا بتحصل قدامنا كتير وبتكرر امام اعيننا ولا كاننا حاسين ان احنا بنزود الطين بلة
لاننا بنعمل المعصية وكمان بنحمد ربنا عليها
لحد امتى هنتخلى عن مبادىء دينا ,
لحد امتى هنعيش فى غيبوبة عن الدين ,
نحاااااااول نتقى ربنا فى افعالنا واقوالنا ونتذكر جيدا ان ربى وربكم قال
وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا} ..
والله يا بنات لو انتى فى مواقف صعبة فى الامتحان مثلا وتكون الاسئلة صعبة شوية وفيها غموض ( اقعدى اذكرى الله وصلى على النبى وقولى توكلت عليك يارب ) سبحان الله الامور بتبقى سهله معاكى كتير وكتير فى مواقف حياتك .
خصلنا الحاجة الاولى
2- وحد مش بيصلى الا الجمعه او بيصلى فرض ويسيب فرض لو جينا نصحناه اول جملة نسمعها منه ( ياخويا احمد ربنا دا انا غيرى مش بيركعها الا فين وفين ولا يعنى هى جت عليا )ثانيا :- المنَّ على الله :-
ودى للاسف بنشوفها من الناس الى بتستصغر الذنوب
يعنى بيعملوا ذنب عظيم ومش بيعترفوا بيه لا بل انهم بيقارنوا نفسهم بغيرهم ويجعلوا من نفسهم شىء افضل وهضربلكم امثلة للاسف تدل على
المنَّ:-
1- لو جينا نصحنا واحدة ( ومثلا كان لبسها ضيق اووى او لابسه جيبه مفتوحة من ورى ) اول جملة نسمعها منها ( ياختى احمدى ربنا دانا غيرى بتلبس العن منى ولا تحبى اكون .....)
ودى للاسف بنشوفها من الناس الى بتستصغر الذنوب
يعنى بيعملوا ذنب عظيم ومش بيعترفوا بيه لا بل انهم بيقارنوا نفسهم بغيرهم ويجعلوا من نفسهم شىء افضل وهضربلكم امثلة للاسف تدل على
المنَّ:-
1- لو جينا نصحنا واحدة ( ومثلا كان لبسها ضيق اووى او لابسه جيبه مفتوحة من ورى ) اول جملة نسمعها منها ( ياختى احمدى ربنا دانا غيرى بتلبس العن منى ولا تحبى اكون .....)
كتير مننا بنسمع الامثلة دى لما نواجه حد بيعملوا معاصى ويمنوا على ربهم
لا بقى الايه تصححلنا وتصححلهم ربى وربكم قال
{يَمُنُّونَ عَلَيْكَ أَنْ أَسْلَمُوا قُل لَّا تَمُنُّوا عَلَيَّ إِسْلَامَكُم بَلِ اللَّهُ يَمُنُّ عَلَيْكُمْ أَنْ هَدَاكُمْ لِلْإِيمَانِ إِن كُنتُمْ صَادِقِينَ}
ربنا هو اللى بيمن علينا انه هدانا للاسلام وليس نحن المخلوقين نمن على خالقنا باى شىء ونتذكر جيدا ان الله يراقبنا جميعا فنتقى الله فى امورنا
أذكر نفسى .......... وإياكم
م ن ق و ل
تعليق