أحــلى رمـــضـان في حــــياتــك

[sakenat el_Janah]

السلام عليكم ورحمة الله وبركاته

فكرة الموضوع ان كل واحدة فينا تدخل تكتب عن احلى رمضان حست بيه فى حياتها
اكيد كل رمضان ليه طعم خاص عندنا ...بس فى واحد بيكون شكل تانى خالص وطعم وجو تانى احلى واجمل من اى وقت عشناه فى حياتنا ...
سواء من العبادات او احساس القرب من ربنا والهداية ..
او عشناه بطريقة معينة ومختلفة ونظام معين

ياريت نعرف بعض اكتر او انا بالتحديد .. لانى جديدة وحابة اتعرف على اخواتى اكتر واكتر

ان شاء الله انا هبدأ بنفسي
ومستنية باقى الاخوات

[sakenat el_Janah]

رد: أحــلى رمـــضـان في حــــياتــك

السلام عليكم ورحمة الله وبركاته...
بداية انا رمضان اللى فات هو احلى واجمل رمضان فى حياتي ... واحلى فترة عشتها اصلا بعتبره يوم ميلادي بالتحديد يوم 8 من رمضان

انا كنت عايشة حياتي زي اى بنت عادية بتقضي اليوم بيومه ... يعني ماعنديش هدف فى حياتي حتى بكليتى بحبها جدا جدا بس ماكنتش تفرق معايا اووى
وعلاقتى بربنا كانت اقل من العادى او الطبيعي .. حاولت انى اصلي وانتظم لكن كنت كل مرة بنكسر وبضعف وابعد
ماكنتش واخدة الموضوع مصيري عشان اركز فيه
كنت بقول لما ربنا يهديني ابقى انتظم
وماكنتش بعمل حساب انى ممكن اموت قبل الهداية ماتحصل....
وسبحان الهادي بدون تخطيط او سابق انذار
فى رمضان اللى فات قررت اصلي عشان بتكسف ان كل رمضان بيعدي عليا الفرق فيه الصوم وخلاص...
وقمت اصلي العصر وبردو مصممة اشوف الاول ايه فى التليفزيون من مسلسلات اشوفها او اصلي بسرعة بسرعة وارجع اكملها
ربنا اراد وانا بقلب المحطات اجيب قناة اقرأ واشوف داعية شاب بيتكلم عن الموت
شدني كلامه اوى .. وتحديدا عن خروج الروح من الصالحين
انهرت ادام البرنامج وقمت جري على صلاتي وقررت جوه نفسي انى مش هفوت فرض لربنا ابدا طول حياتي ان شاء الله.. وسجدت وبكيت بين يدي الرحمن الرحيم التواب الغفور

وانتظمت عالبرنامج وكان فتحة خير ليا انى اشوف غيره من الشيوخ والعلماء وافتحلهم قلبي واسمع لهم
وسمعت دروس عن التوبة والحجاب.. انا كنت محجبة بس حجاب الموضة مش شرع ربي
وبعدها اقبلت ودخلت فى الدين وقلت من حقي اعرف ديني واحب نبيي اشد الحب لكن على حق وعلم مش بالفطرة بس
ومن يوم 8 رمضان وانا الحمدلله اقدر اقول عشت احلى حياة بالقرب من ربنا .. صحيح لسه فى حاجات بتقع منى وبتفوتنى لكن مش زي الاول ... والاهم انى مش سيباها تقع وتضيع بلحقها واصلح فيها
بفضل الله سبحانه وتعالى ومن بعده فضل صحبتي الصالحة اللى ربنا وفقنى فى معرفتهم
واتمنى انى اقدر اكبر الصحبة دى عشان اتقدم بيهم اكتر واكتر ..

اسفة على الاطالة بس حبيت افتحلكم قلبي واعرفكم على نفسي
ومستنية اتعرف على كل اخت فى المنتدى كل اخت ...........

وجزاكن الله خيرا على استقبالي بينكن

[مى السبعاوى]

رد: أحــلى رمـــضـان في حــــياتــك

اختى الحبيبة فى اللة
جعلنا اللة من ساكنات الفردوس الأعلى ... آمين .
للاستمتاع حقاً برمضان ... لابد ان نتحكم فيما تهواة انفسنا .
فنقاوم اغراءات المسلسلات و كل ما هو لا يفيد و يبعد عن اللة .
بل نغلق التلفاز حتى لا يستدرجنا الشيطان لعنة اللة .
و لنشغل اوقاتنا بقراءة القرآن ... ابحثى عن الصديقات الصالحات حقاً , فهن خير معين .
و نحافظ على السنن , ونديم ذكر اللة من اول ما نستيقظ الى ان ننام .
عدم السهر يساعدنا على قيام و لو ساعة واحدة قبل الفجر .
كما ان الدعاء جميل فى ر مضان .... خاصة .. اللهم بلغنى ليلة القدر .
و فى الختام حبيبتى فى اللة .. اوصيكى بكثرة السماع الى الخطب التى تتحدث عن رمضان و عن الجنة , جعلنا اللة من اهلها .
آمين

[sakenat el_Janah]

رد: أحــلى رمـــضـان في حــــياتــك

جزاكي الله خيرا اختى فى الله على نصائحك الغالية
والحمدلله بالفعل بدأت بتغيير الصحبة والتعرف على صحبة فى الله اخوات يخدوا بايدي الى ربنا ويعينوني على الثبات ...

عذرا حبيبتى انتبهي للفظ الجلالة الله وليس اللة
ومستنية تعرفيني على نفسك وتحكيلي عن قصة هدايتك او احلى رمضان فى حياتك
وجزاكي الله خيرا على المرور

[مى السبعاوى]

رد: أحــلى رمـــضـان في حــــياتــك

اختى الحبيبة فى الله ساكنات الجنة ,
اشكرك كثيرا على لفت نظرى لخطأ التاء المربوطة فى لفظ الجلالة .. فعلا لم انتبه لهذا من قبل .
سبحان الله .. انا ارتحت لكى ..و شعرت انك صادقة .
كلنا اصحاب ذنوب و لسنا انبياء.. و بنفرح لما ربنا بيمن علينا بالهداية , و ساعتها بس بنحس كم ضيعنا من لذة القرب من الله .
دائما سأطلع على صفحتك ..و اعذرينى اذا تأخرت عليكى لانشغالى.. فأنا زوجة و أم و كل البيت على رأسى .
باذن الله سوف اخبرك قصة هدايتى فى المرة القادمة .. فهى قريبة من قصتك .

[sakenat el_Janah]

رد: أحــلى رمـــضـان في حــــياتــك

جزاكي الله خيرا ميوية .. وانا فعلا كمان حاسة انك اخت ليا وفعلا انتى اختى ويشرفنى جدا مشاركتك وانى اعرف قصتك واكون قريبة منك...
مبروك الزواج وربنا يباركلك بذريتك ويجعلها نفع للاسلام
بس قوليلي اقولك ام مين؟؟؟؟ هههههههههه
ربنا يباركلك ويثبتك

[مى السبعاوى]

رد: أحــلى رمـــضـان في حــــياتــك

اختى الفاضلة جنات
الله يبارك فيكى... انا تزوجت من زماااااااااااان ... و ا سمى ام ياسر . لكن انا حبيت منك ميوية.. هههه .

الحمد لله رب العالمين. . انا اصلى من صغرى و لكن لم اكن متحجبة بالرغم انى كنت اميل الى فكرة الحجاب ..
لم تكن اسرتى ملتزمة بالدين خاصة ابى مع انه كان شديد و محافظ , فى الأخلاق فقط اما صلاه و صوم فيفتح الله .
رزقنى الله الحمد لله زوج اهدى من ابى ولم يمانع الحجاب .. غير ان الشيطان اللعين اغرانى بمباهج الدنيا وكنت وقتها عروسه ..
و تعرفى فسح و خروج و اناقة .. و لا حول و لا قوة الا بالله .. و نسيت الموضوع فترة .
ثم و من رحمه ربى بى.. وبالصدفة وانا مرة ببحث عن شئ اقرأه من مكتبة اهل زوجى لأتسلى , اذ يقع بيدى كتاب بعنوان .. الحياه البرزخية.. لم افهم و من فضولى قرأته .. خفت و استيقظت من غفوتى . و تذكرت الموت و القبر و سؤال الملكين ..
و قررت ان اتحجب , و كانت مفاجأة لجميع اهلى منهم من فرح و منهم من هاجمنى و حاول ان يقنعنى بانى لسه صغيره .
و لكن الحمد لله ثبت و من الله علىّ بالحج و اخذت دوره فى حفظ جزء عم بالتجويد .. و زادنى الله هدى تدريجيا الحمد لله .
لزمت الذكر و قراءة القرآن و الدعاء بأن يرينى الحق حقا و يرزقنى اتباعه و يرينى الباطل باطلا و يرزقنى اجتنابه .
و صار هدفى الوحيد هو رضى ربى و الجنة .

[ترجو التوبة]

رد: أحــلى رمـــضـان في حــــياتــك

السلام عليكم اخواتى ساكنات الجنة وام ياسر كلامكم جميل اوى وانا على احلى رمضان فى حياتى اظن مفيش كلة زى بعضة نفسى ربنا يهدينى واتعرف على صحبة صالحة لان الصحبة الصالحة كويسة اوووووى وبتشدك لقدام ارجو تقبلونى صديقة

[sakenat el_Janah]

رد: أحــلى رمـــضـان في حــــياتــك

جزاكي الله خيرا اختى ميوية ام ياسر
وثبتك على دين الحلق وملأ قلبك بالايمان
وفعلا التفكير فى الحياة الاخرة صعب وخصوصا المراحل اللى هنمر بيها من بداية دخولنا اليها
فيارب نجنا من فتنة المحيا ومن فتنة المسيح الدجال
اللهم نجنا من عذاب القبر وعذاب النار

[sakenat el_Janah]

رد: أحــلى رمـــضـان في حــــياتــك

السلام عليكم اخواتى ساكنات الجنة وام ياسر كلامكم جميل اوى وانا على احلى رمضان فى حياتى اظن مفيش كلة زى بعضة نفسى ربنا يهدينى واتعرف على صحبة صالحة لان الصحبة الصالحة كويسة اوووووى وبتشدك لقدام ارجو تقبلونى صديقة

اهلا وسهلا بيكي حبيبتى .. وانتى فعلا صديقة بل اخت غالية كمان على قلوبنا
حبيبتى من السهل اووووى انك ترجعى الى الله وخاصة وانه سبحانه وتعالى سمحلك بالوجود والمشاركة فى منتدى من اروع المنتديات اللى بتدعو الى الله
التوبة سهلة لو كانت صادقة ومن القلب .. ممكن تتعبي فى الاول من وجع الذنوب
لكن هو ده المطلوب ان كل انسان يحس بذنوبه وعظمتها وانه مهما عمل مايقدرش يعوض لحظة اذنب فيها
ومن الناحية الاخري يفتكر صفات الجليل ... الرحمن الرحيم التواب الغفور الغفار
وصفات كتييييييييييييير هو القادر عليها
وتعرفي انه ربنا اراد ليكي التوبة عشان كده خلاكي تتوبي
كما فى قوله تعالي " فتاب عليهم ليتوبوا"
فابدأى بكثرة العمل الصالح .. واكثري من الاستغفار والصلاة على النبي صلى الله عليه وسلم
وواظبي على سماع دروس العلم ..
وجهزي نفسك لرمضان... عشان يكون ده ...
احلى رمـــضان فى حـــياتك

[mounia]

رد: أحــلى رمـــضـان في حــــياتــك

السلام عليكم و رحمة الله و بركاته

جزاك الله خيرا على هدا الموضوع

اما بالنسبي لي اختي هو رمضان الدي فات رغم انه لا صحبة و لا معين لكن السر في دللك
و الله اختي هده نصيحة لكل من يريد ان يقضي احلى رضان في حياته

لا تكتري التجمعات مع الاخوات حتى و لو كانت صحبة صالحة استغلي كل اوقاتك

و احسن طريقة للعمل المثابر و الجيد
استعدي قبل حلوله

استمعي اشرطة احملي معك الزاد اشحني بطارية الايمان.....

اقرئي و اسمعي كل ما يتعلق بهدا الموسم الدي نسأل الله ان يبلغنا اياه

و احرصي على متابعة برنامج واحد كل يوم حتى تقوي ايمانك فالبرامج كتيرة لكن خدي واحد لا غير
و لا تضيعي يوما واحدا

تقبلي مروري و اسال الله ان يبلغنا و اياكم هدا الشهر و تقبلو صحبتي

[sakenat el_Janah]

رد: أحــلى رمـــضـان في حــــياتــك

وعليكم السلام ورحمة الله وبركاته اختى مونيا...
جزاكي الله خيرا على كلامك ونصائحك الغالية
لكن اذا كان رمضان يحتاج للعزلة عن الناس
فدايما النفس تحتاج الى معين ليقويها ويثبتها
ولاشك ان الصحبة الصالحة من اهم واول الاسباب التى تعين على التقدم والثبات فى طريق الرحمن.........

واهلا وسهلا بصحبتك ومنتظرين دائما نصائحك ومشاركتك

[ام سارة]

رد: أحــلى رمـــضـان في حــــياتــك

قد لفت موضوعك اهتمامي يارب يرزوقنا الهداية والتبات . اما عني اجمل رمضان سيكون في حياتي هو هذا العام للأني من مدة قصيرة بدات الصلاة وتحجبت ولدي هذف ان شاء الله في رمضان ان اتعلم تجويد القراءن الكريم وتعملم قرائته من دون اخطاء.
الله يهدينا جميعا الى طريق المستقيم

[مى السبعاوى]

رد: أحــلى رمـــضـان في حــــياتــك

مرحبا بالجميع .. احلى رمضان بالنسبة لى هو لما اعلنت الحرب على التلفاز .. و بدأت بدلا منه استمع للدروس واحد تلو الآخر , واوقفهم فقط للصلاه . حتى انتهى من الطبخ . ثم اقرأ قرآن حتى المغرب .
اصلى انا واضعه الكمبيوتر عندى في المطبخ .. و الله صدقونى ما فى اروع من كده جو ايمانى .
و انا مع الأخت مونيا التقليل من الأختلاط أفضل , و بالذات العزائم العائلية .. مش بخل والله ولكن هذه الأشياء فعلا كانت تتعبنى و تلهينى حتى استغفر الله عن صلاتى . و بعد العشاء اكسل عن التراويح بسبب وقفتى طول النهار فى المطبخ .. الله و اكبر ..هذا ليس رمضان..
الآن تفهم الأهل و اصبحنا نبارك لبعض على الهاتف و نهدى بعضنا الآخر .. مثلا.. كيس ارز أو دقيق أو سكر أو تمر .. الخ.
اليست فكرة جميله ؟

[sakenat el_Janah]

رد: أحــلى رمـــضـان في حــــياتــك

اهلا وسهلا اختى ام سارة ... نورتي الموضوع ...
وان شاء الله يبلغنا رمضان ويكون شهر توبة وعتق لنا من النار
وتقدري تحققي فيه احلامك واهدافك للوصول الى الله
وترجعى تحكيلنا ازاى بقى احلى رمضان فى حياتك ان شاء الله
ربنا يثبتنا ويهدينا