Tweet
الحــب بين هوي القلــب وحكم الــرب..متجدد بإذن الله
الحب كلمة جميلة ما أروعها! بل ما أعذبه من شعور عندما يتسلل إلى قلب الإنسان فيحدث فيه تغييرا جذريا يصبح معه ذلك القلب مفعما بالطيبة والتسامح, ورغم تعدد أنواعه إلا أن أسماها وأروعها على الإطلاق
هو حب الله الذي تغيب فيه الأنانية وتتقرب فيه الروح من خالقها وتتعلم من خلاله العطاء والصبر على الشدائد وشكر النعم التي وهبها لنا الله عز وجل.
ومن أسمى أنواع الحب أيضا الحب في الله وقد ذكره الرسول عليه أفضل الصلاة والسلام في الحديث الشريف.. ( سبعة يظلهم الله في ظله يوم لا ظل إلا ظله ...... ورجلان تحابا في الله اجتمعا عليه
وتفرقا عليه ....... ) رواه البخاري1423 ومسلم.
طيب بقي في أنواع تاني للحب مختلفة تماما وبتتمثل في
..الحب الذي يربط بين زوجين جمعهما الله على الخير وألف بين قلبيهما فبيكون حبهم زي الشمعة المضيئة اللي بتنور ليهم الطريق وتعينهم علي المحن والشدائد.
وقد ذكر هذا الحب في القرآن الكريم
((وَمِنْ آيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً
وَرَحْمَةً ۚ إِنَّ فِي ذَٰلِكَ لَآيَاتٍ لِقَوْمٍ يَتَفَكَّرُونَ (21) ))الروم
..الحب الذي يربط بين الأم وابنها اللي من خلاله بتنسي نفسها وبتسعي إنها تسعد فلذات أكبادها ولا إيه :)
وحب تاني بيجمع بين الإخوة ويمكن اعتباره الدواء الشافي لكل جدالاتهم واختلافات آرائهم
كل الأنواع دي بتخلينا نقف وقفة إعجاب لجمال الكلمة دي وروعتها
ولكن ده مش يمنعنا من أن نشعر بالحزن والأسى لنوع آخر دخيل لا يمت لها بأية صلة لكنه للأسف أصبح سائدا بكثرة في مجتمعاتنا
هوالحب المحرم اللي بيبقي بين الشاب والفتاة
اللي بيبقي بين الأخت والأخ الملتزمين
يااااانهار أبيض هو الملتزمين ممكن يقعوا في كده
أيوة لأن مفيش حد كبير علي الفتنة خاااالص علي وجه الأرض
مفيش حد معصوم
هو مينفعش بس للأسف ممكن يحصل
علشان كده جايين النهاردة نعالج المشكلة من جذورها
مش عايزين يبقي في حب محرم ننندم كتير بسببه بعد كده
هنتناقش ونتكلم بكل حب وود ونفهم حاجات كتير مع بعض
علشان نبقي علي نور ونرضي الله عزوجل في كل خطوة في حياتنا
** هنتفق يكون في سؤال معانا كل مرة هنطلب منكم تجاوبوا عليه **
وسؤال النهاردة من وجه نظركم
ما هو الحب من وجهة نظرك ؟وهل هناك صداقة حقيقية وبريئة بين الفتاة والشاب ؟
منقول بتصرف
تعليق