[منقول] مصيبة في شارعنا حصلت امبارح (ااااه لو نتعظ )

[مسلمة وفخورة]

السلام عليكم ورحمة الله وبركاته ,,

فجيعة في شارعنااا

راجعة لبيتي بليل امبارح

لاقيت شباب كتيرر واقفين على باب العمارة اللى قصادنا

استغربت ايه اللى حصل في الشارع

,,,,,,,,,,,,,,,,,,,,,,,,,,,,

خناقة ولا ايه ؟؟

بس احساسي ان الناس شكلها مخضوض

شكلهم معيط

المهم طلعت بيتنا وسأل

فيه ايه ياجماعة !!؟

,,,,,,,,,,,,,,,,,,,,,,,,,,,,

شاب صغير (جارنا ) مكملش 22 سنة

راح مع اصحابه اسكندرية يوم واحد (امبارح)

غــــــــرق

جابوه ملفوف في ملاية ووالدته بتصرخ عليه

ياااااه على المنظر الصعب :(

لدرجة اني قعدت ادعي اقول يارب يطلع مغمي عليه

يارب يفوق تاني عشان خاطر امه

بس اللى بيروح عمره ما بيرجع ابدااااااا

,,,,,,,,,,,,,,,,,,,,,,,,,,,,

في ثواني كده الانسان ممكن يروح

شاب او مش شااب

يااااه لو شوفتوا الفاجعة اللى فيها اصحابه واهله واخواته

وجيرانه

الناس كلها بتعييط ومقهورة

شاب صـغير

احلامه كتيررة

وعنده طمووح

ولسة واخد اجازته وفرحان

وفــــجأة
,,,,,,,,,,,,,,,,,,,,,,,,,,,,

كل ده بقى تحت التراب

تفتكرواا كان مسعتد له

كان عارف ان ده اخر يوم في حياته

وهو ماشي بيودع اهله واصحابه

كان فاكر ان ده كان اخر يوم ليه في شارعه

لا في الدنياااا كلهااا :((

والعجيب انه كان واقف في عزا واحد توفى في الشارع من شهرين !!

وانهاردة الناس واقفة تخد عزااه

يااااه على الدنياا !!

,,,,,,,,,,,,,,,,,,,,,,,,,,,,

هنتعظ امتى ؟!

الناس كل يوم بتموت

الشباب قبل الكبار

ياااه على الدنيااا

والله هايفة ولا ليها اي لازمة

مش عارفة ليه ماسكين فيها كلنااا :(

مش مستاهله بجد

يااااارب ارزقناا حُسن الخاتمة

تفتكرواا مين فينا هيلحق رمضان ده ومين لا

بجد الواحد بقى خايف ميلحقش يوصل لرمضان

يااااارب بلغنا رمضااان

ادعوله بالرحمه والمغفرة

ولاهله واقاربه واصحابه بالصبر والسلواان

السلام عليكم ..

,,,,,,,,,,,,,,,,,,,,,,,,,,,,
منقول

["رثاء الحياة"]

رد: مصيبة في شارعنا حصلت امبارح (ااااه لو نتعظ )

الله يرحم موتى المسلمين يااااااارب
جزاكِ الله خيرا

[اخلاقي قرآني]

رد: مصيبة في شارعنا حصلت امبارح (ااااه لو نتعظ )

انا لله وانا اليه راجعون
يارب يصبر اهله
اللهم ابعد عنا المصائب والموت الفجاءة يارب
والله الواحد لما يسمع بالامور دي بيتلخبط جسمه كله
بس دي حال الدنيا الموت كاس يشرب منه الكل
الحمدلله رب العالمين

[مسلمة وفخورة]

رد: مصيبة في شارعنا حصلت امبارح (ااااه لو نتعظ )

الله يرحم موتى المسلمين يااااااارب
اللهم آآآآآآآآآمين
جزاكِ الله خيرا
وجزاكِ الله مثله

انا لله وانا اليه راجعون
يارب يصبر اهله
اللهم ابعد عنا المصائب والموت الفجاءة يارب
اللهم آآآآآآآآآمين
والله الواحد لما يسمع بالامور دي بيتلخبط جسمه كله
بس دي حال الدنيا الموت كاس يشرب منه الكل
الحمدلله رب العالمين
ربنا يرزقنا حسن الخاتمة

[لا تسأل الناس]

رد: مصيبة في شارعنا حصلت امبارح (ااااه لو نتعظ )

الله المستعان
فعلا ربنا يستر أنا قرأت خبر من كام يوم أن عروس وعروسته ماتوا في حادث عربيه بلبس الزفاف


اللهم ارزقنا حسن الخاتمه

[محبة لقاء الله]

رد: مصيبة في شارعنا حصلت امبارح (ااااه لو نتعظ )

يااااااااااااالله
ارحمنا ياالله
اغفر لنا ياالله
ليس لنا سواك يا الله
من يومين كنت بعمل اشعة رنين دخلت فى الجهاز واول مرة ادخل فيه كنت بشوفه بس من بعيداول مادخلت اتفجعت المكان ضيق مقفول قريب اوى منى مع ان كان فيه نور بس وقتها وقلت لو دخلونى اكتر من كده فيه مش حستحمل وحقولهم طلعونى
افتكرت القبر بس القبر حيبقى ظلام كمان ومش حينفع اصرخ واقول طلعونى
ياااااااااااااااااااااااااااارب
مقصرين وخطائين مذنبين وكلنا عيوب ياالله
لكن كلنا طمع فى رحمتك
يارب احسن ختامنا واجعل قبورنا روضه من رياض الجنة
جزاكى الله خيرا اختى مسلمة
فى كل وقت محتاجين مثل هذه التذكرة
-----------------------------------------------------------
اللهم اغفر للمسلمين والمسلمات الاحياء منهم والاموات
اللهم اغفر للمسلمين والمسلمات الاحياء منهم والاموات
اللهم اغفر للمسلمين والمسلمات الاحياء منهم والاموات

["راحلة عما قريب"]

رد: مصيبة في شارعنا حصلت امبارح (ااااه لو نتعظ )

وعليكم السلام ورحمة الله وبركاته
إنا لله وإنا إليه راجعون
سبحان الله لا ندري متى !!
وكفى بالموت واعظاً

جزاكم الله خيرا