♥♥ أختي الملتزمة ليه بتعملي معايا كدة ♥♥ ..ده أنا نفسي أبقى زيك

[طالبة رضاء الله]

أخواتي في الله
ربنا يبارك فيكم يارب ويجمعني بيكم في الفردوس الاعلى
في البداية عايزين كلنا ندعي لرئيسنا محمد مرسي
إن ربنا يوفقه على مهامه الصعبة ويقدره عليها
اللهم آآآآآمين

عايزة أتكلم معاكم في حاجة مهمة أووووي
طبعاً هنا معظمكم ملتزمات ..صح؟
طب يعني إيه أصلاً ملتزمة
هي ملتزمة بعبادتها ..صلاتها.. صيامها ..
والنواااافل وقيام الليل وعندها ورد القرآن أساسي
وبتأمر بالمعروف وتنهي عن المنكر وماشية على سنة الحبيب في معظم تصرفات حياتها
وبتبر باباها ومامتها ووووووو........

طب ياغاليتى ياملتزمة تعرفي إيه إحساس البنوتة اللي مش ملتزمة لما بتقابلك وتتكلم معاكِ

نفس إحساسك قبل ما تلتزمي لما كنتي بتقابلي واحدة ملتزمة
فاكرة ؟؟
لما كنتي بتشوفي واحدة منتقبة ماشية في الشارع وملتزمة بنقابها فاكرة كنتي بيقي نفسك تروحي تسلمي عليها وتتكلمي معاها ..نفسك تقعدي جمبها ..وتكلمك وتكلميها

هو ده نفس الإحساس اللي اختك اللي مش ملتزمة تشوفك بيكون نفسها تكونى لينة في معاملتك ليها

لاحظي ياغالية إنها بتشوفك أحسن منها وكأنك ملاك
يتظر ليكِ نظرة الطفل لقدوته

إوعي تحسسيها إنك تفضلتي عليها بحاجة سواء بنصيحة أو بمساعدة وتقوللها أنا نصحتك كتير وإنتي مش بتعملي الصح
إوعي لهجتك تكون إنتي مش بتصلي ليه ؟؟؟

مش بتقرأي قرآن ليه ؟؟؟ إنتي إنتي إنتي.......
لأ قولي لها إحنا عايزين نشجع بعض إحنا محتاجين نقرب أكتر إحنا...كذا وكذااا

حسسيها إنها ممكن تكون عند ربنا أقرب منك وإنها مش وحشة جمبك

كوني جذابة ليها ببسمتك ومعاملتك اللينة ليها هي زيك مسلمة وممكن تتوب من كل حاجة عملتها وتموت طااااااهرة وتكون أفضل منك

حبيبتي إنتي ممكن تكوني سبب ربنا سخره لهداية أختك دي
وطبعاً فيه فرق بين اللي مش ملتزمة فيه الكويسة والبنت اللي تشبه سيئة السمعة يعني ربنا يحفظ بناتنا يارب اللهم آميييييييييييين

خليك حنينة وتذكري رقة ورفقة النبي في الشاب اللي عايز يزني والعياذ بالله

إن فتى شابا أتى النبي صلى الله عليه وسلم فقال : يا رسول الله ائذن لي بالزنا فأقبل القوم عليه فزجروه وقالوا : مه مه فقال : ادنه فدنا منه قريبا قال : فجلس قال : أتحبه لأمك ؟ قال : لا والله جعلني الله فداءك قال : ولا الناس يحبونه لأمهاتهم قال : أفتحبه لابنتك قال : لا والله يا رسول الله جعلني الله فداءك قال : ولا الناس يحبونه لبناتهم قال : أفتحبه لأختك قال : لا والله جعلني الله فداءك قال : ولا الناس يحبونه لأخواتهم قال : أفتحبه لعمتك قال : لا والله جعلني الله فداءك قال : ولا الناس يحبونه لعماتهم قال : أفتحبه لخالتك قال : لا والله جعلني الله فداءك قال : ولا الناس يحبونه لخالاتهم قال : فوضع يده عليه وقال : اللهم اغفر ذنبه وطهر قلبه وحصن فرجه فلم يكن بعد ذلك الفتى يلتفت إلى شيء
الراويأبو أمامة الباهلي المحدث: الألباني - المصدر: السلسلة الصحيحة - الصفحة أو الرقم: 1/712
خلاصة حكم المحدث: إسناده صحيح

مابالك باللي عايزة تبقى كويسة؟؟

خليكِ حنينة عليها علشان متقولكيش

أختي الملتزمة ليه بتعملي كدة معايا أنا نفسي أبقى زيك

[مخلصة لرب العالمين]

رد: ♥♥ أختي الملتزمة ليه بتعملي معايا كدة ♥♥ ..ده أنا نفسي أبقى زيك

وعليكِ سلام الله تعالى ورحمته وبركاته
----------------------
جزاكِ الله خيرااااا وبارك فيكِ أخيتى
قال تعالى :
"كَذَلِكَ كُنْتُمْ مِنْ قَبْلُ فَمَنَّ اللَّهُ عَلَيْكُم "
اللهم اهدنا واهد بنا واجعلنا سببا لمن اهتدى

[محبة لقاء الله]

رد: ♥♥ أختي الملتزمة ليه بتعملي معايا كدة ♥♥ ..ده أنا نفسي أبقى زيك

وعليكم السلام ورحمه الله وبركاته
فعلا اختنا محدش يقدر يحكم مين فينا احسن من مين عند ربنا
ربنا يهدينا جميعا
جزاكى الله خيرا ونفع بكى
-------------------------------------------------------------
استغفرك ربى واتوب اليك
استغفرك ربى واتوب اليك
استغفرك ربى واتوب اليك

[راجية قرب الحبيب]

رد: ♥♥ أختي الملتزمة ليه بتعملي معايا كدة ♥♥ ..ده أنا نفسي أبقى زيك

يارب نبقي كلنا ملتزمين وحنينين علي بعض ربنا يبارك فيكي ياغاليه

[عودة الأندلس]

رد: ♥♥ أختي الملتزمة ليه بتعملي معايا كدة ♥♥ ..ده أنا نفسي أبقى زيك

جزاكم الله خيراا