دى لوازم المصيف يا ماما ...

["رثاء الحياة"]

السلام عليكم

الأم : ايه يا محمود يابنى الشنط دى كلها ؟؟

محمود : لا ابدا يا ست الحبايب دى بس شوية مشتروات للمصيف .

الأم : " شويــة " !!! ايه يابنى ده انت محسسنى انك مسافر و مش راجع .

محمود : لا يا حاجة دى بس لاوازم المصيف اللى لا ممكن نستغنى عنها ابداا ,, بس لسه هشترى شوية حاجات كمان

الأم : تلاقى يابنى مرتبك خلص على كده بقا ..

محمود :هو المرتب بس !! ده انا حتى سحبت من دفتر التوفير اللى انتى عملاهولى و كمان استلفت من عبده صاحبى ..

الأم : ليه يابنى ده كله ؟؟ ده انت هتقعد اسبوعين بس !!

محمود : ما هو دول مش اى اسبوعين يا ماما و لاااازم نستعد كويس ولا إيه رأيك يا ست الحبايب يا حبيبة انتى ؟؟



أنت بقااا إيـــه رأيـــك ؟؟!!

محمود رايح يصيف و واخد معاه الشنط دى كلها و بيقول " استعداد " و كمان ده هيقضى اسبوعين بس !!



طب انت عملت ايييييه و جهزت اييييييه لمكان لاااااازم هتروحه و هتقضى فيه كمان بتاع 100 او 200 او 300 او 1000 او 2000 سنة ؟؟؟!!


مكان ايه ده اللى هروحه و اقضى فيه المده دى كلها ؟؟

المكان ده انت بإيدك تخليه جنة و بإيدك تخليه نار .......

المكان ده هو ( قبـــرك )

انت بتبقا عامل ازاااى لو النور قطع مرة واحدة و كنت لوحدك و جه حد من وراك و فزعك ؟؟!!

قلبك هيبقا فى رجليك طبعااا

بس ده صوت إنسان ......... طب لو صوت زى الرعد و عنين زى البرق و كمان ليهم انياب تفتكر شكلهم هيبقا عامل ازاااى ؟؟؟

و لو شوفتهم حالك هيبقا ازاااى ؟؟ هتخاف اقصد هتترعب ولا هتفضل
متطمن ؟؟


شوف الحديث ده كده قال رسول الله صلى الله عليه وسلم : { ما رأيت منظراً قط إلا والقبر أفظع منه }
الراوي: عثمان بن عفان المحدث: الألباني - المصدر: تخريج مشكاة المصابيح - الصفحة أو الرقم: 128
خلاصة حكم المحدث: إسناده حسن
و ده كمان .. كان عثمان بن عفان إذا وقف على القبر بكى ، حتى يُبل لحيته ، فقيل له :
تذكر الجنة والنار فلا تبكي وتبكي من هذا ؟ فقال :إن رسول الله صلى الله عليه وسلم قال

{ القبر أول منازل الآخرة فإن نجا منه فما بعده أيسر منه وإن لم ينج منه فما بعده أشد منه }



يا الله سلــــم !!!


هااااا أعددت ايه للقبر اللى هتقعد فيه لحد اما القيامة تقوم ؟؟؟

بنشوف لو واحد جايب شقة جديده بيفضل يجهز فيها ازااااى ؟؟ و يجيب العفش من هنا و من هنا و يسافر من مكان لمكان علشان ينقى احسن حاجة يحطها فى الشقة ؟؟و لو تسئله يقولك ( اومال ده انا هعيش فيها الباقى من عمرى ) و ممكن اصلا تانى يوم يموت و ميلحقش يتمتع بحاجة )



طب و قبرك انت اعددت ليه اييييه ؟؟


صلاة , ذكر , صيام , قيام , دعاء ..


ولا ... أغانى , سجاير , حب حرام , معاصى السر!!

انهى اللى هينورلك قبرك يوم القيامة ؟؟ الإختيار الأول ولا التانى !!

بإيدك تخلى قبرك جنة تعيش فيها لحد يوم القيامة و بإيدك برضو تخليه ناااااار
قال رسول الله صلى الله عليه و سلم

" القبر إما روضة من رياض الجنة و إما حفرة من حفر النار " ...
الراوي: أبو سعيد الخدري المحدث: السيوطي - المصدر: الجامع الصغير - الصفحة أو الرقم: 1598
خلاصة حكم المحدث: حسن





انت متخيل المنظر ؟؟؟ ضلمة كحل و قبر متر فى متر هتقعد فيه ليوم الحساب !!!
هى دى نهايتك اللى لاازم تحصل و ساعتها مش هينفعك أى حاااااجة ...
قال رسول الله صلى الله عليه و سلم

" إذا مات ابن آدم انقطع عمله إلا من ثلاث صدقة جارية او علم يُنتفع به او ولد صالح يدعو له "
الراوي: أبو هريرة المحدث: ابن عساكر - المصدر: معجم الشيوخ - الصفحة أو الرقم: 1/432
خلاصة حكم المحدث: صحيح


كل اصحابك اللى بتحبهم مش هييجوا يزورك ولا يونسوك تانى ,, و اهلك و قريباك لو دعولك و عملولك عمل صالح يبقا كتر خيرررهم ..


بس هو انت مستنى لما حد غيرك يعملك عمل صالح ؟؟

قوووووووم انت و اعمل لنفسك .. نّجى نفسك ... ارضى ربك ..

ما انت لسة عايش و فيك إيدين و رجلين اهو ( احمد ربنا ) اتحرك يلاااااا

قبل ما تيجى تندم و تقول " رب ارجعنى اعمل صالحا فيما تركت "

اتحرك يلاااااا قبل ما تندم على ساعة و دقيقة لم تذكر فيها ربنا

ده اهل القبور بيتمنـــوا يرجعوا و لو دقيقة يصلوا فيها و يتوبوا لربنا


عمرك ده ثروتك ... رأس مالك ... كل حاجة فى حياتك
ورينا بقا هتستغله ازاااااى ؟؟

و أخيرا ( ماذا اعددت لظلمة قبــرك ؟؟!! )

( ماذا أعددت للقاء ربـــك ؟؟!! )


م:ن

[لا تسأل الناس]

رد: دى لوازم المصيف يا ماما ...

يالله من لي حينها؟؟؟؟؟؟؟؟
جزاك الله أختي كل خير

["رثاء الحياة"]

رد: دى لوازم المصيف يا ماما ...

بارك الله فيكِ
شكرا لمرورك الطيب

[سهير(بنت فلسطين)]

رد: دى لوازم المصيف يا ماما ...

السلام عليكم
ما شاء الله موضوع قيم اخيتي العزيزة, جزاك الله كل خير, وبارك الله فيك , وجعل موضوعك في ميزان حسناتك

[محبة لقاء الله]

رد: دى لوازم المصيف يا ماما ...

ما شاء الله اختنا رثاء
موضوع مميز
بارك الله فيكى وجعله فى ميزان حسناتك
----------------------------------------
اللهم انى اعوذ بك من عذاب النار وعذاب القبر
اللهم انى اعوذ بك من عذاب النار وعذاب القبر
اللهم انى اعوذ بك من عذاب النار وعذاب القبر

[هبة محمود]

رد: دى لوازم المصيف يا ماما ...

جزاك الله خيرا
موضوع روعه

["رثاء الحياة"]

رد: دى لوازم المصيف يا ماما ...

شكرا لمروركم الطيب
جزاكم الله خيراا

[شمس المهاجرة]

رد: دى لوازم المصيف يا ماما ...

جزاكِ الله خيرا
اللهم لا تجعل قبري حفره من حفر جهنم يا رب حسن الخاتمه

[*(نور القلب)*]

رد: دى لوازم المصيف يا ماما ...

موضوع روعة ومهم جدا
جزاكى الله خيراَ
جعله الله في ميزان حسناتك

["رثاء الحياة"]

رد: دى لوازم المصيف يا ماما ...

شكرا لمروركم الطيب
بارك الله فيكم

[عبيرالهدى]

رد: دى لوازم المصيف يا ماما ...

بارك الله فيك و جعل قبورنا روضة من رياض الجنة