منقبة ..ملتحى..ولكن!

[دكتورة سما]

ياجماعة انا عايزة اعرض عليكم موضوع
واطرح سؤال بس ارجو ان ماحدش يزعل منى
انا بس عايزة اعرف رايكم مش اكتر
هو ليه معظم المتدينين غير متفوقين؟؟
مش المفروض ان احنا نظهر الاسلام فى احسن صورة؟؟
ليه كتير منهم مش مهتم بالعلم؟
ليه ميكونش العشرة الاوائل من المنتقبات والملتحيين
مش احنا المفروض بنرتقى بديننا
ليه ميكونش المتدينين هم اصحاب الاختراعات العظيمة فى عصرنا الحالى
ليه ياجماعة كل واحد فينا مش بيحاول انه يبين للعالم كله ان الاسلام هودين الحضارة والرقى؟؟
احنا لو عملنا كده اكيد هنجبر اللى قدامنا انه يحترمنا ويحترم ديننا
ونعرف للعالم كله ان الاسلام ليس صلاة وصيام وعبادة فقط بل هو اكثر من ذلك بكثييييير

[mak1]

رد: منقبة ..ملتحى..ولكن!

حبيبتي موضوع جميل و حساس بارك الله فيك على طرحه و جزاك خيرا على غيرتك على الاسلام
لكني اختلف معك في نقطة ..هي ان ما ذكرته ليس معمما على الكل فمثلا في الجامعة التي ادرس بها *طب بيطري* المتفوقون و الاوا ئل اغلبهم متدينون ملتزمون نحسبهم على خير و لا نزكي على ا لله احدا

و الامثلة التي اعرفها كثيرة لكن لا انكر انه توجد حالات لملتزمين غير مجتهدين او فاشلين في الحياة العملية
نسال الله ان يوسع علينا ويرزقنا من فضله و يجعل يدنا هي اليد العليا

[دكتورة سما]

رد: منقبة ..ملتحى..ولكن!

شكرا حبيبتى على ردك كنت خايفة اكون زعلتكم منى والحمد لله انا لم اقصد التعميم بل بالعكس انا فى كلية الطب البشرى ولية صاحبة منتقبة من الاوائل المتدينين واللى هية قدوة لغيرها وان شاء الله هتتعين فى الجامعة
بس انا كنت اقصد ان احنا نزود العدد ده
عايزين الجيل اللى جاى يبقى جيل الاسلام ياشباب

[mak1]

رد: منقبة ..ملتحى..ولكن!

جزاك ربي خيرا و رفع قدرك و بارك فيك

[dr_karmen]

رد: منقبة ..ملتحى..ولكن!

كما قالت أخيتى مكة
وفعلا احنا محتاجين ان مش بس كتير من الملتزمين يكونوا متفوقين
بالعكس نفسنا ان كلهم يكونوا كدة
بوركت أخيتى

[غفرانك ربي]

رد: منقبة ..ملتحى..ولكن!

جزاكِ الله خيرا اخيتي

انا كانت ليا زميله في كليتي كانت ماشاء الله عليها متفوقه جدا

يارب يكونوا كلهم كده متفوقين في جميع المجالات

بارك الله فيكِ حبيبتي

[غــداً نــلــقــى الأحــبــة]

رد: منقبة ..ملتحى..ولكن!

السلام عليكم ورحمة الله وبركاته

صدقتِ يا دكتورة سما
أنا رديت على موضوعك عشان أؤيد

أنا واحدة من هؤلاء اللى كانوا صورة سيئة للإلتزام

أنا فى كلية صيدلة وبفضل الله كنت طوال السنين تقديرى كويس وعالى إلى حد ما الحمد لله

ولكن فى الفترة الأخيرة - وعندما بدأت بالإلتزام - بدأ تقديرى يقل تدريجياً

حتى انتهى بى الحال فى هذا التيرم بإنى شيلت مادة !!

واللى هى كان آخر حاجة يتوقعها كل من حولى حيث كنت مثالاً للتفوق طوال سنوات عمرى منذ الإبتدائية وحتى الكلية

طبعاً المشكلة ليست فى الإلتزام

عندى صاحبتى ومعايا فى نفس السكاشن وظروفها أصعب من ظروفى لانها ربما تسكن بعيداً عن الكلية بينما أنا اقرب .... وما شاء الله هى من الأوائل
وهى منتقبة ايضاً
وأخرى ترتدى الخمار ومن الأوائل
وأخرى ارتدت النقاب معى فى نفس اليوم وما شاء الله تقديراتها عالية اللهم بارك

لم يقل تقدير أحد غيرى !!
فالمشكلة فيا أنا أولاً وأخيراًَ
ولا أنكرها ولا أبرر لنفسى
كان عندى تقصير فى الفترات الأخيرة
حدث عندى خلل فى الأولويات
لم أعى جيداً خطورة النتيجة السيئة على مظهر الملتزمين الذى إلتزمت به

أول كلمة قالتها لى أمى : انتى من أول ما بدأتى تروحى المسجد كتير وانتى بقتى تشيلى مادة ؟!
( تتحدث عن حفظ القرآن )

وقالت لى زميلاتى انهم لاحظوا انحدار مستوايا منذ بدأت فى الالتزام

جاءتنى التحذيرات من كل جانب فلم ألتفت لهم جميعاً
فكانت النتيجة هكذا !

ليست الخسارة خسارة شخصية فحسب
فأنا راضية الحمد لله بل وأرجو أن يكون هذا تكفيراً عن تقصيرى فيغفره الله لى

ولكن الخسارة كما ذكرت هى خسارة اهتزاز صورة رائعة
ألا وهى صورة الإلتزام
أقحمت نفسى بحماقة فى هذا الوسط دون أن أعمل بكل جهدى للحفاظ على الصورة الجميلة
فأصبحت نقطة سوداء بالصورة
أسأل الله أن يهدينى ويصلح حالى ويرضى أهلى ويغفر لى تقصيرى ويعوضنى خيراً

فأقول فى النهاية ان المشكلة ليست مشكلة التزام بدليل النماذج الناجحة من صديقاتى الملتزمات ربنا يحفظهم ويبارك فيهم ويزيدهم نجاحاً فى الدنيا والآخرة
ولكن المشكلة هى مشكلة فردية تحدث عندما يختل ميزان الأولويات لدى الشخص ويزيد تواكله

ولكن فى النهاية الحسنة تخص والسيئة تعم
فإذا فشل فلان الملتزم ونجح كل المتزمين فستبقى الصورة هى أن الإلتزام والفشل متلازمان
أسأل الله أن يهدينا وألا يجعلنا من الصادين عن سبيله

جزاكى الله خيراً حبيبتى
ولا تتركى الموضوع
كلما رأيت ملتزمة فى طريقها إلى دنو الهمة والطموح فى دراستها فانصحيها وتابعيها ووضحى لها مخاطر ذلك
هدانا الله للحق دوماً اللهم آمين

[يمامة المسجد]

رد: منقبة ..ملتحى..ولكن!

آمين

محتاجين نتعب شوية

للأسف أعتادنا على الراحة

أذكر أن زوجي قد أخبرني أن لديه صديق كان سبب في عدم إلتزام كثير من أصحابه الذين كانوا على وشك الالتزام

لما

لأن مستواه قل فعلا ً بعد التزامه

الله المستعان

وأسألكم الدعاء لدينا امحانات بعد شهر ونصف

[aya]

رد: منقبة ..ملتحى..ولكن!

وفقك الله يمامتى وزوجك
وياااااارب دايما الأوائل

وجزا الله الاخت الكريمة دكتورة سما على طرح الموضوع

والحمد لله انا السنة اللى فاتت جبت تقدير جيد جدا بنسبة 84 % وكنت التانية على القسم
والحمد لله ارتدي النقاب وكنت نموذج لكل اصحابي اللى بيحاولا يقلدونى

لكن السنة دي جبت جيد بس
لانى مرضت كتيرا

فدعواكم ان يعود مستواى كما كان وافضل
يااااااااااااارب

[منار حامد]

رد: منقبة ..ملتحى..ولكن!

جزاك الله خيرا اختى دكتورة سما
انا معاك ياحبيبتى ان دى فعلا ظااااااااهرة
وطبعا العيب مش فى الالتزام نفسه ولكن العيب فى الاشخاص
انا فى كلية نظرية كلية الاداب لغة انجليزية وهو معروف شوية عن القسم ده ان اغلب اللى بيدخلوه يعنى مش ملتزمين
وللاسف الشديد القليلات الملتزمات فى القسم للاسف مستواهم الدراسى سىء للغاية
وسبحان الله احنا العشرة على الدفعة يعنى اغلبهم مش ملتزمين اوى
مفيش ولا واحدة منتقبة يمكن ان الوحيدة المعروف عنى انى ( ملتزمة )
وانا للاسف الشدييييييييد مش منتقبة ( يارب يسر لى النقاااااااااب )
والاسوا من ذلك ان كان فى اخ معانافى القسم والله يعافينا كان خلقه سى ءللغاية ولكنه كان مهتم بمظهره كثيرا وكان اغلب الدكاترة بيعلقوا عليه
وبفضل الله كتب الله له الهداية من حوالى عام والتزم والتحى وقطع صداقته بالبنات
ولكــــــــــــــــــــــــــــــــــــــــــ ـن
اهمل جداااا فى مظهره سبحان الله اصبح كثيييييييير العبوس متاخر دائما على المحاضرات
طبعا انا عرفت الكلام ده لان فى دكتور ملتزم ما شاء الله هو الى علق وقال الكلام ده
انا من وجهة نظرى ان فى كتير من الملتزمين بيفصلوا بين العلم الشرعى والعلم الدنيوى وبيعتقدوا ان العلم الدنيوى ده ليس له قيمة
ولكن ياحبيباتى فى الله لنعلم ان كل من راه الناس ملتزام اصبح تحت المجهر
فالله الله فى الاسلام
ولنجعل شعارنا
( اينقص الدين وانا موجود )
اسال الله ان لا يجعلنا ثغرة يؤتى الاسلام من قبلها
جزيت الفردوس اخيتى
وعذرا على الاطالة

[دكتورة سما]

رد: منقبة ..ملتحى..ولكن!

بارك الله فيكم اخواتى وشكرا لاهتمامكم بالموضوع
انا عارفة انها مشكلة فردية ومشكلة فى تحديد الاولويات
واسال الله انه يوفقنا جميعا الى مانحب ونرضى