اريد المساعده

[نعمة الله]

السلام عليكم ورحمة الله وبركاته
لو سمحتم عايزه مساعده انا ف كليه وامتحاناتي قربت ومش عارفه اذاكر ؟؟؟؟
والمشكله ان الوقت ضيق ومش عارفه اعمل ايه ؟
ارجوا الرد
وجزاكم الله خيرا

[تيسير بوسهيلة]

رد: اريد المساعده

السلام عليكم اختي , الحقيقة الحل الطبيعي انك تبدي فورا بالراجعة لانه كل ما الوقت يتاخر الحمل يزيد لذلك ابدئي و الله يعينك و يوفقك

[نعمة الله]

رد: اريد المساعده

السلام عليكم اختي , الحقيقة الحل الطبيعي انك تبدي فورا بالراجعة لانه كل ما الوقت يتاخر الحمل يزيد لذلك ابدئي و الله يعينك و يوفقك

المشكله اني لما بذاكر بحس بقلة تركيز جامد وعايزه انام باستمرار

[تيسير بوسهيلة]

رد: اريد المساعده

عزيزتي يمكن هذا الإحساس بقلة التركيز بسبب الخوف من انه الدروس تراكمت عليكي , انت استعيني بالله و استعيذي به من الكسل و ايضا دعاء تيسير الامور و خلي اي حد من اخواتك يدرسو معك بغرفتك حتى تشجعو بعض

[المشتاقة الى رحمة الله]

رد: اريد المساعده

ربنا يساعدك ويوفقك وتنجحى وتجيبى الدرجات العالية ويسهلك أمتحاناتك ويعطيكى

التركيز والنشاط

أولا نصيحة منى قولى أذكار الصباح والمساء لكى تحسى بنشاط ولما تيجى تذاكرى بعدى

عن مكان النوم يعنى مش تيجى تذاكرى فى مكان النوم لان ده هيخليكى تنامى *

ثانيا حددى جزء جزء واربطيه بمعاد الصلاة يعنى كيف ؟ يعنى تقولى أن شاء الله هخلص

الجزء ده قبل ما العصر يأذن وتروحى تشوفى الوقت وتقولى فاضل مثلا نصف ساعة والعصر

يأذن لازم أخلص بسرعة اهه الحمد لله فاضل على العصر ربع ساعة وانا قربت أخلص

الجزئية ده ويروح العصر يأذن تروحى تصلى وتدعى ان ربنا يساعدك وتيجى على طول على

الكتاب وتقولى أن شاء الله هخلص الجزئية ده قبل المغرب يأذن وهكذا

ثالثا لو فى حاجة مش فاهمها فى المذاكرة أتصلى بزميلة ليكى تكون شاطرة وتقوليلها

النتى مش فاهماه تخليها تشرحهولك لكن مش تتصلى بيها وتعقدى تقولى المادة دى صعبة واو

واو وتقعدوا ترغوا كتير يعنى تتكلموا كثير وفى الاخر متلحقش تشرحلك الحتة النتى عاوزاها

عشان الوقت خسارة أنو يضيع منك وان شاء الله ربنا يساعدك وأدعى كثير والاخوات أن

شاء الله يفيدوكى أكثر

[حلم مسلمة]

رد: اريد المساعده

وعليكم السلام ورحمة الله وبركاته
ربنا ييسر لكِ أمرك ويكتب لكِ النجاح وجميييييع طلبة المسلمين اللهم آمين
شوفي الموضوع ده ممكن يفيدك
لراغبات في التميز () موسوعة لمواضيع المذاكرة ()أكثر من 35 موضوع "نريد الامتياز نُصرة للدين وللبلد"

[نعمة الله]

رد: اريد المساعده

بالله عليكم ادعولي اقلل النوم الكتير ده وربنا يفوقني
جزاكم الله خيرا

[امه الله1]

رد: اريد المساعده

لا تقلقي اختي اقري بس الموضوع اللي الاخت حلم مسلمه وضعته جزاها ربي خيرا وهيفيدك جدا إن شاء الله وأي حاجه وقفه معاكي قوللنا واحنا جمبك وطمنيننا عليكي دايما

[moslma lillah]

رد: اريد المساعده

وعليكم السلام ورحمة الله وبركاته

بالله عليكم ادعولي اقلل النوم الكتير ده وربنا يفوقني
جزاكم الله خيرا

حياكِ الله اختنا المتفوقة بإذن الله
بصي هو معرووووووووف وطبيعي جداااا أن أيام الامتحانات المخ بيبقي عايز يستريح ويهرب من المذاكرة فبيخليكي تنامي
فالحل ...
1- الاستعااااااااااانة بالله والدعاء له دائما
2- اوعي تذاكري علي السرير " عدو المذاكرة "
3- كلي لبان قبل المذاكرة فهو يقضي ع التوتر وبيصحصح العضلات وابتعدي كل البعد عن الشاي والقهوة والحاجات دي والبسبسي ووو , واهتمي بأكل السمك والمكسرات والفول السوداني واللوز والموز واللبن والتمر ,
4 - قومي سمّعي شوية وانتي واقفة وبتتمشي او قومي اعملي شوية تمارين هتصحصحك بإذن الله .
5- في طريقة انا مجرباها لما كنت بلاقي نفسي عايزة انام ومش قادرة بنام شوية ع المكتب وانا قاعدة بس اوعي تروحي ع السرير عشان دا هيفتح للصبح انما خليكي ع المكتب لان بعدها بعشر دقائق ولا ربع ساعة بلاقي نفسي صحيت من التوتر وعدم راحة النوم ع المكتب , فالطريقة دي بتحسس المخ انه نام فعلا وكنت بصحي فايقة بعدها بفضل الله .



واقري المواضيع دي كلها :


ربنا يوفقك وعايزين الدرجات النهائية