Tweet
همك إيه؟؟_بتحلم بإيه؟؟
همك إيه _ بتحلم بإيه ؟؟؟
عايز أسألك
بتحلم بإيه ؟
بتحلمي بإيه؟
انا عايز أقولك إنت همك ايه؟؟
انا عايز اوقفك قدام نفسك
أقف قدام نفسك
قدام الحديث ده
{ من كانت الدنيا همه فرق الله عليه أمره وجعل فقره بين عينيه ولم يأته من الدنيا إلا ما كتب له ومن كانت الآخرة نيته جمع الله له أمره وجعل غناه في قلبه وأتته الدنيا وهي راغمة }
الراوي: زيد بن ثابت المحدث: الألباني - المصدر: صحيح الترغيب
- الصفحة أو الرقم: 3168- خلاصة حكم المحدث: صحيح
من كانت الدنيا همه هيموت عليها يموت علي الدنيا
يشوف عايز مراته تبقي اجمل من أجمل ممثلة
عايز بيته يبقي اجمل من افخم محل جاليري
عايز عربيته تبقي full options
1- فرق عليه أمره يبقي مشتت
هيموت
يشوف برج عينه هتطلع عليه ... تشوف محل ازياء تروح تنكد علي جوزها إسبوع
يشوف عربية 4by4معدية قلبه يتخلع معاها
رقم 2- وجعل فقره بين عينيه
حط صباعك بين عينيك كده هتلاقي عينك تتحول عليه
معدتش شايف غيره
معدش شايف غير فقره عنده مليون جنيه ومش شايف غير المرض اللي عنده
عنده عشر عيال ومش شايف غير اللي تاعبوه فيهم
عنده ألف نعمة ومش شايف غير النعمة اللي ناقصه عنده
حياة خنيقة حياة كلها إكتئاب
حياة معصية
لا تطاق والعياذ بالله
1 فرق عليه أمره
2 جعل فقره بين عينيه
3لم يأتيه من الدنيا إلا ما كتب له منها
لو عايز مليون جنية في الدنيا لو إنت مكتوبلك ألف جنية بس النهاردة
لو قتلت نفسك علشان يبقوا ألف جنية وشلن مش هيحصل
ومن كانت الأخرة همه يلا ياشباب انا بتكلم عليكوا دلوقتي
انا بتكلم علي النموذج اللي عايزين نبقاه
بتكلم عن احلامنا
عن الكلام
اللي لو اتفتح قلوبنا لازم يبقي موجود جواها
يلا ياشباب من كانت الآخرة همه جمع الله عليه شمله
يعني إيه يا جماعة؟؟
يعني إيه من كانت الأخرة همه؟؟
يعني نايم
يـــارب
ياتري ملائكة الرحمة هتنزل تقبضني ولا التانين يارب
يا تري لما هنزل تربتي هترحمني ولا لأ
يا تري هثبت في أسئلة القبر
يا تري لما يعرض قلبي عليك هيبقى طاهر ولا لأ
يا تري هعدي من علي الصراط ولا لأ
يا تري لفحة جهنم هتوصلني ولا لأ
يا تري هنجو ولا لأ
ياتري يارب بكره هبقى من أصحاب اليمين ولا من أصحاب الشمال
ياتري يارب هترحمني
ياتري يارب هتغفرلي هتتوب عليه يارب
هتعفوا عني هتكفّر عني سيئاتي هتصفح عني يارب
ياتري يارب هترحم مع المرحومين ولا لأ
ياتري يارب هتسبل سترك الجميل عليّه ولا لأ
نايم قايم يبكي من كتر خوفه من الآخرة بيضحي بكل ماله وقته وعمره عليها
1_جمع الله له أمره
التاني جيبه مليان فلوس وجواه هم لو اتوزع علي قلوب الدنيا يفيض
وده محبب فيه الناس وميسرله رزقه في مراته وولاده وناسه وصحابه الناس هتتجنن ازاااااااي!!
2_جعل غناه في قلبه
كلمة والله اللي يعرف الدنيا ما تساويها
غناه مش في أسهم بورصة لو نزلت تجيله زبحة
غناه مش في شركة لو خسرت صفقة تجيله جلطة
غناه مش في عيالهلو عيل سقط في الثانوية العامة يجيله الضغط فيها
غناه مش في جيبه لو فضي يمشي مقهور
غناه مش في عربية جوزها وماركة عربية جوزها وموديل عربية جوزها
غناه مش في شهادة ولا تقدير مش في فلوس
غناه
بكلمة يـــارب
عارف ان الخزائن كلها تيجيله
بكــلمة يارب
عارف إن صحة الدنيا كلها ربنا يدهاله بكلمة يارب
عارف ربنا يشقله بحر الهموم
وينجيه من خوف الإبتلاءات
ويخلي نار المرض عليه بردا وسلاما
انما التاني اعمل مليون واستريح
يعمل عشرة مليون ويجي ملك الموت
اتجوز واحدة زي القمر واستريح
يتجوز واحدة زي القمر وطبعها زي البركان والنار والعياذبالله تطلع عنيه
أخد الماجستير واستريح
ياخد الماجستير والدكتوراة والمعادلة الأمريكية والزمالة البريطانية ولسة تعبان
انما صاحبنا
3_واتته الدنيا وهي راغمة مناخيرها في التراب
يعني انت يا حبيب قلبي ياللي قاعد غلبان مش معاك فلوس معلش متزعلش مني احنا اخوة بردوا في الله
قاعد غلبان وممعاكش فلوس
تلاقي واحد بيقولك وبنته زي القمر بيقولك انا اتمني اشرف إنك تتجوز بنتي
انت قاعد في إيه انا عقلي حصل فيه حاجة!!!!!
ويبقي فضل منك لو رضيت تاخد شقة في عمارتي!
ويبقي كرم منك لو رضيت تاخد وظيفة في شركتي!
اتته الدنيا وهي راغمة
ياشباب انت همك الدنيا ولا الآخرة؟؟
همك ايه شايل هم إيه؟؟
مهوس بإيه؟؟
في بنات عندنا في جامعة المنصورة عملوا مشروع اسمه مهووسة بنقابي!!
يعني نقابي ده مالي عليه حياتي وفرحانة بيه
محسسني اني ملاك
عروسة
الدنيا كلها بتزفني
مهووسة بنقابي
انت بتحلم بإيه ؟؟
انت فرحان بإيه؟؟
ايه اللي يسعدك ايه الحاجة اللي مفرحاك؟؟
ايه هي اهدافك؟؟
ايه هي طموحك؟؟
عايزين نتغير ياشباب
علي فين يا شباب؟؟
علي حاجة تغير قلوبنا
علي سماع الدروس عايزين نسمع دروس ونسمع شرايط ونحضر دروس كتير اوي في الجامع ونسمع شرايط كتير اوي عايزين نتغير عايزين نتغير من جوه مش من بره مش صلاة مش ركعتين يتصلوا
مش حجاب اتلبس
لأ
قلبي اتغير
قلبي وجهتوا اتغيرت
قلبي طموحاته اتغيرت
قلبي اهدافه اتغيرت
انسان بقي له وجهة في حياته
انسان بقي ليه هدف في حياته
نقلا عن الشيخ حازم شومان
تعليق