أنا بكلم نفسى (كفى يانفس ماكان* كفاك هوى وعصيانا)

[محبة الجنه]

بسم الله والصلاة والسلام على رسول الله
اخواتى فى الله
اهلا بكم فى خواطرى التى تجول فى ذهنى
**************************

المرة ده رسالة من نفسى العاصية الى كل نفس مسلمة
توحد الله
قولوا
لا اله الا الله
تفلحوا

كفى يانفس ماكان كفاك هوى وعصيانا
كفاك ففى الحشى صوتٌ من الاشفاق نادانا

اما آن المئاب بلى بلى يا نفس قد آن
خطوتى خطاك مخطئة فسرت الدرب حيرانا
فؤداى يشتكى ذنبى ويشكى ماكان

اعيدى للحمى قلبى وعودى عودى الآن
وعودى

تجاذبنا هوى وهدى وقلبى بعد ما لان
كأنى ماسمعت وما رأيت الهدى
اذ بان

كأنى صخرة فمتى يلين الصخر ايمانا
يلين الصخر ايمانا

أرى الام امتنا كسقف الليل يغشانا
وامضى مغضيا طرفى وراء النفس هيمانا

نسيت همومها فمتى اعيش الهم انسانا
اعيش الهم انسانا

أيا نفْسى خبا نفَسى بضيق الصدر أحزانا
ظننت سعادتى لهوا يزيح الهم سلوانا

فلم أزدد سوى هم ولو أُضحكت احيانا
يسافر بالهوى قلبى لدور اللهو نشوانا

فتوقفه محطات تهز عراه ايمانا
الا فارجع وارجع ما مضى بالقرب ازمانا

سياط التوب تزدجرنى فأحنى الراس ازعانا
اصيح بتوبتى ندما كفى يانفس ماكان

كفى يانفس ماكان
كفى يانفس ماكان
كفى يانفس ماكان

احنا مستنين ااايه علشااان نتوووووووب
سؤال بتردد امتى هنرجع الى الله
امتى هنتوب ونعود
امتى هنندم على الذنوب
امتى مش هنسوف التوبة ونقول بكرة
وبكرة يجيب بكرة وبعد وبكرة وبعد وبعده
والعمر يعدى يعدى والايام عماله بتفووووووت

وبعدين انا هفضل كده لحد امتى يا نفسى قوليلى هتفضلى تشدينى للأغنية ده وللكليب الماجن ده وللفيلم الساقط ده وللغيبة والنميمة والكذب لحد امتى !!

لحد امتى هتخلينى اصاحب الولد ده ولا تخلينى مصاحب البنت ده ولا مسبش السيجارة ولا لامتى هتفضلى مخليانى متابعة الموضة بتاع الغرب ولا القنوات الاباحية ده ولا احدث الكليبات والنغمات
ولا لحد امتى هتخلينى اعق اامى ابويا اللى ربونى وعلمونى وكانوا سبب فى وجودى !!


يانفسى هو انتِ نسيتى ان فيه حساب وفى عقاب وفى جنة وفى نار

يانفسى هتفضل لحد امتى ممشيانى ورا شهوات الدنيا ونعيمها الزائل

كل حاجة انتى عاوزاها بحاول اعملهالك وارضيك طيب فين رضا ربنا عليكى

يانفسى ده اشد الجهاد جهادك انتى واعدى اعدائى برده انتى

يانفس انت هتقوليلى ده الشيطان هقولك لا انا عرفتك على حق فى رمضان
الشيطان بيبقى متسلسل ومتقيد وانتى اللى بتحرضينى على الهلاك !!

يانفس انت مستنية ااايه الغلاء بقى فى كل بيت والغلاء من اسباب البلاء والبلاء نزل بسبب معاصيك وذنوبك

يا نفس انت هتقولى تانى استنى طيب وهتستنى الموت برده لما ييجى فجأة زى ماحصل لشباب فى عمر الزهور
هو انت مش فاكرة انه ممكن يحصلك !!

يانفس يانفس اسمعينى لو مشيتى فى طريق الخير هتلاقى اللى تحصديه

يا نفس انت مش شايفة الغلاء والوباء وموت الفجأة والعقوق والزنا !!

يانفس مش شايفه حرمات انتهكت ونساء ترملت واطفال تشردت وبيوت اتهدمت واخواننا بيتعذبوا !!

يانفس عملك هو حياتك موتك

يانفس كفى عن العصيان واكتسبى فعلا جميلا لعل الله يرحمك

يانفس ويحك توبى واعملى حسنا عسى تجازين بعد الموت بالحسن

ولا تغرنك الدنيا وزينتها وانظر الى فعلها بالاهل والولد
وانظر الى من حوى الدنيا بأجمعها

هل راح منها بغير الحنط والكفن
خذ القناعة من دنياك وارض بها

ولو لم يكن لك الا راحة البدن

يازراع الخير تحصد بعده ثمرا
يازراع الشر موقوف على الوهن

يانفس لوعاوزة جنة انت لسه فالدنيا
ومن يعمل مثقال ذرة خيرا يره

ولو عاوزة نار برده انت لسه فالدنيا
ومن يعمل مثقال ذرة شرا يره

قبورنا تُبنى ونحن ماتُبنا ياليتنا تُبنا من قبل ماتبنى

قبرك

قبرك يا نفسى
هل تتخيليه هل تعرفيه
بيت الوحشة بيت الدوود بيت الغربة
بيت ننتقل فيه من سعة القصور الى ضيق اللحود
بيت مرعب مظلم مخيف

هتكونى فيه لوحدك لالا مش لوحدك
ده انت هيكون معاك
جليسك
عملك الصالح وعملك الطالح
هيكون معاك اول ماتدخلى ملائكة ينزلولك
ويسألوك
مــــــــــــــــــــــــــاربك !
مــــــــــــــادينك!
ما النبى الذى بعث فيكم !

هتقوووولى هه سهلة ايه الاسئلة ده
لالا متفتكريش انك ممكن تتكلمى بسهولة زى دلوقت كده
دلوقت كل حاجة سهلة

انما وقتها يانفسى لسانك اللى كان زى الحصان فالدنيا لو كان فالخير هيبقى برده فى الرد زى الحصان

اما بقى اذا كان حصان فى الشر مش هينفعك ساعتها
هيتلجم وهيقف مش هتعرفى تنطقى كلمة
ولا حرف حتى !!

عملتى ايه بعلمك اللى تعلمتيه
عملتى ايه فى عمرك اللى عشتيه
عملتى ايه بمالك اللى اكتبتيه
جبتيه منين وصرفتيه فين !!


طيب
ياترى هتعرفى تجاوبى جاهزة بالرد يانفسى
هتبقى ياترى من النفوس المطمئنة اللى مش خايفه مش قلقانه

ولا هتكونى نوع تاااانى مزرعش فالدنيا علشن يحصد فى الاخرة !!

اتمنى ان تكونى من النوع الاول
ااايه ده

لحظة لحظة
انتى لسه فالدنيا انتى تقدرى انتى ربنا مديكى لسه عمر فرصة
والله فرصة

ايه ده انتى ممكن تتوبى انتى ممكن ترجعى لربنا انتى ممكن تصلى تصومى تزكى تتصدقى تبرى اهلك تصلى رحمك تذكرى ربك تتعلمى العلم الشرعى تعرفى سنة النبى صلى الله عليه وسلم ياللى عاوزة تنصريه تقيمى الليل

اااااااااايه ده
ده انتى ممكن تبعدى عن الغيبة وعن النميمة وعن الكذب والعقوق والجرى وراء الشهوات


يااااااااااااااااااه
ما اكرمك يارب العالمين ما احلمك ما اعظمك

يعنى ممكن اتوب ممكن ارجع ممكن امشى فى طريق الجنة وابعد عن طريق النار

والله ممكن
ده باب التوبة مفتوح لان روحى مابغلت الحلقوم

ايه ده ربنا هيغفرلى كل ذنوبى كلها
هيغفرلى ذلاتى وخطئى وجهلى وعمدى
اه والله هيغفرك
انت متعرفيش ان التوبة تجب ما قبلها

ااايه ده يعنى ربنا هيغفرلى الغيبة والنميمة والكدب ومصاحبة الولاد وعقوق الوالدين وترك الصلوات ووووووووو

اه والله
ان الله لايغفر ان يُشْرَك به ويغفر مادون ذلك

ياااااااااا الله
ياكريم ياودود ياحليم ياغفور

انا خلاص مش هستنى مش هستنى
هقوم اصلى ركعتين توبة ليك يارب هرجعلك هتوب اليك
يارب نفسى مش هتغلبنى تانى يارب
هواى وشهواتى وشيطانى مش هيقدروا عليه يارب
ان شاء الله
طول مانا متوكله عليك راجعة اليك منيبة مخبتة اليك
يااااااااااارب

يارب انا ماليش غيرك يارب يارب انا بحبك يارب انا سعادتى فى الطريق اليك ووالله تعاستى وخسرانى فى البعد عنك وياما مشيت على شوك الاسى والمعاصى

مكنتش بصلى مكنتش متحجبة حجاب صح مكنتش ببر اهلى كنت بخون اقرب الناس ليه كنت مصاحبة ولد

بعد كده كل حاجة ليك يارب
احب فى الله واكره لله واترك لله وابغض فى الله

قل ان صلاتى ونسكى ومحياى ومماتى لله رب العالمين
بذلك أُمرت وانا من المسلمين

يارب انا خلاص كل حياتى ليك يارب انا من هنا ورايح هعمل كل حاااجة لله

حياتى كلها لله فلا مولى لها الاه
احب الله جل علاه ومن حبى له اخشاه

حياتى كلها لله
اصون النفس احميها بنور الله اهديها
لتفرح عندما تقاااااااه
حياتى كلها لله

خلاص انا هبدأ صفحة جديدة بيضة هندم على ذنبى هصالحك يانفسى هرجعلك ياربى

يالا نعمك علىّ لا تعد ولا تحصى
خلاص هسيب طريق المعاصى والاثام والالام طريق الحب والخيرات


يارب ان عظمت ذنوبى كثرة فلقد علمت بأن عفوك اعظم
ان كان لايرجوك الا محسن فمن يلوذ ويلجأ المجرم

رباه قلب تائب ناجاك أترده و ترد صادق توبتي حاشاك ترفض تائبا حاشاك فليرضى عني الناس أو فليسخطوا أنا لم أعد أسعى لغير رضاك

انا العبد الذى اكتسب الذنوب
وغرته الامانى ان يتوبا

انا العبد الذى سطرت عليه صحائف لم يخاف الرقيب
انا العبد المفرط ضاع عمرى فلم ارعى الشبيب والمشيب

واخيرا يا اخواتى اقولكم كلمة واحدة

رُب ذنب اورث فى القلب ذلا وانكسارا
خير من طاعة اورثت عجبا واستكبارا

ياللى عاوز السعااادة والله بين ايديك
فى ادخال سرور على مسلم * فى المسح على رأس يتيم
فى ذكر الله * فى الصلاة على رسول الله صلى الله عليه وسلم
فى صدقة سر * فى قول معروف * فى بر والدين * فى طاعة زوج * فى فروض الله
دروووب الخير كثيرة والسعادة بين يديك


توبوا الى الله جميعا ايها المؤمنون لعلكم تُفلحون

رسالة من نفسى الى كل نفس مسلمة
وتشهد
ان لا اله الا الله
سيدنا محمد صلى الله عليه وسلم
رسول الله


لا تنسونى بصالح دعاؤكم
اللهم اجعل هذا العمل خالص لوجك الكريم
وحقوق النشر محفوظة لكل مسلم
انقله لتعم الفائدة

[اللؤلؤةالمكنونة]

رد: أنا بكلم نفسى (كفى يانفس ماكان* كفاك هوى وعصيانا)

يا الله
جزاكِ الله خيرا
جزاكِ الله خيرا
جزاكِ الله خيرا
كلمات والله طيبة جدا
أسأل ربى أن يفتح بها القلوب

قال الملك سبحانه
وَأَنِيبُوا إِلَى رَبِّكُمْ وَأَسْلِمُوا لَهُ مِن قَبْلِ أَن يَأْتِيَكُمُ الْعَذَابُ ثُمَّ لَا تُنصَرُونَ
أَن تَقُولَ نَفْسٌ يَا حَسْرَتَى علَى مَا فَرَّطتُ فِي جَنبِ اللَّهِ وَإِن كُنتُ لَمِنَ السَّاخِرِينَ
أَوْ تَقُولَ لَوْ أَنَّ اللَّهَ هَدَانِي لَكُنتُ مِنَ الْمُتَّقِينَ

ويقول الحبيب -صلى الله عليه وسلم " إن الله عز وجل يبسط يده بالليل ، ليتوب مسىء النهار ، ويبسط يده بالنهار ليتوب مسىء الليل ، حتى تطلع الشمس من مغربها " . (رواه مسلم)

ويقول النبى صلى الله عليه وسلم "لله أفرح بتوبة عبده الذي أسرف على نفسه من رجل أضل راحلته فسعى في بغائها يمينا وشمالا حتى أعيا أو أيس منها وظن أنه قد هلك نظر فوجدها في مكان لم يكن يرجو أن يجدها فالله عز وجل أفرح بتوبة عبده المسرف من ذلك الرجل براحلته حين وجدها ." (رواه أبو موسى الأشعرى ، بإسناد صحيح)

أسأل الله العظيم أن يفتح بتلك الكلمات القلوب
وأن يجعلنا ممن يستمعون القول فيتبعون أحسنه
بارك الله فيكِ