بارك الله فيكم ممكن اعرف انسب طريقه لمراجعه ما احفظ من القرءان

[أريدك يالله]

السلام عليكم ورحمة الله وبركاته

ممكن يا اخوات اعرف انسب طريقه للمراجعه

يعني انا بصراحه لسه في بدايه الحفظ وبحفظ من سورة البقرة

يعني بسمع الايات الي هحفظها من الكمبيوتر وجهاز القرءان المرتل

وحاسه اني بفضل الله تعلمت بعض احكام التلاوة من السماع المتكرر

بس المشكله في المراجعه

يعني لما بدأت احفظ
وختمت جزء مكنتش براجع فنسيته

وحاليا بعد ما بحفظ كام صفحه واجي اراجع مش براجع
وبترك الحفظ

الشيطان بيقولي الدراسه وغيره
فمش عارفه اعمل ايه

فهل لو انا قرءات فقط المحفوظ يوميا قبل البدأ
في الجديد يكفي

ولا لازم اسمع

انا بسجل صوتي في التسميع عشان اصحح لنفسي

وهل لو اسمع لو سمعت صفحتين بس يوميا هيثبت الحفظ

ولا لازم اسمع كل الي حفظاه يوميا

انا اسفه علي الاطاله بس بارك الله فيكم

انا نفسي احفظ القرءان واكون داعية اسلامية
ان شاء الله

انا حاليا بحفظ صفحه يوميا عشان الدراسه

لكن ان شاء الله بعد الامتحانات هحفظ اكتر

واحاول اتواصل مع صحبه قرءانيه

ومعلمات اراجع عليها

فاسالكم بالله الدعاء لي بظهر الغيب
بالتوفيق في حفظ القرءان والدراسة

وجزاكم الله خيراااااا

والسلام عليكم ورحمه الله تعالي وبركاته

[حلم مسلمة]

رد: بارك الله فيكم ممكن اعرف انسب طريقه لمراجعه ما احفظ من القرءان

وعليكم السلام ورحمة الله وبركاته
حياكِ الله أختي الكريمة
بداية أسأل الله أن يجعلني وإياكِ من أهل القرآن العاملين به المتخلقين بخُلقه
وأن يتم عليكِ نعمة حفظ القرآن عن ظهر قلب وأن يرزقني وإياكِ الثبات اللهم آمين
أنسب طريقة للحفظ وعن تجربة هي يوم حفظ ويوم مراجعة
اليوم أحفظ ما تيسر لي وغداُ أُراجع
لو كان كم الحفظ قليل نصف جزء او جزء أقوم بتسميعه كله أما إن كان كثير فأراجع ما تيسر منه
وبعد حفظ أكثر من جزء مثلا 5 أجزاء أتوقف عن الحفظ حتى تتم مراجعة ما حفظت مرة واثنين ثم أعاود الحفظ مرة أخرى وهكذا
التسميع على الغير مهم جداااا في الحفظ ليس فقط لتصحيح النطق ولكن لتصحيح الكلمات والتشكيل
وهنا يوجد تسميع كتابي إن أردت الإنضمام له
هنا
••.•´¯`•.•• تريدين حفظ القرءان •• تفضلي معنا .•´¯`•.••
ربنا يوفقك ويزيدك من فضله اللهم آمين

[أريدك يالله]

رد: بارك الله فيكم ممكن اعرف انسب طريقه لمراجعه ما احفظ من القرءان

بارك الله فيكي اختي حلم مسلمه وزادك الله من فضله

وطريقه رائعه بس انا حابه احفظ يوميا

بالنسبه للتسميع الكتابي

انا بسبب الدراسه بقعد تخاطيف

وبصراحه سعات بقعد كتير

لكن خلاص الامتحانات علي الابواب
فخايفه ما انتظمش

وربنا يسهل

وبرضو عايزة اعرف

هل مجرد القرأءة
في المراجعه تكفي ولا لازم تسميع

منتظره اجابه من الاخوات

[حلم مسلمة]

رد: بارك الله فيكم ممكن اعرف انسب طريقه لمراجعه ما احفظ من القرءان

السلام عليكم ورحمة الله وبركاته
لو عايزه تحفظي كل يوم هيبقى معاكِ حل من اتنين
اما كل يوم حفظ ومراجعه وده لو في بداية حفظك هيكون سهل
واما آخر الإسبوع تراجعي كل اللى حفظتيه طول الاسبوع مع مراجعة كل اللى فات
وده هيكن صعب عليكِ لما عدد الأجزاء اللي حفظتيها يزيد
ونصيحتي ليكِ مش تهتمي بالحفظ على حساب المراجعة
ودي وصية المراجعة ثم المراجعة ثم المراجعة
والقراءة فقط في المراجعة متنفعش لاااازم التسميع
انا بقولك عن تجربة
وممكن في الأجازة تسمعي معانا
ربنا يرزقك حفظ القرآن عاجلاً اللهم آمين

[الروح والريحان]

رد: بارك الله فيكم ممكن اعرف انسب طريقه لمراجعه ما احفظ من القرءان

عليكم السلام ورحمة الله وبركاته
حياكِ الله أختي الكريمة
أسأل الله أن يجعلني وإياكِ من أهل القرآن العاملين به المتخلقين بخُلقه
نصحة لكِ ان تستخدمى الطريقه الأولى إلى ذكرتها الأخت حلم
وأعلم أن نفسك تحفظى كل يوم علشان تختمى بسرعه
والله يأخيتى عن تجربه الأمر ده متعب جداً بعد ماتختمى هتحسى بثقل المراجعه
بعكس اذا بنيتى حفظك على أساس صح هترتاحى بعد كده فى المراجعه بعد ختم القرآن
وقلما من ثبت على المراجعه بعد الختم لأن الأساس بدأ خطأ
فتريثى أخيتى فى حفظك واجعلى نظرتك بعيده
ليس المهم الوصول سريعاً ولكن المهم الثبات
اسأل الله أيرزقنا واياكِ الثبات
ويجعلنا واياكِ من أهل القرآن

[راجيه جوار الحبيب محمد]

رد: بارك الله فيكم ممكن اعرف انسب طريقه لمراجعه ما احفظ من القرءان

احتى الكريمه أسأل الله ان يجعلنى وإياكش من اهل القرأن
ولا أزيد على كلمات اخواتى الكريمات فهم وفو وكفو بارك الله فيهم
وأسأل الله ان يثبتك ويثبتنا اختى