جاوبونى واريحونى

[(أمة الرحمن)]

السلام عليكم ورحمة الله وبركاته
انا أخاف من نيتى بمعنى انا اريد ان ارتدى النقاب وخايفة ان تكون نيتى مش لله
لانى مخنوقة وبفكر فى حاجات كتير بتضايقنى فى امور الدنيا فاخاف ان تكون رغبتى فى لبسه بان اقنع نفسى انى خلاص مش هفكر بقى فى امور الدنيا ولا اشتاق انى اعمل حاجات تغضب الله او حتى لو اشتقت مش هعملها لانى هقنع نفسى انه عيب تكونى لبسة نقاب وتعملى كده او تفكرى بالطريقة دى وارضى بالقليل ولا اتطلع للمزيد يعنى بلبسه هبعد بنفسى عن المؤثرات غصب عنى
فهل كده تكون نيتى غلط وان لازم اظبط نفسى الاول وبعدين البسه ولا ايه بجد عشان تعبت

[dr_karmen]

رد: جاوبونى واريحونى

شخصيا لا أرى فى هذا ضير
يعنى أنك تستخدمى النقاب فى تربية النفس وتهذيبها هذا شئ طيب
بمعنى انه يكون وسيلة لتقربك لربنا برده فى النهاية
طبعا الأسمى منها انك تلبسيه لطاعة امر الله وامر رسوله
لكن مش غلط ابدا أخيتى انه يكون وسيلة بتقربك لربنا بإنه هيكون سبب فى تركك للحاجات اللى بتغضب ربنا
وفقك الله وسدد خطاك ويسر الأمر لك وشرح صدرك له
اللهم آآآمين

[(أمة الرحمن)]

رد: جاوبونى واريحونى

شكرا ليكى اختى كارمن وكلام ارحنى انه فعلا ممكن لبسه يقربنى لله
بس انا فعلا مخنوقة وخايفة تكون نيتى مش لله وانى بس عشان اقول خلاص مش عاوزة من الدنيا حاجة وارضى نفسى بالقليل ولا اتطلع للمزيد وارضى باللى بيحصلى لان الشيطان بيدخلى ويجعلنى افضل اقول لوكنت عملت كده وانا اعرف ان لو من الشيطان وبكده اقرب من ربنا وابعد كمان عن اى حاجة تغضبه بس مش عارفة اقوى نيتى واجعلها كمان لانه امر من الله
فهل انا ممكن اخد الثواب ولا ابقى لبسته مش لله فابقى اثمة ؟

[(أمة الرحمن)]

رد: جاوبونى واريحونى

ولا لازم انضف نفسى وقلبى الاول وبعدين البسه لله

[dr_karmen]

رد: جاوبونى واريحونى

جزاك الله مثله أخيتى
بصى هقولك على حاجة
انتى انويه والبسيه انك عايزاه عشان ربنا يرضى بيه عنك
وادعى ربنا يعينك ويثبتك وتكونى اهلا له
ومتتردديش
اعرفى ان اللى بيخليكى تتردى وبيخليكى تتاخرى
ويخليكى تسوفى هو وسوسة الشيطان
الشيطان لا يوسوس لكى لو حدك
يوسوس للناس كلها عليكى دايما بالإستعاذة بالله منه
بس متسيبهوش يأخرك عن طريق حق ربنا شرح صدرك ليه
ممكن تلبسيه وفى نفس الوقت بتنقى نفسك
يعنى يكون زى ماقلتى دافع أنك تنقى بيه نفسك
وفى الحالتين إن شاء الله لك الأجر
لأن تنقيةنفسك ده لرضا ربنا برده صح؟
ومفيش أى مانع إنك تنوى النيتين معا
انه ليساعدك على أن تنقى نفسك وفى نفس الوقت يقربك من الله
أعانك الله وأعذنا وإياكِ من الشيطان ووسوسته
اللهم آآمين

[mak1]

رد: جاوبونى واريحونى

السلام عليكم و رحمة الله و بركاته



اختي الغالية و الله قد اهمني امرك منذ ان كتبت مقالتك بخصوص زوجك هداه الله و احسست من نبراتك و عباراتك انك بالفعل حزينة جدا و متالمة
اريد ان اقول لك شيئا باعتبارك اختي في الاسلام انا احلم بارتداء النقاب و اتمنى ذلك من كل قلبي لكني لا استطيع تعلمين لماذا ...لا لاني اشك بنيتي او اشى عدم الاخلاص..ابدا لاني اعلم ان الله لن يتركني
لكني اختااه انتمي لبلد يمنع ارتداء الحجاب و يعاقب عليه قانونيا فكيف بالنقاب لكني الحمد لله محجبة و اتحمل ما يحدث حتى ييسر الله لي امري و يجعل لي مخرجا لذلك انا اغبطكن على نعمة حرية اللباس لديكن و كم اتالم عندما ارى اختا عربية لا تلبس الحجاب او تخرج بحجاب متبرج
البسيه اخيتي و استري نفسك و احمدي الله ان هداك للصراط المستقيم و غيرك ضائع في شهواته.
شيء اخر اريد ان اقوله لك و اسمحيلي بالتدخل في شؤونك غيري كنيتك و تفاءلي و اعلمي ان ما يحدث لك هو الذي قدره المولى لك فارضي بقضائه و قدره و استعيني على امرك بالدعاء و ابتسمي و ازرعي البسمة اينما حللت و كوني على يقين ان بعد العسر يسرا و انظري الى حال من هم دونك في الدنيا و من يعيشون في ماسي و من هم بعيدون عن الله و احمدي الله على كل نفس يخرج منك و اصبري و احتسبي.
اشهد الله اني احبك في الله و اني كلمتك من كل قلبي

[* موحدة * ولله الحمد *]

سبحان الله وبحمده سبحان الله العظيم

السلام عليكم ورحمة الله وبركاته


أختى الحزينة

ما شاء الله الأخوات أجادوا وأفادوا

وزى ما قالت أختى الدكتورة كارمن .......فعلا إيه المشكلة انى انوى النيتين او نوايا كتيرة منها انى بطيع ربنا ومنها ان النقاب يمنعنى عن حاجات مش كويسة بعملها ؟

وشوفتى أختى مكة نفسها تلبس النقاب بس المشكلة انها فى بلد يحارب حتى الطرحة !!!!!!!
ربنا يثبتك أختى مكة ويرزقك النقاب .....وييسر لكى امورك ....انتى واختى الحزينة وتكونى يارب مسرووورة

وسارعى أخيتى ولا تخافى مادام لقيتى عندك الهمة اسرررررعى بالطاعة ......متنتظريش .....يالا ....دى فرصة ممكن متجيش تانى!!!!!!!

وأنا مش هطول عليكى هنقل لك من منتدى أخوات طريق الاسلام كلام حلو فعلا لواحدة كانت مشكلتها شبيهة بكدة وده الجواب عليها ان شاء الله يريحك

السلام عليكم ورحمة الله وبركاته،،

أختى الكريمة

النقاب فعلا نعمة ولن تتذوقيها إلا عندما ترتديه فهو يحميك من نظرات هذا وذاك ويشعرك بالخصوصية و الراحة.

ولعل النقاب -أختى الحبيبة -هو الذى يمنعك من سماع الأغانى. فالنقاب -سبحان الله -ربما يمنع الإنسان على إرتكاب المعاصى فربما تسأل الأخت نفسها هل معقولة أفعل ذلك وقد انتقبت؟


ولعل بإرتدائك النقاب يفتح الله لكى أبوابا من الخير مالا تتوقعين وأنا أعترف أنا وصديقاتى أننا تغيرنا كثيرا بعد لبس النقاب وفتح الله علينا الكثير والكثير والكثير من أبواب الخير والطاعات وأنا لا أبالغ.

ولنسأل أنفسنا أليس النقاب أحب إلى الله والرسول صلى الله عليه وسلم من إظهار الوجه؟ فلماذا لا نفعله محبة لله وللرسول صلى الله عليه وسلم ؟

ومن تقرب إلى الله شبرا تقرب إليه زراعا

والحسنة(الطاعة) تجلب أختها والطاعة تبهج النفس وتشرح الصدر

ومن أجمل ما سمعت أنه إذا جاء يوم القيامة وقيل لى أن النقاب فرض و أنا لم أرتديه فقد خسرت أما إذا قيل لى أنه كان فضل وكنت أرتديته فلن أخسر شيئا بل أكون- الحمد لله - قد فزت.

ومن أجمل ما فعلته الصحابيات أنهن عندما يسمعن عن طاعة لايسألن هل هى فرض أم فضل بل يبادرن إليها فى نفس الوقت فهن دائما يتطلعن إلى الأفضل و الأعلى ثوابا.

فالإنسان المخلص فى دينه يتطلع دائما إلى الأفضل فى العبادات وغيرها

وتذكرى- أختى الحبيبة-أن الدنيا قصيرة وأننا مهما تعبنا فيها من أجل الإلتزام بشرع الله فإننا سننسى كل هذا التعب بمجرد دخول الجنة إن شاء الله تعالى.

وأحب أن أذكر لك قصة صديقتى عندما رفض أهلها لبسها للنقاب فقالت إذا لن أنزل من البيت حتى أرتدى النقاب فظن أهلها أنها لن تستطيع تحمل ما قالته وحاولوا أن يقنعوها مثلا بالخروج معهم ولكنها أبت حتى مكثت حوالى شهر أو أكثر لا تنزل حتى وافق أهلها أن تلبس النقاب .

فأنظرى -أختى الكريمة -إلى هذا الموقف هى : كان أهلها يرفضون أما أنت حبيبتى فيشجعك زوجك فهذه نعمة وميزة كبيرة حباك الله بها.

أما بالنسبة لنظرة المحيطين بك أيا كانوا فإن باركوا لكى لبس النقاب فجزاهم الله خيرا و إن زجروك فالله يهديهم وتذكرى قول الله سبحانه وتعالى((وإن تطع أكثر من فى الأرض يضلوك عن سبيل الله))-((وما أكثر الناس ولو حرصت بمؤمنين))

وتذكرى قصة أبو طالب عم الرسول صلى الله عليه وسلم وقد مات على الكفر وأبى أن يقول كلمة التوحيد بسبب أبو جهل ومن كان يحيط به من الكفار عند الموت وبسبب أنه كان يخشى من كلام قريش عليه بعد موته أنه رغب عن ملة أبائه(كلام الناس)

فحبيبتى أقدمى ولا تخشين فى الله لومة لائم وأقدمى ولا تخافين كلام الناس فلن تستطيعين أن ترضيهم كلهم وهم لن ينفعوكى لا فى القبر ولا فى يوم الحشر

وسبحان الله يتغير شعور كثير من الناس من الغضب على الطائع إلى الرضا عنه

((من أرضى الناس بسخط الله وكله الله إلى الناس و من أسخط الناس برضا الله كفاه الله مؤنة الناس)) صحيح الجامع

وحتى لو الآخرين أذونا بسبب أى طاعة فعلناها أليس علينا أن نصبر ؟ أليس الرسول صلى الله عليه وسلم كان يؤذى وهو أشرف الخلق؟ أليس كان صلى الله عليه وسلم يرم بالحجارة من الصغار والكبار فى الطائف وتسيل دماؤه الشريفة؟ أليس آن الأوان أن نضحى فكم ضحى نبينا الكريم صلى الله عليه وسلم وكم ضحى أصحابه الكرام رضى الله عنهم جميعا لكى نكون مسلمين بل وأيضا لكى يصلنا الدين نقيا صافيا ؟؟

و((المؤمن الذي يخالط الناس و يصبر على أذاهم أفضل من المؤمن الذي لا يخالط الناس و لا يصبر على أذاهم )). صحيح الجامع

فبادرى أختى وأسرعى اليوم وقبل الغد وليكن شعارك فكلما أسرعت كلما زاد ثوابك إن شاء الله تعالى

((وعجلت إليك ربى لترضى))

وأدعو الله لكى أختى :

اللهم ثبتها على الحق و أرزقها الفردوس الأعلى من الجنة

اللهم أهديها وأهدى لها وأهدى بها

اللهم نور لها طريقها و أكرمها فى الدنيا و الآخرة

يالا مستنينك أختى عشان نباركلك .....متتأخريش

وده درس رااااائع يا ريت تسمعييييييييييييه أختى



وعجلت إليك ربى لترضى- راااااائع





بطااااااااااااقة مميزة

[غفرانك ربي]

رد: جاوبونى واريحونى

اختي الحبيبه

الأخوات اجادوا ووفوا

والدور جه عليكي إنك تبشرينا بلبسك للنقاب

متفكريش لانك لو فضلتي تفكري هيدخلك الشيطان من مداخل كتير

استعيني بالله اخيتي والبسيه ولا تترددي

منتظرينك إن شاء الله ببشري لبسك للنقاب

ربنا ينفع بك ويهديك ويصلح حالك

[(أمة الرحمن)]

رد: جاوبونى واريحونى

جزاكم الله كل خير اخواتى فى الله والله كلامكم شجعنى اكتر
بس انا مش متزوجة انا مخطوبة لسة
ومفيش حد فى البيت راضى ابدا عن النقاب ولا حتى خطيبى لما اتكلمت معاه فى الموضوع مش مشجع الفكرة
ولما نزلت اشتريت طرحة كبيرة بتاعت النقاب وجوانتى بس لسة القطعة اللى بتغطى الوجه لسة مجبتهاش
المهم اشترتهم من ورا ماماوخبتهم فهى شفتهم وفضلت تزعق جامد وصحتى من النوم على صوت عالى وخناق وانها تعبت منى وانى طول ما انا عندها مش هابسه لما بقى اتزوج وابقى فى بيت جوزى ابقى البسه ومصممة جداااا
وانا مش عارفة اعمل ايه انتظر ؟ طب لو انتظرت ما هو ممكن مش اعرف البسه بعدين لما اتزوج والشيطان ينسينى ويلهينى او خطيبى ممكن ميرضاش والله اعلم لانه مش محبذ النقاب ويقولى بعدين بعدين مش دلوقتى خالص وانا اصلا نفسيتى تعبانة وحاسة انى بلبسى النقاب هرتاح فيقولى لا مش النقاب اللى هيريحك ممكن حاجات تانية وانك تعالجى المشكلة اللى خنقاكى او تعملى اى حاجة كويسة مش شرط النقاب وانا مش عارفة اعمل ايه
انتظر؟ ولا اقف فى وشهم كلهم وده هيبقى فى وش كل اهلى وتقريبا كل اللى اعرفهم والله اعلم ممكن انا وخطيبى نسيب بعض وده ممكن يزعل امى جامد جدا ولا اعمل ايه
وخصوصا هما عاوزين فرح كبير واغانى ورقص وكده زى كاير من الناس بيعملوا كده وعادى عندهم وانا خايفة احسن اتأثر
ادعولى كتير واكتر حاجة تدعولى بيها ان نفسيتى ترتاح ورايكم ايه؟

[mak1]

رد: جاوبونى واريحونى

حبيبتي ساقول لك شيئا انا عندما لبست الحجاب امي لم تكن موافقة مائة بالمائة لا لانها لاتريد قطعا فهي محجبة لكنها كانت خائفة علي من ادارة الجامعة و رجال الامن في الشارع لكني اقنعتها انني يمكن ان اموت في اي وقت و لن يفيدني اي منهم و بقيت شهرا كاملا البس الحجاب دون علم والدي لان له نفس ظنون امي و في هذا الشهر كنت انا و اختي نقوم الليل و نكثر من الدعاء حتى يسر سبحانه و نزل الموضوع على قلب والدي بردا و سلاما و فرح بنا كثيرا
مهما كانت ظروفك صعبة فلن تكون مثلنا في بلدي لاننا نحارب من جميع الاتجاهات و نعيش مطاردين
توكلي على الله و تمسكي بموقفك و سترين ان الله سيجعل لك مخرجا

[dr_karmen]

رد: جاوبونى واريحونى

حبيبتى الحزينة
اتبعى اللخطوات اياها فى اقناع الأهل واسترقاق قلوبهم
أولا تدعى ربنا يهديهم لذلك
ثانيا ابدأى فى استعطاف والدتك بانك حاسة إنك هتمونت قريب((وده حق كلنا هنموت قريب)) ونفسك تقابلى ربنا وهو راضى عنك
وانك حاسة ان رضاه فى النقاب متحرمكيش من انك تدخلى الجنة بيه
لو مجبش نتيجة
ابداى اعملى اضراب
لا خروج لا مقابلات لا كلام واعملى اضراب عن الاكل والشرب((الدكتور حازم شومان كان بيوقلها كلمة لو انتى عايزة تطلعى رحلة وهما مش راضين يطلعوكى هتعملى ايه؟؟ هتفضلى تعيطى وتتحايلى وتزنى لغاية ما يوافقوا صح؟؟ طيب ليه متعمليش كدة فى لبس النقاب؟؟))
وإنتى فى الفترة دى بتدعى ربنا
وربنا ييسرهالك بإذن الله
لكن لخطيبك بأى
حسسيه بأهمية النقاب دايما
ده بيستر المرأة مبيخليش حد يشوفها إلا زوجها كفاية انها بتكون ماشية ملكة شايفة كل الناس ومحدش شايفها
وكفاية انها زى امهات المؤمنين والصالحين
وإن شاء الله يوافق وعليك بالدعاء له دايما بالصلاح
أما عن الفرح كلميهم فى البداية بالحسنى
ان ده فرحك وانك لاتريدين غضب ربنا عليكى فى اول يوم فى حياتك الجديدة
وإن الزواج نعمة ولابد من شكر النعمة لتدوم ومش هتدوم ولا هيبارك ربنا فيها لو بدأنها بمعصيته وانتهاك حرماته
لقيتى اصرار قوليلهم وانا مش هحضر الفرح ((وبنت فعلا عملتها))كان أهلها مصرين على ده مهما حاولت تقنعهم
قالت لهم خلاص اللى عايز يعمل كدة يعمل وانا مش هحضر الفرح
لما هددوها إنه غصب عنها
هددت بأنها سوف تهرب من البيت تنتحر وهتجعل الناس يظنوا الظنون باى عن سبب تهربها او انتحارها وهتكون ليهم وصمة عار طول حياتهم طبعا كلام بس لكن فعلا كان باين عليها الإصرار والتأييد من الله فاقتنعوا والاهل خافوا من انها تتجنن وتعملها وتركوها تعمل فرحها اسلامى
فانتى متيأسيش ابدا هناك مليون طريقة للحصول على ما لايغضب الله بإذن الله تعالى
ومتنسيش دايما ان القابض على دينه كالقابض على الجمر
واعتراض الناس اللى حولك اول الطريق بس ربنا يرضى
دايما استعينى بالله وادعيه يبقى معاك وادعى انه يعيذك من هوى نفسك وشر الشيطان
وادعى دايما بالهداية لأهلك ولخطيبك وأسأل الله ان يهدى جميع المسلمين