Tweet
... أحلى حاجه فى الدنيا....
السلام عليكم ورحمه الله وبركاته
أحلى حاجة فى الدنيا بجد
إنك تأخدى عهد جديد بينك وبين ربنا سبحانه وتعالى
..( عهد صادق ) من جواكى تعتبريه بداية صفحة بيضا جديدة بينك وبين ربك
... عهد بدايته توبة نصوح صادقة من قلب ( أهلكته المعاصى والذنوب)
ومن خطايا كتير غلطت بيها فى حق نفسك ,,
قبل ما تغلط بيها فى حق المولى (عز وجل)
وبداية العهد ده هتكون بترك شىء غلط أوى دايماً بتعمله وبتبقا عارف انه غلط بس بتغالط نفسك وبتكرره ( انتى بتحبه صحيح )
أنما بيغضب ربك منكى وبيزعله وده أكيد مش هايرضيكى
علشان ربنا يباركلك فى حياتك وبيتك وأهلك
( اتركيه لوجه الله وهيعوضك بدلاً منه أضعاف الخير ليك ) بس إنتى إعقدى النية
فى الوقت ده بجد على قد صِدقك مع الله وصِدق نيّتَك
بإنك قررتى التغيير (من جواكى )
بتلاقى أبواب خيــــــر كتيـــــــــر بتتفتح ليكى من حيث لا تدرى
وبتلاقى نور ربانى ملى وشك جمال وزاده اشراق سبحان الله
تعرفى ليه ؟؟
علشان ربنا سبحانه وتعالى بيتقبلك وبيفتحلك أبواب رحمته الواسعة وبيستقبلك بنفسه بعد العهد الجديد وبيحَوطّك بملائكته ... يا الله ما ارحمك وما أكرمك
ـــــــــــــــــ
خلاصة كلامى :
أهم شىء فى كل اللى قولته ده هى الإرادة
وإنكى تصـِرى على إنه مهما حصل ووسوسلك شيطانك وغاواك
( وخصوصاً شياطين الإنس قبل شياطين الجن) وما أكثرهم بإعتبارهم أشد خطراً تتمسك و تحافظ على ( ألا تنقدى عهدك مع الله )
خليكى أقوى منهم وإستعيذى بالله منهم وقول (لأ)
,, والله لا أرجعن فى عهدى مع الله أبداً
ساعتها بس هتحسى إنك اتولدتى من جديد وإنك إنسانه نضيفه ( نضيفه أوى )
(ياااه على البداية الجديدة اللى كلها رضا عن نفسك ورضا من ربك )
يـــــارب نولنا جميعاً هذا الشرف العظيم فى حبك يا الله
اللهم اجعلنى من الذين صدقوا ما عاهدوا الله
تعليق