Tweet
تصدق انت بتحب الفشل
حب الفشل
هو فى حاجة اسمها حب الفشل
للاسف اه
طب ازاى؟؟؟
واحد يقولك انا عايز ابقى ناجح
عايز تبقى ناجح
طيب لو افترضنا مثلا طالب عايز يدخل كلية طب
هساله
انت بتذاكر.بتصلى.بترضى ربنا.بترضى اهلك
دى زى معادلة
مذاكرة من غير الباقى ده يبقى مفيش نجاح
تصلى وتقولى هرضى ربنا واهلى ومش هزاكر وهتوكل على الله يبقى كده غلط ده مش توكل ده تواكل يبقى مفيش نجاح
هتصلى وترضى ربنا بس بتعذب اهلك يبقى مفيش نجاح لان ربنا كده مش هيرضى عنك
وفى ناس مش بتعمل اصلا اى حاجة من ده كله وتقولك يا عم سيبها على ربنا
طيب انت كده تبقى بتحب النجاح ولا الفشل
لا كده بتحب الفشل فعلا وبتحب النجاح كلام
يعنى بتقول عايز انجح بس اللى بتعمله يخليك تفشل
ييجى بقى واحد يقولك ما هو فلان عمل كل ده ومنجحش
اقولك طيب ليه حكمت عليه بعدم النجاح
ما هو ربنا قال انه مش بيضيع اجر من احسن عملا بس ده نصيب
يعنى انت عايز تكون دكتور وتعمل كل حاجة عشان تحقق ده بس ممكن تدخل كلية الطب ولا قدر الله يحصلك حاجة يبقى كده انت خسرت
النجاح بجد انك تنفذ حاجة قال عليها الناس انها مستحيله يعنى
الناس تقول انك عمرك ما هتجيب امتياز وتجيب بفضل الله يبقى
ده نجاح..النجاح هو القمه ربنا قال العلم نور
فى ناس بتقول لا علم ايه انا هعتكف فى المسجد وهتفرغ لربنا بس
هقولك ربنا مش هيقبل منك حاجة
فى احد الصحابة كان لما يشوف رجل يعجب به يسال هل لديه عمل اذا قالو لا يسقط من نظره
وكمان ربنا لو قال اننا ننسى العلم ونتفرغ للدين بس ماكانش خلى ناس اكتشفت حاجات كتير فى الكون بفضل ربنا والعلم
كنا هنفضل متاخرين اوى
واحد تانى يقولك انا هدخل الامتحان وهتوكل على ربنا بقى ولما اقوله لا ده تواكل يقولك يا ستى بقى المهم ننجح
هو انت كده نجحت
كل ده نقدر نطلق عليه مفهوم حب الفشل
مش مهم انك تبقى فعلا بتحبه بس تصرفاتك وافعالك تخليك كده تبقى فاشل وكده كانك بتحب الفشل
المهم فى كل ده هى المعادلة
ذاكر واتوكل على ربنا وارضيه وارضى اهلك بجد يبقى هتنجح
مينفعش نبنى بيت ونسيب ركن منه مش كامل
عشان نبقى بنحب النجاح بجد
بس لازم تواجه حقيقتك وشوف انت بتحب النجاح ولا الفشل
والحب يكون فعل ومش كلام
يارب اكون قدرت اوصل الفكرة اللى اقصدها بس ياريت نقرا الكلام ده كويس جدااا وفكر فيه وشوف انت من اى فريق اللى بيحب النجاح بالفعل ولا بيحب النجاح كلام وبس وبكده يبقى هو بيحب الفشل
ولما تعرف وحابب انك تتغير وتنجح بجد ياريت تنفذ ده بجد مش تتكلم وخلاص
تعليق