السلام عليكم ورحمة الله وبركاته
أخيتى الغالية
بحبك فى الله
وعلشان أثبتلك إنى بحبك فى الله بجد
هقولك على حاجة خطيرة أووووووووى
صدقيني أنا مش بهول بالعكس
أنا بقولك إنها حاجة خطيرة لإنها خطيرة
ولو مفهمتيهاش صح هتحسي بشقاء وحزن وعمرك ما هتحسي إنك عيشتى صح
قولى بقى زهقتينا
هقول أهوه خلاص
زى ما قلت فى العنوان بصي لنفسك
أيييييييييييييييييوة بصي لنفسك
يعنى شوفى انت عندك وربنا انعم عليك بإيه
طبعا مش هقولك عديهم او اكتبيهم
لإن مستحيل تعديهم ولا تحصيهم ودة بقول الله سبحانه وتعالى
" وَإِنْ تَعُدُّوا نِعْمَةَ اللَّهِ لَا تُحْصُوهَا" ابراهيم34
شوفى ربنا اد ايه مغرقك فى نعمه وانت معظم الوقت بتبصي بس للوحش
بنبص بس للى ناقصنا ومبنبصش للنعم اللى غرقانين فيها
يعنى بس هعددلك بعض النعم اللى ربنا اكرمك بيها عن غيرك
وانت بقى تكملى فكرى وابحثى فى نفسك
![](http://fantasyflash.ru/anime/butterfly/image/butterfly71.gif)
![](http://fantasyflash.ru/anime/butterfly/image/butterfly71.gif)
يعنى مثلا انت هنا فى المنتدى مش كدة
بتعملى ايه بتتصفحى شوية أو تعملى موضوع شوية أو تردى شوية بتعرفي الأخت
دى وتدعيلك الأخت دى وتنشأ بينكم نعمة من أعظم النعم
التى مَنَ الله علينا بها ألا وهى الحب فيه ومن أجله
ليس احتياجاً لمصلحة أو لأى شئ أخر
يعنى إن شاء الرحمن الرحيم أصبحتى من السبعة اللى يظلهم الله فى ظل عرشه
فى يوم هتتمنى إنك مكنتيش اتولدتى أصلاً من أهوال هذا اليوم
يعنى انت فى أمس الحاجة إنك تكونى تحت ظل عرش الرحمن
تخيلى بقى غيرك لو مافيش حد بيحبه فى الله ولله
هتعمل ايه تخيلى حسرتها وخوفها
![](http://fantasyflash.ru/anime/butterfly/image/butterfly71.gif)
![](http://fantasyflash.ru/anime/butterfly/image/butterfly71.gif)
طيب حاجة كمان
أنت هنا وأنت بتقضي وقتك في المنتدى مش فيه غيرك في مكان آخر
أو في منتدى آخر بيقضوا وقتهم في ملهيات وأشياء لا تنفع
وفي غيرك بيقضى وقته في معصية الله سبحانه وتعالى
عياذاً بالله أسأل الله ألا يجعلنا منهم
يعنى لو مشغلتيش فراغك بشئ مفيد هينشغل فى شئ قد يكون معصية
هدانا الله واياكم لما يحب ويرضى
![](http://fantasyflash.ru/anime/butterfly/image/butterfly71.gif)
![](http://fantasyflash.ru/anime/butterfly/image/butterfly71.gif)
وهناك الكثييييييييييييييييير والكثير من النعم اللى مش واخدين بالنا منها
انا بس حبيت ألفت نظرك وانت بقى دورى فى نفسك وشوفى بقى
انت ربنا ميزك بإيه من النعم عن غيرك
وحتى لو اتحرمتى من أشياء تأكدى تمام التأكد أن دة لمصلحتك
وربنا لم يفعل هذا إلا لحكمة عنده
الحكمة دى مش لازم تعرفيها انت بس انت خليك موقنة من كدة
وكتير اوى بيبقى الإنسان بيتمنى حاجات وبيبقى مستعجل عليها
وشايف أن دة الوقت المناسب ليها لكن ربنا يرى شئ آخر
وهو الأعلم بالخير ومتى يكون
وفعلا تبصي تلاقى إنها جت فى وقت مناسب جداً أكثر من الوقت اللى كنتى فاكراه مناسب ليكى
سبحان الله
![](http://fantasyflash.ru/anime/butterfly/image/butterfly71.gif)
![](http://fantasyflash.ru/anime/butterfly/image/butterfly71.gif)
وموضوع الزواج مش هقدر أقول تأخر الزواج
لإنه مش تأخر ولا حاجة
عارفة ليه ؟؟
علشان ربنا شايف وعالم بالوقت المناسب ليكى
أكثر من ما انت تشوفيه وبعدين دة اختبار ليكى هتصبري وتتفكرى فى النعم
ولا هتبصي بس للى ناقصك
تعالى أخيتى سوياً نتذكر نعم الله علينا
حتى نشكره ووالله لن نوفيه شكراً
ولا تتذكرى اللى انت فاكراه ناقصك
لإن صدقينى لا ينقصك شئ
كل شئ بميعاد ومقدار لا يعمله إلا علام الغيوب
هدانا الله واياكم لما يحب ويرضى
وجعلنا ممن يشكرون نعمه ولا يكفرونها
وعفا الله عنا جميعاً
![](http://fantasyflash.ru/anime/star/image/star7.gif)
![](http://fantasyflash.ru/anime/star/image/star7.gif)
تعليق