Tweet
بتعمل ايه فحياتك؟؟
ايوه ما انا عارفه انك عايش
بس يعنى لو فكرت تكتب عن حياتك
...
هتظهر كلممة see more?
انا لسه صغير
يعنى شور مش هتظهر
حد قالك انى بسأل عن سنك !
انا بسأل عن حياتك
ولا انت عايش كده وخلاص؟!
مبتعملش حاجه عشان لسه صغير !
حياتك بتتقاس بإنجازاتك فيها
مهما كنت صغير
ومهما كان سنك
ومهما كانت الظروف
تقدر تنجز
شوف حلمك ايه؟
وابدأ خططله
احلامك
ايه هيا احلامك؟
هل عندك أحلام أصلا؟
هل اتحاربت وسمعت كلام كتير يحبطك فتحقيق أحلامك؟؟
تفتكروا ازاى نقدر ننظر للمواقف دى؟
وايه القيمه اللى المفروض نتعلمها من الاحباط ده؟؟
لما حاولت النظر كويس بعمق
أدركت إن ربنا سبحانه وتعالى مرزقنيش بالناس اللى تحبطنى الا عشان متغرش بالكثره
وانى افضل ثابته ع احلامى واهدافى حتى ولو كنت لوحدى لان دى سنة ربنا فى الكون
مش بالضرورة الحق يكون مع الكثرة وانه فأغلب الأوقات مع القلة
وإن دايما القلةبيكونوا اللى ربنا اصطفاهم ده بالنسبه لنظرى فمراد الله
أما بالنسبه للقيمه وهى الصبر
إنك تصبر على اللى بتسمعه وتحاول اقناع المحبطين بأحلامك واهدافك ووجهة نظرك
وهما هيكونوا بمثابة عامل حفاز ليك لإثبات حلمك وهدفك ليهم ولغيرهم ولنفسك قبليهم
لو ركزت معايا كده ففوائد الناس اللى بتحبط
هتلاقى انهم علموك معرفة مراد الله
وعلموك الصبر وادولك العزيمه والاصرار
فابدأ اشتغل ع حلمك
هتحقق انجاز
وانجاز ورا انجاز
هتظهر الـ see more
خليك واثق ف ربك خلى عندك الثقه ان بعد الظلمة النور
تعليق