هو أنا أعرف إيه عن ديني ..!!

[امة الرحمن/فاطمة]

بلاشك أكيد كتير مننا قرأ أو سمع عن الحديث الجميل ده

عن أبي الدرداء رضي الله عنه، قال: سمعت رسول الله صلى الله عليه وسلم ، يقول: من سلك طريقاً يبتغيبه علماً، سهل الله له طريقاً إلى الجنة، وإن الملائكة لتضع أجنحتها لطالبالعلم رضا بما يصنع، وإن العالم ليستغفر له كل شيء حتى الحيتان في الماء،وفضل العالم على العابد كفضل القمر على سائر الكواكب، وإن العلماء ورثةالأنبياء، وإن الأنبياء لم يورثوا ديناراً ولا درهماً وإنما ورثوا العلمفمن أخذه أخذ بحظ وافر" أخرجه أبو داود والترمذي( ).

كل ده للي بيتعلم العلم الشرعي

يا نهاااااااار أبيض

ده إيه ده اللهم بارك بصراحة

ده غير إن العلم ده

هو اللي هيعرفنا كتييييييير علي دينا

وهنتعرف علي ربنا أكتر وأكتر

وهنحب الله أكتر وأكتر

لأن كل ما تعرف ربنا أكتر كل ما يزيد حبك وشوقك إليه

علشان كده إحنا بإذن الله هنبدأ معاكم بحاجات جميلة جدااا وسهلة أوي
ومبسطة بفضل الله

هنتعلم في العقيدة

يااااااااااه عقيدة مرة واحدة

ما انا قولت هتكون مبسطة وهتندمجوا معاها بإذن الله

:)

هنتعرف فيها علي حاجات جميلة أوي وهنتعرف علي معاني كتييير يمكن غايبة عن كتير مننا

نتكلم بس حبة صغيرة علي فضل العلم وإزاي هو جميل علشان نتديكم دفعة قوية للتعلم

تعالوا نشوف

منزلة العلم الشرعي

للعلم الشرعي منزلة عظيمة في الدين،

حث الله عليه ورغب فيه وفضل أهله على غيرهم،

وجعل طلبه من أفضل القربات ومن أعظم أسباب دخول الجنة،

لما في العلم والتعلم من معرفة الله ومعرفة أوامره ونواهيه،

وقيام الدين، فالعلماء بهذا هم ورثة الأنبياء،فالأنبياء ورثوا للناس علم الشرع فمن أخذ به فهو الوارث لهم،

وإذا أرادالله بعبد خيراً يسره لتعلم أمور دينه.


الفوائد:

- فضل العلم والعلماء حيث إنهم ورثة الأنبياء.

- إن الفقه في الدين دليل على إرادة الله بالعبد خيراً.

- إن طلب العلم من أسباب دخول الجنة.

- إن من خير ما يورثه الإنسان العلم النافع لأن أجره يستمر له بعد موته.

هذا وصلوا وسلموا على خيرمبعوث للعالمين الجن والأنس نبينا محمد صلى الله
عليه وسلم وعلى آله وصحبه الطيبين وزوجاته الطاهرات أمهات المؤمنين والتابعين ومن تبعهم بإحسان إلى يوم الدين

وكمان مش ننسي الآية الجميلة اللي بتميز اللي عندهم علم

قال تعالى : {قُلْ هَلْ يَسْتَوِي الَّذِينَ يَعْلَمُونَ وَالَّذِينَ لا يَعْلَمُونَ}( ) ،

وقال: {يَرْفَعِ اللَّهُ الَّذِينَ آمَنُوا مِنكُمْ وَالَّذِينَ أُوتُواالْعِلْمَ دَرَجَاتٍ}( ) ،

وقال: {وَقُل رَّبِّ زِدْنِي عِلْمًا}( ).

وكمان في حديث جميل أووي بيدل علي إن اللي بيتعلم العلم ده ربنا بيحبه ويريد له الخير

عن معاوية رضي الله عنه، قال: قال رسول الله صلى الله عليه وسلم : "من يرد الله به خيراً يفقهه في الدين" متفق عليه( ).

وكمان فرض علينا إننا نتعلم العلم الشرعي

ياسلام

اه بجد

الدليل الحديث ده

«طلب العلم فريضة على كل مسلم ، و إن طالب العلم يستغفر له كل شيء ، حتى الحيتان في البحر»

خلاصة حكم المحدث: صحيح

بعد ده كله

أظن مفيش حد ملهوش نفس يتعلم دلوقتي

طيب نبدأ إن شاء الله علي بركة الله

:: الفهــرس ::

المقدمة

[امة الرحمن/فاطمة]

رد: هو أنا أعرف إيه عن ديني ..!!

ناخد مقدمة في الأول


بسم الله والحمد لله والصلاة والسلام على رسول الله, إن الحمد لله نحمده ونستعينه ونستهديه ونستغفره ونعوذ بالله من شرور أنفسنا ومن سيئات أعمالنا, من يهده الله فلا مضل له, وأشهد أن لا اله الا الله وحده لا شريك له وأشهد أن محمداً عبده ورسوله

المقدمة ممكن تكون طويلة شوية لكن ضرورية وإن شاء الله الدروس بعد كده تكون قصيرة متقلقوش

في البداية عايزين نعرف ليه بندرس العقيدة ؟

من أهم العلوم اللي لازم كل مسلم ومسلمة يكونوا عارفينها علم العقيدة أو التوحيد


فالتوحيد هو نجاتك فى الدنيا و الآخرة

وبسلامة معتقدك هتلاقي نفسك تُدفع إلى العبادات دفع, وهتلاقي نفسك تشعر بانشراح صدر, وبكده تكون حققت التوحيد الصافي. وعلشان كده هتلاقي في كل مكان عناية بعلم التوحيد, لنصل معاً بإذن الله تعالى إلى أن ننقي توحيدنا وننقي اعتقادنا حتى يكون خالصاً من أي شوائب تحبط أعمالنا.





فلو نظرنا إلى بعثة الأنبياء..فإن أول ما يدعو إليه كل رسول هو عبادة الله عز وجل وحده

قال الله تعالى في شأن نوح عليه السلام: ((لَقَدْ أَرْسَلْنَا نُوحًا إِلَى قَوْمِهِ فَقَالَ يَا قَوْمِ اعْبُدُوا اللَّهَ مَا لَكُمْ مِنْ إِلَهٍ غَيْرُهُ)) الأعراف 59.
كذلك كانت دعوة هود, ودعوة صالح, ودعوة شعيب...


وقال الله عز وجل في شأن التوحيد: ((وَلَقَدْ بَعَثْنَا فِي كُلِّ أُمَّةٍ رَسُولًا أَنِ اُعْبُدُوا اللَّهَ وَاجْتَنِبُوا الطَّاغُوتَ)) النحل 36.

فالتوحيد هو أول ما كلفنا الله عز وجل به فى دين الإسلام, وهو آخر حاجة هنخرج بيها من الدنيا

وعلم النبي صلى الله عليه وسلم أصحابه هذا المنهج، فأرسل النبي صلى الله عليه وسلم معاذا إلى اليمن وقال: " إنك تقدم على قوم أهل كتاب فليكن أول ما تدعوهم إليه عبادة الله عز وجل". وفي رواية للبخاري: (فليكن أول ما تدعوهم إليه أن يوحدوا الله).
فلو عرفت تخرج من الدنيا بالتوحيد فلك الجنة بإذن الله تعالى

قال رسول الله صلى الله عليه و سلم: "من كان آخر كلامه لا إله إلا الله دخل الجنة"

وإذا غادرت هذا العالم توفق بإذن الله تعالى للإجابة على أسئلة القبر

في القبر مش هتتسأل عن اسمك أو شهادتك أو أهلك و نسبك لالا

تسأل فقط فى عقيدتك

من ربك؟ من نبيك؟ ما دينك؟
===========================
ومحدش هيقدر يجاوب على هذه الأسئلة إلا من عاش على التوحيد الخالص في الدنيا





بعض الناس شايفين أن أمر سؤال القبر ده هين وبسيط

بتقول: لو أن حد سألني الآن من ربك سأقول الله ، من نبيك سأقول محمد وما دينك سأقول الإسلام

لكن الحكاية مش بسيطة كده ، أبدا
لا يوفق لها إلا من عاش على التوحيد

من قضى عمره يبحث من هو ربه وما أسماؤه وما صفاته, ويبحث في سيرة النبي صلى الله عليه وسلم

ويبحث فى الدين ما أركانه ومراتبه وكيف يحقق الإسلام والإيمان.

فالله عز وجل جعل الجزاء من جنس العمل
إن اعتنيت بدينك توفق للإجابة على هذه الأسئلة
طبعا ده بخلاف من يعيش حياته كلها لا يدري ما الذي أتي به إلى هذه الدنيا, ولا يعرف ما أمره الله به, فهذا لا يوفق يقيناً للإجابة على هذه الأسئلة





وإعتنائك بدينك هو علامة على حبك لله عز وجل

قال شيخ الإسلام بن تيمية رحمه الله: " من أحب الله أحب دينه ومن لا فلا".





طيب ، ما هى ثمرة التوحيد؟

لماذا أتعب بنفسى فى جهاد النفس وتمحيص قلبى والتنقية من شوائب الشرك
ولا تعجب لما نقول هتجاهد نفسك للتوحيد
ففي أمور كثيرة هي شركيات نقع فيها ونحن لا ندري أننا نقع في الشرك



فالثمرات التى ستجنيها من دراستك للعقيدة هى:

1- الجنة من أنك ستختم كلامك بإذن الله بلا إله الا الله.

2- لك الأمن يوم الفزع الأكبر قال تعالى: (( الَّذِينَ آمَنُوا وَلَمْ يَلْبِسُوا إِيمَانَهُمْ بِظُلْمٍ أُولَٰئِكَ لَهُمُ الْأَمْنُ وَهُمْ مُهْتَدُونَ (82))) الأنعام.

أنت الوحيد تخرج من قبرك يوم القيامة والملائكة تطمئنك, وربك راضٍ عنك

و ليست هذة المنزلة إلا لأنك حققت التوحيد, فالتوحيد يحتاج منك أن تعيش عمرك كله تناضل من أجله, وتسأل نفسك هل هناك شوائب في معتقدي أم لا؟
حتى تلقي الله تعالى على المعتقد السليم

قال تعالى: ((إِنَّ اللَّهَ لَا يَغْفِرُ أَنْ يُشْرَكَ بِهِ وَيَغْفِرُ مَا دُونَ ذَلِكَ لِمَنْ يَشَاءُ )) النساء 48.

هذه بشرى عظيمة لمن حقق التوحيد, فكلنا أصحاب ذنوب ومعاصي, ولا يوجد بشر ليس بخطاء

وعد من الله لمن توحيده سليم ومعتقده صافي بمغفرة الذنوب

ففساد المعتقد لا يُقبل, ولكن عبد مذنب عاصي مع توحيد سليم نرجو من الله عز وجل أن يكون ممن يدخلون في مشيئة الله عز وجل لهم بالمغفرة المذكورة فى الآية.





ولهذا العلماء عندما ينبهوننا لخطورة علم التوحيد يقولون:

لو أنك أخطأت في أي باب آخر من أبواب الدين, فليست مشكلة كبيرة كما في باب المعتقد.

فمثلاً إن اختلفنا في مسألة من مسائل الفقه وأنا لم أفهم الدليل يقولون عنه ( أخطأ)

ولكن إن وقعت في مسألة من مسائل العقيدة يقولون (ضل في المعتقد)

وهذا ما حدث فى عهد النبي صلى الله عليه وسلم لما أتى له رجل فقال: "ما شاء الله وشئت, فقال له النبي صلى الله عليه وسلم: أجعلتني لله ندا ؟ قل: ما شاء الله وحده"

و فى رواية قال" بل قل ما شاء الله ثم شئت "

فهل هناك فرق بين (و) و (ثم)؟ نعم

فحرف فى العقيدة يوقع فى الضلال والشرك





فى البداية لما كنا ندرس التوحيد لم يكون الأمر في أعيننا بأهميته, ولما درسنا صفات الله عز وجل علمنا أننا لو تكلمنا في الصفات وحركنا أيدينا وقعنا في التمثيل لصفات الله عز وجل.
فبدأ نستشعر أهمية علم العقيدة, وأنه يجب أن نستشعر بقلبنا وعقلنا في آن واحد.

علم المعتقد هو نجاتك فى الدنيا والآخرة
فكم من الوقت أهملنا في دراسة هذا المعتقد !!!!





لذلك وجب علينا تجديد النوايا ونستعين بالله عز وجل لدراسة هذا العلم.

والتلفظ بالنية بدعة ولكن أذكركم ببعض النوايا من باب تجديد النوايا فقط

ففي أثر عن الإمام أحمد بن حنبل أنه قال:

النية الصالحة لطالب العلم أن ينوي أن يرفع الجهل عن نفسه وعن الآخرين

فقد قال الله تعالى: (( وَأَحْسِن كَمَا أَحْسَنَ اللَّهُ إِلَيْكَ)) القصص 77.

فغالبا ما كان مقصد كل الدعاة هذه الآية, فكل الدعاة لم يخرجوا إلا بها.
كم أحسن الله عز وجل إلينا بأن علمنا ديننا؟ كم أحسن الله عز وجل إلينا بأن صحح لنا معتقدنا, وكم كنا في ضلال وجهل؟
إن شاء الله ننوي بعد رفع الجهل عن أنفسنا أن نحسن كما أحسن الله إلينا ونرفع الجهل عن غيرنا من عباد الله عز وجل.



و من النوايا الحسنة أيضا : تحقيق منزلة الخشية, قال تعالى: (( إِنَّمَا يَخْشَى اللَّهَ مِنْ عِبَادِهِ الْعُلَمَاءُ)) فاطر 28.

قال علماء اللغة عن إنما أنها تفيد الحصر, أى لا تتحقق الخشية إلا بتحقق شرطها وهو العلم.


من النوايا كذلك: الارتفاع فى درجات الجنة
قال تعالى: ((يَرْفَعِ اللَّهُ الَّذِينَ آمَنُوا مِنكُمْ وَالَّذِينَ أُوتُوا الْعِلْمَ دَرَجَاتٍ)) المجادلة 11.



كفاية كده النهاردة وأتمنى تكون المقدمة شجعتكم على متباعة الدروس


ألقاكم الدرس القادم بمشيئة الله تعالى

منقول

[أميرة بإسلامي2]

رد: هو أنا أعرف إيه عن ديني ..!!

السلام عليكم ورحمة الله وبركاته
ماشاءالله اللهم باااارك جميل جدا وتم التقييم
جزاااك الله خيرا اخيتي ورفع الله قدرك وحفظك
وبارك الله فيكم وتبوأت من الجنة منزلا
ومنتظررين البقية باذن الله تعالى

[بنقابى ارضى ربى 2]

رد: هو أنا أعرف إيه عن ديني ..!!

السلام عليكم ورحمة الله وبركاته

جزاااك الله خيرا اخيتي ورفع الله قدرك وحفظك

وبارك الله فيكم وتبوأت من الجنة منزلا

[امة الرحمن/فاطمة]

رد: هو أنا أعرف إيه عن ديني ..!!

وعليكم السلام ورحمة الله وبركاته

اللهم آمين وإياكم جميعا

وبارك الله فيكم

وجزانا الله وإياكم كل خير

[امة الرحمن/فاطمة]

رد: هو أنا أعرف إيه عن ديني ..!!

الدرس الثاني

هنبدأ مع بعض بإذن الله دراسة بعض الأسئلة الواردة في الكتاب

س1: ما أول ما يجب على العباد؟
ج: أول ما يجب على العباد معرفة الأمر الذي خلقهم الله له ؛ وأخذ عليهم الميثاق به وأرسل به رسله إليهم وأنزل به كتبه عليهم , ولأجله خلقت الدنيا والآخرة والجنة والنار وبه حقت الحاقة ووقعت الواقعة وفي شأنه تنصب الموازين وتتطاير الصحف وفيه تكون الشقاوة والسعادة وعلى حسبه تقسم الأنوار ومن لم يجعل الله له نوراً فما له من نور.




ياترى لما بتقعدي لوحدك كده بتفكري في ايه ؟
ايه هيه اهتماماتك اللي بتفكري فيها ؟
هنلاقي ناس بتقول بفكر في المذاكرة والنتيجة والمجموع واللي بتفكر في الزواج واللي بتفكر في زوجها وبيتها وأولادها ومذاكرتهم واللي عايزة تجيب شقة واللي عايزة تجيب عربيه ترحمها من المواصلات

لكن كثير مننا بيعيش ويموت ولم يفكر فى السبب الذي خلقنا الله تعالى لأجله


هل خطر في بالك مرة انتي مخلوقة ليه أو وظيفتك في الحياة إيه ؟
مفيش حاجة في الدنيا دي كلها مصنوعة عبث أو من غير فايدة وغرض
القلم مثلا علشان نكتب بيه
السجادة بنفرشها في الأرض تدفي المكان وتدي منظر حلو
المعلقة بناكل بيها
وهكذا
نطلع فوق شوية هنلاقي النبات ليه لازمة نبات بناكله ونبات للزينة وحتى لو مكانش للزينة أو للأكل ضروري لتنقية الجو من ثاني أكسيد الكربون
طيب نطلع أكتر ونبص للحيوانات هنلاقي ليها لازمة بناكل لحمها او بستخدمها في الانتقال وممكن في حرث الأرض وممكن في الصيد
تمام كده؟

طيب والانسان اللي أكرمه الله بالعقل وجعل كل الكائنات في خدمته ايه وظيفته ؟
الأكل والشرب والنوم والزواج والبيت والأولاد والشغل وبعدين يموت وبس؟

يعني ملوش أي فايدة في الدنيا غير كده ؟

معقولة الجماد والنبات والحيوان ليهم وظيفة والإنسان العاقل المكرم لأه ؟





س2: ما هو ذلك الأمر الذي خلق الله له الخلق

ج: قال تعالى : {وَمَا خَلَقْنَا السَّمَاوَاتِ وَالْأَرْضَ وَمَا بَيْنَهُمَا لَاعِبِينَ (38 ) مَا خَلَقْنَاهُمَا إِلَّا بِالْحَقِّ وَلَكِنَّ أَكْثَرَهُمْ لَا يَعْلَمُونَ} (سورة الدخان: 83-39) .

وقال تعالى : {وَمَا خَلَقْنَا السَّمَاء وَالْأَرْضَ وَمَا بَيْنَهُمَا بَاطِلًا ذَلِكَ ظَنُّ الَّذِينَ كَفَرُوا فَوَيْلٌ لِّلَّذِينَ كَفَرُوا مِنَ النَّارِ} (سورة ص :27) .

وقال تعالى : {وَخَلَقَ اللَّهُ السَّمَاوَاتِ وَالْأَرْضَ بِالْحَقِّ وَلِتُجْزَى كُلُّ نَفْسٍ بِمَا كَسَبَتْ وَهُمْ لَا يُظْلَمُونَ} (سورة الجاثية:22) .

وقال تعالى : {وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ} (سورة الذاريات: 56) الآيات .




وهذا هو ما خلقنا الله تبارك وتعالى لأجلة : ألا وهى عبادته سبحانه وتعالى فإن الله تبارك وتعالى لم يخلق هذا الكون هباء ولم يخلق الطيور والحيوانات والنباتات إلا لخدمة الإنسان فكل مسخر له فى هذه الحياة للهدف الأسمى والأعلى ألا وهى عبادة الله تبارك وتعالى وشكره على نعمه وعدم الشرك به فإن الله لا يغفره : (( إن الله لا يغفر أن يُشرك به ويغفر مادون ذلك لمن يشاء ومن يشرك بالله فقد افترى إثما عظيما ))

نستحي جداً من الله عندما نعلم أننا ما خُلقنا إلا للعبادة وأقيس يومي -الذي هو من رصيد حياتي وعمري- على هذه الوظيفة, علشان نشوف ما هو قدر تحقيقنا للعبادة ؟

من فينا أول ما تستيقظ من نومها تتذكر الآية: ((قُلْ إِنَّ صَلاتِي وَنُسُكِي وَمَحْيَايَ وَمَمَاتِي لِلَّهِ رَبِّ الْعَالَمِينَ )) الأنعام 162.
هل خلقنا للنوم و الأكل والتمتع والتناكح والتناسل ؟

لأه طبعا بس بإيدينا نخلي كل ده عباده وهنتكلم عن الطريقة مرة تانيه إن شاء الله


إننا لم نخلق إلا للعبادة

كثير من المسلمين قلَّ ما تأتي العبادة في حياتهم, وإن كانت موجودة هتلاقيها مهمشة

أخت تقول انا أصلى.. إمتى؟.. عندما أنهي مهماتي .. أو لما أخلص شغل البيت أقوم للصلاة فوراً

لا الصلاة رقم 1 فى حياتك ثم كل الأشياء تأتي بعدها

لكن الحمد لله ربنا وهب لنا طول العمر الآن لنعلم ونصحح من حياتنا وفق الوظيفة التي خلقنا من أجلها.


قال تعالى: ((وَالَّذِينَ كَفَرُوا يَتَمَتَّعُونَ وَيَأْكُلُونَ كَمَا تَأْكُلُ الأَنْعَامُ وَالنَّارُ مَثْوًى لَّهُمْ.)) محمد12.
عايزة تكون حياتك كده ؟
أكيد لأه

لازم تقولي: دي مش حياتي, أنا مسلمة لست كافرة ولا كالأنعام, أنا أتميز بالعبادة.

يقول أحدهم أنا مسلم ولكنه لا يصلى ولا يصوم وقد يزنى و قد وقد..... فما دليلك على أنك مسلمة؟
فما الفرق بينك وبين غير المسلمة ؟

إذا رأيتك كيف أعرف إذا كنتي مسلمة أو لا؟
لا يُعرف المسلم إلا بطاعة الله عز وجل
وأقرب مثال الحجاب الشرعي
ايه اللي هيميزك عن غيرك ؟
لما أمشي في الشارع وأشوف واحدة مش محجبة هأعرف منين إنها مسلمة ؟
أول حاجة تخطر في بالي إنها مش مسلمة حتى يثبت العكس
يااااااااااااااااه ترضي كده ؟ الناس تشكك في إسلامك ومش عارفة انتي مسلمة ولا لأه؟


إذن يعرف المسلم بعبادته




"و العبادة هي الطاعة المطلقة لله عز وجل "
سيدنا إبراهيم عليه السلام عندما أُمر أن يذبح ابنه إسماعيل عليه السلام فامتثل
" وَإِذِ ابْتَلَىٰ إِبْرَاهِيمَ رَبُّهُ بِكَلِمَاتٍ فَأَتَمَّهُنَّ قَالَ إِنِّي جَاعِلُكَ لِلنَّاسِ إِمَامًا قَالَ وَمِن ذُرِّيَّتِي قَالَ لَا يَنَالُ عَهْدِي الظَّالِمِينَ " ﴿البقرة: ١٢٤﴾
فالإمامة أتت من الامتثال لأمر الله عز وجل

يقول سفيان الثوري كما نقل عنه الذهبي في سير أعلام النبلاء " إن استطعت أن لا تحك رأسك إلا بأثر فافعل"

( ومعنى هذا إن استطعت أن لا تعمل عمل إلا ومعك برهان عليه من الكتاب أو السنة او الإجماع فاعمل ذلك حتى إذا اتيت يوم القيامة وسألك ربك لماذا فعلت كذلك فتقول لأنك أخبرتني بكتابك بكذا أو سنة نبيك صلى الله عليه وسلم ولماذا لم تفعل كذا فتقول لأنك نهيتني عنه وهكذا )






إن أيقنتِ أنك ما خلقت إلا للعبادة فكل شيء سيهون عليكِ

فلن تتهاوني أو تجادلي فى أى أمر من أمور العبادة بعد الآن.


نقول مثلاً: لما يا أختي مش لابسه الحجاب الشرعي؟ تقول لما أتزوج, أو بعد ما أنهي الدراسة..
من يضمن لكِ أن تحيي إلى أن تنهي الدراسة؟ من يضمن لكِ أن تحيي إلى أن تتزوجي؟
تسمعي الأمر بالحجاب تقولى على طول سمعنا و أطعنا يارب


هل تريدى أن تلقي ربك وأنتِ على هذه الحال؟
يقيناً هتقولي لا, إذاً مستنيه ايه؟
عايزاكي تلغي كلمة سوف دي من حياتك
سوف اتحجب بعد عام ، في رمضان الجاي ، من أول الأسبوع بس علشان مش بحب أبدأ حاجة من نص الأسبوع

ربنا يديكي طولة العمر بس انتي ضامنه تعيشي بعد لحظة ؟
محدش ضامن إن النفس اللي دخل جواه هيخرج تاني

تقولي لواحدة مش بتصلي ليه ؟
تقول أصل الجو برد والميه ساقعة
او كاوية شعري والميه هتبهدله
أو ...............أو ....................... الحجج مش بتخلص

لو استشعرت فعلا معنى العبودية مكانتش قالت كده أبدا .


لذلك ضعى أمامك
علمت فالزم
قال تعالى: ((وَمَا خَلَقْتُ الْجِنَّ وَالْإِنْسَ إِلَّا لِيَعْبُدُونِ))

علمت فلزمت العبادة يا رب

قولى سمعنا و أطعنا الآن قبل أن يأتى اليوم الذى من كثرة ما تقولى سمعت وعصيت (حتى لو بلسان حالك لا بلسان قولك) يأتي وقت تسمعي الحق ولا تدركي أنه حق .

قال تعالى: ((كَلَّا بَلْ رَانَ عَلَى قُلُوبِهِمْ مَا كَانُوا يَكْسِبُونَ)) المطففين 14.

يعني من كثرة المعصية والذنوب هذا الران يغطي القلب فيأتي عليكِ يوم وتري الحق باطل والباطل حق -نسأل الله العافية-.

فهيا نبادر للتوبة وعبادة المولى عز وجل.

منقول

[لؤلؤة باسلامي]

رد: هو أنا أعرف إيه عن ديني ..!!

السلام عليكم ورحمة الله وبركاته

جزاااك الله خيرا ورفع الله قدرك وحفظك

وبارك الله فيكم وتبوأت من الجنة منزلا

[راجية الانس بالله ورضاه]

رد: هو أنا أعرف إيه عن ديني ..!!

وعليكم سلام الله ورحمته وبركاته
==========================
جزاكِ الرحمن الفردوس الأعلى أخيتى الفاضلة
وجعلنا الله واياكِ من عباده الصالحين
أسأل الله أن يعيننا على ذكره وشكره وحسن عبادته
بارك الله فيكِ وفى جهدك ونفع بكِ اللهم آميين
=================
قال عبد الله بن المبارك رحمه الله ||

رأيت الذنـوب تميت القلوب *** وقـد يورث الذل إدمـانها

وترك الذنـوب حياة القلوب *** وخير لنفسك عصيانها

[امة الرحمن/فاطمة]

رد: هو أنا أعرف إيه عن ديني ..!!

اللهم آمين وإياكم

جزانا الله وإياكم كل خير وبارك الله فيكم

[امة الرحمن/فاطمة]

رد: هو أنا أعرف إيه عن ديني ..!!

الدرس الثالث



نكمل مع الأسئلة بإذن الله

س3: ما معنى عبد:

ج: العبد إن أريد به المعبد أي المذلل المسخر فهو بهذا المعنى شامل لجميع المخلوقات من العوالم العلوية والسفلية من عاقل وغيره ورطب ويابس ومتحرك و ساكن وظاهر وكامن ومؤمن وكافر وبر وفاجر وغير ذلك , الكل مخلوق لله عز وجل مربوب له , مسخر بتسخيره , مدبر بتدبيره , ولكل منهما رسم يقف عليه , وحد ينتهي إليه وكل يجري لأجل مسمى لا يتجاوزه مثقال ذرة ذلك تقدير العزيز العليم , وتدبير العدل الحكيم , وإن أوريد به العابد المحب المتذلل خص ذلك بالمؤمنين الذين هم عباده المكرمون , وأولياؤه المتقون الذين لا خوف عليهم ولا هم يحزنون .




أي نحنُ مسخرون شئنا أم أبينا، خاضعون لقدر الله عز وجل، لا يمكن أن نفعل شيئاً إلا إن قدرَ لنا أن نفعله قال تعالى:

" وَاللَّـهُ خَلَقَكُمْ وَمَا تَعْمَلُونَ " ﴿الصافات 69﴾

و تعالوا مع بعض نفهم ايه المقصود من الكلام ده


كلمة عبد لها إطلاقان -يعني معنيان-

معنى عام:

وهو يشمل الكون كله -أى كل الكون عبد لله عز وجل-

و هذا التعريف هو:المذلل المسخر
وبهذا كل الكون مسخر بتسخير الله عز وجل, وكل الكون مذلل لملك الملوك سبحانه وتعالى.
رطب ويابس ومتحرك وساكن وظاهر وكامن ومؤمن وكافر وبر وفاجر

هتقولي يعني الكافر ذليل لله؟
والاجابة نعم
لو أراد الله بهذا الكافر مرض, هل يستطيع أن يقول لله أنا مش عايز أمرض دلوقتي ؟
لا طبعا

لماذا؟ لأنه عبد لله رغم أنفه

هل إن أراد الله عز وجل بدولة عظيمة -بها من العلم والتكنولوجيا- إعصار, من يستطيع دفعه؟ لا أحد يستطيع, لأنهم عباد لله عز وجل.






المعنى الخاص:
ونسأل الله أن نكون منهم

وهو: العابد المحب المتذلل لحبيبه سبحانه وتعالى

و هذا المعنى لا ينطبق إلا على المسلمين فقط فهم عباده المكرمون

هذه الأسئلة عامة غاية فى الأهمية, مفاتيح لو استشعرتيها بقلبك وقذفها الله في قلبك لتغيرت حياتك كلها


اذا استشعرتي معنى العبودية ولذة العبودية لله تعالى
إن علمتي أو أيقنتي بقلبك أنكِ ما خُلقتي إلا للعبادة والله لتحققي أعلى منازل العابدين لله عز وجل.


طيب أيقنا الآن و اتفقنا أننا لم نخلق إلا للعبادة
فهل هنقضى اليوم كله بين قرآن و صلاة و صيام فقط
هل هذة كل حياتى


لو قلتي أيوه يبقى مفهمتيش معنى العبادة

فما هي العبادة؟




س4: ما هي العبادة ؟

ج: العبادة اسم جامع لكل ما يحبه الله ويرضاه من الأقوال والأعمال الظاهرة والباطنة , والبراءة مما ينافي ذلك ويضاده .

كثير بيظن ان العبادة هى الصلاة و الصيام و الصدقات و فقط
لكن المسلم الفطن لازم يعرف إن كل شئ فى حياته عباده

يقول تعالى : " قُلْ إِنَّ صَلَاتِي وَنُسُكِي وَمَحْيَايَ وَمَمَاتِي لِلَّـهِ رَبِّ الْعَالَمِين "َ﴿الأنعام: ١٦٢﴾

اليس تبسمك فى وجه أخيك صدقة ؟
يبقى تبسمك عبادة
حسن التبعل للزوج عبادة من أكل و تنظيف وغيره
كوب الشاي اللي هتعمليه لزوجك عبادة
عندما أعاقب ابنى على خطأ ليس لأنى غاضبة ولكن لان حسن تربية الأبناء عبادة
مش علشان الناس تقول شوفوا ربت أولادها ازاي ؟ دي واحدة مفيش منها
لا فقط لأنها عباده لله

ويبقى يقيناً كل شئ هتعمليه هيرفع من مستوى إيمانك حتى ان اجتمعت مع جارتك بنية انها عبادة لأن النبى أوصانا بالجار لكان كوب الشاي لها عبادة تنتويها ستجديها تزيد إيمانك
لأنك تعبتى فى هذا الشئ

متخليش يومك يمر بلا فائدة
قال تعالى: " قل هل ننبئكم بالأخسرين أعمالا * الذين ضل سعيهم في الحياة الدنيا وهم يحسبون أنهم يحسنون صنعا "

هتلاقي واحدة عامله تتبعل لزوجها و تساليها ليه ؟
تقول علشان ميتجوزش عليه
نخشى ان تكون ممن ذكروا فى الآية

او من تحسن تربية أبناءها و لكن لكى يشار لها بالبنان لتربية الأبناء
فنخشى ان تكون ممن ذكروا فيها أيضا

فهؤلاء تعبوا بلا قيمة
لكن لو أنك نويتي ستجعلى كل شئ عبادة

يبقى النية هيه كلمة السر
وبنقول قاعدة النية تميز العادات عن العبادات

وهنقارن ما بين اتنين :

واحدة بتاكل علشان شهوة الجوع
والتانية بتاكل امتثال لأمر الله " كلوا واشربوا"
صار أكل الثانية عبادة وأكل الأولى عادة

واحدة بتلبس لبس جديد علشان تفتخر قدام الناس بيه
وواحدة جايبة لبس جديد علشان الناس تعرف فضل نعمة الله عليها
الأولى لا تؤجر والتانية تؤجر

في يوم الجمعة واحد لبس أحسن ثيابه لأنها يوم الجمعة ،
والثاني لبس أحسن ثيابه تأسياً بالنبي صلى الله عليه وسلم ،
أيهما العبادة ؟
الثاني طبعا ،

وعلى هذا قيسي كل اللي بتعمليه

وعلشان كده بنقول
(عادات أهل اليقظة عبادات)

بس خلي بالك
النية محلها القلب لا ينطق بها إطلاقاً

مش معقولة تمسكي اللقمة وتقولي نويت بهذه اللقمة ان أمتثل أمر الله بالأكل لأتقوى على العباده

تخيلي لو ده بيحصل ؟

لأه طبعا لأن النية محلها القلب

طيب هل يحتاج هذا العمل لشروط و أركان ليكون عبادة ؟

هنعرف ده مع بعض المرة الجاية إن شاء الله



الواجب:

س1: ما معنى العبد ؟

س2: ما هي العبادة ؟