Tweet
مستنيه ايه ؟؟؟؟ معدش عندك حجه
الحمد لله وكفي وصلاة وسلاما علي عباده الذين اصطفي .... وبعد ::
اخيتي الحبيبة
تعلمين أني أحبك في الله
ولذلك اسألك
كيف حالك مع كتاب الله ؟؟؟؟!!!
امتي آخر مرة ختمتيه ؟؟؟
فكري كده.........
ياااااه لسه مخلصتيش ختمه واحده من رمضان الي فات
ده خلاص رمضان فاضل عليه مايزيد بقليل عن شهرين
تفتكري هتقدري تختمي في رمضان 3 ولا 4 ولا 5 مرات وانتي مقدرتيش أو محاولتيش تختميه مره واحده من رمضان اللي فات ؟؟
طب سؤال تاني
بدأت الاجازة وانتهت الحجج بتاعة المذاكرة ومش فاضيه وووو إلي آخره
بدأتي بقي تنزلي المسجد تدوري علي حلقة تحفيظ عشان تحفظي القرآن وتتعلمي التجويد
ولا إيه حجتك الوقتي ؟؟
طب لما بتشوفي بنت صغيره أو ولد صغير لا يتجاوز الواحد منهم 10 سنين وحافظ للقرآن كله بالترتيل والتجويد
مش بتكوني محرجة من نفسك
ولا بتحاولي تهربي من قدام نفسك لأنك عديتي ال 20 ولسه منوتيش تحفظي ؟؟؟!!!
اختـــــــــــــــــــــاه
سأروي لكِ ماتعاني منه إحدي قريباتي الآن .
سيدة كبيرة تجاوزت السبعين من عمرها ، كانت بتختم القرآن ممكن 5 مرات في رمضان ، وفي غير رمضان كان القرآن هو شغلها الشاغل ، بدأت تعاني من المياه علي عينيها ، شوية شوية زادت المياه دي والسحابة البيضاء علي عينيها لحد ماغطت عين منهم ، وشوية بعدها زادت علي العين الثانيه لغاية للأسف مافقدت بصرها الآن تماما
الوقتي بتحاول تعمل عملية تشيل بيها ولو جزء يسير من المياه دي عشان تقدر تشوف ويرجع لها ولو جزء يسير من بصرها
تفتكري ليه ؟؟؟؟
عشان خاطر تقدر تاني تشوف وتمشي لواحدها متحتاجش حد يوديها هنا ولا هناك ؟؟
لا والله
قالتلي وتكاد الدموع تنزل من عينيها وقلبها ينفطر حزناا
نفسي ارجع اشوف عشان اقدر اقرأ قرآن تاني
يـــــــــــــــــــــــــــــــــــــــــــاه
ده نعمة البصر دي غالية أوي بس احنا مش حاسين بيها
يــــــــــاه يلا ضيعيتي بصرك في مشاهدة الأفلام القبيحة والمسسلسلات الهادمة
يااااااااه يلا مغضتيش بصرك عن الحرام
ياااااااااااه ياللي ضيعيتي بصرك قدام النت بالساعات تكلمي دي وتكلمي ده
ومستغلتيش النعمة العظيمة دي في مرضات الله
فكري كده اخيتي
غمضي عينك وخليكي قاعده مغمضه ربع ساعه بس ومارسي حياتك في الربع ساعه دي وانتي مغمضة
والله احنا مابنحس بالنعمة اللي اعطاها لنا ربنا وخالقنا إلا بعد مابتضيع مننا
من أروي لكم قصتها ذاقت حلاوة القرآن
لذلك تشتاق الآن لربع عين ولا تمن عين تقدر تقرأ بيها من تاني
اختــــــــــــــــاه
**عينك مش بتتعب من القعده قدام النت 5 ولا 6 ساعات
ومش قادره تقعدي علي كتاب الله ربع ساعة بس؟؟؟؟
**عينك مش بتتعب من القعده المتواصلة في المذاكرة أيام الإمتحانات
ولسه مفكرتيش تبدأي في حفظ كتاب الله ؟؟؟؟
اختـــــــــــــــــــــــــــــــــــــــــــــــ ــــــــــــاه
رمضان علي الأبواب
هلا أعددتي له العدة ؟؟؟؟؟؟؟؟؟؟؟؟!!!!!!!!!!
اسأل الله لي ولكم أن يجعلنا من أهل القرآن وأن يجعله ونيسنا في قبورنا ،
وأن يجعله محفوظا في صدورنا وقلوبنا ،
وأن يبلغنا رمضــــــــــــــــــــــــــــــــــــــــان
يارب بلغنا رمضــــــــــــــــــــــــان
واجعلنا فيه من المقبولين واجعلنا فيه من عتقائك من النار
آميـــــــــــــــــــــــــــــــــــــــــــــــ ــن يارب
وصلي اللهم علي سيدنا محمد وعلي آله وصحبه وسلم
تعليق