Tweet
السلام عليكم ورحمه الله وبركاته
سؤال:من يمتلك قلبك ؟او مين رقم واحد فى قلبك؟فكر شويه وجاوب بصدق
لو كانت الاجابه اى حاجه تانيه غير الله يبقى عندك مشكله؟مشكله ترتيب الاولويات.
مشكله ترتيب الاولويات سبب معظم المشاكل فى حياتنا يعنى لو واحد اول حاجه فى حياته هى المال يبقى هيسعى لجمعه بكل الطرق حتى لو عن طريق حرام مثل الربا اللى حرمه ربنا مش هتفرق كتير معاه الطريقه المهم المال ؟عارفين ليه لم يمتثل لاوامر الله لان الله مش رقم واحد فى حياته.
واحد تانى اصحابه اهم حد عنده لو حد فيهم عزم عليه بسيجاره مش هيقدر يقول لا مع انه عارف انها حرام بس مش قادر يزعل صاحبه بس ممكن يزعل ربه.
بمعنى اشمل اللى الدنيا هى رقم واحد فى حياته يبقى هيسعى لها بكل الوسائل ولو تعارض امر من امور الدنيا مع شرع الله لن يلتفت للامر وهيخالف شرع الله وهيعصى اوامره .ده عادى جدا لان الدنيا هى رقم واحد عنده مش ربه.
يعنى الانسان ده اللى ممشيه هواه ورغباته مش اوامر ربه وسنه نبيه صلى الله عليه وسلم.؟عرفتوا ليه المعصيه سهله اوى عندنا.
نفس الحال مع الرسول صلى الله عليه وسلم وسنته لو الرسول مش احب اليك من نفسك ومالك واهلك يعنى رقم 2 فى حياتك يبقى الترتيب غلط وهنضيع سنته كما هو الحال الان.
يبقى احنا محتاجين اعاده ترتيب لقلوبنا علشان نعيش صح ونبقى مسلمين صح وننفذ دينا صح .ربك لازم يبقى اول حاجه فى حياتك بعد كده نبيك بعد كده والديك بعد كده دنيتك على اختلاف نوعها.لو ده الترتيب فى قلبك يبقى هتقيس كل امر فى حياتك على شرع الله تعالى وسنه نبيه صلى الله عليه وسلم لو توافق هتنفذه لو تعارض هتلغيه مش العكس .
تعليق