Tweet
السـلام عليكم
..:: من حالات الطوارئ : المغص الكلوي renal colic::..
..:: من حالات الطوارئ : المغص الكلوي renal colic::..
شكوى المريض : وجع بمغص في جنب واحد أو الاتنين وبيسمع في ظهره ( أو في الخصية في الرجال )غالبا معها حرقان في المية dysuria أو تقطيع
لما تطلب من المريض يستلقي ع السرير تخليه يثني رجليه علشان عضلات بطنه ترخى شوية ( ده بيتعمل لأي حالة عايز تكشف على بطنها )
المهم لما تحط إيدك على الجنب من الأمام يشعر المريض بوجع بتحريك إيدك في مكان الوجع ( في الجنب )
ملاحظة حلوة للفائدة : الوجع ده ممكن تميزه عن الزايدة بحاجة إن الزايدة بتيجي في الجنب اليمين بس ,, تاني حاجة لما تحط إيدك على مكان الوجع بيكون شديد زي المغص بس الزيادة عنه إنه لما تشيل إيدك عنه يوجعه برضو جامد ولو حطيت إيدك على جنبه الشمال يوجعه برضو رغم إنه جاي بجنبه اليمين بس ودي بيسميها الدكاترة rebound tenderness وفي الحالة دي متدلوش مسكن وإنما تديله حاجة تفك المغص زي أقراص بوسكوبان لحد ما يحدد الدكتور حالته تحتاج عملية ولا لا.
..:: طبعا المغص الكلوي له كذا مرحلة ::..
* المرحلة الأولى بسيطة mild renal colic : ( المريض بيمشي عادي بس ماسك جنبه )
ده علاجه الفوري : ياخد أمبول سبازموفين ( عضل )
* المرحلة الثانية متوسطة moderate renal colic:
( المريض جاي وأهله ساندينه )
ده علاجه الفوري : أمبول أدولور + أمبول فسيرالجين
* المرحلة الثالثة شديدة : sever renal colic
( المريض جاي على تروللي وراسه بين رجليه )
ده علاجه الفوري : أمبول أدولور + 2 أمبول فيسرالجين +نص أمبول كالسيوم , ويتم وضعهم في محلول 500 سم جلوكوز 5% ويتعلق المحلول للمريض .
ولو لسه موجود ياخد أمبول ديكلوفين عضل
بعد المغص يهدى ,, تطلب من المريض يعمل تحليل بول urine analysis
نتيجة التحليل : نشوف 3 حاجات فيه : الأملاح crystals والخلايا الصديدية pus cells وخلايا الدم الحمراء RBCs
1- لو فيه أملاحcrystals :على حسب نوعها بياخد العلاج
# حمض اليوريك uric acid : بياخد فوار يوروسولفين urosolvin eff. أو يريفين urivin eff.كيس فوار على نص كوب ماء مرتين أو 3 مرات في اليوم
ولو فيه وجع في الكعب معاه ياخد no-uric eff.
# لو كالسيوم أوكسالات ca-oxalat :بياخد فوار إبيماج epimag eff. نفس الاستعمال السابق
> ويمنع من الاملاح زي املاح الموجودة في المانجا والطماطم والسبانخ والشاي والحوادق
وفي الحالتين دول الفوار يستخدم لفترة مش أقل من 3 أسابيع ويعيد التحليل وميبطلش غير لما يظهر التحليل سليم حتى لو شعر إنه اتحسن .
# لو فوسفات phoshat :أقراص بياخد vitacid-c tab.
2- الخلايا الصديدية pus cells :
لو من 0-5 ـــــ عادي .
لو من 6-30 ـــ ياخد كبسولاتuvamine retard caps.مرتين في اليوم .
لو من 30- 100 ـــ هيحتاج مضاد حيوي مناسب له زي
ciprofar كل 12 ساعة لمدة 10 أيام .
لو أكتر من 100 يعمل مزرعة culture
3- خلايا الدم الحمراء RBCs :
لو موجودة في التحليل يبقى يتعرض على دكتور مسالك بولية ( وهيحتاج يعمل سونار بس ميعملش برضو غير لما دكتور المسالك يشوفه )
..:: ملحوظة ::..
* متعلقش محاليل لو المريض قالك إنه عنده حصوات لأنها هتزود الوجع
** نبه على المريض إنه لو أهمل أخذ الفوار ممكن الأملاح تزيد وتعمل حصوات وتبقى المشكلة أكبر .
----------------
تعليق