&& يوميـــــــــــــات في الصيدليـــــــــــــة &&

[امه الله1]

رد: && يوميـــــــــــــات في الصيدليـــــــــــــة &&

أنا عمري أصلا ما رديت عليهم
المدربة هي التي كانت تتصرف معهم
لكن كنت أفكر كيف أتصرف مستقبلا إن شاء الله
فمن بين الأمور التي فكرت فيها بحيث لا ألجأ للكذب هي المراوغة أشرح لك كيف ذلك :
أقول له ليس لدي الدواء المطلوب، وفعلا هو ليس لدي فهو في الدرج
أو مثلا لا نستعمله وأقصد بذلك أننا لا نتناوله وهذا صحيح
يعني نلجأ للمرواغات دون كذب
هذا ما فكرت به والله أعلم

ايوه صح عرضي في الكلام وانتي بقي علي حسب نيتك فهماني؟
ربنا يجزيكي خير
انا كنت بردوا بفكر في كده انا عمري ما اتعرضت ليها بس دايما عندنا الصيادله بيكونوا معاهم عصايا في المحل عشان المواقف دي عشان ممكن يصورلك قتيل في الصيدليه

[خديجة أحمد]

رد: && يوميـــــــــــــات في الصيدليـــــــــــــة &&

ايوه صح عرضي في الكلام وانتي بقي علي حسب نيتك فهماني؟

ربنا يجزيكي خير
انا كنت بردوا بفكر في كده انا عمري ما اتعرضت ليها بس دايما عندنا الصيادله بيكونوا معاهم عصايا في المحل عشان المواقف دي عشان ممكن يصورلك قتيل في الصيدليه

نسأل الله أن يحفظنا ويبعد عنا شرهم
جزاك الله خيرا أخيتي

[امه الله1]

رد: && يوميـــــــــــــات في الصيدليـــــــــــــة &&

بعتذر عن التاخير ان شاء الله اكمل

[امه الله1]

رد: && يوميـــــــــــــات في الصيدليـــــــــــــة &&

Day20

احيانا ... يطلب المريض الدواء بطريقة غريبة جدا . . مضحكة احيانا

" فوازير صيدلانية "

>>1<<
يدخل الرجل .. يلقي السلام ثم يقول :
انا عاوز الأقراص اللي في البرطمان بتاعة السكر

ايه رأيكم ؟؟

Answer : Cidophage 850 mg

فعلا هو دواء لعلاج السكر .. و الاقراص مش في شرايط .. في " برطمان"

>>2<<
امرأة ... طلبت مني الآتي :
الكريم الصيني اللي بعشرة جنيه .. ابو غطاء نبيتي .. و بيستورد من السعودية !!

بعد بحث استمر طويلا...فشل الجميع في ايجاد طلبها
ذهبت لاخبرها انه ليس متوفر لدينا
فـ..... استندت علي الزجاج و نظرت للاسفل
و فتحت فمي لاتكلم و اخبرها .... و لكنني قلت : اهوووو
كان تحت الزجاج بجانب المعجون و الصابون

اقدم لكم ... YoNG CHiN

>>3<<
يشكو من الصداع قائلا :
أنا عاوز أكياس الصداع

اعتقد انا حكيت لكم عن حكاية الاكياس قبل كده
(فاكرين ... كيس الـCatafast)
عموما ... الاكياس بتاعة الصداع كانت Nimalox
فيه 3 اكياس اكتشفتهم حتي الان (Catafast - Brufen - Nimalox)... القي نظرة عليهم في الصيدلية

موجود في قسم الtablets عادي ...

>>4<<
احد الزبائن المعروفين عندنا ...
يشكو من مغص و مش بيهضم الاكل كويس ...
طلب اقراص استحلاب.. تؤخذ قبل الاكل بربع ساعة .. و لون الاقراص هو الابيض

لم نجد طلبه ....
فأعطته مدربتي دواءا اخر لعلاج المغص Spasmo-Digestin,,....و طلع هو الدواء اللي هو عايزه

اقراص للبلع عادي ... مش عارفة هو افتكرها اقراص استحلاب ليه !؟

>>5<<

جاءنا شابًا يعمل في القهوة المجاورة قائلا :
لو سمحتي عاوز " بظَّاظة كوناكومب "

منعت نفسي من الضحك بصعوبة....
انا عرفت ان قصده KENAKOMB .. بس ايه البظاظة دي بقي .. الله اعلم
طلبت من مدربتي تشوف هو عاوز ايه ... و راقبتهم من جانبٍ اخر
اعاد الطلب مرة اخري ... عاوز " بظَّـاظة كوناكومب "

لم الحظ اي تغير علي معلمتي ... ذهبت و احضرت له مرهم KENAKOMB ... و بعد ان انصرف
قالت لي ... بظَّاظة معناها أنبوبة مرهم
يا سبحان الله !!

>>6<<

ما هذا الجهاز الذي امسكه بيدي ؟؟؟؟

سأترك لكم الاجابة ... و اخبركم بقصته المرة القادمة ان شاء الله

تابعونا,,,,,

[Dr.Sarah || ~]

رد: &amp;&amp; يوميـــــــــــــات في الصيدليـــــــــــــة &amp;&amp;

حلوة المعلومات دي

بس طبعاً ما بعرف الجهاز

[العائده الى مولاها]

رد: &amp;&amp; يوميـــــــــــــات في الصيدليـــــــــــــة &amp;&amp;

السلام عليكم ورحمة الله وبركاته
ارجو منكم الدعاء لاختنا امه الله 1 بالشفاء العاجل وان تعود الينا سالمه معافيه باذن الله
اسال الله الكريم رب العرش العظيم ان يشفيها شفاءا لا يغادر سقما

[امه الله1]

رد: &amp;&amp; يوميـــــــــــــات في الصيدليـــــــــــــة &amp;&amp;

بعتذر عن التاخر ده كله في الموضوع ولكن ده كله بسبب ظروف صحيه وان شاء الله نكمل قريب سوا , اسالكم الدعاء

[رقية 2]

رد: &amp;&amp; يوميـــــــــــــات في الصيدليـــــــــــــة &amp;&amp;

بعتذر عن التاخر ده كله في الموضوع ولكن ده كله بسبب ظروف صحيه وان شاء الله نكمل قريب سوا , اسالكم الدعاء

7

شفاكِ الله وعافاكِ يا أمة

في انتظارك إن شاء الله

[~باغية الجنان العلى~]

رد: &amp;&amp; يوميـــــــــــــات في الصيدليـــــــــــــة &amp;&amp;

شفااااااااك الله وعاااافاك يا امة
بجد اعتذر ما رايت مشاركة العائدة قبل الان

كيف صرتي الان ؟

[امه الله1]

رد: &amp;&amp; يوميـــــــــــــات في الصيدليـــــــــــــة &amp;&amp;

Day21

هذا السلاح الفتاك

"مسدس الحِلقان"

كان يا مكان ... جاءنا رجلا و زوجته يصطحبان الضحية ..
طفلة عمرها " اسبوع " .. تسمي حلا
نزل الصيدلي ليقوم بالمهمة ...
احضر الجهاز ... و استدعاني
فذهبت و انا في شدة الاشتياق لاري ما سيحدث ..
امسكت الام بالطفلة ... و كلما اقترب الصيدلي بالمسدس تتحرك الطفلة .. فلا تنجح العملية
امسكت الام برأسها باحكام و أغمضت عيونها ... و قام الصيدلي بوضع الجهاز علي اذن الضحية
و......... طننننننننننن !!
ثقبت الاذن الاولي .... و وجدنا الطفلة تشهق شهقة مخيفة ,,, ثم انفجرت في البكاء

و تكرر الموقف في الاذن الثانية ... و الطفلة تبكي بكاءا مريرا يدمي له القلب و ترتعش بشدة يقشعر لها الجسد ...
الاختلاف الوحيد في هذه المرة ان الاب ايضا قام باغلاق عينيه ..

بعد ذلك .. كان منظر الاب و الام رائعا ... نظراتهما للطفلة تشع حنانا سبحان من ألقاه في قلبيهما


دي العلبة التي تحوي سلاح الجريمة ...

عبارة عن مسدس .. و قلم

نستخدم القلم عشان نحدد موضع الثقب بدقة .. و نتأكد ان الثقبين متماثلين في كلا الاذنين... مش واحد فوق و واحد تحت

بعد ما نحدد الموقع بالقلم ... نمسك بالمسدس و نضع اذن الضحية في المكان المفتوح بأعلاه

و نضغط الزناد !! لينطبق المسدس علي الاذن المسكينة .. مما يؤدي الي ثقبها

يا حبيبتي يا ودني



دي بقي ... العلبة المثيرة للمشكلات ... الـ calmepam ذات التركيز القليل ... 1.5 mg
التركيز الاعلي 3 mg

للحديث بقية باذن الله

[طريقي لربي]

رد: &amp;&amp; يوميـــــــــــــات في الصيدليـــــــــــــة &amp;&amp;

جزااااااك
الرحمن
خيراااااااااااااا


مبااااااااااااااااارك
الاشراف يا امة الله

[~باغية الجنان العلى~]

رد: &amp;&amp; يوميـــــــــــــات في الصيدليـــــــــــــة &amp;&amp;

حياااااااااك الله عاشقة خديجة

منذ متى لم نركِ
افتقدناكِ وافتقدكِ قسمك وتخصصكِ

حمدا لله على عودتــــك

[امه الله1]

رد: &amp;&amp; يوميـــــــــــــات في الصيدليـــــــــــــة &amp;&amp;

Day22

وصلت الصيدلية و سلمت علي مدرباتي الثلاثة ... ثم صعدت الي اعلي لاحضر البالطو ....
ارتديته و وضعت الموبايل في جيبي و احضرت قلمي و كشكولي و نزلت لهم تاني ...
لاقيتهم متجمعين حول " جهاز الضغط " و كان واضح عليهم انهم مستمتعين اوي ...
اقتربت منهم .. وسألتهم ما الجديد في جهاز الضغط اليوم ... ؟!
ضحكوا الثلاثة و قالوا في نفس واحد :
" الزئبق طلع برّه ! "
احضرت احدي معلماتي سيرنجة و قامت بسحب الزئبق لداخلها .. ثم افرغته داخل الجهاز مرة اخري .. وقاست ضغطتنا كلنا
خلي بالكم الزئبق بيااااكل الذهب ... زي .... ؟
زي الــ ... يا رب تكونوا فاكرينه .. يا رب


بعد كده قمت بترتيب " الاكسسوارات " ... دي الحاجات اللي في الصيدلية غير الادوية ... زي الشامبو و الصابون و مزيلات العرق و العطور .....

طبعا كلنا عارفين الجل ... بالذات Haircode اللي بجنيه
انا ببيع كل يوم علي الاقل 5-6 أكياس..


انا سمعت قبل كده عن صابون الكبريت ... صابون طبي .. صابون جلسرين
انما صابون حمضي ... جديدة دي

.... يحافظ علي حموضة الجلد الطبيعية ... يا سلام ؟!!
المكونات :
benzoic acid
tartaric acid
salicylic acid


بعد ان انهيت ترتيب الاكسسوارات ... صعدت الي اعلي و القيت نظرة علي ادوية التلاجة ...

لاحظ ان الثلاجة مظبوطة علي 1 ... أقل حاجة



ده احد انواع الانسولين ... Humulin N
يا تري Cloudy ولا Clear ... شوفوا انتم بقي ..
معلومة لاقيتها في الـpamphlet بتاعة الدواء :
insulin doesn't pass through the placenta barrier
اذن الانسولين مش خطر علي الست الحامل ... لانه مش هيقدر يتجاوز المشيمة فبالتالي مش هيوصل للجنين ..
هاااااااااااااااااام: الست الحامل اللي عندها سكر وبتتعالج بحبوب ممنووووووووع منعا باتا تاخد الحبوب وقت الحمل بتبدل العلاج بانسلوين وبعد الولاده ترجع لعلحها الطبيعي وطب لييييية؟
المتفوق يقولي؟



ده الـcloudy insulin علي الطبيعة .. زي ما انتم شايفين بيكون معكر .. لانه في صورة suspension

أما الـclear insulin ... عبارة عن solution



ده بقي ... " مصل " .. عشان نعالج بيه التسمم الناتج من عضة الثعبان ..



الله اعلم ايه ده .... هسأل و ابقي اقولكم بكرة ان شاء الله



الدواء ده عبارة عن calcitonin spray مستخرج من سمك السلمون ..
بيستخدم في امراض هشاشة العظام ...


نزلت تاني و صرفت كام روشتة ... واحدة فيهم كان فيها اول دواء " نفسي " يمر عليا ,,

داوء لعلاج بعض الامراض النفسية ... زي الاكتئاب و انفصام الشخصية . . schizophrenia
العلبة عبارة عن 7 أقراص ... بــ 160 جنيه



اخر حاجة عملتها كانت ممارسة هوايتي الجديدة ... "قصقصة" الكيتوفان و النوفالجين ...
لانهم بيتباعوا بالواحدة .. و شغالين تمام زي اكياس الجل بالظبط ..- رغم اني مش موافقة علي الحكاية دي -


تابعونا,,,,,

[امه الله1]

رد: &amp;&amp; يوميـــــــــــــات في الصيدليـــــــــــــة &amp;&amp;

جزااااااك
الرحمن
خيراااااااااااااا


مبااااااااااااااااارك
الاشراف يا امة الله

جزاكي الله خيرا ومبارك عليكي النقاب

[العزة فى طاعة الله]

رد: &amp;&amp; يوميـــــــــــــات في الصيدليـــــــــــــة &amp;&amp;

جزاكِ الله خيراً يا غالية مواضيعك قيمة كعادتك
بارك الرحمن وفيكِ ونفع بكِ
وأعانكِ على هذه الدراسة ...