ممكن تفهمونى

[عزتى سرها اسلامى]

انا كتبت الموضوع مرتين واتشال
كان بعنوان (مش عايزينها اسلامية)
لو شلتوه عشان العنوان يبقى مش قريتوه وعرفتو محتواه

بجد انا اتضايقت اوى افتكرت الاول انه اتشال بالغلط لكن للمرة التانية يتشال من غير حتى ترك رسالة
اعتقد من حقى افهم كعضوة معاكم

[الروح والريحان]

رد: ممكن تفهمونى

السلام عليكم ورحمة الله وبركاته
اهلا بيك فى منتدى الطريق الى الله
نورت المنتدى
انا راقبته مش شلته
لان فى صور نشرها الضرر منه أكبر من الفائده
تم مراقبة الموضوع لحين نظر فى أمر الصور فقط
ارجو منك الا تغضبى
مش نرضى زعلك أبداااااااااااااااا
وعايزينك معانا على طول
ودى هديه صغونه منى
بصالحك بيها

وعايزاكى بقى تقوليلى ان
دينا مش زعلانه خااااااالص ومترحمناش
من جميل مشاركاتك

[عزتى سرها اسلامى]

رد: ممكن تفهمونى

بالعكس الصور بتوضح مدى فكر من يستهزأ عن طريقها
وده غالبا اسلوبى فى الموضوعات بحاول اجمع اكتر من مستند
ولازم نفهم ده عشان نوصل لافكار غيرنا
والموضوع كمحتوى اللى هيقراه هيفهم قصدى وكمان الصور مش هى عماد الموضوع

عامة بحترم قراركم ايا كان رغم عدم اقتناعى
وشكرا ليكم

[عزتى سرها اسلامى]

رد: ممكن تفهمونى

نظرتو فى امر الصور ولالسة؟؟

[عزتى سرها اسلامى]

رد: ممكن تفهمونى

ممكن حد يرد عليا فى شأن موضوعى؟؟

[أمة الله والحمد لله]

رد: ممكن تفهمونى

أختى الكريمه
أنتظرى قليلآ
لأن الأخت قالت لكى أنها تراقب الموضوع
وهذا الأمر يأخذ بعض الوقت لعرضه على الأداره
و؟أعلمى أختى الكريمه أن كل ما يقومون به
هو لمصلحتك أنتى أولآ وأخيرآ

والله أنا لم أرى موضوعك لكن الأكيد أنهم سيقومون بالصالح
لكى ولنهج المنتدى

ممكن سؤال
أنتى دخلتى الخاص ولا لسه؟
يلا بقه عايزينك هناك
أدخلى هنا عشان تشتركى بالخاص

قسم الأخوات الخاص وكيفية دخوله

منتظراكى أختى الكريمه

[عزتى سرها اسلامى]

رد: ممكن تفهمونى

هو انا اشتركت وكان جالى رسالة انى اشتركت بس مش عارفة ابقى موجودة ازاى بقى او اتواجد ازاى

[أمة الله والحمد لله]

رد: ممكن تفهمونى

أختى الكريمه دينا
لما تدخلى المنتدى
حتلاقى المنتدى الخاص ظاهر لكى
كما بالصوره


طالما إنك أشتركتى
يلا أدخلى وعرفينى عرفتى تدخلى ولا إيه؟

[عزتى سرها اسلامى]

رد: ممكن تفهمونى

هو ظاهر بس مكتوب جمبه خاص
يمكن عشان انا لسة قايلة القسم من شوية؟؟

[أمة الله والحمد لله]

رد: ممكن تفهمونى

هو ظاهر بس مكتوب جمبه خاص
يمكن عشان انا لسة قايلة القسم من شوية؟؟

طالما مكتوب خاص
يبقى لسه ما أتفتحش ليكى لسه
فأصبرى حتى يتم فتحه لكى

[عزتى سرها اسلامى]

رد: ممكن تفهمونى

حاضر
وشكرا لاهتمامك وذوقك بجد مش عارفة اشكرك ازاى

[سهير(بنت فلسطين)]

رد: ممكن تفهمونى

السلام عليكم
اخيتي دينا كما قلت لك هنا الامور مراقبة بدقة كبيرة , وتحتاجي لبعض الصبر, اي اي موضوع يجبر ان يمر على المراقبات واذا وجدوا به ولو شك بسيط يضعوه تحت المراقبة حتى يتوصولا للنتائج ويتأكدوا مئة بالمئة ان الموضوع لا يوجد به اي شائبة , انا لا اريد ان اخسرك بالمنتدى , ورح ازعل كثير اذا اهملتي اعز منتدى على قلبي , وانا بعرف انك مبدعة ومميزة في مواضيعك وان شاء الله هنا سوف يكتشفوا هذا وصدقيني عندما يروا ابداعتك ستكوننين مميزة هنا لانه يمنحون قيمة لكل عضو وعضو والمتميز يبينون له ذلك بالكثير من الامور , انتظر جديدك بفارغ الصبر

[عزتى سرها اسلامى]

رد: ممكن تفهمونى

شكرا ليكى ياسهير انا بس ببقى متحمسة لما بعمل موضوع لما بحس انه مهمش بضايق خاصة ان لحد دلوقتى مجاش رد اكيد مش كل بيتشاف الموضوع خاصة انه مش سىء هو الاختلاف عالصور اللى فيه ومع ذلك الصور مش عماد الموضوع دى حقائق بس لفكر ناس تانيين
والموضوع نجح فى اماكن كتير فحبيت اوريه للاعضاء هنا حتى نتناقش فيه
فده اللى زعلنى
اولا لما اتشال متبعتليش رسالة وقعدت ادور لحد ماكتشفت بنفسى وعملت موضوع تانى عشان اسأل
ثانيا:من ساعتها بينظرو فى امر الموضوع
طبيعى ياسهير أمل ومش ابقى حبة اكتب تانى لانى خايفة كل مانزل حاجة يحصل فيها كده
فنا هكتفى بالمشاركة فقط فى المنتدى على موضوعات اخواتى
لكن ككتابة بصراحة حماسى قل فى المنتدى هنا
والمنتدى جميل فعلا والله وانا هشارك فيه دايما فى موضوعات اخواتى

[الروح والريحان]

رد: ممكن تفهمونى

شكرا ليكى ياسهير انا بس ببقى متحمسة لما بعمل موضوع لما بحس انه مهمش بضايق خاصة ان لحد دلوقتى مجاش رد اكيد مش كل بيتشاف الموضوع خاصة انه مش سىء هو الاختلاف عالصور اللى فيه ومع ذلك الصور مش عماد الموضوع دى حقائق بس لفكر ناس تانيين
والموضوع نجح فى اماكن كتير فحبيت اوريه للاعضاء هنا حتى نتناقش فيه
فده اللى زعلنى
اولا لما اتشال متبعتليش رسالة وقعدت ادور لحد ماكتشفت بنفسى وعملت موضوع تانى عشان اسأل
ثانيا:من ساعتها بينظرو فى امر الموضوع
طبيعى ياسهير أمل ومش ابقى حبة اكتب تانى لانى خايفة كل مانزل حاجة يحصل فيها كده
فنا هكتفى بالمشاركة فقط فى المنتدى على موضوعات اخواتى
لكن ككتابة بصراحة حماسى قل فى المنتدى هنا
والمنتدى جميل فعلا والله وانا هشارك فيه دايما فى موضوعات اخواتى

السلام عليكم ورحمة الله وبركاته
اختى والله ماأردنا ان نُغضبك ابداً
بل واجبنا خدمتك وادخال السرور على قلبكِ
والموضوع اتراقب لمصلحتك انتِ
وخوفاً عليكِ
شوفى الفتوى دى

أخواتي الفضليات

على كثرة ما رأيت من المواضيع التي بها نشر للصور المسيئة للإسلام كان من الواجب علي نقل هذه الفتوى بين أيديكم كي يتّضح الحكم في ذلك

ولكي نعلم جميعا ً أننا لا نخدم الإسلام حينما ننشر هذه الصور وتلك المواضيع

بل من غير شعور هم ينشرون ونحن نعمل لديهم من دون مقابل ..

فإليكم هذه الفتوى وهي عن فضيلة الشيخ :

عبد الرحمن السحيم

إن العلماء نَصُّوا على أن إنكار المنكر يجب أن يكون بلا مُنكَر .

أي أن الذي يُريد إنكار مُنكَر لا يرتكب مُنكراً آخر أعظم منه ، ولا مُساوياً له .

فلو أن إنساناً رأى جريمة زنا وأراد أن يُحذِّر الناس منها .. فهل يَسُوغ له أن ينشر صور تلك الجريمة بحجة إنكار المنكَر ؟

الجواب : لا

وجريمة الزنا تتعلق بِعرض إنسان مسلم .

وتلك الصور تتعلّق بأعظم إنسان وبأشرف وأفضل مخلوق ، وهو محمد صلى الله عليه وسلم ..

و تتعلّق بِدِين الله وبأمة الإسلام جمعاء .

فكيف تَطيب نفس مسلم يؤمن بالله واليوم الآخر أن ينشر مثل تلك الصور البشعة ؟

وسَماع ما قيل عنها يُصوّر بشاعتها .. وفي سماع خبرها كفاية عن رؤية صُور آثمة مُجرِمة ..

فلا يجوز نشر تلك الصُّوَر القذرة ..

ولا يُعذر الإنسان في نشر تلك الصور كونه حَسن النية أو سليم الْمَقْصِد .

وعلى من نَشَرَها أن يقوم بمسْحِها ..

وأن يستغفر الله مما فَعَل ، ويتوب من ذلك .

والله تعالى أعلم .

طبيعى ياسهير أمل ومش ابقى حبة اكتب تانى لانى خايفة كل مانزل حاجة يحصل فيها كده
فنا هكتفى بالمشاركة فقط فى المنتدى على موضوعات اخواتى
لكن ككتابة بصراحة حماسى قل فى المنتدى هنا
والمنتدى جميل فعلا والله وانا هشارك فيه دايما فى موضوعات

عندك حق بس
هقولك حاجه يادينا
ربنا يبارك فيك ويجعله فى ميزان حسناتك
لما كنت لسه جديده فى المنتدى كنت كل مااحط موضوع اجى ابص عليه الا قيه مكرر أوملا قيهوش خالص
فزعل وبعدين اقول لنفسى ايه تزعلى ليه انتى مش حطاه لله ونيتك لله
مش مهم بقى مكرر ولا لاء
المهم ربنا عالم نيتك ربنا يجزنى على نيتى ورب نيه أبلغ من عمل
فسبحان الله الاقى نفسى خلاص مش زعلانه
وأعتقد إن بعد ماشوفتى الفتوى هتحطى مواضيعك وأنتى مطمنه
وانا قولتلك بجد منقدرش على زعلك أبداااااااااا
وموضوعك أهو
https://forums.way2allah.com/showthread.php?t=161520
منور فضفضه

[عزتى سرها اسلامى]

رد: ممكن تفهمونى

السلام عليكم ورحمة الله وبركاته
اختى والله ماأردنا ان نُغضبك ابداً
بل واجبنا خدمتك وادخال السرور على قلبكِ
والموضوع اتراقب لمصلحتك انتِ
وخوفاً عليكِ
شوفى الفتوى دى

حبيبتى انا شفت الفتوى وعارفاها من قبل بس انا مش نزلتها حسن نية كمان لاء انا نزلتها اخطار بالحقيقة ودليل على الموضوع انا صحفية اصلا واشتغلت فى الصحافة بقالى سنتين ونص تقريبا وده اللى اتعلمته
كان ممكن يبقى حرام وغلط لو انا جايبة الصور من غير موضوع لكن الموضوع بين تفاهة من سخر بالاسلام والمسلمين
وهى مش عماد الموضوع بالعكس اللى هيقرا الموضوع هيفهم قد ايه ان فى مؤامرة دنيئة على الاسلام لتشويه الصورة وده اللى حبيت اقوله وابينه

عندك حق بس
هقولك حاجه يادينا
ربنا يبارك فيك ويجعله فى ميزان حسناتك
لما كنت لسه جديده فى المنتدى كنت كل مااحط موضوع اجى ابص عليه الا قيه مكرر أوملا قيهوش خالص
فزعل وبعدين اقول لنفسى ايه تزعلى ليه انتى مش حطاه لله ونيتك لله
مش مهم بقى مكرر ولا لاء

لاء فى فرق ان الموضوع من مجهودى ومش مكرر فالضيق والذعر بيبقى اكتر لان بحس ان مجهودى وفكرى راح خاصة لما يكون مقال
المهم ربنا عالم نيتك ربنا يجزنى على نيتى ورب نيه أبلغ من عمل
فسبحان الله الاقى نفسى خلاص مش زعلانه
وأعتقد إن بعد ماشوفتى الفتوى هتحطى مواضيعك وأنتى مطمنه
وانا قولتلك بجد منقدرش على زعلك أبداااااااااا
وموضوعك أهو
https://forums.way2allah.com/showthread.php?t=161520
منور فضفضه

انا بحترمك على كلامك ونقاشك وانا سعيدة بوجودى بينكم والله ومش زعلانة اطلاقا بس اللى ضايقنى عدم ترك رسالة حتى
لكن مش هزعل من ناس قصدها نشر الخير والتقرب من الله
يكفى اسم المنتدى الطريق الى الله وهل احسن من هذا طريق
ربنا ينورلنا الطرق كلها ويجعلها فى الخير
ويمكن دى بداية خير عشان نتعرف على بعض