السلام عليكم ورحمة الله و بركاته
انا لسه جديده فى المنتدى بس حبيته اوووى و ارتحت فيه ![Heart](https://forums.way2allah.com/core//images/smilies/MSN/heart.gif)
![Heart](https://forums.way2allah.com/core//images/smilies/MSN/heart.gif)
كنت عاوزة افضفض معاكم شويه ... تسمحولى ؟؟
انا كنت مخنوقة و مدايقة من حاجات كتيرة فى حياتى و حاسة انى لوحدى و محدش حاسس بيا .
و خلاص استسلمت و فضلت اعيط كتير بس بعد شويه كده لقيت نفسى بقول " هو انا بعيط ليه دلوقتى "؟؟ هو انا زعلانة ليه و مدايقة ليه ؟؟ لو كل واحد فينا اخد كل حاجة على اعصابه ووقف عند كل نقطه فى حياته و الله هيفضل مهموم علطوووول
مهما بكى و اشتكى بردو هيفضل مهموم برضو هيفضل حاسس ان فى حاجة نقصاه , هيفضل حاسس ان الهموم و المشاكل قصداه .
الدنيا مش مستاهلة اننا نفضل نزعل على يوم فات و راح و برضو مش مستاهلة اننا نقلق من بكره اللى لسه مجاش ... خلى كل حاجة على ربنا و بسسسسسسسسسس
توكالك على ربنا و بس ,,, فوض امرك لربنا و بسسسسسس ,,, ربنا سبحانه و تعالى بيدبرلك امورك بما فيه الخير و عمر ما هيكون قضاء و قدر ربنا شر ليك و الله العظيم عمره ما هيكون شر ابدااااااااااا ...
فكروا فى اى ابتلاء ربنا سبحانه و تعالى ابتلاكم بيه و فكروا لو مكنش الابتلاء ده حصل يا ترى كان هيكون شكل حياتك ازاااى ؟؟
هتلاقيه كان خير ليك بأذن الله,,,
لازم يكون عندنا ثقة ان قضاء و قدر ربنا لينا عمره ما هيكون شر لينا لأن ربنا رحيييييييم اووووووى بينا و بيحبنا اوووووووى
لو مخنوقين و مدايقين و شايفين الدنيا غامقة اوووى فى وشكم روحوا اشتكوا لربنا و ادعولوا بتضرع و خشووووع و رجاء منه سبحانه و تعالى .
فكر فى نعم ربنا عليك اللى مغرقاااااااااااااااك و ساعتها هتحس بفرحة ان ربنا مديك النعمة الجمييييله ده و غيرك فاقدها و لو لقيت نعمة عند غيرك و مش عندك تأكد ان ربنا هيبدلك خيرا منها فى الاخرة ان شاء الله تعالى
و الواحد مننا دايما بيبص للحاجة اللى نقصاه و مش بيبص للحاجة اللى فى ايده و مبيعرفش قيمتها غير لما يفقدها ,,, ساعتها فعلا بيحس انها كانت نعمة من ربنا " و ان تعدوا نعمة الله لا تحصوها "
و مفيش فى الدنيا وقت نضيعه فى التفكير و التدبير لأمورنا و مهما فكرت و خططت بردو تدبير ربنا ليك هيكون فوق كل شيئ و افضل من اى شيئ ,
فاشكر الموجود ولا تضيع الوقت فى الحزن على المفقود
برتاح اووووى لما بفكر فى الجمله الرااااائعة دى " ما أصابك لم يكن ليخطئك و ما أخطئك لم يكن ليصيبك "
فعلا كل حاجة فى الحياه دى من تدابير ربنا سبحانه و تعالى لينا و ليس فى الامكان افضل مما كان
اعذرونى لو كلامى مش مرتب بس الكلام ده طلع منى كده من غير ترتيب
و السلام عليكم ورحمة الله و بركاته
بحبكم فى الله ![Heart](https://forums.way2allah.com/core//images/smilies/MSN/heart.gif)
![Heart](https://forums.way2allah.com/core//images/smilies/MSN/heart.gif)
تعليق