إعـــــــلان

**أم الشهيد** · 17-05-2008, 08:39 PM

رد: ممكم تتجوزى كده؟؟؟؟؟؟؟؟؟؟

بصي ياستي بما اني لسه مش مريت بتجربه ولاحاجه

انا ممكن اقولك تصوري دلوقتي

مفيش اصلا شبكه والبنت ممكن عادي تتجوز من غير شبكه وترضي بس بخاتم الزواج المشكله هنا في الاهل انهم هيقولوا اشمعني بنتنا اللي مش يجيلها شبكه

بس ده بردوا يتوقف ع العريس يعني لو ميسور الحال ايه المشكله انه يجيب هديه لزوجته ع شكل الشبكه دي؟ ولاهو بخل وخلاص

لان الشبكه بردوا ليها فرحه للبنات

وعارفه ان فيه اخوات هيقولوا دي بدعه وتكلف ومش عارفه ايه...عموما انا قلت رايي ومتابعه معاكم ان شاء الله والله المستعان ويرزقنا جميعا بالازواج الصالحه..

**tsnim** · 17-05-2008, 08:57 PM

رد: ممكم تتجوزى كده؟؟؟؟؟؟؟؟؟؟

لاليس لازم شبكه المهم الزوج الصالح بحق اما الباقى فهو هين0000فكم من ناس جابوا شبكه بقد كده وعملوا فرح بقد كده ثم ما حصل بعد ذالك0000خلاص خلينا فى نفسنا000وهو المهم البركه والسعاده000اللهم ارزقنا ازواج صالحين وذريه طيبه انك سميع الدعاء

**غفرانك ربي** · 17-05-2008, 10:43 PM

رد: ممكم تتجوزى كده؟؟؟؟؟؟؟؟؟؟

الشبكه بيبقي ليها فرحه حتي لو كانت بسيطه

المشكله في الاهل انهم مش بيرضوا بكده الا من رحم ربي

لكن عن نفسي هرضي بشبكه علي قد امكانيات الي هيتقدملي

المهم انه يكون كويس وابن حلال وملتزم وهيعيني علي طاعة ربنا زي مابتمني

**طبيبه مسلمه** · 18-05-2008, 04:31 PM

رد: ممكم تتجوزى كده؟؟؟؟؟؟؟؟؟؟

أختي ام الشهيد ربنا يارب يرزقك الزوج الصالح وتمرى بالخطوه دى يارب

ومحصلشى انى مريت بالتجربه دى
بس انا معاكى ان الاهل ممكن يرفضوا وكده
بس فى بنات كمان بتكون مصممه يجى لها شبكه ومش اى شبكه كمان
ممكن الاهل عادى عندهم والبنت لالالا
وبعدين لو العريس ميسور طيب كده عادى
لكن لو كان لسه على اد حاله وبيدأ حياته يعنى يعمل ايه؟
نعذره ولا نقول هات زى بقيت الناس؟؟؟؟

**طبيبه مسلمه** · 18-05-2008, 04:33 PM

رد: ممكم تتجوزى كده؟؟؟؟؟؟؟؟؟؟

أختي تسنيم والله كلامك مقنع اوى بس فى ناس بتقول لو العريس ماقدمش كتير
لخطيبته ودفع كويس كده ها يتساهل معاها
وهاتكون رخيصه عنده فى اى وقت يتنازل عنها ومش هايقدرها اوىده رأى ناس كتير وانا شفت ادامى كذا حاله كده
والله اعلم

**طبيبه مسلمه** · 18-05-2008, 04:35 PM

رد: ممكم تتجوزى كده؟؟؟؟؟؟؟؟؟؟

غفرانك ربى
ماشاء الله كلامك موجز وجميل اوى ربنا يرزقنا الازواج الصالحين

**3alia2** · 18-05-2008, 05:02 PM

رد: ممكم تتجوزى كده؟؟؟؟؟؟؟؟؟؟

جزاكى الله خيرا على الموضوع

انا طبعا اوافق لو كان زوج صالح ويستاهل وطالما هو ظروفه كده خلاص ما فيش مشكلة
وده فعلا اللى حصل معايا انا الحمد لله متزوجة وفعلا الشبكة كانت حاجة بسيطة جداا
وده كمان الحمد لله راى بابا وهو كان بيقول للى يتقدملى انا واخواتى دى هدية منك واللى انت عاوز تجيبه هاته والحمد لله مش كان بيفرض على حد شبكة بمبلغ معين واعتقد ده المفروض

اللى يقول هتكون رخيصة من غير الشبكة
لالالا طبعا مش كده خالص انتى المفروض كده كده غااالية عنده مش الشبكة هى اللى هتغليكى وترخصك
وان شاءا لله ربنا يرزقكوا بالازواج الصالحييييين والذرية الصالحة ياااااارب

**جهاد الشرقاوى** · 18-05-2008, 06:35 PM

رد: ممكم تتجوزى كده؟؟؟؟؟؟؟؟؟؟

طبعا نقبل نتجوز من غير شبكخ وكفايه حاجه رمزيه بس اهم حاجه يبقى انسان ملتزم وابن ناس مش داخل يستهبل ويقول اهى الشبكه دبله ومحبس ولو العروسه معجبتنيش اسيبهم لها وامشى

**أم حمزه** · 19-05-2008, 03:06 AM

رد: ممكم تتجوزى كده؟؟؟؟؟؟؟؟؟؟

بالنسبة لي " اهم شيء الإلتزام" ..
وبالنسبة للأهل هو اكيد كانوا بيقولوا نفس الكلام اللى قولتوه " انه لازم شبكة ب مش عارفه قد ايه" بس تقريبا وقتها سبحان ربي مش عارفه ايه اللى حصل لأن بابا قال نفس اللى والد علياء قاله " ان الشبكة دي هدية من العريس لعروسته".. وبالفعل ده اللى حصل معايا والكلمة دي اصلا فرقت كتير مع زوجي وبتخلى اي واحد يجيب لعروسته اكتر مما كانت بتتمنى بجد ..
وبعدين يعني على رأيكم " طالما هو ظروفه كويسه يبقى مايجيبش لييه

رزقكم الله بالازواج الصالحين ..

الله المستعان

**رشيده** · 23-05-2008, 07:53 PM

رد: ممكم تتجوزى كده؟؟؟؟؟؟؟؟؟؟

بارك الله فيكى
انا عن نفسى ماجبتش شبكه وجبت دبله وتونز كده وخلاص وبعدين انا من رأيى بلاش التكاليف الى مالهاش لازمه دى

**طريق الجنه** · 23-05-2008, 08:23 PM

رد: ممكم تتجوزى كده؟؟؟؟؟؟؟؟؟؟

انا عن نفسى

جبت حاجات بسيطة

دبله وختمين فقط

واهم حاجة انه يكون انسان

متدين ومحترم

**semsmh** · 26-08-2008, 01:34 AM

رد: ممكم تتجوزى كده؟؟؟؟؟؟؟؟؟؟

انا اوافق اني اتجوز من غير شبكة لاني كده كده مش من محبي الدهب وغير كده مش المهم الشبكة المهم اللي هيجيب الشبكة بسالصراحة مظنش ان اهلي ممكن يوافقوا علي كده او حتي لو وافقوا مش هخلص من التعليقات لو هتكون علي قد التعليقات مش مشكلة بس لو وافقوا اصلا

**أم سمية** · 26-08-2008, 01:46 AM

رد: ممكم تتجوزى كده؟؟؟؟؟؟؟؟؟؟

الزمن اتغير مع الغلاء اللى احنا فيه الأهالى بتوافق على أى حاجه ؟
أنا عن نفسى جتللى شبكه محترمه مجتش لحد بس ده من فتره صغيره ييجى 12سنه بس
والحمد لله كله اتباع عشان متزعلوش وده مش لوحدى .
يعنى الناس هتعمل إيه بس السعاده لسه زى ما هى ا بطاعة الله
اللهم إملأ بيوتنا سعادة بطاعتنا لك ورزقكم الله أزواج صالحين

**طالبة العلم 5225** · 26-08-2008, 04:18 AM

رد: ممكم تتجوزى كده؟؟؟؟؟؟؟؟؟؟

لا تفكرى بمبدأ الماديات ولكن فكرى دائما بمبدأ اختيار شريك الحياه الذى يعاونك ويعينك على أمور دينك ودنياكى ويعنى ااختى منذ متى أصبحت السعاده بقيمة الشبكه ولا بوزنها أخواتى الكريمات لمن تريد العفه والستر لا تفكرى الشبكه مش لازم تكون غاليه أو ثقيله الوزن ولكن ممكن أن تكون شىْ رمزى يكون بمثابة هديه تقديريه من شريك الحياه