لو بتحبى الله ما فعلتى ذلك

[هبة محمود]

اسعد الله أوقاتكم بذكر الله

أختى الغالية

بخاف عليكِ أوى علشان فكرت أكتبلك هذا الموضوع
ايه رايك لو نتوب كلنا النهارده اليوم ولا نسوف
هتقوليلى هنتوب من ايه

نتوب من كل شئ بنعمله بنغضب بيه الله سبحانه وتعالى
لو بنحبه بجد هنعمل اللى هو بيحبه وعايزه صدقينى
ايه رايك نبتدى حاجه حاجه



أختى الغالية
ايه رأيك نتوب النهارده من النمص
انتى ترضى تفضل على طول ملعونين وربنا غضبان علينا
لو ترضى خلاص أكنى مقولتش حاجه وافضلى كده
لمى بتعملى حواجبك بتعترضى على خلقت الله
بتقولى لله أنا مش عاجبنى شكلى اللى أنت خلقته
مع أن هو عايزك كده
صدقينى والله من ترك شيئا لله عوضه بشئ احسن منه
ومتقوليش أن منتقبه ومفيش حد شايفنى غير زوجى
برده مينفعشى لانك بتغيري خلقه الله
صدقينى عندما تتركى هذا الذنب ربنا بينور وجهك والله
أنا بقالى حوالى أكثر من سنتين عقبالك يارب ربنا يتوب عليكى
ازاى وانتى بتصلى بتقولى يارب ارحمنى وانت ملعونه مطروده من رحمته
انا عارفه أن الموضوع فى اوله صعب لكن ربنا يستاهل صح ولا ايه
قومى وصلى لله وادعيه انه يعينك وفرصه الليله ليله الجمعه
وعاهدى الله انك مش هتعمليهم تانى واوعى تسوفى ماحدش ضامن عمره



أختى الغالية
ايه رأيك نتوب من اللبس الضيق
ليه نغضب الله مننا ليه نزعله
صدقينى لو بتحبيه بجد هتعملى اللى هو عايزه
مش لى خطيبك أو زوجك قالك متلبسيش اللبس ده علشان ضيق
هتسمعى كلامه وأنتى مبسوطه
((ولله المثل الاعلى))
ده ربنا سبحانه وتعالى نهاكى عن اللبس ده علشان بيحبك وخايف عليكى
ليه تمشى فى الشارع باللبس الضيق دة وكل واحد شايف جسمك وشايف كل تفصيله فيه
وكل ما شخص يبصلك تأخذى سيئه تخيلى كام سيئه بتاخديها فى اليوم
ولو اى بنت شفتك وعجبتيها وعملت زيك هتخدى سيئه
وكل شاب بيشوفك بتفتكرى انه معجب بيكى لكنه بيحتقرك من جواه ومش بيحترمك
صدقينى لو لبستى لبس محترم وواسع لا يشف ولا يصف
صدقينى هتحسى أنك ملكه والله مش كلام جربى وهتحسى الاحساس ده
ما اجملك بحجابك الذى يرضى الله
ما اجملك بنقابك الذي يرضى الله
ما أجمل لبسك المحترم الذى يرضى الله
صدقينى رضا الله أهم شئ فى الدنيا
الحقى نفسك الموت بيجى فجأه
أنا خايفه عليكى والله العظيم
تيجى نتوب الليله ونطلب العون من الله و تعاهدى الله انك هتغيرى لبسك واحده واحده مش هقولك ابداى مره واحده



أختى الكريمه
ايه رأيك نتوب من الغيبه والنميمه
ولا نذكر أخانا بما لايحب
خلى بالك كل كلمه بنقولها عليها رقيب عتيد
بلاش نتكلم على أحد صدقينى كده أحسن
بلاش نشغل نفسنا بغيرنا
خلينا فى نفسنا وفى اخطائنا وفى عيوبنا
تعالى نبتدى نصلح من نفسنا
تعالى نبدا مع نفسنا صفحه جديده ايه رايك
ولما تكونى قعده مع أصحابك وجابوا سيره حد قوللهم بلاش نتكلم على حد وقولى ربنا يهديها
كل ما بتتكلمى على شخص بيأخذ من حسناتك
واحنا عايزين نزود حسناتنا
احترسى من الغيبه والنميمه
تعالى نعاهد الله ان احنا هنغير نفسنا
نغير أخلاقنا . نغير افعالنا
ندعوا الله أن يعيننا
تعالى نشغل أوقاتنا فى عمل الخير
تعالى نذكر الله سبحانه وتعالى
سمحونى لو كنت طولت عليكم
مين هتعاهد الله اليوم وتتوب



لا تسوفوا أرجوكم
تعالوا نعين بعض على التوبه
اللهم ارزقنا الاخلاص فى القول والعمل

[أنين قلب تائب]

رد: لو بتحبى الله ما فعلتى ذلك

اللهم آمييييييييييين

وأذكر نفسى وأاكى حبيبتى ببيت :
إن المحب لمن أحب مطيع
فلا يُعقل أن نقول نحن نحب الله عز وجل ونفعل ما يغضبه
فأين دليل الحب الفعلى لله عز وجل
جزيتى الفردوس حبيبتى فى الله
ربنا يحبك ويرضى عنك ♥♥

[باحثة عن السعادة]

رد: لو بتحبى الله ما فعلتى ذلك

[اخلاقي قرآني]

رد: لو بتحبى الله ما فعلتى ذلك

[يارجائي من لي سواك]

رد: لو بتحبى الله ما فعلتى ذلك

جزاك الله خيرا
كلمات والله في الصميم
فهل من قلب واع
لا نقول عقول لأن القلوب هي التي تعي كلام الله وتأتمر بأمره وتنتهي عن نهيه
يارب اجعل لنا قلوبا تحبك وتحبها
وعقولا تنقاد لهذه القلوب المحبة حتى نسمع ونطيع

[مخلصة لرب العالمين]

رد: لو بتحبى الله ما فعلتى ذلك

ما شاء الله
ربنا يبارك لك ويرضى عنك أختنا هبه

[الروح والريحان]

رد: لو بتحبى الله ما فعلتى ذلك

وعليكم السلام ورحمة الله وبركاته
جزااك الله خيرا
صدقتِ
اللهم ارزقنا حسن الاتباع
بارك الله فيك ونفع بكِ
ذكر الله

["رثاء الحياة"]

رد: لو بتحبى الله ما فعلتى ذلك

حلو اوى
جزاكى الله خيرا

[وشاح الخجل]

رد: لو بتحبى الله ما فعلتى ذلك

جزاكى الله خير الجزاء

[سهير(بنت فلسطين)]

رد: لو بتحبى الله ما فعلتى ذلك

السلام عليكم ورحمة الله وبركاته
جزاك الله خيرا اخيتي , ورحمك الله واسكنك فسيح جناته

[هجرة الى الله]

رد: لو بتحبى الله ما فعلتى ذلك

جزاكِ الله خيرا
طاعه الله لها نور على الوجهه بصى على اى وجهه لامراه صالحه هتلاقى نور و جمال طبيعى سبحان الله بجد

[fatma22]

رد: لو بتحبى الله ما فعلتى ذلك

رحمكى الله وجعلكى من الشهداء
اللهم أمين

[لبنى التونسية]

رد: لو بتحبى الله ما فعلتى ذلك

جزاك الله خيرا اخيتي , ورحمك الله واسكنك فسيح جناته

[محبة لقاء الله]

رد: لو بتحبى الله ما فعلتى ذلك